რუსთავში ჟიული შარტავას 70 წლისთავისადმი მიძღვნილი ღონისძიებები გაიმართა. ვიცე-პრემიერმა, ენერგეტიკის მინისტრმა კახი კალაძემ , რეგიონული განვითარებისა და ინფრასტრუქტურის მინისტრმა დავით ნარმანიამ, ქვემო ქართლის გუბერნატორმა გიორგი მღებრიშვილმა, კახეთის გუბერნატორმა ირაკლი შიოლაშვილმა და რუსთავის მერმა დავით ჯიქიამ დღეს, რუსთავში ჟიული შარტავას 70 წლისთავთან დაკავშირებით, ეროვნული გმირის მემორიალი ყვავილებით შეაკეს. მინისტრებმა და მხარის ხელძღვანელებმა ჟიული შარტავას მიერ ქვეყნისათვის გაწეულ ღვაწლზე და მის გმირობაზე ისაუბრეს.