12 598 991
ნახვა
27
ვიდეო
popxge videos
0:30
ASKA-მფრინავი ავტომობილი დასაკეცი ფრთებით
4 182 ნახვა ივნისი 17, 2019

ამერიკულ-ისრაელის სტარტაპ NFT-ის ინჟინრებმა მფრინავი ავტომობილის კონცეფცია შეიმუშავეს. ASKA ელექტრო საფრენი აპარატია, რომელსაც ვერტიკალურად აფრენა და დაშვება შეუძლია. ამავე დროს აპარატი მარტივად ახერხებს ფრთების დაკეცვას და გზაზე ჩვეულებრივი ავტომობილივით მოძრაობას. უსაფრთხოების ნორმებიდან გამომდინარე მფრინავ ავტომობილს აფრენისა და დაშვებისთვის მცირე ზომის მოედანი დასჭირდება. ASKA-სთვის ჰაერში ასაფრენად ოცი მეტრი გაშლილი სივრცეც საკმარისია. ჰაერში ასვლის შემდეგ მფრინავი ავტომობილი კორპუსის უკანა მხარეს და ფრთებზე განლაგებულ ვენტილატორებს ჰორიზონტალურ მდგომარეობაში გადაიყვანს. სწორედ ისინი უზრუნველყოფენ საჰაერო აპარატის მოძრაობას. კონსტრუქცია აპარატის მაღალ სისწრაფეს და ენერგოეფექტურობას განაპირობებს. მფრინავი ავტომობილი ჰაერში 560 კილომეტრის დისტანციას დაფარავს. სტარტაპი მფრინავი ავტომობილების სერიულად წარმოებას და გაყიდვას არ გეგმავს. მსურველებს მისი ქირაობა შეეძლებათ. ASKA-ს პირველი პროტოტიპის დამზადებას 2020 წლის დასაწყისში აპირებენ.

2:48
გაიცანით გამომგონებელი გიორგი გაბარაშვილი
4 054 ნახვა ივნისი 14, 2019

გიორგი გაბარაშვილმა პირველი რობოტი ჯერ კიდევ სკოლაში სწავლის დროს ააწყო. რობოტის ყველა დეტალი თვითონ დაამზადა და მის აწყობას სამი წელი მოუნდა. მოგვიანებით დაინტერესდა მიკროელექტრონიკით და მუშაობა აგრარული უნივერსიტეტის კვლევით ლაბორატორიაში გააგრძელა. გიორგის უკვე არაერთი საინტერესო გამოგონება აქვს, როგორიცაა ვირტუალური რეალობის ხელთათმანი, მაღალტექნოლოგიური ხელის პროტეზი, ჰუმანოიდი რობოტი, მზვერავი ტანკი. მეგობრებთან ერთად გიორგი გაბარაშვილი მეხანძრის ცეცხლგამძლე უნიფორმის და მარსის მისიისთვის ასტრონავტის კოსტუმის შექმნაზე მუშაობს.

9:01
HYUNDAI-მ ორსართულიანი ელექტრო ავტობუსი წარმოადგინა
3 102 ნახვა ივნისი 3, 2019

Huyndai-მ ორსართულიანი ელექტრო ავტობუსი წარმოადგინა, რომლის შექმნაზეც კომპანიის ინჟინრები თვრამეტი თვის განმავლობაში მუშაობდნენ. ავტობუსის სიგრძე 13, სიმაღლე კი 4 მეტრია. ელექტრო ავტობუსში 70 დასაჯდომი ადგილია. შეზღუდული შესაძლებლობის პირებისთვის ავტობუსში დამატებით ორი ადგილია გამოყოფილი. ორსართულიანი ავტობუსი ეკოლოგიურად სუფთა ტრანსპორტია. მისი გამოყენება ქალაქში მნიშვნელოვნად გააუმჯობესებს ეკოლოგიურ ვითარებას. ამავე დროს ხელს შეუწყობს საცობების პრობლემის მოგვარებას, რადგან ორსართულიან ავტობუსს ჩვეულებრივ ავტობუსზე ბევრად მეტი მგზავრის გადაყვანა შეუძლია- ბიონ ვუ ხვანი, Hyundai-ს წარმომადგენელი. ელექტრო ავტობუსს დამუხტვის შემდეგ 300 კილომეტრის გავლა შეუძლია. დამუხტვისთვის საჭირო დრო კი მხოლოდ 72 წუთია. მწარმოებელმა ელექტრო ავტობუსი მთელი რიგი ტექნოლოგიური სიახლეებით აღჭურვა, რაც მძღოლს მართვას გაუადვილებს. მათ შორის არის ავტომატური დამუხრუჭების სისტემა და სპეციალური კამერა, რომელიც გზაზე წინაღობას აფიქსირებს. ამ ეტაპზე კომპანია არ აკონკრეტებს როდის დაიწყება ავტობუსის სერიული წარმოება. სავარაუდოდ Hyundai-ს პირველი ელექტრო ავტობუსები თავდაპირველად სამხრეთ კორეის ქალაქებში გამოჩნდებიან.

3:08
ქართველი სტარტაპერების გამოგონება - მეხანძრის ცეცხლგაუმტარი უნიფორმა
4 142 ნახვა ივნისი 3, 2019

Elven Technologies გუნდი თავდაპირველად უჩვეულო იდეის გარშემო გაერთიანდა. ილონ მასკის გეგმამ მარსზე პილოტირებული მისიის გაშვების თაობაზე ქართველ სტარტაპელებს ასტრონავტების კოსტუმის შექმნა გადააწყვეტინა. ასტრონავტის კოსტუმზე მუშაობის დროს კი სრულიად ახალი იდეა გაჩნდა. სტარტაპის დამფუძნებლებმა ვამეხ ხერხეულიძემ და გიორგი გაბარაშვილმა მეხანძრის ცეცხლგაუმტარი, მაღალტექნოლოგიური კოსტუმის დამზადება დაიწყეს. Elven Fire Heavy კოსტუმის მთლიანე გარე შრე არის ცეცხლგაუმტარი და აქვს გამძლეობა მაღალი ტემპერატურის მიმართ. კოსტუმის შიგნითა შრეში, რომელიც უშუალოდ ეხება მეხანძრის კანს, ჩაყენებულია გაგრილების სისტემა, რომელიც საჭიროების შემთხვევაში სათანადოდ აგრილებს მეხანძრეს 4-6 საათის განმავლბაში. კოსტუმი ასევე არის წყალგაუმტარი, რაც დამატებით იცავს მეხანძრეს წყლის ცხელი ორთქლისგან, რაც დღევანდელი უნიფორმების ერთ-ერთი დიდი ნაკლია. სტარტაპს პროტოტიპზე მუშაობა ჯერ დასრულებული არ აქვს.

