2 საათის ნაცვლად 20 წუთი. 1991 წლის შემდეგ კობი-გუდაურის მონაკვეთი პირველად არის რეაბილიტირებული. დაიგო 20 კმ-ის სიგრძის გზა და სრულად განახლდა ტერიტორიაზე მდებარე 4 გვირაბი. გზა უკვე ოფიციალურად გაიხსნა. დღეიდან ავტომობილებს გადაადგილება თავისუფლად შეეძლებათ.
დავით ნარმანია: ,,განსაკუთრებით მნიშვნელოვანი გზაა, იქიდან გამომდინარე, რომ ერთი მხრივ ყაზბეგის მუნიციპალიტეტთან გაგვიადვილდეს მიმოსვლა; მეორე მხრივ, ტურისტებისთვის უფრო კომფორტული გარემო შეიქმნას''.
კახა კალაძე: ,,სტრატეგიული მნიშვნელობისაა ეს გზა, ამ გზის ფუნქციონირება. ბოლო 10-15 წელია ეს გზა სავალალო მდგომარეობაში იყო. ბოლო 1 წლის განმავლობაში მნიშვნელოვანი სარეაბილიტაციო სამუშაოები ჩატარდა. დღეს ჩვენ გვაქვს თანამედროვე სტანდარტების გზა''.