თვითმმართველობის კოდექსის პროექტს დღეს გორში გაეცვნენ. გორი ერთ-ერთი ის ქალაქია, რომელსაც, რეფორმის შედეგად, თვითმმართველი ქალაქის სტატუსი მიენიჭება, ეყოლება საკუთარი მერი და გამგებელი, მიეცემა უფლებამოსილებები და ექნება საკუთარი ბიუჯეტი, რომელიც მთლიანად ქალაქის განვითარებას მოხმარდება.
ირაკლი მელაშვილი : ,,დღევანდელი შეხვედრის მიზანია, შევხვდეთ გორის საზოგადოებას და გავაცნოთ ის ცვლილებები, რომლებიც შედის თვითმმართველობის შესახებ კანონმდებლობაში. ეს არის მნიშვნელოვანი საკითხი გორელებისთვის, წლების განმავლობაში ისინი ითხოვდნენ, რომ ქალაქს ქალაქის სტატუსი დაბრუნებოდა''.
თენგიზ შერგელაშვილი: ,, ეს არის საშუალება, რათა ქალაქს ყავდეს საკუთარი საკრებულო, მერი, ჰქონდეს ბიუჯეტი, ის ფუნქციები, რომლითაც ის უზრუნველყოფს ამ ქალაქის განვითარებას, კონცენტრირებული იქნება იმ პრობლემებზე, რომლებიც მოქალაქეებს აქვთ და ექნება გრძელვადიანი ხედვის ჩამოყალიბების საშუალება. ეს არის მოქალაქეების ჩართულობის უპირველესი ინსტრუმენტი ქალაქის განვითარებაში''.