1:02
ჩინურმა კომპანიამ თვითმავალი ფურგონების წარმოება დაიწყო
5 188 ნახვა მაისი 29, 2019

კომპანია Neolix-მა ავტონომიური ფურგონების სერიული წარმოება დაიწყო. 2019 წელს სტარტაპი ათასი თვითმავალი ფურგონის გამოშვებას აპირებს. Neolix-ის კლიენტებს შორის არიან ისეთი კომპანიები, როგორიცაა Huawei და JD.Com. თვითმავალი ფურგონების დანიშნულება პირველ ეტაპზე მომხმარებლის მიერ შეძენილი პროდუქტის ადგილზე მიტანა იქნება. ავტონომიურმა ფურგონებმა უკვე დაიწყეს მუშაობა პეკინის და ჩანჩჟოუს რამდენიმე რაიონში. Neolix-ის ხელმძღვანელი უი ენიუანის მიიჩნევს, რომ უახლოეს მომავალში ჩინეთში ავტონომიური ტრანსპორტის გამოყენების შესაძლებლობა მნიშვნელოვნად გაიზრდება. ჩინური სტარტაპი პროდუქციის გაყიდვის ზრდასთან ერთად წარმოების გაფართოებასაც გეგმავს. კომპანიის მენეჯმენტს სურს 2024 წლისთვის ყოველწლიურად ასი ათასი თვითმავალი ფურგონი გამოუშვას. Neolix უახლოეს მომავალში საერთაშორისო ბაზარზე გასვლასაც გეგმავს. მისი პროდუქციის შეძენით შვეიცარიული, იაპონური და ამერიკული კომპანიები არიან დაინტერესებული.

0:57
ახალი დამლაგებელი რობოტი სახლში იატაკს სრულყოფილად დაგისუფთავებთ
5 457 ნახვა მაისი 29, 2019

კომპანია iRobot-მა დამლაგებელი რობოტის ახალი ვერსიები - Roomba s9+ და Braava Jet m6 გამოუშვა. რობოტებს ტანდემში მუშაობით მტვრიანი ზედაპირების დასუფთავება და იატაკის მტვერსასრუტითა და ტილოთი გაწმენდა შეუძლიათ - მტვერსასრუტის ფუნქციას 1299$-ის ღირებულების Roomba s9+ ითავსებს, ხოლო იატაკების მოწმენდა Braava Jet m6-ის დანიშნულებაა, რომელიც 499$ ღირს. მომხმარებელს რობოტების სამუშაო პროცესის გაკონტროლება iRobot-ის აპლიკაციით შეუძლიათ Braava Jet m6 iRobot-ის წინა თაობის მტვერსასრუტთან, Roomba i7+-თანაც არის თავსებადი, თუმცა ახალი თაობის მტვერსასრუტი სამუშაოს უფრო ეფექტურად ასრულებს - მისი განახლებული ფორმა ოთახის კუთხეებში დაგროვებულ მტვერს უფრო მარტივად წვდება და ასუფთავებს. ასევე, კომპანია ირწმუნება, რომ Roomba s9+-ის სიმძლავრე წინამორბედთან შედარებით 40-ჯერ მეტია. iRobot Roomba s9+ და Braava Jet m6 ამერიკაში უკვე იყიდება, ევროპაში კი დამლაგებელი რობოტები ბაზარზე 12 ივლისს გამოჩნდება.

1:23
ლეპტოპი ორი 4K ეკრანით - ASUS ZENBOOK PRO DUO
2 550 ნახვა მაისი 28, 2019

Asus-მა კომპიუტერული ტექნიკის გამოფენა Computex-ზე ახალი ლეპტოპი, ZenBook Pro Duo წარადგინა, რომელიც ორი 4K ეკრანით არის აღჭურვილი - დიაგონალზე 38 სმ-იანი OLED პანელით და ScreenPad Plus-ით, რომელიც ლეპტოპის კლავატურასთან არის განლაგებული. Apple-ის MacBook-ის Touch Bar-ისგან განსხვავებით, ScreenPad Plus ფუნქციურად კლავიატურის არცერთ ნაწილს არ ანაცვლებს, არამედ ლეპტოპის დიზაინში სრულყოფილ, escape ღილაკიან კლავიატურასთან ერთად გვხვდება. კლავიატურასთან ინტეგრირებული ეკრანის მქონე ლეპტოპი გასულ კვირას HP-მაც წარადგინა, თუმცა მისი მეორე ეკრანის ზომა ScreenPad Plus-თან შედარებით ბევრად პატარაა. ScreenPad Plus-ის გამოყენება შესაძლებელია როგორც კონტროლის მეორად პანელად, ასევე ცალკეულ მონიტორად. მისი გამოყენება ასევე შეიძლება ძირითადი ეკრანის გაგრძელების სახით. ZenBook Pro Duo Intel Core i9 პროცესორით არის აღჭურვილი. ლეპტოპში ჩაშენებულ მიკროფონებს ხმოვანი ასისტენტების, Alexa-ს და Cortana-ს მხარდაჭერა აქვს. ლეპტოპს ასევე აქვს Thunderbolt 3-ის, USB-A-ს და HDMI პორტები. ZenBook Pro Duo-ს ფასი და გამოსვლის ზუსტი თარიღი ამ დროისთვის უცნობია, თუმცა ლეპტოპის გამოსვლას მიმდინარე წლის ბოლოსთვის უნდა ველოდოთ.

