230 239
ნახვა
52
ვიდეო
On
1:07
ქრისტეს ჯვარცმისგან გადასარჩენად, თეატრში მაყურებელი სცენაზე ავარდა
2 974 ნახვა აპრილი 2, 2018

რამდენიმე დღის წინ, ბრაზილიის ერთ-ერთ ქალაქში, თეატრის სცენაზე ქრისტეს შესახებ დადგმული სპეკტაკლის პრემიერა შედგა. ყველაფერი გეგმის მიხედვით ჩაივლიდა, რომ არა ერთი ძალიან უცნაური და სასაცილო მოვლენა. ჯვარცმის დროს სცენაზე მაყურებელი ავარდა და ქრისტეს გადარჩენა სცადა, ამ მიზნით ის თავს იმ მსახიობს დაესხვა, რომელიც სპეკტაკლში რომაელი ჯარისკაცის როლს ასრულებდა. სცენაზე ავარდნამდე და მას შემდეგაც კაცი ყვიროდა, რომ აღარ დაუშვებდა ვინმეს ქრისტე ისევ ეწამებინა.

0:13
რუსეთში ქურდებმა რესტორანში ფული ვერ იპოვეს და 50 კგ პელმენი მოიპარეს
5 543 ნახვა აპრილი 2, 2018

რუსეთში, ქალაქ ეკატერინბურგში მძარცველები კაფეში შეიჭრენ და 50 კილოგრამი პილმენი მოიპარეს. ამ უცნაური შემთხვევის მიზეზი კი ცარიელი სალარო გახდა. მძარცველების იმედგაცრუებას საზღვარი არ ჰქონდა, როცა აღმოაჩინეს რომ ხელცარიელები, მხოლოდ და მხოლოდ იმიტომ დარჩნენ, რომ თანხა ინკასაციისას გაიტანეს. ამიტომ გამოსავალი იპოვეს და სალაროს ნაცვლად, გვედით მდგომი მაცივარი დააცარიელეს. რა თქმა უნდა, კაფის მფლობელებმა პოლიციაში იჩივლეს და ახლა რუსი სამართალდამცავები, სოციალური მედიის მომხმარებლებთან ერთად ცდილობენ მაქსიმალურად სწრაფად გაავრცელონ ინფორმაცია და დააკავონ პელმენის ქურდები.

6:00
ფრენა პოლარულ ციალთან ერთად, 6-წუთიან ვიდეოში
3 077 ნახვა აპრილი 2, 2018

ფოტოგრაფმა ბრედ ფიფმა, ახალი ზელანდიიდან ანტარქტიდის მიმართულებით და უკან დაბრუნების 7-საათიანი ფრენა გადაიღო. 6-წუთიან აჩქარებულ ვიდეოში პოლარულ ნათებას ვხედავთ. სამხრეთის ციალი, ახალი ზელანდიის თავზე, რამდენიმე საათს გრძელდებოდა. ფოტოგრაფის თქმით, ვიდეოში სულ მთლიანი ფრენის 6 საათია გამოყენებული, რადგან აფრენიდან ერთი საათის განმავლობაში მოსალოდნელზე მეტი დღის შუქი იყო. ვიდეოს 1 წამი რეალური დროის ერთ წუთს გრძელდებოდა.

0:30
შავი პანტერას ჩვენებაზე მოსახვედრად, ბავშვები მაღალი კაცივით გამოეწყვნენ
856 ნახვა თებერვალი 19, 2018

ორმა ბავშვმა, რომელსაც ძალიან უნდოდა მარველის სუპერგმირზე გადაღებული ფილმის Black Panther-ს ნახვა და თან ორი ბილეთის ფული არ ჰქოდა, გადაწყვიტა, რომ კინოთეატრის მენეჯერი გაესულელებინა. ბიჭები მაღალი კაცივით გამოეწყვნენ, თუმცა ალბათ არ გაგიკვირდებათ, თუ გეტყვით, რომ ონავარი ბავშვების გეგმამ არ იმუშავა. სამაგიეროდ ისინი ტვიტერის ვარსკვლავები გახდნენ. "ვეცადეთ ერთი ბილეთით შევსულიყავით შავი პანტერას სანახავად, მაგრამ მენეჯერმა არ დაგვიჯერა" - დაწერა ერთ-ერთმა მათგანმა ტვიტერზე.

