„მსოფლიო თამბაქოს გარეშე“ - საერთაშორისო დღესთან დაკავშირებით ღონისძიებები საქართველოშიც გაიმართა. დაავადების კონტროლის ცენტრში შეხვედრა მოეწყო, რომელსაც სხვადასხვა უწყების წარმომადგენლები დაესწრნენ. შეხვედრის სლოგანია „ თამბაქოს წარმოებაზე გადასახადის გაზრდით ავადობისა და სიკვდილიანობის შემცირება“. ჯანდაცვის მსოფლიო ორგანიზაციის მონაცემებით, საქართველოში თამბაქოთი გამოწვეული დაავადებებით ყოველწლიურად 9 000-დან 11 000-მდე ადამიანი იღუპება, მათ შორის 3 000-მდე პასიური მოწევის მსხვერპლია.