2:04
GOPRO-ს კონკურენტი გამოუჩნდა | DJI - Introducing Osmo Action
1 621 ნახვა მაისი 27, 2019

კომპანია DJI-მ ახალი Action კამერა, OSMO Action გამოუშვა, რომელიც თავისი მახასიათებლებით კონკურენციას ამ დროისთვის ბაზრის ლიდერ Go Pro-ს უახლეს მოდელს, Hero 7 Black-ს უწევს. OSMO Action-ს ორი - წინა და უკანა ეკრანი აქვს, შესაბამისად მომხმარებელს ეძლევა საშუალება, გარემოს გარდა საკუთარი თავიც მარტივად გადაიღოს. DJI-ი აღჭურვილია სტაბილიზაციის ახალი ტექნოლოგიით - RockSteady-თ, რომელიც განსაკუთრებულად სტაბილური კადრისთვის ელექტრონულ სტაბილიზაციას და სხვა კომპლექსურ ალგორითმებს აერთიანებს. კამერა RockSteady სტაბილიზაციით 4K/60fps ვიდეოს, ხოლო სტაბილიზაციის გარეშე 4K/30fps HDR ვიდეოს იღებს. კამერას გადაღების არაერთი რეჟიმი აქვს, მათ შორის 8x Slow-Motion (1080p 240fps), Timelapse, დროში განსაზღვრული გადაღება და 2 წუთამდე ექსპოზიცია, რომელიც გამოსადეგია ღამის ცის გადასაღებად. გარდა ამისა, კამერა წყალგამძლეა და გადაღება წყალში, 11 მეტრამდე სიღრმეში შეუძლია. კამერის ელემენტი შეუფერხებლად მუშაობს -10 გრადუსამდე ყინვაშიც. Action-ის ოპერაციული სისტემით აღჭურვილი კამერა ღილაკების გამოყენებაზე სწრაფად რეაგირებს, თუმცა კამერას ხმოვანი რეჟიმის მხარდაჭერაც აქვს, შესაბამისად მისი მუშაობის პროცესის კონტროლი ხმოვანი ბრძანებებითაც შეიძლება. Action-ის ელემენტი გადაღების რეჟიმის შესაბამისად 91 წუთიდან 1 საათსა და 56 წუთამდე ხანგრძლივობით მუშაობს. გადაღებული მასალების ტელეფონში გადატანა DJI Mimo აპლიკაციით არის შესაძლებელი, რომელსაც კამერა Wi-Fi-თ უკავშირდება. აპლიკაციაში შეიძლება როგორც ფოტოებისა და ვიდეოების სწრაფად დამუშავება, ასევე მათი სოციალურ ქსელებში გაზიარებაც. კამერა საქართველოში უახლოეს მომავალში, coptertech.ge-ზე იქნება ხელმისაწვდომი და მისი ფასი 1199 ლარი იქნება. დამატებითი შესაძლებლობებისთვის ხელმისაწვდომია კამერის დამატებითი აქსესუარებიც, მათ შორის ჩაფხუტის სამაგრი, სელფის ჯოხი და მიკროფონის ადაპტერი.

1:41
FORD-ის რობოტი ამანათს ადრესატთან მიიტანს
3 207 ნახვა მაისი 24, 2019

ამერიკულმა ავტოგიგანტმა ახალი რობოტი Digit წარმოადგინა, რომელსაც ადრესატთან ამანათის მიტანა დაევალება. პროექტი Ford-ის სამომავლო კონცეფციის ნაწილი, სადაც ამანათის ადგილზე მიტანის სერვისი სრულად ავტომატიზირებულია. თვითმავალი ავტომობილი, რომლის სალონშიც რობოტი იქნება განთავსებული, ამანათს ადგილზე მიიტანს. Digit ამანათს აიღებს და ადრესატის კარებთან დატოვებს. Digit კომპანია Agility Robotics-მა ააწყო. ამ ეტაპზე რობოტი სრულად ავტონომიური არ არის. ოპერატორს პერიოდულად უწევს მისთვის დირექტივების მიცემა. სატესტო რეჟიმში რობოტმა ამანათი რამდენიმე მისამართზე მიიტანა და ყველა შემთხვევაში ყუთის აღებას, გადაადგილებას და კიბეზე ასვლას უპრობლემოდ ახერხებდა. Digit-ს 18 კილოგრამამდე ტვირთის გადატანა შეუძლია. რობოტის შექმნელები აცხადებენ, რომ Digit-ს სხვადასხვა ექსტრემალურ სიტუაციებში მოქმედებას შეასწავლიან, როგორიცაა მაგალითად ამანათის შინაური ცხოველებისგან, კერძოდ ძაღლებისგან დაცვა. ჯერჯერობით გაურკვეველია ამანათის მიტანის ქსელს Ford თავად შექმნის თუ ტექნოლოგიური სერვისს სხვა კომპანიებს შესთავაზებს. სისტემის ექსპლუატაციაში ჩაშვების თარიღად Ford-ის წარმომადგენლები 2021 წელს ასახელებენ. როგორ მიაქვს რობოტს ამანათი ადრესატთან შეგიძლიათ ნახოთ ამ ვიდეოში:

0:52
აშშ-ის არმიაში ახალი სამხედრო კონვერტოპლანი გამოჩნდება
6 308 ნახვა მაისი 23, 2019

კონვერტოპლან Bell V 280 Valor-ზე, რომელიც შეერთებული შტატების არმიისთვის არის განსაზღვრული, კომპანიები Bell Helicopter და Lockheed Martin რამდენიმე წელია მუშაობენ. პირველი ფრენა აპარატმა 2017 წლის დეკემბერში შეასრულა. კონვერტოპლანის გამოცდა რამდენიმე ეტაპად მიმდინარეობდა. ყველაზე მნიშვნელოვანი ფრენები აპარატმა 2019 წლის მაისში შეასრულა. მისი შედეგებით პენტაგონი კმაყოფილი დარჩა, რაც იმის საფუძველს იძლევა, რომ Bell V 280 Valor მალე ამერიკის არმიის შეიარაღებაში გამოჩნდება. კომპანია Valor-ის წარმომადგენელი აღნიშნავს, რომ კონვერტოპლანმა ბოლო საცდელი ფრენის დროს მანევრები 3500 მეტრის სიმაღლეზე შეასრულა, ფრენის მაქსიმალური დისტანცია კი 600 კილომეტრი იყო. საფრენმა აპარატმა უპრობლემოდ შეძლო ვერტიკალური აფრენა-დაშვების რეჟიმიდან სწრაფი გადაადგილების რეჟიმზე გადასვლა. ბოლო საცდელმა ფრენებმა აჩვენა, რომ მანევრირებისას პილოტებს შეუძლიათ აპარატი კომფორტულად მართონ. დაბალ სიჩქარეზე მანევრირება პენტაგონის ერთ-ერთი ძირითადი მოთხოვნაა. ის აუცილებელი წინაპირობაა კომპლექსური ოპერაციების განხორციელების დროს- რაიან ეჰინგერი, Bell V 280 Valor-ის პროგრამის ხელმძღვანელი. კონვერტოპლანს შეუძლია განავითაროს სისწრაფე, რომელიც სამხედრო ვერტმფრენების სისწრაფეს ორჯერ აღემატება. მისი მოქმედების რადიუსიც ასევე ორჯერ უფრო დიდია, ვიდრე მსგავსი საფრენი აპარატების. Bell V 280 Valor- ს ორ პილოტთან ერთად თოთხმეტი ადამიანის გადაყვანა შეუძლია. Bell-ის ინჟინრები მომავალში ამ საფრენი აპარატის უპილოტო ვერსიის შექმნასაც გეგმავე

