დღეს საქართველოს რეგიონული განვითარებისა და ინფრასტრუქტურის სამინისტრომ დარიალის ხეობაში მიმდინარე გზის გაწმენდითი სამუშაოები მედიის წარმომადგენლებს ადგილზე გააცნო.
დროებითი სატრანსპორტო გზა რამდენიმე დღეში გაიხსნება. სამუშაოები ახალ ფაზაშია გადასული. რთული კლიმატური პირობების მიუხედავად, მუშაობა 24 საათის განმავლობაში მიმდინარეობს. ადგილზე 70 ერთეული მძიმე ტექნიკა და 170-მდე თანამშრომელი საჭირო სამუშაოებს უწყვეტ რეჟიმში ასრულებს.
დამეწყრილი ტერიტორიის გაწმენდას საქართველოს საავტომობილო გზების დეპარტამენტი და სახელმწიფო სამშენებლო კომპანია ახორციელებენ.