ჰონგკონგელმა ერთ-ერთმა ყველაზე მდიდარმა ბიზნესმენმა სესილ ჩაო ცე-ცუნგმა გააორმაგა თანხა, რომელიც მან დააწესა იმ მამაკაცისათვის, რომელიც მის ქალიშვილს მოხიბლავს და ცოლად მოიყვანს. ის მზადაა, მამაკაცი 120 მილიონი აშშ დოლარით დაასაჩუქროს. საქმე ისაა, რომ მილიარდერის შვილი ლესბოსელია. შვილის გაბედნიერების მსურველმა მამამ ჯერ კიდევ 2012 წელს 65 მილიონი დააწესა ჯილდოდ. ამ დროს მისმა შვილმა ჯიჯი ჩაომ თავის პარტნიორ ქალზე გათხოვება გადაწყვიტა. აღსანიშნავია, რომ მილიარდერის წინადადებას 20 ათასი კანდიდატი გამოეხმაურა, თუმცა ქალის გული ვერც ერთმა მათგანმა ვერ მოიგო. ჩაო იმედს არ კარგავს, რომ მისი შვილი რომელიმე მამაკაცს აირჩევს და მას შვილიშვილებსაც გაუჩენს.