5:00
NASA-მ მარსის კოლონიისთვის საცხოვრებლის პროექტი შეარჩია
9 873 ნახვა მაისი 23, 2019

NASA-მ კონკურს Centennial Challenges შედეგები შეაჯამა, რომელიც სხვა პლანეტების კოლონიზაციიის შემთხვევაში ოპტიმალური საცხოვრებლის დაპროექტებას გულისხმობს. კონკურსის გამარჯვებული კომპანია AI Space Factory გახდა, რომელმაც საცხოვრებელი კაფსულა Marsha შექმნა. Marsha რამდენიმე დონისგან შედგება. საცხოვრებელი და სამუშაო სივრცის დიზაინი ისეა მოწყობილი, რომ კოლონისტებმა შენობის შიგნით თავი კომფორტულად და დაცულად იგრძნონ. საცხოვრებელ ზონაში პროექტის ავტორებმა ადგილი შიდა ბაღისთვისაც გამონახეს. საცხოვრებლის 5 მეტრიანი პროტოტიპი ძირითადად ბაზალტისგან არის აგებული. ნაგებობა NASA-ს გუნდის წევრებმა გამოსცადეს და აღნიშნეს, რომ ის ბევრად მყარია, ვიდრე კონკურსში მონაწილე სხვა კომპანიების მიერ შექმნილი პროტოტიპები. NASA-ს უახლესი გეგმა მთვარეზე ადამიანის დაბრუნებაა. მარსზე პილოტირებული მისია და წითელი პლანეტის კოლონიზაცია უფრო შორეული პერსპექტივაა. მარსზე კოლონიის დაარსება Space X-ის დამფუძნებლის ილონ მასკის გეგმებშიც შედის. მასკს პილოტირებული მისიის გაგზავნა მარსზე 2024 წელს სურს და არ გამორიცხავს მომავალში საცხოვრებლად პლანეტაზე თავადაც გაემგზავროს.

2:48
LILIUM JET- მფრინავი ტაქსი, რომელსაც ხუთი მგზავრის გადაყვანა შეუძლია
9 456 ნახვა მაისი 23, 2019

მფრინავი ტაქსის პროექტზე მსოფლიოში ერთდროულად რამდენიმე კომპანია მუშაობს. ერთ-ერთი გერმანული Lilium Jet-ია, რომელმაც მუშაობა ამ მიმართულებით 2016 წლიდან დაიწყო. საფრენი აპარატის პროტოტიპი უკვე შექმნილია. ელექტრო თვითმფრინავმა საცდელი ფრენაც შეასრულა. ეკოლოგიურად სუფთა ტრანსპორტია, რომელსაც ხუთი მგზავრის გადაყვანა შეუძლია. მისი მაქსიმალური სისწრაფე 300 კმ/სთ-ია. აპარატი დამუხტვის შემდეგ 300 კილომეტრის მანძილს დაფარავს. პირველი ფრენა Lilium Jet-ის პროტოტიპმა 2019 წლის 4 მაისს ბავარიაში, მიუნხენთან ახლოს შეასრულა. ჩვენი კომპანია კონკურენტებისგან იმით განსხვავდება, რომ ავაწყეთ და გამოვცადეთ სრულფასოვანი პროტოტიპი. საფრენ აპარატს შეუძლია ვერტიკალურად აფრენა და დაშვება, აქვს რესურსი დიდ მანძილზე ხუთი მგზავრი გადაიყვანოს. Lilium Jet-ში პროფესიონალების გუნდი მუშაობს და დარწმუნებული ვარ, რომ ჩვენ პროტოტიპს დიდი მომავალი აქვს - რემო გერბერი, Lilium Jet-ის კომერციული დირექტორი. Lilium Jet-ს საკმაოდ ამბიციური გეგმები აქვს. 2025 წლისთვის კომპანია აპირებს მფრინავი ტაქსის მომსახურების სერვისი გერმანიაში და ევროკავშირის სხვა ქვეყნებში დანერგოს. Lilium Jet-ის საფრენი აპარატის პირველი ფრენის კადრები შეგიძლიათ ნახოთ ამ ვიდეოში:

1:25
შვედეთის გზებზე თვითმავალი სატვირთო ელექტრომობილი გამოჩნდა
11 975 ნახვა მაისი 23, 2019

პირველად მსოფლიოში საავტომობილო გზებზე რეგულარული რეისების შესრულება თვითმავალმა სატვირთო ელექტრომობილებმა დაიწყეს. ინოვაცია შვედეთში დანერგეს. სატვირთო ელექტრომობილი T-Pod სტარტაპმა Einride-მა გამოუშვა. ელექტრომობილის წონა 26 ტონაა და მას მძღოლის კაბინა არ აქვს. სტარტაპის წარმომადგენლების განცხადებით, T-Pod-ის ელექტრომობილი დიზელის სატვირთო ავტომობილთან შედარებით ტვირთის გადატანის დროს ხარჯებს 60 პროცენტით შეამცირებს. ელექტრომობილს ავტონომიურობის მეოთხე დონე აქვს და მონაცემების რეალურ რეჟიმში დასამუშავებლად Ndivia Drive-ის პლატფორმას იყენებს. ოპერატორს, რომელიც ავტომობილებისგან რამდენიმე კილომეტრის დაშორებით იმყოფება, შეუძლია ერთდროულად ათი ელექტრომობილის გადაადგილება გააკონტროლოს. როგორც Reuters იტყობინება, შვედური სტარტაპი ყოველდღიურ რეისებს ლოგისტიკურ კომპანია Schenker-თან კონტრაქტის საფუძველზე ასრულებს. Einride-ს ასევე აქვს კონტრაქტი შვედურ ლოგისტიკურ კომპანია Svenska Retursystem-თან და გერმანული Lidl-თან. ელექტრო სატვირთოები ამჟამად სამხრეთ შვედეთის ქალაქ იენჩეპინგის სამრეწველო ზონაში, საწყობსა და ტერმინალს შორის მოძრაობენ. შვედური სტარტაპი 2020 წლისთვის აშშ-ში მუშაობის დაწყებას გეგმავს. Einride-ის გუნდის შეფასებით, ავტონომიური სატვირთო ტრანსპორტისთვის ყველაზე პერსპექტიული ბაზარი სწორედ ამერიკის შეერთებული შტატებია.

