15 488 664
ნახვა
33
ვიდეო
ლაშქრობა
7:29
საუბრები ალგეთის ეროვნულ პარკში
116 ნახვა მაისი 14, 2019

ალგეთის ეროვნულ პარკში, სოფელ დიდ ნამტვრიანთან ჩავიწერე ვიდეო, სადაც ვსაუბრობთ სამ სხვადასხვა საკითხზე: ალგეთის ეროვნულ პარკზე, ორ ერთდღიან წრიულ მარშუტებზე და ბოლოს, საკვების შერჩევისას მწარმოებელი ქვეყნის მნიშვნელობაზე. თუკი მოგწონთ ჩვენი ვიდეოები, აუცილებლად გააზიარეთ, რათა ბევრმა მაყურებელმა ნახოს. პროექტი არაკომერციულია და პირადი ენთუზიაზმის ხარჯზე კეთდება ორი ადამიანის მიერ, თუკი გსურთ, რომ მიიღოთ ამ წამოწყებაში მონაწილეობა, ჩვენი საბანკო ანგარიშის ნომერია GE50TB7326145061600009 (თიბის

87:05
ლექცია - სალაშქრო აღჭურვილობა
984 ნახვა აპრილი 24, 2018

15:21 - ცეცხლის საკუთვნო 17:34 - სალაშქრო ხელსაწყოები 23:02 - სალაშქრო თავშესაფარი 36:48 - ჯოჯოების ევოლუცია 38:57 - სალაშქრო ჭურჭელი 47:05 - მზისგან დამცავი საშუალებები 49:20 - სალაშქრო ზურგჩანთები 56:27 - ძირსაგები 1:03:01 - სალაშქრო ფეხსაცმელი 1:14:40 - საძილე ტომრები 1:22:06 - ელექტრო მოწყობილობები სალაშქრო კლუბ "მწვანე ზებრას" ორგანიზებით ჩატარდა სალაშქრო კვირეული, რომლის ფარგლებშიც წავიკითხე ლექცია სალაშქრო აღჭურვილობაზე (რამდენი სალაშქრო ვთქვი ერთ წინადადებაში :) ). ვინაიდან ეს თემა ძალიან ვრცელია, შეუძლებელია 1 საათიან პრეზენტაციაში დეტალურად ისაუბრო თითოეულ ნივთზე. ამიტომ, გადავწყვიტე ლექცია შაბლონური და მოსაწყენი რომ არ გამოსულიყო, მომეყოლა პირადი ისტორია, თუ რითი დავიწყე ლაშქრობა და დღეს რა აღჭურვილობას ვფლობ. აუდიტორია, სადაც ლექციას ვკითხულობდი იყო ძალიან გრძელი და არ გვქონდა მიკროფონი, ამიტომ მომიწია ხმამაღლა საუბარი, რისთვისაც ბოდიშს გიხდით. თუ ვინმეს აღმოგაჩნდებათ საკმარისი მოთმინება იმისთვის, რომ გმირულად უყუროთ საათნახევრიან ვიდეოს, გთხოვთ, აუცილებლად დააკომენტაროთ. ვიდეო გადაიღო და დაამონტაჟა თინათინ მუმლაძემ ჩვენი პროექტის მხარდამჭერები არიან ბავშვთა და ახალგაზრდობის ფონდი https://www.facebook.com/fondi.ge/?fr... საქართველოს პრეზიდენტის ადმინისტრაცია https://www.facebook.com/Administrati... საზოგადოებრივი ორგანიზაცია აისი https://www.facebook.com/Sazogadoebri... თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახური

6:56
ვიქტორინოქსის დანები
3 990 ნახვა აპრილი 1, 2018

ვიდეოში წარმოგიდგენთ შვეიცარული ბრენდი ვიქტორინოქსის მიერ დამზადებულ მრავალფუნქციურ დანებს და მათ ინსტრუმენტებს. განხილული მოდელების გარდა თქვენ შეგიძლიათ ჩამოტვირთოთ ვიქტორინოქსის კატალოგი და ფუნქციებიდან გამომდინარე მოძებნოთ თქვენთვის ყველაზე სასურველი მოდელი. კატალოგის ბმული: https://assets.victorinox.com/medias/SAK-catalogue-2017-EN.pdf?context=bWFzdGVyfHJvb3R8MjAxMjg0ODd8YXBwbGljYXRpb24vcGRmfGhiNS9oNDEvODg2NjY3NzM1ODYyMi5wZGZ8OGM5ODMzNjZhZmM1NTYzNDBiNWI3ZjgyNjZmYTZkODkzYzMzMjc2ZmFiYzI0ZjVkZjhiNDIxMzQwMmIwNDQ3ZQ თუკი მოგეწონათ დღევანდელი ვიდეო, გთხოვთ, გამოიწეროთ და მაქსიმალურად გააზიაროთ ჩვენი იუთუბის არხი, ამით ჩვენს პროექტს დაეხმარებით. პროდიუსერი თინათინ მუმლაძე შეგიძლიათ მოგვძებნოთ Facebook-ზე https://www.facebook.com/აღჭურვილობის-ტესტირების-ლაბორატორია-1852546111701875/

