დღეს ადგილობრივ თვითმმართველობებში ელექტრონული მმართველობის დანერგვის საკითხზე საკოორდინაციო შეხვედრა გაიმართა. პროექტი მიზნად ისახავს ადგილობრივი თვითმმართველობის შესაძლებლობის გაზრდას და მოსახლეობისთვის ხარისხიანი მომსახურების მიწოდებას. საქართველოს სხვადასხვა სოფლებში უკვე ფუნქციონირებს 12 საზოგადოებრივი ცენტრი. წლის ბოლომდე კიდევ 8 ცენტრის მშენებლობა იგეგმება.
რეგიონული განვითარებისა და ინფრასტრუქტურის მინისტრის პირველი მოადგილის თენგიზ შერგელაშვილის განცხადების თანახმად, ,,ერთის მხრივ ჩვენი ძალისხმევა, რომელიც თვითმმართველობის რეფორმაზე არის ორიენტირებული და მათი ძალისხმევა, რომელიც ახალი ტექნოლოგიების დანერგვისკენ არის მიმართული, არის საერთო წერტილები თანამშრომლობისა და საერთო ჯამში, აისახება თვითმმართველობის გაძლიერებაზე და მოქალაქეთა მდგომარეობის გაუმჯობესებაზე” .