■ ესპანელმა ასტრონომებმა გადაიღეს, როგორ ეჯახება მეტეორი მთვარეს. შეჯახებას აფეთქება მოჰყვა. ამ მოვლენას სევილიის ობსერვატორიიდან ორი ტელესკოპით აკვირდებოდნენ.
"ეს იყო უმსხვილესი შეჯახება, რომელიც მთვარეზე დაკვირვებისას დაუფიქსირებიათ", - განაცხადა პროფესორმა ხოსე მადიედომ.
ასტრონომების მოსაზრებით, მეტეორი, რომელიც დაახლოებით ავტომობილის ზომისა იყო, 61 ათასი კმ.სთ. სიჩქარით მოძრაობდა. აფეთქების სიმძლავრე კი 15 ტონა ტროტილის აფეთქების ეკვივალენტური იყო. აფეთქების შედეგად, მთვარეზე 40 მ.იანი დიამეტრის ორმო გაჩნდებოდა.