3:24
ჰოლანდიური კომპანია მფრინავი ავტომობილის წარმოებას იწყებს
4 562 ნახვა მარტი 7, 2019

ჰოლანდიურმა კომპანია PAL-V-მ ჟენევაში ავტომობილების გამოფენაზე მფრინავი ავტომობილის-Liberty Pioneer-ის სერიული მოდელი წარმოადგინა. Liberty Pioneer-ს მფრინავ აპარატად გადაკეთებისთვის სულ 5-10 წუთი სჭირდება. ტრასაზე ავტომობილი 160 კმ/სთ-ით მოძრაობს, ჰაერში კი მაქსიმალური სიჩქარე 180 კმ/სთ-ია. სამბორბლიანი ტრანსპორტში ორი ადამიანი თავსდება. Liberty Pioneer-ს განსაკუთრებული ინფრასტრუქტურა არ სჭირდება. პარკირებისთვის ჩვეულებრივი ავტოფარეხიც გამოდგება. ავტომობილისთვის აუცილებელი არ არის ასაფრენ-დასაფრენი ზოლი. ის მარტივად ახერხებს გაზონზე ან ასფალტზე დაჯდომას. ავარიული დაშვების შემთხვევაში ავტომობილს 30 მეტრიანი მონაკეთიც ეყოფა. Liberty Pioneer სტანდარტულ საწვავს იყენებს, ასე რომ ბენზინის ჩასხმა ნებისმიერ ავტოგასამართ სადგურზეა შესაძლებელი. ბოლომდე შევსებული ავზით ავტომობილი 1314 კილომეტრის გაივლის, ჰაერში კი 400 კილომეტრის დაფარავს. ჰოლანდიურ კომპანიაში აცხადებენ,რომ Liberty Pioneer-ის ასათვისებლად 40 საათიც საკმარია. მფრინავი ავტომობილის მართვისთვის პილოტს სპეციალური ლიცენზია დასჭირდება. სერიული მოდელი შეზღუდული რაოდენობით გამოვა. ჰოლანდიური კომპანია 90 ეგზემპლარის დამზადებას გეგმავს. კომპანიის ხელმძღვანელის რობერტ დინგემანსის განცხადებით, ნებისმიერი ადამიანი ვინც ამ ავტომობილს შეიძენს, სატრანსპორტო რევოლუციის მონაწილე იქნება. თუმცა Liberty Pioneer-ს შეძენა მსურველს სოლიდური თანხა დაუჯდება. მფრინავი ავტომობილის ღირებულება 600 ათასი დოლარია.

3:04
პირველი მფრინავი ტაქსი მზად არის და ასაფრენად ემზადება | Nexus Air Taxi
4 929 ნახვა იანვარი 18, 2019

CES 2019-ზე კომპანია Bell-მა კონვერტოპლანი - Nexus Air Taxi წარადგინა. საფრენი აპარატი აღჭურვილია ექვსი პროპელერით, რომელიც მას ვერტიკალურად აფრენისა და დაშვების საშუალებას აძლევს. მწარმოებელი კონვერტოპლანის ელექტრონული და ჰიბრიდული ვერსიების გამოშვებას გეგმავს, რომელთა ტესტირება 2020 წელს არის დაგეგმილი. Nexus Air პირველ რიგში მეგაპოლისებისთვის იქნება განკუთვნილი, სადაც მუდმივად საცობებია.

2:00
გერმანელმა მეცნიერებმა ნამარხი ცხოველის მსგავსი რობოტი შექმნეს
2 500 ნახვა იანვარი 18, 2019

პალეონტოლოგები ცდილობენ გადაშენებული ცხოველების შესახებ შემორჩენილი ძვლების და ნაკვალევის საფუძველზე ინფორმაცია მიიღონ: გაარკვიონ როგორ გამოიყურებოდნენ ნამარხი ცხოველები, როგორ გადაადგილდებოდნენ და რით იკვებებოდნენ. ჰუმბოლდტის უნივერსიტეტის მეცნიერებმა შექმნეს უჩვეულო რობოტი იმასთვის, რომ გაერკვიათ როგორ გადაადგილდებოდა ცხოველი, რომელიც დედამიწაზე 300 მილიონი წლის წინ ცხოვრობდა. Orobates Pabsti გარეგნულად სალამანდრას ჰგავდა, თუმცა გაცილებით დიდი იყო. პალეონტოლოგები მიიჩნევენ, რომ ეს არსება ერთგვარი შუალედური რგოლია ამფიბიებსა და ხმელეთზე მცხოვრებ ცხოველებს შორის.პალეონტოლოგებს გააჩნიათ Orobates Pabsti-ს ძვლების ფრაგმენტები.ასევე შემორჩა ამ ცხოველის ნაკვალევიც. პირველ ეტაპზე გერმანელმა მეცნიერებმა შეისწავლეს თანამედროვე იგუანების, სალამანდრების და კაიმანების მოძრაობა. Orobates Pabsti-ს ნაკვალევის გათვალისწინებით დააპროექტეს კომპიუტერული მოდელი.იმისათვის, რომ გაერკვიათ როგორ გადაადგილდებოდა Orobates Pabsti, შეიქმნა ცხოველის ასლი რობოტი OroBOT. ექსპერიმენტიდან გაირკვა, რომ Orobates Pabsti-ს მოძრაობები არ ჰგავდა თანამედროვე ხვლიკების და სალამანდრების მოძრაობას.ნამარხი ცხოველი მიწაზე უფრო ნიანგების, კერძოდ კი კაიმანების მსგავსად გადაადგილდებოდა.