0:14
თბილისში, მიხაილოვის საავადმყოფოს ყოფილ შენობაში ხანძარია
1 302 ნახვა თებერვალი 18, 2018

თბილისში, აღმაშენებლის გამზირზე, მიხაილოვის საავადმყოფოს ყოფილ შენობაში, სადაც ახლა წმინდა მიქაელ მთავარანგელოზის სახელობის მრავალპროფილიანი კლინიკური საავადმყოფო ფუნქციონირებს, ხანძარია. როგორც On.ge-ს საგანგებო სიტუაციების მართვის სააგენტოში უთხრეს, ადგილზე 12 მანქანაა მობილიზებული. ინციდენტის შედეგად კი არავინ დაშავებულა.

1:32
ინდონეზიელმა კაცმა მეზობელი იმის გამო მოკლა, რომ მუდმივად ეკითხებოდა, როდის დაოჯახდებოდა
8 328 ნახვა თებერვალი 11, 2018

2018 წლის 19 იანვარს ინდონეზიაში შოკისმომგვრელი მკვლელობა მოხდა. ახალგაზრდა კაცმა შეკითხვის დასმისთვის მეზობელი სიცოცხლეს გამოასალმა.28 წლის ფაის ნურდინი საკუთარი სახლის წინ იჯდა, როდესაც მისი ორსული, 32 წლის მეზობელი მივიდა და გამოელაპარაკა. ეჭვმიტანილის თქმით ქალი მას სწრაფად დაოჯახებას ურჩევდა, რადგან სამეზობლოში უკვე ყველას ჰყავდა ცოლი. შემდეგ კი განუწყვეტლივ უმეორებდა მისთვის არასასიამოვნო კითხვას თუ როდის აპირებდა დაოჯახებას, რამაც ის საბოლოოდ გამოიყვანა წყობიდან. გაბრაზებული ნურდინი ამავე დღეს მეზობელის სახლში შევიდა და ქალი მოკლა. დანაშულის ადგილიდან კი ცოტაოდენი ფული და მსხვერპლის სმარტფონიც მოიპარა.

1:08
ჭკვიანი ჩანგალი, რომელიც ბევრი ჭამის საშუალებას არ მოგცემთ
4 038 ნახვა თებერვალი 8, 2018

თუ გამოუსწორებელი გურმანი და გემრიელი კერძების დიდი მოყვარული ხართ, ეს ახალი გამოგონება სწორედ თქვენთვისაა შექმნილი.საქმე ის არის, რომ ჭკვიანი ჩანგალი ჭამის სისწრაფეს, ულუფის რაოდენობასა და კალორიებსაც კი გაგიკონტროლებთ და ჭარბი წონის სწრაფად დაკლებაში დაგეხმარებათ.ჭკვიანი ჩანგლის დახმარებით, შეგეძლებათ გემრიელად ჭამოთ, თუმცა გახსოვდეთ, რომ ერთი ზედმეტი ლუკმაც კი ამ ჩანგლის "გაბრაზების" მიზეზი გახდება.

1:15
ისლანდიის ქალაქში სწრაფი მოძრაობის შესანელებლად 3D ზებრა გადასასვლელები დახატეს
5 873 ნახვა ოქტომბერი 27, 2017

ისლანდიის პატარა ქალაქ ისაფიორდურში თუ მოხვდებით, ქვეითთა გადასასვლელ ხაზზე ოპტიკური ილუზია შეგხვდებათ - 3D ზებრა გადასასვლელი საგზაო უსაფრთხოების დასაცავად ცოტა ხნის წინ მოხატეს.ინოვაციური დიზაინის გადასასვლელი ქვეითებს ჰაერში სიარულის შეგრძნებას უტოვებს, ხოლო მძღოლებისთვის ის ჰაერში გამოკიდებულ ზებრა გადასასვლელის შთაბეჭდილებას ტოვებს, რის გამოც ისინი სიჩქარეს უკლებენ და ფეხით მოსიარულეებს გზაზე უსაფრთხოდ გადასვლის საშუალებას უტოვებენ.

