ვოლგოგრადში დაღუპულთა რიცხვმა 18-ს მიაღწია

ვოლგოგრადში მომხდარი აფეთქების შედეგად დაღუპულთა და დაჭრილთა რაოდენობა ყოველ წუთს იზრდება. რია ნოვოსტის ცნობით დაიღუპა 18 და დაიჭრა 50 ადამიანი. რამდენიმე წუთით ადრე სააგენტო 10 დაღუპულის შესახებ იტყობინებოდა. მანამდე ვრცელდებოდა ინფორმაცია 4 დაღუპულისა და 10 დაშავებულის შესახებ.

შეგახსენებთ, რომ ვოლგოგრადში ბომბი აფეთქდა მოსკოვის დროით 12:45-ზე. იტარ-ტასის ცნობით აფეთქება მოხდა მეორე სართულზე, ვაგზლის „ვოლგოგრადი-1“ შესასვლელში, სადაც მეტალოდეტექტორებია დამონტაჟებული.

მიმდინარეობს შენობის ევაკუაცია. მობილიზებულია სასწრაფო მანქანები, რომლებსაც დაშავებულები საავადმყოფოებში გადაყავთ. შენობაში მუშაობენ გამნაღმველები და კინოლოგები.


წყარო:
http://news.ge/ge/news/story/75198-volgogradshi-daghupulta-ritskhvma-18-miaghtsia