რეგიონული განვითარებისა და ინფრასტრუქტურის სამინისტრომ თვითმმართველობის კოდექსი დიპკორპუსსა და დონორებს წარუდგინა. შეხვედრას რეგიონული განვითარებისა და ინფრასტრუქტურის მინისტრის პირველი მოადგილე თენგიზ შერგელაშვილი ხელმძღვანელობდა.
"თვითმმართველობის კოდექსს ორი სიახლე შემოაქვს, პირველი ეს არის თვითმმართველი ქალაქების გამოყოფა და მეორე მოქალაქეების ჩართულობა. ამავდროულად, გარკვეული ფუნქციების გადაცემა რეგიონულ დონეზე ხდება. თვითმმართველობის რეფორმის საბოლოო ამოცანა ევროპაში მიღებული თვითმმართველობის სტანდარტების დამკვიდრებაა", – განაცხადა თენგიზ შერგელაშვილმა.