2:24
იაპონიაში ამოფრქვეული ვულკანის დრონით გადაღებული კადრები
4 771 ნახვა ოქტომბერი 16, 2017

იაპონიაში, კიუ-შიუს პრეფექტურაში, კირიშიმას მთათა მასივში, ვულკანი შიმოე ამოიფრქვა, რომლის ფერფლიც კრატერიდან 2 ათასი მეტრის სიმაღლემდე ავიდა.კადრები, დრონით, ჯეიმს რეინოლდსმა გადაიღო.ვულკანური ფერფლის მცირე ნაწილი ქალაქ ტაკაჰარუს მოეფინა, თუმცა, საბედნიეროდ, არავინ დაშავებულა და არც ინფრასტრუქტურა დაზიანებულა. ქალაქის მაცხოვრებლები, ფერფლისგან თავის დაცვის მიზნით, ქუჩაში ქოლგებით დადიან.მიმდებარე ტერიტორიიდან მოსახლეობის ევაკუაცია ჯერჯერობით არ გამოუცხადებიათ, თუმცა საფრთხე მესამე დონითაა შეფასებული, რაც მთასა და მიმდებარე ტერიტორიაზე გადაადგილებას კრძალავს. მეხუთე დონეზე აწევის შემთხვევაში ხალხის გაყვანა დაიწყება.შიმოე ბოლოს 2011 წლის 7 სექტემბერს ამოიფრქვა.

0:05
საკონდიტრო ''მუწუკებიან'' ტორტს ამზადებს, რომელიც ძალიან რეალისტურია
2 236 ნახვა ოქტომბერი 16, 2017

მალაიზიის ერთ-ერთ საკონდიტროში უჩვეულო ტორტებს აცხობენ. იმას, რაც ადამიანების უმრავლესობას საზიზღრობად მოეჩვენება, ძალიან ბევრი მყიდველი ჰყავს.წარმოგიდგენთ "მუწუკებით" მორთულ ტორტებს. ადამიანები მას საკუთარი დაბადების დღეებისთვის უკვეთავენ. როდესაც ტორტზე არსებულ "მუწუკების" თავებს ხელს მოუჭერთ, იქედან "ჩირქი" გამოვა.თუმცა ეს ტორტი THE CAKESCAPE-ის ინოვაცია არაა. მანამდე დერმატოლოგმა სანდრა ლიმ მუწუკებიანი ქაფქეიქები შემოგვთავაზა.

2:23
ელენ დეჯენერესმა სარა პოლსონი სამჯერ შეაშინა
5 297 ნახვა სექტემბერი 21, 2017

მსოფლიოში ალბათ ისე ძალიან არავის უყვარს ცნობილი ადამიანების შეშინება, როგორც ელენ დეჯენერესს. ამის მიუხედავად, მსახიობები, მოდელები თუ მომღერლები მის შოუში სტუმრობას თავს არ არიდებენ. "შენ საშინელებათა ფილმებში მონაწილეობ და ალბათ გიყვარს, როცა გაშინებენ" - უთხრა ელენმა ამერიკული საშინელებათა ისტორიის მსახიობს, სარა პოლსონს.პოლსონმა იუარა, თუმცა ელენმა ის მაინც შეაშინა, თან ისე, რომ მსახიობი ბოლოს მაგიდის ქვეშ შეძვრა და ითხოვდა, რომ მეტჯერ აღარ შეეშინებინათ.სერიალში პოლსონს კლოუნების ფობია აქვს, რაც ელენს უყურადღებოდ არ დარჩენია.

0:29
ტრამპმა ტვიტერზე ვიდეო გადაპოსტა, სადაც ჩანს, როგორ "უსწორდება" ფიზიკურად კლინტონს
2 007 ნახვა სექტემბერი 18, 2017

აშშ-ს პრეზიდენტმა დონალდ ტრამპმა ტვიტერის პროფილიდან, სახელად CNN Sucks, 17 სექტემბერს ვიდეო გადმოტვიტა. დამონტაჟებულ ვიდეოში ჩანს, რომ ტრამპი გოლფის ბურთს ჯოხს ურტყამს, ბურთი კი კლინტონს ზურგში ხვდება და ის თვითმფრინავში ასვლისას ეცემა.დონალდ ტრამპმა ერთი წლის წინ ამერიკის საპრეზიდენტო არჩევნებში გაიმარჯვა, ამომრჩეველთა კოლეგიის 276 ხმა მოიპოვა და დემოკრატი კონკურენტი ჰილარი კლინტონი დაამარცხა. როგორც ჩანს, ამერიკის პრეზიდენტი კლინტონს ისევ მოწინააღმდეგედ აღიქვამს.ჰილარი კლინტონის ვიდეო 2011 წლის იანვარშია გადაღებული, როდესაც ის აშშ-ს სახელმწიფო მდივანი იყო და იემენს სტუმრობდა. ის თვითმფრინავში შესვლისას წაიქცა, თუმცა იგი მალევე წამოაყენეს.ეს პირველი შემთხვევა არაა, რაც ამერიკის პრეზიდენტის ქცევა ტვიტერიდან ძალადობის წახალისებად აღიქმება. 2 ივლისს მან თავად გამოაქვეყნა მოდიფიცირებული ვიდეო, რომელშიც ის CNN-ს თავს ესხმის და ფიზიკურად უსწორდება.