4:02
ზურგჩანთის ჩალაგება
1 850 ნახვა მარტი 31, 2018

#ლაშქრობა #Hiking #MyvideoVlogger ზურგჩანთის სწორად ჩალაგება ერთერთი საბაზისო და ამასთან აუცილებელი უნარია რომელიც თითოეულ მოლაშქრეს უნდა გააჩნდეს. საქმე მარტივადაა, ჩაბარგებისას ყურადღება უნდა მივაქციოთ ორ კრიტერიუმს, ნივთების წონასა და მათი გამოყენების სიხშირეს. მძიმე ნივთები თავსდება ზურგის მიმართულებით, მხრების კუნთების გასწვრივ, მსუბუქ აღჭურვილობას ვდებთ ჩანთის ძირში, ხოლო საშუალო წონის ნივთები შეავსებენ დარჩენილ სივრცეს. ასეთი გადანაწილება უზრუნველყოფს ჩანთის გრავიტაციის ცენტრისა და მოლაშქრის გრავიტაციის ცენტრის სიახლოვეს, შესაბამისად უკეთესს ბალანსსა და ნაკლებ დაღლილობას. მეორე კრიტერიუმის მიხედვით ნივთები რომლებიც დაბანაკებამდე არ გვჭირდება მიდის ზურგჩანთის ქვედა განყოფილებაში, იშვიათად გამოყენებადი ნივთები ჩანთის ძირითად შუა ნაწილში, ხოლო ისეთი აღჭურვილობა რომელიც წამდაუწუმ გვჭირდება თავსდება ჩანთის ზედა და გარეთა ჯიბეებში. ზამთრის ლაშქრობისას სწრაფი მოქმედებისთვის ასევე გარედან უნდა მივუმაგროთ ზვავის ატრიბუტიკა - ზონდი და თოვლის ნიჩაბი

4:51
კონსტიტუციის დღე - 24 აგვისტო - ლაშქრობა დიდგორში
591 ნახვა მარტი 31, 2018

#ლაშქრობა #Hiking #MyvideoVlogger 2017 წლის 24 აგვისტოს, კონსტიტუციის დღეს, მოვაწყეთ ორმოცდაათკაციანი ლაშქრობა დიდგორის მონუმენტისკენ. ჯამში ფეხით გავიარეთ 25 კილომეტრი, მიუხედავად განსხვავებული შესაძლებლობის მქონე მოლაშქრეებისა მარშუტი ურთიერთდახმარების ხარჯზე წარმატებით დავფარეთ. მეორე დღის დილას, თითოეულ მოლაშქრეს აკია ბარბაქაძემ (შავნაბადას ბატალიონის ხელმძღვანელი აფხაზეთის ომში) დაურიგა კონსტიტუციის ნაბეჭდი ვერსია. ჩვენთვის ყველაზე სახელოვან და წმინდა ადგილას, დიდგორის მონუმენტზე გადავიღეთ ჯგუფური სურათი და მოგონებებით დახუნძლულები უღრანი ტყის გავლით გავეშურეთ კვლავ წოდორეთსკენ.

7:36
თხევადსაწვავიანი სალაშქრო ქურა - "ჯოჯო"
826 ნახვა მარტი 31, 2018

#ლაშქრობა #Hiking #MyvideoVlogger ვიდეოში განხილულია სხვადასხვა თხევად საწვავზე (ბენზინი, ნავთი, დიზელი, სპირტი) მომუშავე ქურების გამოყენების ზოგადი პრინციპი, დადებითი და უარყოფითი მხარეები. სადემონსტრაციო მოდელია მსრ ვისპერლაით ინთერნეიშენალი (MSR whisperlite international) http://www.cascadedesigns.com/msr/sto...

5:05
ხელოვნური აბედები
839 ნახვა მარტი 31, 2018

#ლაშქრობა #Hiking #MyvideoVlogger ხელოვნური აბედების შედარება ცეცხლის დანთება ნებისმიერ პირობებში იმდენად მნიშნველოვანი უნარია რომ მსურს კიდევ ერთი ეპიზოდი დავუთმო ამ თემას და გაგაცნოთ სხვადასხვა სახის ხელოვნური აბედი. აბედი ესაა უმნიშვნელოვანესი კომპონენტი კოცონის დანთებისას, მისი ფუნქციაა უმცირესი ნაპერწკლითაც კი აალდეს და უფრო მოზრდილი ფიჩხები აანთოს. მართალია ტყე მრავალ ბუნებრივ მასალას გვთავაზობს, რომელთაც ეს თვისებები აქვს, მაგრამ ყოველთვის სასიამოვნოა როდესაც ზურგჩანთაში მეგულება ისეთი ინდუსტრიული საშუალება რომლითაც გარანტირებულად მექნება ცეცხლი თუნდაც ქარიანი და წვიმიანი სალაშქრო დღის ბოლოსაც კი.

3:43
როგორ დავიცვათ აღჭურვილობა დასველებისგან - წყატო (dry sack)
638 ნახვა აპრილი 1, 2018

#ლაშქრობა #Hiking #MyvideoVlogger ზურგჩანთაში ყოველთვის მოიძებნება ისეთი ნივთები რომელთა დასველებაც სისხლისფასადაც კი უნდა ავიცილოთ თავიდან. ასეთებია საძილე ტომარა ღამით ჩასაცმელ ტანსაცმელთან ერთად და თუნდაც ელექტრო მოწყობილობები. პირველის დასველების შეთხვევაში ღამე სიცივეში უბრალოდ გავიყინებით, მეორე ჯგუფის დაზიანება კი რამდენიმე ასეული დოლარის ზარალს გამოიწვევს. ამიტომაც ამ ვიდეოში მსურს გაგაცნოთ აღჭურვილობის მშრალად შენახვის მეთოდები.

