"დღევანდელ სხდომაზე წარდგენილი იყო მთავრობის დადგენილების პროექტი სამინისტროს დებულებაში ცვლილებების თაობაზე, რაც ემსახურება სამინისტროს შესაძლებლობების გაძლიერებას ეკომიგრანტთა პრობლემების მოგვარების თვალსაზრისით. სამინისტრომ თითქმის დაასრულა ეკომიგრანტთა საკითხების შესახებ კანონპროექტზე მუშაობა. სამინისტროს დაემატება მინისტრის კიდევ ერთი მოადგილე, რომელიც გაუწევს საკითხს კურირებას, ასევე დეპარტამენტი ორი სამმართველოთი. შესაბამისად ჩვენ გავაძლიერებთ იმ პრობლემების გადაწყვეტას, რაც უკავშირდება სტიქიური მოვლენების შედეგად იძულებით გადაადგილებულ ჩვენს თანამემამულეებს", - განაცხადა დარახველიძემ.