4:33
ყველაფერი, რაც iPhone 8-ისა და iPhone X-ის შესახებ უნდა იცოდეთ
4 435 ნახვა სექტემბერი 13, 2017

Apple-მა სექტემბრის ტრადიციულ ღონისძიებაზე რამდენიმე ახალი პროდუქტი წარადგინა. თუმცა, ყველაზე დიდ ყურადღებას iPhone-ის ახალი მოდელები იქცევს.როგორც მოსალოდნელი იყო, გუშინ, 12 სექტემბერს, კომპანიამ iPhone 8, iPhone 8 Plus და iPhone X გააცნო ფართო საზოგადოებას. რა მახასიათებლები აქვთ ახალი თაობის ტელეფონებსა და რით განსხვავდებიან ისინი ერთმანეთისგან? iPhone 8 და iPhone 8 Plus რაც უნდა გასაკვირი იყოს, როგორც ჩანს, Apple-ს ახალი მოდელის დიზაინის გადაკეთებაზე ბევრი არ უფიქრია. iPhone 8 და iPhone 8 Plus ძალიან ჰგავს მის წინამორბედს, iPhone 7-ს. პრეზენტაციამდე არსებობდა მოლოდინი, რომ ამ მოდელებს არ ექნებოდა Home Button, თუმცა ეს ინფორმაცია მცდარი აღმოჩნდა. მიუხედავად წინა მოდელთან ვიზუალური მსგავსებისა, iPhone 8 და iPhone 8 Plus-ის უკანა ნაწილი მთლიანად შუშის კორპუსით იქნება დაფარული, დანარჩენი კი - ალუმინით. ახალი მოდელები სამ ფერში იქნება წარმოდგენილი - რუხი (Space Gray), ვერცხლისფერი (Silver) და ოქროსფერი (Gold). აღსანიშნავია, რომ შუშის კორპუსმა ტელეფონს სრულიად ახალი იერი და ხიბლი შესძინა. ტექნიკური მახასიათებლები შესაძლოა ახალი მოდელები ვიზუალურად გავს iPhone 7-ს, თუმცა ტექნიკური მახასიათებლების მხრივ, ის გაუმჯობესებული ვერსიაა. iPhone 8-ს ახალი 12-მეგაპიქსელიანი კამერა აქვს, ხოლო iPhone 8 Plus-ს ასევე 12 მეგაპიქსელიანი, ორმაგი კამერა მოყვება. ამასთან, iPhone 8 Plus აღჭურვილია Portrait Mode და Portrait Lightining ფუნქციებით, რის დანაკლისსაც iPhone 8 განიცდის.აღსანიშნია, რომ ორივე მოდელი კვლავ წყალ- და ნესტ-გამძლეა, რაც iPhone-სთვის სიახლეს აღარ წარმოადგენს.ორივე ახალი მოდელი აღჭურვილია უსადენო დატენვის ფუნქციით. ამასთან, განსხვავდება დინამიკისა და მიკროფონის ჟღერადობაც. ორივე მოდელს წინა ვერსიებისგან განსხვავებით, 25%-ით აქვს გაუმჯობესებული ხმის სიხშირე და ხარისხი.

0:40
მარტა სტიუარტმა და სნუპ დოგმა ფილმიდან Ghost საკულტო სცენა გაიმეორეს
2 662 ნახვა აგვისტო 31, 2017

სავარაუდოდ, ჯერ არ გეცოდინებათ, რომ ვეტერან ტელეწამყვანს, მილიონერ ბიზნესვუმენსა და კულინარ მარტა სტიუარტს რეპერ სნუპ დოგთან ერთად ახალ კულინარიულ შოუ მიჰყავს.შოუს ახალი პრომო ვიდეოსთვის კი მათ ცნობილი ამერიკული ფილმის Ghost-ის საკულტო სცენა გაითამაშეს. ვიდეოში აშკარაა რომ სნუპს და მარტას ნამდვილად აქვთ ის ქიმია, რომელიც კულინარიული შოუს წაყვანის დროს აუცილებლად გამოადგებათ.მარტასა და სნუპის კულინარიული შოუს პრემიერა VH1-ზე 16 ოქტომბერს შედგება.