2:16
კვარი - "ცხიმჯოხი"
938 ნახვა მარტი 31, 2018

#ლაშქრობა #Hiking #MyvideoVlogger ცეცხლის დასანთებად გარდა სითბოს წყაროსი (ასანთი, სანთებელა) საჭიროა ადვილადაალებადი მასალა რომელიც უმცირეს ნაპერწკალზეც კი აენთება და შემდგომ დიდი რაოდენობით სითბოს გამოყოფს. არსებობს როგორც ხელოვნური ისე ბუნებრივი აბედი. "ცხიმჯოხი" ერთერთი საუკეთესო ბუნებრივი საშუალებაა ცეცხლის დასანთებად, იგი მზადდება წიწვოვანი ხეების, ძირითადად ფიჭვის ხის იმ ნაწილებისგან სადაც თავმოყრილია გამაგრებული ფისი. ასეთი ლოკაციებია ტოტისა და ხის ძირითადი ტანის შეერთების ადგილები, ასევე სინედლისას გადაჭრილი კუნძები. ცხიმჯოხს დამახასიათებელი ქარვისფერი, მოწითალო შეფერილობა და მძაფრი, სასიამოვნო ფიჭვის სურნელი აქვს, გადაჭრის ადგილი გლუვი და "ცხიმიანია". მას შემდეგ რაც მივაგნებთ სათანადო ტოტს, უნდა დავანაწილოთ პატარა ჯოხებად და გავფხიკოთ დანით.შედეგად მივიღებთ ბურბუშელას რომელიც უმცირეს ნაპერწკალზეც კი ენთბა და დიდი რაოდენობით სითბოს გამოყოფს. თუკი ტყეში სათანადო ცოდნით წავალთ ხშირად ბუნება თავად მოგვამარაგებს საჭირო რესურსებით. ვიდეოშიც და პრაქტიკაშიც რათქმაუნდა მხოლოდ გამხმარი ხეებისგან მოვიპოვებთ სათანადო მასალას (ტყე ჩვენი სახლია). ვიდეოს გადაღების შემდგომ ცნობილი გახდა რომ "ცხიმჯოხს" ქართულად კვარი ქვია, ამიტომ ჩვენც რათქმაუნდა ამ მშვენიერ ტერმინს გამოვიყენებთ. გააზიარეთ ვიდეო და გამოიწერეთ ჩვენი არხი, რათა ავტომატურად გაეცნოთ შემდგომ ეპიზოდებს.

5:15
ფისკარს X7
275 ნახვა მარტი 31, 2018

#ლაშქრობა #Hiking #MyvideoVlogger ფინური ბრენდი ფისკარსის მიერ შექმნილი სალაშქრო ცულის განხილვა.

4:49
ცეცხლი
435 ნახვა მარტი 31, 2018

#ლაშქრობა #Hiking #MyvideoVlogger ცეცხლის დანთების საბაზისო პროცედურები, ახსნილია თუ როგორი შეშა გვჭირდება, საიდან მოვიპოვოთ კარგი საწვავი, რა თანმიმდევრობით უნდა დავანთოთ ცეცხლი. ვიდეოს მიზანია ზოგადი წარმოდგენის შექმნა. სხვა ეპიზოდებში უკვე ძალიან დეტალურად განვიხილავთ სხვადასხვა სახის ბუნებრივ თუ ხელოვნურ აბედს, ასევე ცეცხლის სხვადასხვა ფორმებსა და სახეობებს, ცეცხლის საკუთვნოს შემადგენლობას და უსაფრთხოების წესებს. გააზიარეთ ვიდეო და გამოიწერეთ ჩვენი არხი, რათა ავტომატურად გაეცნოთ შემდგომ ეპიზოდებს. ვიდეოს მონტაჟი - თინათინ მუმლაძე

2:05
ფისკარსის ცული X15
456 ნახვა მარტი 31, 2018

#ლაშქრობა #Hiking #MyvideoVlogger ეპიზოდში მოკლედ აღწერილია ფისკარსის ცული X15, ზოგადად ცულები შეგვიძლია ორ ძირითად ჯგუფად დავყოთ საჩეხი ცულები, რომლებიც დიდი მორების დასაწვრილებლად და დასაჩეხადაა განკუთვნილი, და საჭრელი ცულები რომლებიც უშუალოდ ხის მოსაჭრელად და ტოტების გასასხეპად გამოიყენება. X15 სწორედ ასეთ საჭრელ ცულებს მიეკუთვნება. მისი სიგრძე 60 სანტიმეტრია, წონა 1515 გრამი, ჩასადებით 1585. ამხელა გაბარიტების გამო სტანდარტულ ლაშქრობებში თითქმის არასდროს დამაქვს, ვიყენებ მაშინ როდესაც წინასწარ ვიცი რომ ტყეში დიდი მოცულობით ხეზე სამუშაოა შესასრულებელი. იმ ქვეყნებში სადაც ლაშქრობა პოპულარულია და მაღალ დონეზეა აყვანილი, მოხალისეები დამოუკიდებლადაც ასუფთავებენ სალაშქრო ბილიკებს, ათავისუფლებენ გზას გადმოწვენილ-მოტეხილი ხეებისგან, სწორედ ასეთი მასიური სამუშაოსთვისაა ზედგამოჭრილი ეს მოდელი. X15 მშვენიერი დამატებითი ნივთი იქნებოდა "off-road" მანქანებისთვის და ასევე სამაშველო ჯგუფებისათვის. ცულის ტარი ზეგამძლე პლასტმასისაა (არცერთი არ შემოგვტეხია ინტენსიური და მრავალწლიანი ხმარების შემდეგაც კი) კოხტა მორეზინებული დაფარვით, ცულის თავი თითოეული მოქნევისას ძალიან ღრმად ჩადის ხეში მისი სპეციალური დიზაინის დამსახურებით.