0:51
შეიქმნა ნივთიერება, რომელიც სატრანსპორტო საშუალებებს ყინულისგან დაიცავს
3 250 ნახვა იანვარი 18, 2019

ყინვა ყოველწლიურად დიდ ზიანს აყენებს ენერგეტიკულ, სატრანსპორტო და წარმოებით ინფრასტრუქტურას. მეცნიერები უკვე დიდი ხანია ეძებენ ამ ნეგატიურ ფაქტორთან ბრძოლის მეთოდს. როგორც ჰიუსტონის უნივერსიტეტის მკვლევარები იტყობინებიან, მათ მოახერხეს და შექმნეს უნივერსალური ნივთიერება, რომელიც ნებისმიერ ზედაპირს წლების განმავლობაში იცავს ყინულისგან. ამისთვის სპეციალისტებმა ფიზიკის ახალი თეორია გამოიყენეს, რომელსაც წინასწარ შეუძლია სინთეზირებადი ნივთიერებების თვისებების პროგნოზირება და კორექტირება. ამერიკელი მეცნიერების მიერ შექმნილი საფარველი სილიკონისგან და პოლიმერებისგან შედგება და არ იკრავს ყინულს.ნივთიერებას ასევე აქვს მექანიკური და ქიმიური მდგრადობის კარგი მაჩვენებლები. მკვლევარები დარწმუნებულნი არიან, რომ მათ მიერ შემუშავებული პრინციპი სხვა ნივთიერებების შესაქმნელადაც გამოდგება, მაგალითად ანტიბაქტერიულის.კვლევის ხელმძღვანელმა ჰადი გასემიმ აღნიშნა, რომ მეცნიერებმა ადრეც სცადეს მსგავსი ნივთიერების შექმნა, თუმცა ზედაპირზე მიყინვის პრობლემის გადაჭრას ვერ ახერხებდნენ. ჰიუსტონის უნივერსიტეტის მეცნიერების მიერ შექმნილი ნივთიერება კი შეხების ადგილას ბზარებს ქმნის, რომლებიც გაყინულ წყალს ისხლიტავენ. ტესტებმა აჩვენეს, რომ მექანიკური მდგრადობის გარდა საფარველი უძლებს ულტრაიისფერ სხივებსაც, ეს კი ძალზედ მნიშვნელოვანია, რადგან სატრანსპორტო საშუალებები ხშირად ექცევიან მზის ზემოქმედების ქვეშ. ნივთიერების მოქმედების პერიოდი 10 წელს შეადგენს.ჟილეტის ელემენტები დატენვის შემდეგ ერთი კვირა მუშაობენ, ელექტრონული ბლოკის აკუმულატორის ექსპლოატაციის ვადა კი 5 წელია. B’ Safe გაყიდვაში 2019 წლის გაზაფხულიდან იქნება და მისი ღირებულება 700 დოლარია.

2:11
ველოსიპედისტებს უსაფრთხო გადაადგილებაში ახალი დამცავი ჟილეტი დაეხმარებათ
958 ნახვა იანვარი 18, 2019

ფრანგულმა კომპანია Helite-მა ველოსიპედისტებისათვის სპეციალური უსაფრთხოების ჟილეტი დაამზადა.კომპანიის მონაცემებით, ინციდენტის ან ავარიის შემთხვევაში ველოსიპედისტები მძიმე ტრავმებს ძირითადად მკერდის არეში (40 პროცენტი) და ხერხემალზე (25 პროცენტი) იღებენ. სწორედ ამ სტატისტიკის გათვალისწინებით, Helite-მა ველოსპორტის მოყვარულებისთვის უსაფრთხოების ჟილეტი B’ Safe შექმნა. ჟილეტს საჰაერო ბალიშის ფუნქცია გააჩნია. ის ორი ნაწილისგან შედგება: უსაფრთხოების ჟილეტი და ელექტრონული ბლოკი, რომელიც ველოსიპედზე თავსდება. როდესაც საგზაო ინციდენტის ან ტრანსპორტის მოცურების გამო ადამიანი ველოსიპედიდან გადმოვარდება, სენსორი ამ ფაქტს მაშინვე აფიქსირებს და უსაფრთხოების ბალიშიც გაიხსნება.

0:46
თვითმართვადი ტესლა გზაზე რობოტს დაეჯახა
1 390 ნახვა იანვარი 16, 2019

6 იანვარს ლას ვეგასში მომხდარ ინცინდენტს შეიძლება ვუწოდოთ ფუტურისტული ავტოსაგზაო შემთხვევა. ქალაქის ცენტრში ტესლას თვითმართვადი ავტომობილი გზაზე რობოტს დაეხაჯა. ინციდენტში მონაწილე რობოტს ტექნოლოგიურ გამოფენა CES-ზე წარსადგენად ამზადებდნენ. რობოტი გადაადგილების დროს გზას აცდა და სამანქანო გზაზე გადავიდა, რა დროსაც მას ტესლას Model S დაეჯახა. ავტომობილი თვითმართვადი ტექნოლიით, მძღოლის გარეშე გადაადგილდებოდა, თუმცა მასში ერთი ადამიანი იჯდა. მანქანა თვითმართვის რეჟიმზე მყავდა გადაყვანილი. მოულოდნელად გზაზე რობოტი გამოჩნდა. ვიფიქრე, მანქანა მას გვერდს აუვლიდა, თუმცა სამწუხაროდ რობოტს დავეჯახეთ- ამბობს ავტომობილის მგზავრი. გავრცელდა მოსაზრება, რომ მომხდარი მარკეტინგული სვლაა რობოტის შემქმნელი კომპანიის ცნობადობის გასაზრდელად.თუმცა, ასეც რომ იყოს, ნაკლებად სავარაუდოა ამ ფაქტთან ტესლას ხელმძღვანელობის ან თავად ელონ მასკის კავშირი, რადგან ინციდენტი კომპანიის თვითმართვადი ავტომობილების უსაფრთხოებას ეჭვქვეშ აყენებს. რობოტის შემქმნელების თქმით, ის აღდგენას არ ექვემდებარება და შესაბამისად დაგეგმილ ფორუმზე მისი წარდგენა ვეღარ მოხერხდება.

