გავრცელებული ინფორმაციით, ამერიკელი სამხედროები, სინჯარის მთიდან ერაყელი ქურთების ევაკუაციას აღარ განახორციელებენ და მხოლოდ ჰუმანიტარული დახმარების ჩატანით შემოიფარგლებიან. პენტაგონში აცხადებენ, რომ დევნილთა რიცხვი იმაზე გაცილებით დიდი აღმოჩნდა, ვიდრე ამას ელოდნენ. გაეროს მონაცმეებით სინჯარის მთაზე დაახლოებით 20-დან 30 ათასამდე ადამიანი იმყოფება. 2 კვირის წინ ისინი იძულებულები გახდნენ გაქცეოდნენ ექსტრემისტულ დაჯგუფება "ისლამურ სახელმწიფოს", რომელიც ერაყის რამდენიმე ქალაქს აკოტნროლებს.