2:54
"ტურბო"- სალაშქრო სასმუსნავი/Trail Mix
291 ნახვა მარტი 31, 2018

#ლაშქრობა #Hiking #MyvideoVlogger ლაშქრობამდე უმნიშვნელოვანესია საჭმლის დაგეგმვა და დახარისხება. გაგაცნობთ ჩემს ერთერთ უსაყვარლეს რეცეპტს, რომელსაც „ტურბო“ დავარქვი. ლაშქრობისას ბევრ ენერგიას ვკარგავთ, ამიტომ მუდმივად უნდა შევივსოთ საწვავი, თუმცა არაპრაქტიკულია ყოველ 2 საათში სადილისთვის ხანგრძლივი შესვენება, ამიტომ თან უნდა გვქონდეს ისეთი საჭმელი რომელსაც მარტივად და ხშირ-ხშირად შევჭამთ. სწორედ ასეთია „ტურბო“, ეს გახლავთ თხილეულის, ქიშმიშის, ჩირის, ხანდახან ორცხობილის და ცივ პერიოდში შოკოლადის ნაზავი. საწყისი რეცეპტი შემდეგია 200 გრამი ქიშმიში, 200 გრამი შოკოლადი, 250 გრამი ორცხობილა და 250 გრამი მიწისთხილი, თუმცა რაოდენობები შეგიძლიათ შეუზღუდავად და ძალიან მარტივად ცვალოთ. პირველ რიგში ვხალავთ მიწისთხილს, დაახლოებით 15 წუთის განმავლობაში დაბალ ცეცხლზე, ვცდილობთ მუდმივად მოვურიოთ რომ არ დაგვეწვას, მოხალულ თხილს ვაცლით კანს, ესაა ყველაზე რთული მონაკვეთი ტურბოს მომზადების პროცესში, ვფშვნით ორცხობილას (სხვათაშორის სპარში ბელგიური ორცხობილა აღმოვაჩინე და ძალიან უხდება "ტურბოს"), ვანაწევრებთ შოკოლადს, ოთხივე ინგრედიენტს ჩავყრით დიდ ჯამში, კარგად ავურევთ და ტურბო მზადაა. შოკოლადს ზაფხულში არ ვიყენებ რადგან სიცხისგან დადნება. ინგრედიენტები შეგიძლიათ თქვენი გემოვნების მიხედვით შეცვალოთ, მთავარია რომ რასაც დაამატებთ იყოს კალორიებით სავსე, მსუბუქი და არ ფუჭდებოდეს მარტივად: ასეთებია მზესუმზირის თესლი, ნუში, თხილი, ჩირები და კრეკერები. ტურბოს ძირითად მარაგს ვათავსებ ხოლმე დიდ კონტეინერში, ხოლო იმ ნაწილს რაც გზაში უნდა ვჭამო პატარაში , ამ პატარა ქილას ჩანთის ზედა ჯიბეში ვინახავ რათა მარტივად მივაგნო და ჭამა არ დამეზაროს ხოლმე. „ტურბო“ უზარმაზარი რაოდენობით კალორიებს, ანუ საწვავს შეიცავს - ერთ დიდ შეკვრაში იგივე ენერგიაა რაც 13სნიკერში, ან 2 კილო სკუმბრიაში, თუკი ლაშქრობისას დაღლილობას იგრძნობ, თუკი დიდ აღმართს დაინახავ შეჭამე ტურბო და გაცილებათ ადვილად გაუმკლავდები დაბრკოლებებს. თუკი მოგეწონათ დღევანდელი ვიდეო გთხოვთ გამოიწეროთ არხი და აუცილებლად გააზიაროთ ეს ეპიზოდი.

2:04
სილქი ბიგბოი 2000
302 ნახვა მარტი 31, 2018

#ლაშქრობა #Hiking #MyvideoVlogger ვიდეოში საუბარია იაპონური ფირმა სილქის მიერ დამზადებულ დიდი ზომის გასაშლელ ხერხზე. ბრენდი ძალიან გამოცდილი და სახელოვანია, ამიტომაც პროდუქცია მაღალი ხარისხისაა. ხერხის პირი 36 სანტიმტრია, გაშლილი მთლიანად 75.5 სანტიმეტრს შეადგენს და იწონის 420 გრამს. სილქის ეს ხერხი მხოლოდ მოქაჩვისას ჭრის, ეს თავისებურება უნდა გვახსოვდეს რადგან ხერხს წინ მიწოლისას დიდი ძალა არ დავატანოთ და არ გავღუნოთ. მართლაც რომ დიდი სიამოვნებაა ამ ინტრუმენტით მუშაობა რადგან გრძნობ რომ თითოეულ მოქაჩვაზე ბარაქიანად იჭრება მოზრდილი მორებიც კი. მისი ზომებიდან და ეფექტურობიდან გამომდინარე "სილქი ბიგბოი 2000" წარმოადგენს ჯგუფური აღჭურვილობის შემადგენელ ნაწილს ზამთრის გასვლებში, ასევე მშვენიერი ნივთია მაშველებისთვის და ნებისმიერი საქმიანობისათვის რომელიც ტყეში დიდი რაოდენობით ხის დამუშავებას მოითხოვს. ამ ხერხის საშუალო ფასი 50$ ფარგლებში მერყეობს. ამაზონის ბმულზე შეგიძლიათ ნახოთ მისი ამჟამინდელი ღირებულება. http://www.amazon.com/Silky-Folding-L... ჩვენ შეშისთვის ყოველთვის გამხმარ ხეებს ვჭრით, კონკრეტულად ამ ვიდეოში გამოყენებული ხე კი დაავადებული და გამხმარი ფიჭვია რომლის მოჭრა და დაწვაც ერთადერთი საშუალებაა მის გარშემო ჯანსაღი ხეების გადასარჩენად. გააზიარეთ ვიდეო და გამოიწერეთ ჩვენი არხი, რათა ავტომატურად გაეცნოთ შემდგომ ეპიზოდებს. ვიდეოს მონტაჟი - თინათინ მუმლაძე

