შიდასახელმწიფოებრივი და ადგილობრივი მნიშვნელობის გზების სამშენებლო-სარეაბილიტაციო სამუშაოებს, დამატებით, 75 მილიონი აშშ დოლარი მოხმარდება. საფინანსო ხელშეკრულებას ხელი დღეს საქართველოს მთავრობისა და მსოფლიო ბანკის წარმომადგენლებმა უკვე მოაწერეს. ხელმოწერის ცერემონიას საქართველოს რეგიონული განვითარებისა და ინფრასტრუქტურის მინისტრი, ელგუჯა ხოკრიშვილი ესწრებოდა.
მსოფლიო ბანკი საქართველოს სახელმწიფოს აღნიშნულ თანხას გრძელვადიანი სესხის სახით გამოუყოფს.