13:56
Game Revealed: დოკუმენტური სერიალი სამეფო კარის თამაშების გადაღებების შესახებ
2 974 ნახვა აგვისტო 29, 2017

სამეფო კარის თამაშების მეშვიდე სეზონი დასრულდა და თან ეპიკურად! პოლიტიკური სიტუაცია მკვეთრად შეიცვალა, ვესტეროსი ყინულის შტორმსა და ცეცხლის ალშია გახვეული და კაცმა არ იცის რა მოხდება.სამწუხაროდ, კითხვებზე პასუხებს 2019 წლამდე ვერ მივიღებთ. არის შანსი, რომ სერიალი უფრო მალეც გამოვიდეს, მაგრამ მერვე სეზონის გამოსვლამდე ლოდინი ბევრად დიდი ხანი მოგვიწევს, ვიდრე სხვა სეზონებს ველოდით.რა უნდა ვქნათ ამ პერიოდის განმავლობაში? ყველაზე ეფექტური ხერხი იქნება, რომ დაველოდოთ რამე ახალ სერიალს, რომელსაც გულს გადავაყოლებთ. ვიდრე ისეთი სერიალი გამოვა, რომელიც GOT-ის დანაკლისს შეგვივსებს, მანამდე შეგვიძლია HBO-ს დოკუმენტურ სერიალს ვუყუროთ, რომელიც სერიალის შიდა სამზარეულოში ჩაგვახედებს და გვანახებს, რა სახის შრომა უწევთ გადამღები ჯგუფის თითოეულ წევრს.დოკუმენტური ფილმის პირველი ეპიზოდი Youtube-ზე დევს და ყველა მაყურებლისთვისაა ხელმისაწვდომი, დანარჩენი ექვსი სერია კი მხოლოდ HBO-ს ეთერში და ონლაინ სტრიმინგ აპებში დაიდება. შესაბამისად, ამ სერიალის მოქაჩვაც ტორენტებიდან მოგვიწევს.

0:58
ბოლო ცნობებით, ტეხასში სტიქიამ 2 ადამიანი იმსხვერპლა
2 086 ნახვა აგვისტო 29, 2017

ამერიკის შტატ ტეხასში მეორე დღეა სტიქია მძვინვარებს. 25 აგვისტოს, სანაპიროებს ქარიშხალმა ჰარვიმ გადაუარა, წვიმის შედეგად წარმოქმნილმა წყალდიდობამ კი 2 ადამიანის სიცოცხლე იმსხვერპლა. ინფორმაციის CNN ავრცელებს.მაშველთა ჯგუფმა გვიან ღამით ქალაქ ჰიუსტონიდან სახლებში ჩარჩენილი ათასზე მეტი მოქალაქე გამოიყვანა. ოფიციალური პირების თქმით, მსხვერპლის რაოდენობა სავარაუდოდ გაიზრდება.სააგენტოები სახლში დარჩენილ მოქალაქეებს აფრთხილებენ, რომ სახლები დამოუკიდებლად არ დატოვონ.წვიმის შედეგად წარმოქმნილმა წყლის დონემ უკვე 60 სანტიმეტრს გადააჭარბა, თუმცა ის კვლავ გაიზრდება. ფლორიდამ და ნიუ-იორკმა ტეხასში მაშველები და ტექნიკა უკვე გაგზავნეს.დაღუპულებიდან ერთი ქალია, რომელმაც წყლის დონის მომატების შემდეგ თავისი სატვირთო მანქანა დატოვა. ოფიციალური პირების თქმით, ის წყალმა წაიღო და დაიხრჩო.ჰიუსტონის მერის თქმით, სტიქია ქალაქში 4 ან 5 დღე გაგრძელდება.

