სალომე ზურაბიშვილი

#პოლიტიკა #სალომეზურაბიშვილი

სალომე ზურაბიშვილმა ქვეყანაში შექმნილ ვითარებასთან დაკავშირებით დღეს ბრიფინგი გამართა. საქართველოს პრეზიდენტის თქმით მშვიდობიანი პოლიტიკა არის ერთადერთი გზა ქვეყანაში და რეგიონში სტაბილურობის შესანარჩუნებლად: „მივმართავ რუსეთის ხელმძღვანელობას, არ აჰყვეს ესკალაციას. პარადოქსი იქნება, თუ მეზობელი ქვეყანა, მისივე დახასიათებით, „რადიკალური“ ძალებისგან წამოწყებულ პროვოცირებას უპასუხებს და ამით მათ დესტრუქციულ მიზნებს შეუწყობს ხელს. აქვე, ხაზი უნდა გავუსვა იმასაც, რომ ჩვენი მშვიდობიანი პოლიტიკა არის ერთადერთი გზა ქვეყანაში და რეგიონში სტაბილურობის შესანარჩუნებლად. მივმართავ ჩვენს მოქალაქეებს, რომლებიც ცხოვრობენ რუსეთში – მე თქვენი პრეზიდენტი ვარ და თქვენი კეთილდღეობა ჩვენთვის ძალიან მნიშვნელოვანია. ვიცი, რომ ხელისუფლება ცდილობს გააკეთოს ყველაფერი, რისი გაკეთებაც შეიძლება მოცემულ ვითარებაში, რათა გააგრძელოთ მშვიდად და სტაბილურად ცხოვრება. და ბოლოს, მივმართავ ჩვენს სტუმრებს – საქართველო ისტორიულად ტოლერანტობის სიმბოლოა და არ დავუშვებთ, რომ ეს ტრადიცია დაირღვეს. ქვეყნისათვის ყველაზე დაძაბულ პერიოდებშიც კი, არ მომხდარა არც ერთი ინციდენტი, რომელიც საფრთხეს შეუქმნიდა საქართველოში მცხოვრებ უცხოელ მოქალაქეებს და სტუმრებს და ეს ასე გაგრძელდება.“- განაცხადა სალომე ზურაბიშვილმა.

20 ივნისის აქციის დროს მომუშავე ჯანდაცვის სფეროს წარმომადგენლების დაჯილდოება

ვიმყოფები ქვემო ქართლის რეგიონში, ჩემი სტუმრობის მიზანი რეგიონში არსებული მდგომარეობის გაცნობა, და მისი ეკონომიკური კულტურული და ტურისტული პოტენციალის ხელშეწყობაა. ის, რომ რეგიონში ერთად სწავლობენ და ცხოვრობენ ქართველები, აზერბაიჯანული და სომხური წარმოშობის ბავშვები ნიშნავს, იმას რომ ამ ქვეყანაში არსებობს მშვიდობა, ერთმანეთის გაგება, პატივისცემა და ტოლერანტობა, რომელიც კავკასიის საერთო ფასეულობაა.

ბერლინში საქართველოს პრეზიდენტი გერმანიის კანცლერს ხვდება. სალომე ზურაბიშვილისა და ანგელა მერკელის შეხვედრა ამ წუთებში მიმდინარეობს.საქართველოს მეხუთე პრეზიდენტი გერმანიაში ოფიციალური ვიზიტით იმყოფება. სალომე ზურაბიშვილი მანამდე გერმანიის ფედერაციული რესპუბლიკის პრეზიდენტს, ფრანკ-ვალტერ შტაინმაიერს შეხვდა. 'დრო მოვიდა, რომ მოვითხოვოთ მეტი მხარდაჭერა ჩვენი დასავლელი მეგობრებისგან ოკუპირებულ ტერიტორიებთან დაკავშირებით და ასევე, სხვა საკითხებში. მიხარია, რომ ქალბატონი კანცლერი იზიარებს ჩვენს მოსაზრებებს, რაც საქართველოსა და გერმანიის მეგობრული ურთიერთობის გაძლიერებისა და განახლების საფუძველია.