მრგვალი მაგიდა შრომის, ჯანმრთელობისა და სოციალური დაცვის მინისტრმა დავით სერგეენკომ და სასჯელაღსრულებისა და პრობაციის მინისტრმა სოზარ სუბარმა გახსნეს.
დავით სერგეენკოს განცხადებით, აღნიშნული ვიზიტით ძალიან დიდი ნაბიჯი გადაიდგა სახელმწიფო ანტინარკოტიკული სტრატეგიის შემუშავების პროცესში და ძალიან მნიშვნელოვანია დიდი გამოცდილების მქონე კონკრეტული სპეციალისტების თუ საერთაშორისო ორგანიზაციების დახმარება და მხარდაჭერა.
სასჯელაღსრულებისა და პრობაციის მინისტრმა, სოზარ სუბარმა ხაზი გაუსვა ანტინარკოტიკული გლობალური კომისიის ინტერესს საქართველოს მიმართ, რომელიც 2013 წელს სასჯელაღსრულების სისტემასა და სამოქალაქო სექტორში დაწყებულმა C ჰეპატიტის სახელმწიფო პროგრამამ გაზარდა, რომელმაც მკურნალობის ღირებულებისა და მედიკამენტების ფასის არსებითად შემცირება გამოიწვია.