სასჯელაღსრულების მინისტრმა სოზარ სუბარმა და აფხაზეთის მთავრობის თავმჯდომარის მოვალეობის შემსრულებელმა ვახტანგ ყოლბაიამ არასრულწლოვანთა #11 სპეციალური დაწესებულების მსჯავრდებულებს შობა-ახალი წელი მიულოცეს. შეხვედრა აფხაზეთის მთავრობის ინიციატივით გაიმართა. დაწესებულებაში რამდენიმე დევნილი არასრულწლოვანიც იხდის სასჯელს. სტუმრებმა არასრულწლოვნებს საჩუქრები გადასცეს და გაესაუბრნენ.
სასჯელაღსრულების, პრობაციისა და იურიდიული დახმარების მინისტრის განცხადებით, მსგავსი შეხვედრებისა და საუბრების მიზანია, დაეხმარონ არასრულწლოვნებს გარესამყაროსთან კონტაქტის დამყარებაში, რათა მათ თავი საზოგადოების სრულფასოვან წევრებად იგრძნონ.
აფხაზეთის მთავრობის თავმჯდომარის მოვალეობის შემსრულებლის ვახტანგ ყოლბაის თქმით, მთავარი მიზანია სულიერად დაეხმარონ და შეეხიდონ იმ არასრულწლოვნებს, რომლებიც მოკლებულნი არიან ოჯახურ გარემოს და მზრუნველობას.
სტუმრებმა მსჯავრდებულებს მალე განთავისუფლება და ცხოვრების სწორი მიმართულებით გაგრძელება უსურვეს.