2:13
სპეციალურად გეიმერებისთვის ASUS ROG Mothership
651 ნახვა იანვარი 16, 2019

სპეციალურად გეიმერებისთვის შექმნილი მონობლოკი აღჭურვილია Intel Core i9-8950HK-ს ექვს ბირთვიანი პროცესორით, 64GB-იანი ოპერატიული მეხსიერებით და GeForce RTX 2080-ის ვიდეობარათით. კლავიატურას აქვს როგორც კაბელურ, ასევე უკაბელო რეჟიმში მუშაობის შესაძლებლობა. კომპიუტერი გაყიდვაში გაზაფხულზე გამოვა.

1:18
NISSAN-მა დეტროიტის ავტოგამოფენაზე სპორტული ელექტრომობილი წარმოადგინა
931 ნახვა იანვარი 16, 2019

კომპანია Nissan-მა დეტროიტის ავტოგამოფენაზე კონცეპტუალური ელექტრომობილი სახელად IMs წარადგინა. ელექტრომობილს ტრანსფორმირებადი ხუთადგილიანი სალონი, გარე კამერები, რომლებიც ტრადიციული სარკეებს ცვლიან, ასევე სენსორული პანელები და დიდი დისპლეები აქვს.Nissan IMs ორ ელექტრო ძრავზე მუშაობს, რომლებიც მანქანის წინა და უკანა მხარეს არიან განთავსებული. საერთო ჯამში ისინი 483 ცხენის ძალის სიმძლავრეს გამოიმუშავებენ. ძრავები 115კვტსთ.-იანი ბატარეებით იკვებებიან, რომლებიც ავტომობილს 600 კილომეტრის დატენვის გარეშე გავლის საშუალებას აძლევენ. ელექტრომობილს სწრაფად დატენვის ტექნოლოგიის მხარდაჭერაც აქვს.Nissan IMs-ს სრულად ავტონომიური მართვის სისტემა გააჩნია. ავტოპილოტის გააქტიურების შემთხვევაში საჭე წინა პანელში თავსდება, ხოლო სავარძლები კი ისე ტრიალდება, რომ მგზავრები ერთმანეთის პირისპირ სხედან.ელექტრომობილის ინტერიერი თანამედროვე იაპონური სახლის სტილშია შესრულებული. როდესაც მანქანას მძღოლი მართავს, მას კამერები აკვირდებიან, რომლებიც მისი სახის გამომეტყველებისა და პოზის ანალიზირებას ახდენენ. თუკი ადამიანი ცუდად გახდება ან ჩაეძინება, მანქანის მართვას საკუთარ თავზე ავტოპილოტი აიღებს.

1:07
რუსი სტარტაპერები რეკლამების ცაში გაშვებას გეგმავენ
2 739 ნახვა იანვარი 10, 2019

რუსული სტარტაპი StarRocket მინიატურული სატელიტების, CubeSats-ის გამოყენებით კომერციული რეკლამების ღამით ცაზე გამოსახვას გეგმავს. პროექტის ხელმძღვანელის, ვლად სიტნიკოვის თქმით, ღამის ცის ათვისება სარეკლამო ინდუსტრიის შემდგომი განვითარებისკენ ლოგიკური ნაბიჯია. ჩვენ მალე ვიცხოვრებთ კოსმოსში, შესაბამისად ადამიანები თავიანთ კულტურას კოსმოსში გადაიტანენ. გასართობი და სარეკლამო ინდუსტრია კი სწორედ ამ კულტურის ნაწილია. - ვლად სიტნიკოვი

0:49
კალიფორნიის უნივერსიტეტში სტუდენტებისთვის საუზმე რობოტებს მიაქვთ
830 ნახვა იანვარი 10, 2019

წყნარი ოკეანის უნივერსიტეტის კამპუსებში(სტოქტონი, კალიფორნია) სტუდენტებს ახალი სერვისით სარგებლობის შესაძლებლობა მიეცათ. სტუდენტს შეუძლია საუზმე, გაზიანი სასმელი ან ყავა სმარტფონიდან შეუკვეთოს. რამდენიმე წუთში შეკვეთილ მენიუს მას საცხოვრებლის კარებთან რობოტი მოუტანს. “სნექბოტი” მარტივი რობოტია, რომელიც კომპანია PepsiCo-მ Y- Combinator Robby Technologies ინჟინრებთან ერთად შეიმუშავა. “სნექბოტი” ფაქტობრივად ბორბლებზე შემდგარი მაცივარია. რობოტი აღჭურვილია კამერებით და ნავიგაციით, ასევე გააჩნია განათების სისტემა, რომელსაც სიბნელეში გადაადგილების დროს იყენებს. შეკვეთა და სერვისის საფასურის გადახდა სმარტფონის აპლიკაციის საშუალებით ხდება.“სნექბოტის” მოძრაობის არეალი უნივერსიტეტის კამპუსებით შემოიფარგლება. სტუდენტურ საცხოვრებელს ვრცელი ტერიტორია უკავია, სადაც რამდენიმე ათასი სტუდენტი ცხოვრობს. სწორედ ამიტომ PepsiCo-მ გადაწყვიტა ინოვაცია სატესტო რეჟიმში უნივერსიტეტის კამპუსებში გამოეცადა. სატესტო პერიოდის დასრულების შემდეგ კომპანია სერვისის გაფართოებას აპირებს.

1:57
თვითმართვად მანქანა-სასტუმროში მგზავრობის დროს უფრო პროდუქტიულად გაატარებთ | Autonomous Travel Suite
851 ნახვა იანვარი 10, 2019

თვითმართვადი მანქანების მომრავლება ადამიანებს უფრო და უფრო მეტ დროს უტოვებს პროდუქტიულობისთვის. დროის საჭესთან გატარების მაგივრად მგზავრობის დროს ბევრი სხვა საქმის გაკეთება შეიძლება, მათ შორის ფილმების ყურება, მაილებზე პასუხის გაცემა და ა.შ. კომპანია Aprilli-ს თვითმართვადი სასტუმროს კონცეფცია კი ამ ჩამონათვალს კიდევ უფრო ზრდის. საუბარია თვითმართვად ავტომობილზე, რომელიც სასტუმროს ოთახივით არის მოწყობილი - მასში შესაძლებელია ძილი, მუშაობა და სარეცხის გარეცხვაც კი. შარშან ცოლთან ერთად დატვირთულ რეჟიმში მომიწია მოგზაურობა, რა დროსაც გავიაზრე, თუ რამდენად მნიშვნელოვანია დრო, რომელიც ქალაქიდან ქალაქში გადასაადგილებლად არის საჭირო, მათ შორის ძილისთვის და მუშაობისთვის და ა.შ. ამ დროს მივხვდი, რომ ავტომობილების ინტერიერის ამ აქტივობებზე მორგებას დიდი პოტენციალი შეიძლება ჰქონდეს. - სტივ ლი, კონცეფციის ავტორი ამ დროისთვის თვითმართვადი სასტუმრო მხოლოდ კონცეფციის დონეზე არსებობს, თუმცა მისი განხორციელება სავსებით რეალისტურია. ფუტურისტული იდეები, მათ შორის მიმტანი რობოტები და მაღაზიები მოლარეების გარეშე თავდაპირველად კონცეფციის დონეზე შეიქმნა და ზოგერთ ადამიანს გიჟურადაც კი ეჩვენებოდა, თუმცა ეს იდეები დღეს უკვე განხორციელებულია, რაც თვითმართვადი სასტუმროს კონცეფციის რეალობაში გადმოტანის ალბათობას ამაღლებს