2:20
საწვავის კუბები
277 ნახვა მარტი 31, 2018

#ლაშქრობა #Hiking #MyvideoVlogger ამ ეპიზოდში განხილულია სალაშქრო/სამხედრო საწვავის კუბები - ფირმა ეზბიტის მიერ დამზადებული პროდუქციის მაგალითზე. ასეთი საწვავის კუბები ძალიან კომპაქტური და ჩუმი საშუალებაა წყლის მოსადუღებლად, თუმცა ძვირია, ნელი და მხოლოდ რამდენიმე ჭიქის გაცხელებაზეა გათვლილი. სახლის პირობებში დატესტვისას ერთმა კუბმა ნახევარი ლიტრი წყალი 8 წუთში აადუღა , ხოლო საველე პირობებში (ნიავის, ტემპერატურის გამო) ისე გააცხელა რომ ჭურჭლის კედელზე პატარა ბუშტუკები წარმოიქმნა, მაგრამ ბოლომდე ვერ აადუღა. საწვავის კუბის ლინკი ამაზონზე http://www.amazon.com/Esbit-1300-Degr... გააზიარეთ ვიდეო და გამოიწერეთ ჩვენი არხი, რათა ავტომატურად გაეცნოთ შემდგომ ეპიზოდებს. ასევე ეწვიეთ ჩვენი ფეისბუქის გვერდს https://www.facebook.com/Sazogadoebri... ვიდეოს მონტაჟი - თინათინ მუმლაძე

2:22
საძილის ჩატე ნვა
228 ნახვა მარტი 31, 2018

#ლაშქრობა #Hiking #MyvideoVlogger წლების განმავლობაში ტყეში წასვლამდე საძილეს მაქსიმალურად აკურატულად ვახვევდი და ისე ვათავსებდი სატრანსპორტო ტომარაში. სალაშქრო ფორუმების კითხვისას გადავაწყდი რომ საძილის დახვევა-დაკეცვა მოძველებული მიდგომაა, ერთიდაიგივე ადგილზე მუდმივი გადაკეცვა ძაბავს საძილის ნაკერებს და დროთა განმავლობაში უფრო მეტად აზიანებს. საკმარისია უბრალოდ „ჩატენო“ ჩვენი თბილი საძილე თავის ჩანთაში, ეს მეთოდი გაცილებით სწრაფი და მარტივია, განსაკუთრებით ისეთ შეზღუდულ სივრცეში როგორიც კარავია. ამ მიდგომის სიზუსტეში რომ დავრწმუნებულიყავი მივწერე მივწერე საძილე ტომრის მწარმოებელ ფირმებს, რაბმა, მაუნთეინ ჰარდვეარმა, კელტიმ, ფიზერდ ფრენდმა, ბიგ აგნესმა დამიდასტურა რომ სწორედ ჩატენვაა მართებული მეთოდი. მოთავსება ფეხების ნაწილიდან დაიწყეთ, საძილე ტომრიდან ასე უფრო ადვილად გამოვა ჰაერი დაპრესვისას და გასაბერ ბუშტს არ დაემსგავსება. საძილის მოთავსებისას სატრანსპორტო ტომარა ჰაერში ჭერის ნაცვლად ჯობია რაიმეს დავაყრდნოთ რათა ამ უკანასკნელის ნაკერები ძალიან არ დავტვირთოთ და არ დავაზიანოთ. თუკი ძვირფასი ზამთრის საძილე ტომარა გვაქვს რომლის გარეთა ფენა წყალსა და ჰაერს არ ატარებს, მაშინ ჩატენვამდე შიდა მხარის გარეთ გადმოტრიალება პროცესს გაცილებით გაგვიმარტივებს რადგან ჰაერი ადვილად გამოიდევნება საძილიდან. ლაშქრობიდან დაბრუნებისას აუცილებლად ამოიღეთ საძილე ჩანთიდან, კარგად და საფუძვლიანად გააშრე-გაანიავეთ და მოათავსეთ ფუმფულა მდგომარეობაში სპეციალურ შესანახ ტომარაში რომელიც ყიდვისას მოყვება ნორმალურ საძილეებს. არცერთშემთხვევაში დიდი ხნით არ დატოვოთ საძილე ჩაპრესილი პატარა სალაშქრო ტომარაში, ასე შენახვა აფუჭებს საძილის თბოიზოლაციის შესაძლებლობებს. თუკი მოგეწონათ დღევანდელი განხილვა გთხოვთ გამოიწეროთ ჩვენი არხი და მაქსიმალურად გააზიაროთ ვიდეოები. ვიდეო პროდიუსერი - თინათინ მუმლაძე