3:02
VMA-ის დაჯილდოებაზე ჯარედ ლეტომ ჩესტერ ბენინგტონი ემოციურად გაიხსენა
1 044 ნახვა აგვისტო 29, 2017

გუშინ, 27 აგვისტოს MTV Video Music Award-ის დაჯილდოება გაიმართა.მოგეხსენებათ, ხელოვანების სამყაროში ყოველი გამოჩენილი და მნიშვნელოვანი ხელოვანის გარდაცვალება უდიდესი ტრაგედიაა. ისინი ხშირად იხსენებენ გარდაცვლილ კოლეგებს და მათი სახელის უკვდავსაყოფად სხვადასხვა აქტივობებს ახორციელებენ. ბოლო წლების განმავლობაში, ფაქტობრივად, არც ერთ დაჯილდოებას არ ჩაუვლია ისე, რომ რომელიმე გამოჩენილი ხელოვანისთვის პატივი არ მიეგოთ.სულ ცოტა ხნის წინ მუსიკალურ სამყაროს კიდევ ერთი ცნობილი მომღერალი და სოლისტი ჩესტერ ბენინგტონი დააკლდა, რომელმაც სიცოცხლე თვითმკვლელობით დაასრულა. მანამდე, ბენინგტონის საუკეთესო მეგობარმა, კრის კორნელმაც თავი მოიკლა.VMA-ზე ამ ორი დიდებული მუსიკოსის სახელი ოსკაროსანმა მსახიობმა და ჯგუფ 30 Seconds to Mars-ის ვოკალისტმა, ჯარედ ლეტომ გაიხსენა:"დღეს MTV-იმ მთხოვა, მოვსულიყავი და რამდენიმე სიტყვა მეთქვა ჩესტერისა [ბენინგტონის] და კრის კორნელის შესახებ. ისინი ერთმანეთის უახლოესი მეგობრები იყვნენ. მეტიც, ჩესტერმა კრის კორნელის დაკრძალვაზე კლასიკური ნაწარმოების, Hallelujah-ის საკუთარი ვერსიაც შეასრულა.იმავე დღეს, აი, რა თქვა ჩესტერმა კრისზე: სიხარული და ტკივილი, ბრაზი და მიტევება, სიყვარული და გულისტკივილი - ერთმანეთში აზელილი ეს ყველაფერი შენი ხმაა".რამდენიმე კვირის შემდეგ, ჩესტერმაც დაგვტოვა. ის იყო ჩემი მეგობარი, ისევე როგორც თითოეული თქვენგანის. მისი ცხოვრების შემყურემ უამრავი მნიშვნელოვანი რამ ვისწავლე. განსაკუთრებით ის, რომ ბეჯითად უნდა ვიშრომოთ, მივყვეთ ჩვენს ოცნებებს და ამ პროცესში, კეთილები და მზრუნველები უნდა ვიყოთ. როდესაც მასზე ვფიქრობ, მის მუდამ მომღიმარ სახეს ვხედავ. ვფიქრობ მის გულზე, რომელსაც ის ხელით დაატარებდა. ვფიქრობ იმაზე, თუ რაოდენ მოსიყვარულე იყო ის ჩემს, ჩემი ძმისა [ტომოს] და ჩვენი ბენდის მიმართ. ვფიქრობ მის ცოლსა და ექვს არაჩვეულებრივ შვილზე. ვფიქრობ მის ოჯახზე. ვფიქრობ მისი ჯგუფის წევრებზე, რომლებიც ნამდვილი ძმები იყვნენ მისთვის. მახსოვს მისი ხმა - ერთდროულად მრისხანე და ტკბილი, რომელიც სამუდამოდ ცოცხალი იქნება.

0:35
GOT-ის თორმუდი და სენდრო კლიგეინი გადასაღებ მოედანზე მღერიან
1 913 ნახვა აგვისტო 25, 2017

სამეფო კარის თამაშების მსახიობი კირსტოფერ ჰივიუ (თორმუდი) და რორი მაკკანი (სენდორ კლიგეინი) გადასაღებ მოედანზე მღერიან და ამით მოწყენილობას ებრძვიან."აი, რა ხდება, როცა დიდი ხანი გიწევს ტრაილერში ყოფნა", წერს ჰივიუ თავის ინსტაგრამზე და მისი და ჰაუნდის სიმღერის ვიდეოს აშეარებს.შეგახსენებთ, სამეფო კარის თამაშების მეშვიდე სეზონის ბოლო სერია ორშაბათს გამოვა.

