დღეს, პეკინის ოფისში გიგი უგულავა “თავისუფალი ზონის” წევრებს შეხვდა. შეხვედრის დაწყებამდე პეკინის ოფისთან ,,ქართული ოცნების” ახალგაზრდულმა ფრთამ აქცია გამართა. ისინი ციტირებდნენ გაურკვეველ ფრაზებს, კერძოდ სიტყვიერ შეურაცხოფას აყენებდნენ “თავისუფალი ზონისა” და “ერთიანი ნაციონალური მოძრაობის” წევრებს. ასევე მობილიზებული იყო პოლიცია. აქცია დაახლოებით ნახევარი საათის განმავლობაში გაგრძელდა. ამის შემდეგ აქციის წევრები, თავიანთი ხელმძღვანელის მითითებით წინასწარ მობილიზებულ ტრანსპორტში გადანაწილდნენ და დატოვეს ტერიტორია.