2:30
ვაზელინის ბამბურთები (აბედი)
5 221 ნახვა მარტი 30, 2018

#ლაშქრობა #Hiking #MyvideoVlogger ვიდეოში გაეცნობით ერთერთი საუკეთესო ხელოვნური აბედის ვაზელინით გაჟღენთილი ბამბის, იგივე ბამბურთების (ბამბის ბური) დამზადების საველე წესს. პირველ რიგში გვჭირდება მთავარი ინგრედიენტის, ტექნიკური ვაზელინის, შესყიდვა, რომელიც კილო დაახლოებით 10 ლარი ღირს და ქიმიური პროდუქციის მაღაზიაში თავისუფლად იყიდება. რაოდენობა სურვილისამებრ თუმცა 500 გრამი თავზე გადაგვივა. ასევე აუცილებელია ჩვეულებრივი ბამბა, 2 კოვზი, პატარა ქვაბუნა, აბედის შესანახი კონტეინერი და ცეცხლი. თავდაპირველად უნდა დავანთოთ პატარა კოცონი რომელზეც ქვაბის გამოყენებით საფუძვლიანად გავალღობთ ვაზელინს. პარალელურად შეგვიძლია ბამბისგან დავამზადოთ მომცრო ზომის ბურთები. მას შემდეგ რაც ვაზელინი სითხედ გადაიქცევა, ეს ბურთები უნდა ჩავყაროთ ქვაბში, გაჟღენთვის შემდეგ კოვზით ამოვიღოთ, გავწუროთ და ვაცადოთ გამაგრება. ისე ამ ყველაფრის სახლში ელექტროქურაზე გაკეთება უფრო მოსახერხებელია. გაშრობის შემდეგ ამ ნაგლეჯებს კვლავ ბურთის ფორმას ვაძლევთ და ვინახავთ წყალგაუმტარ კონტეინერში. ვაზელინის ბურთები ჭეშმარიტი აბედის კრიტერიუმს აკმაყოფილებს და არამარტო სანთებელათი, არამედ წინასწარ გაწეწვის შემდეგ უმცირესი ნაპერწკლითაც კი ენთება და გამოყოფს დიდი რაოდენობით ალს. არ აშინებს წვიმა და სინესტე, დასველების შემთხვევაში საკმარისია ზედმეტი წყალი მოვაშოროთ და გავწუროთ, რის შემდგეგაც ჩვეულებრივად შევძლებთ მის გამოყენებას. ამაში რომ დავრწმუნებულიყავით პატარა ტესტიც ჩავატარეთ და ბრწყინვალედ იმუშავა. აღსანიშნავია დაბალი ფასი - მთელი წლის მარაგი რომელიც ამ პატარა კონტეინერში თავსდება სულ რაღაც 2-3 ლარი დაჯდა. ასევე ძალიან სასიამოვნო შეგრძნებაა როდესაც თავად შეგვიძლია საველე გასვლისთვის საჭირო აღჭურვილობის თუ სახარჯი მასალის დამზადება. გთხოვთ გააზიაროთ ვიდეო და გამოიწეროთ ჩვენი არხი, რათა ავტომატურად გაეცნოთ შემდგომ ეპიზოდებს.

5:38
სალაშქრო ჯოხები II
377 ნახვა მარტი 31, 2018

#ლაშქრობა #Hiking #MyvideoVlogger

3:26
4 სეზონიანი vs 3 სეზონიანი კარავი
1 251 ნახვა მარტი 28, 2018

#ლაშქრობა #Hiking #MyvideoVlogger

4:23
სალაშქრო ჯოხები I
397 ნახვა მარტი 30, 2018

#ლაშქრობა #Hiking #MyvideoVlogger მრავალი რთული ლაშქრობიდან დაბრუნებისას მიფიქრია რომ მარშუტის წარმატებით გავლა სანახევროდ სალაშქრო ჯოხების დამსახურება იყო. ეს ნივთი იმდენად განუყრელი გახდა მრავალდღიან გასვლებზე რომ მსურს რამდენიმე ვიდეო დავუთმო მის განხილვას. პირველ ეპიზოდში გაგიზიარებთ თუ რა სიტუაციაში, რატომ და როგორ გამოიყენება ეს ნივთი, ხოლო მომდევნო ვიდეოში დეტალურად გაგაცნობთ როგორი სალაშქრო ჯოხები არსებობს და რას მივაქციოთ ყურადღება არჩევისას.

0:52
თავკვეთილის ვულკანიდან დაშვება
351 ნახვა მარტი 30, 2018

#ლაშქრობა #Hiking #MyvideoVlogger

2:25
რემბოს ხერხი
534 ნახვა მარტი 30, 2018

#ლაშქრობა #Hiking #MyvideoVlogger გთხოვთ გააზიაროთ ვიდეო და გამოიწეროთ ჩვენი არხი, რათა ავტომატურად გაეცნოთ შემდგომ ეპიზოდებს. ასევე იაქტიურეთ კომენტარებში და შემოგვთავაზეთ თვენი რჩევები და შეხედულებები