2:40
ROLLS ROYCE-მა თვითმართვადი სატვირთო გემი გამოსცადა
619 ნახვა დეკემბერი 27, 2018

Rolls Royce-მა სატვირთო გემზე ავტონომიური მართვის სისტემა გამოსცადა. Rolls Royce Intelligence კომპანიის ინჟინრების მიერ შექმნილი სისტემაა.მისი საშუალებით გემი ზღვაში გადაადგილებას ადამიანის უშუალო ჩარევის გარეშე, სპეციალური პროგრამით ახერხებს. უსაფრთხოების მიზნით ამ დროს სენსორები და კამერები გემთან ახლოს მყოფი ობიექტების სკანირებას ახდენენ. სისტემის ეფექტურობა Rolls Royce-მა ფინურ კომპანია Finferries-თან ერთად გამოსცადა. ტექნოლოგია 54 მეტრიან გემზე დაამონტაჟეს, რომელიც ფინეთის ქალაქ ტურკუსთან ახლოს იდგა. გემმა სრულიად დამოუკიდებლად მოახერხა მუნიციპალურ რაიონ პარაინენიდან გამოსვლა და ქალაქ ნაუვოს ნავსადგურში მისვლა. უკანა გზაზე იმავე მარშრუტზე Rolls Royce-მა დისტანციური მართვის სისტემაც გამოიყენა. ოპერატორმა, რომელიც გემისგან 48 კილომეტრით იყო დაშორებული, უპრობლემოდ შეძლო მისი მართვა. Rolls Royce-ში აცხადებენ, რომ თვითმართვადი გემი არა კონცეფცია, არამედ უკვე შემდგარი პროექტია.მომდევნო ექვსი წლის განმავლობაში კომპანია ინოვაციის სრულყოფას გეგმავს.

2:13
NAVIATOR- დრონი, რომელიც ეფექტურია ჰაერშიც და წყალშიც
528 ნახვა დეკემბერი 24, 2018

რატგერსის უნივერსიტეტის( ნიუ-ჯერსის შტატი) ინჟინრებმა შექმნეს დრონი, რომელსაც წყალქვეშა ნავის და თვითმფრინავის ფუნქციები გააჩნია. დრონი Naviator არა მხოლოდ კარგად დაფრინავს, არამედ შეუძლია ზღვის სიღრმეში ჩავიდეს. წყალქვეშა დრონები აქამდეც არსებობდნენ, მაგრამ Naviator იმითაა გამორჩეული, რომ ორივე ფუნქციის შეთავსება შეუძლია. დიდი ალბათობით Naviator-ს სამხედრო მიზნებისთვის გამოიყენებენ.დრონს შეუძლია დააფიქსიროს საფრთხე, როგორც წყალში, ასევე ჰაერში და ხმელეთზე.აღსანიშნავია, რომ პროექტი შეერთებული შტატების სამხედრო-საზღვაო ძალების თანადაფინანსებით განხორციელდა. ინჟინრები ფიქრობენ, რომ უნივერსალური დრონს სხვადასხვა მიმართულებით გამოიყენებენ.Naviator-ს შეუძლია ხიდის მდგრადობის ან გემის კორპუსის შემოწმება.დრონით დაინტერესდნენ ნავთობისა და გაზის მომპოვებელი კორპორაციები, ასევე შეერთებული შტატების სამაშველო სამსახურები.

არხის შესახებ

უნიკალური პლატფორმა საქართველოში

europebet-მა 2018 წელს თავის ქვე-ბრენდს pop-ს კიდევ ერთი მულტიმედია პლატფორმა pop x დაუმატა.
popx, როგორც უნიკალური პლატფორმა საქართველოში, მიზნად ისახავს ტექნოლოგიებისა და ინოვაციების მზარდი სფეროს პოპულარიზაციას. ასევე, ნოვატორ და ჯერ უცნობ გამომგონებლებს ეხმარება თავიანთი იდეების მომხმარებლამდე მიტანაში.
popx ქართველ მარკეტერებსა და ინჟინრებს ხელს უწყობს განვითარებაში, სფეროს უახლესი ტრენდების ათვისებასა და პროფესიული უნარების დახვეწაში.
popx-ის მომხმარებელი ყოველდღიურად იღებს ინფორმაციას ტექნოლოგიების და ინოვაციების როგორც ლოკალური, ასევე გლობალური ბაზრიდან. მათ საშუალება აქვთ მიადევნონ თვალი მიმდინარე მოვლენებს, არ ჩამორჩნენ დროს, გაეცნონ მომავლის ტექნოლოგიებს და მზად იყვნენ ახალი გამოწვევებისთვის.
POP X Spotlight – გაბედე
Spotlight Marketer-ის მიერ შექმნილი პირველი ქართული მარკეტინგული ღონისძიებაა, რომელიც მიზნად ისახავს სხვა, მომიჯნავე მიმართულებების განვითარებას: მენეჯმენტი, სტარტაპები, ინოვაცია, ვიზუალური ხელოვნება, ტექნოლოგიები.
Spotlight ყოველწლიურად იმართება. 18 ნოემბერს Spotlight-ს და popx უერთდება და ერთობლი თანამშრომლობით მორიგ ღონისძიებას - „გაბედე“ გვთავაზობენ, რომელიც მთლიანად ინოვაციებსა და ტექნოლოგიებს ეთმობა.

არხის ვიდეოების ძებნა
მოცემული ფილტრით ვიდეოები ვერ მოიძებნა