7:23
მოგზაურობა თუშეთში
491 ნახვა მარტი 30, 2018

#ლაშქრობა #Hiking #MyvideoVlogger ვენი 8 დღიანი მოგზაურობა პანკისიდან თუშეთში. 13 გამოუცდელი მოლაშქრე, რთული მარშუტი, სამი 2900 მეტრიანი უღელტეხილი, თოვლი, სიცივე, სტუმართმოყვარე თუშები, პიკაპით დართლოდან ომალომდე, კამაზით ომალოდან ალვანამდე. საუკეთესო სეზონი თუშეთის სანახავად სექტემბერი-ოქტომბრის დასაწყისი ყოფილა, ულამაზესი იყო ალაზნისთავის მთები, მწვანე დეკაზე ათას ფერებად აფეთქებული ხეები, გაყვითლებული საძოვრები, თეთრად დაფარული მთის კენწეროები და ულურჯესი ცა. იყო სირთულეები, იყო პაწაწინა ქვიან ადგილებში დაბანაკება ალაზნის ხეობაში, იყო ბევრი წვიმა, იყო კარგი ამინდიც, დარჩა უამრავი მოგონება, გონებაში მოიხაზა მრავალი სამომავლო მარშუტი, კიდევ უფრო შემიყვარდა თუშეთი. პროდიუსერი თინათინ მუმლაძე

3:39
სალაშქრო ჭურჭელი "კონგალი"
535 ნახვა მარტი 29, 2018

#ლაშქრობა #Hiking #MyvideoVlogger ტყეში, საველე პირობებში კვებისას ხელებს გაცილებით უფრო აქტიურად და მრავალფეროვანი დანიშნულებით ვიყენებთ ვიდრე საბანკეტო დარბაზში დანა-ჩანგლით კვებისას, თუმცა ამის მიუხედავად მაინც გვჭირდება გარკვეული ჭურჭლეული. დღეს მინდა გაგაცნოთ კოვზისა და ჩანგლის ნაჯვარი „კონგალი“. თუკი მოგეწონათ დღევანდელი ვიდეოგანხილვა, გთხოვთ გამოიწეროთ და მაქსიმალურად გააზიაროთ არხი. ვიდეოს პროდიუსერი - თინათინ მუმლაძე

5:22
ზურგჩანთა - ილბე
972 ნახვა მარტი 28, 2018

#ლაშქრობა #Hiking #MyvideoVlogger პიზოდში საუბარია ამერიკის საზღვაო ქვეითების ზურგჩანთა ილბეზე, რომელიც იშიფრება როგორც ტვირთის გაუმჯობესებული სატარებელი მოწყობილობა. სამხედროები იყენებდნენ 2004-დან 2012 წლამდე. ჩაანაცვლეს მხოლოდამხოლოდ იმიტომ რომ არ იყო მორგებული თანამედროვე ჯავშანჟილეტებს. ილბეს დიზაინი კანადური ფირმა არტერიქსის კუთვნილებაა, ეს ბრენდი სახელოვანია სალაშქრო ტანსაცმლისა და ზურგჩანთების წარმოებაში. ჩანთის მახასიათებლები შემდეგია: მოცულობა - 75 ლიტრი მასალა - 725 დენიერ კორდურა ნეილონი წონა - 3.8 კილოგრამი ილბე ძალიან საფუძვლიანად დავტესტეთ სხვადასხვა ტიპისა და სირთულის ლაშქრობაში, საერთო შეფასება შემდეგია: ძალიან გამძლე, კომფორტული და ერგონომიული ჩანთა, თუმცა გაცილებით მძიმე ვიდრე ტურისტული კონკურენტები. გააზიარეთ ვიდეო და გამოიწერეთ ჩვენი არხი, რათა ავტომატურად გაეცნოთ შემდგომ ეპიზოდებს.

3:49
როგორ გავარჩიოთ კარგი კარავი უვარგისისგან
1 947 ნახვა მარტი 28, 2018

#ლაშქრობა #Hiking #MyvideoVlogger კარავი დიდი სამეულის ერთერთი წარმომადგენელია, სალაშქრო დიდ სამეულში შედის ზურგჩანთა, საძილე ტომარა და კარავი. ამ მნიშვნელოვანი აღჭურვილობის შერჩევისას უნდა ვიცოდეთ რამდენიმე მარტივი დეტალი რათა ხარისხიანი კარავი მარტივად გავარჩიოთ უბადრუკი კონკურენტებისაგან.

3:17
გაზის სალაშქრო ქურა
672 ნახვა მარტი 28, 2018

#ლაშქრობა #Hiking #MyvideoVlogger გაზის ბალონზე მომუშავე სტანდარტული კონსტრუქციის სალაშქრო ქურის განხილვა.

3:03
თავშესაფარი - ტენტი "ბაშა"
737 ნახვა მარტი 28, 2018

#ლაშქრობა #Hiking #MyvideoVlogger კარვის ალტერნატივა, რომელსაც წლებია ვიყენებ წვიმისგან თავდაცვისათვის, ეს არის ბრიტანული არმიის ტენტი - ბაშა. უფრო იაფი და მსუბუქია ვიდრე კარავი, და რაც მთავარია უფრო ახლოს ხარ ბუნებასთან ყოველგვარი კარვის კედლებისა და ბარიერების გარეშე. თუმცა ქარს ნაკლებად აკავებს და კარავთან შედარებით ვერც ტემპერატურას ინარჩუნებს. დამზადების ხარისხი ზუსტად ისეთია, როგორიც დიდი ბრიტანეთის ჯარს შეეფერება, ანუ ძალიან ხარისხიანი. მასალა ნეილონი, შესრულება საუკეთესო. დასაჭიმად, კუთხეებში ჩაყოლებულია რგოლები და ღვედები. ბაშას წონა 1 კილოგრამია და ამ პატარა ტომსიკაში ეტევა. მართალია კარავზე ბევრად მცირეა გაბარიტებშიც და წონაშიც, მაგრამ სიმართლე რომ ითქვას თანამედროვე ტურისტულ ტენტებთან შედარებით მძიმეა. ბაშას დასაჭიმად მუდმივად თან დამაქვს ერთი ძირითადი თოკი, 6 სოლი და პარაქორდის 4 ნაჭერი. შესაძლებელია, სოლების ხის ჯოხებისგან გაკეთებაც, მაგრამ ლაშქრობით დაქანცულს, ღამით, ნამდვილად არ მეხალისება ტოტების თლა და მირჩევნია დამატებით 100 გრამი ვატარო თან. ყველაზე მეტად ის მომწონს, რომ თავშესაფრის გაშლისას ტრიალ მინდორზეც კი არაფერი მჭირდება გარდა ჩემი ერთგული სალაშქრო ჯოხებისა. ვიდეოში ნაჩვენებია გაშლის პროცესიც. ტენტის ქვეშ საკმარისი ადგილია არამარტო ჩვენთვის, არამედ ჩვენი აღჭურვილობისთვისაც კი, ასევე შესაძლებელია იმგვარი კუთხით გავშალოთ რომ 2 კაციც თავისუფლად დაეტიოს. დაკეცვისას ძლიერი მონდომებით უნდა ვეცადოთ მაქსიმალურად მჭიდროდ და კომპაქტურად დავკეცოთ და შემდეგ დავახვიოთ, რათა თავის პატარა ტომსიკაში მოვათავსოთ შენახვისათვის. სწორედ ეს პროცედურაა ყველაზე ძნელი ბაშას გამოყენებისას ლაშქრობაში. ბაშას დამატებითი ფუნქციაც აქვს, მისი გამოყენება საკაცედაც შეიძლება, სწორედ ამისთვის 6 სახელური აქვს ჩაყოლებული კიდეებში. შეფერილობა კამუფლირებულია და კარგად ერწყმის ალპური მდელოების, შემოდგომის ტყის და მინდვრების შეფერილობას. საერთო შეფასებით, ბაშა ხარისხიანი, გამძლე და ოდნავ მძიმე ტენტია, რომლის ყიდვაც ძირითადად ბრიტანულ იბეიზეა შესაძლებელი დაახლოებით 40$-ად.

2:41
გასაშლელი ხერხი "ბაკო"
500 ნახვა მარტი 28, 2018

#ლაშქრობა #Hiking #MyvideoVlogger ბაკო ლაპლანდერი - კომპაქტური გასაშლელი ხერხი ტყეში მოხეტიალე, ლაშქრობის მოყვარული ხალხისთვის. ბრენდი შვედურია, აწარმოებს ხელსაწყოებსა და სამუშაო იარაღებს, თანაც მის ცნობილ თევზისა და ნემსკავის ლოგოს აგერ უკვე 130 წელია წარმატებით იყენებს. ამხელა გამოცდილება და ევროპული ფესვები მაღალი ხარისხისა და გამძლეობის გარანტიაა. კონკრეტულად ამ ხერხის ძირითადი უპირატესობა მისი გაბარიტებია, 23 სანტიმეტრი დაკეცილ მდგომარეობაში, ჯამური წონა 200 გრამი - სულ რაღაც 2 სუპერ სნიკერსი. ძნელია ასეთი ნივთის წაღება დაგეზაროს, უმარტივესად თავსდება ჩანთის ჯიბეში და ძალიან მცირე ადგილს იკავებს. ბაკო თავისი ხერხის დასამზადებლად შვედურ, განთქმულ სანდვიკ ფოლადს იყენებს. ხარისხიანი ფოლადი და სპეციალურ დამუშავება ხერხის კბილებს ძალიან ბასრსა და გაძმლეს ხდის. ხერხის გახსნა დაკეცვა ერთ ღილაკზე დაწოლით ხდება, სისტემა საიმედოა, შესაბამისად უსაფრთხო. ტარი გამძლე პლასტმასისაა, მორეზინებული დაფარვით რაც ხელის მოჭიდებას გაცილებით აადვილებს. შეფერილობა ძალიან კარგად ეხამება ჩვენს ტყიან გარემოს, ზოგ შემთხვევაში ზედმეტად კარგადაც, შესაბამისად რომ არ დავკარგოთ გამორჩეული ფერის ზონარი შეგვიძლია მოვაბათ უკან. დასკვნა: ბაკო ლაპლანდერი, ძალიან კომპაქტური,მსუბუქი, ხარისხიანი გასაშლელი ხერხი ფიჩხის და საშუალო ზომის შეშის მოსაჭრელად, მათთვის ვისთვისაც ტვირთის წონა უპირველესი პრიორიტეტია. თუკი მაინცდამაინც დიდი მორების დახერხვა გვიწევს ზამთრის გასვლებისთვის, მაშინ უფრო მოზრდილი ალტერნატივაა საჭირო. ბონუსი: მშვენიერი ხესაწყო მებაღეებისა და მევენახეებისთვის. გთხოვთ გააზიაროთ ვიდეო და გამოიწეროთ ჩვენი არხი, რათა ავტომატურად გაეცნოთ შემდგომ ეპიზოდებს.

არხის შესახებ

აღჭურვილობის ტესტირების ლაბორატორია

არხის ვიდეოების ძებნა
მოცემული ფილტრით ვიდეოები ვერ მოიძებნა