5:15
პატარა ცხოველების პირველი ნაბიჯები
1 738 ნახვა აგვისტო 25, 2017

პირველი ნაბიჯები ერთ-ერთი ყველაზე მნიშვნელოვანი და საყვარელი მომენტია ყველა არსების ცხოვრებაში, იქნება ეს ადამიანი თუ ცხოველი. როცა პატარა ბავშვები ბობღვიდან ბაჯბაჯზე გადადიან მშობლებსა და ოჯახის წევრებს ძალიან გვიხარია, ასე არიან ცხოველებიც.ნახეთ, როგორ იდგამენ ფეხს პანდები, ჟირაფები, თეთრი დათვები და სხვა საყვარელი ცხოველები.

1:07
ლონ მასკმა SpaceX-ის შექმნილი სკაფანდრის ფოტო გამოაქვეყნა
789 ნახვა აგვისტო 24, 2017

ილონ მასკმა თავის ოფიციალურ ინსტაგრამზე SpaceX-ის სკაფანდრის ფოტო გამოაქვეყნა. როგორც ჩანს, სწორედ ამ აღჭურვილობით აპირებს მასკის კომპანია თავისი მომავალი მისიების განხორციელებას.SpaceX მომავალი ასტრონავტებისთვის ყველა საჭირო აღჭურვილობას თვითონ ქმნის, რათა მათი ღირებულება შეამციროს.როგორც მასკი ამბობს, ახლო მომავალში SpaceX-ის მისიებსა და აღჭურვილობის შესახებ კიდევ უფრო მეტ ინფორმაციას გამოაქვეყნებს.

1:45
ჩინეთში 1069 რობოტი ერთად აცეკვეს და გინესის რეკორდი დაამყარეს
1 630 ნახვა აგვისტო 21, 2017

Massive robot dance - Guinness World Records - ჩინურმა კომპანიამ, WL Intelligent Technology Co, ყველაზე მეტი რობოტის ერთად ცეკვის გინესის რეკორდი დაამყარა და ამისთვის 1069 რობოტი გამოიყენა.კომპანიამ 2016 წლის აგვისტოში დამყარებული იგივე რეკორდი გააუმჯობესა. შარშანდელ მასობრივ რობო-ცეკვაში 1007 რობოტი მონაწილეობდა და ის სხვა კომპანიამ, WL Intelligent Technology Co-მ დაამყარა.ახალი რეკორდი Dobi-ს მოდელის რობოტებს ეკუთვნით.Dobi რობოტებს ცეკვა, სიმღერა, ფეხბურთის თამაში და კუნგ-ფუს ილეთების გაკეთებაც შეუძლიათ. თუმცა უცნობია, რა მოხდება იმ შემთხვევაში, თუ მას წინდას აჩუქებთ. #რობოტიკა

2:10
როგორ ''გადაარჩინეს'' ხეზე ამძვრალი კატა რუსეთში :D
2 736 ნახვა აგვისტო 17, 2017

ყველას გვინახავს და ვიცით, რომ კატების ხის კენწეროდან ჩამოსახსნელად, სხვადასხვა ქვეყნებში, ხშირად იძახებენ მეხანძრეებს, თუმცა სულ სხვა სიტუაციაა რუსეთში.ვიდეო, რომელსაც ახლა ნახავთ, Youtube-ზე 2014 წელსაა ატვირთული და შესაძლოა, უფრო ადრეცაა გადაღებული, მაგრამ ძალიან სასაცილოა და კარგად აჩვენებს, როგორ ჭრიან რუსეთში ასეთი საყოფაცხოვრებო პრობლემებს.კატის გადარჩენის ოპერაციას რუსი სამხედრო ხელმძღვანელობს. ის ითხოვს თოკს, რომელსაც, სავარაუდოდ, გაყინული წყლით სავსე ბოთლს აბამს და ისვრის ხის მიმართულებით. ბოთლი ხემდე ვერ აღწევს და ქვედა მეზობლის ფანჯრის მინას ამტვრევს. ვფიქრობთ, ის მეზობელი ბედნიერი არ იქნებოდა...მეორე ცდაზე ჯარისკაცი კარგად ისვრის და ხეზე მობმულ თოკს თავისკენ ქაჩავს. როცა ვიდეოს უყურებ, გგონია, რომ ის ხის კენწეროს ფანჯარამდე მოწევასა და კატის ჩამოხსნას გეგმავს, მაგრამ როცა ხის ქვეშ გაშლილ "ადიალას" დაინახავთ, მიხვდებით სინამდვილეში რა ხდება.როცა ეს მეთოდი არ ამართლებს, ჯარისკაცი ნაჯახს ითხოვს. თავიან წარმოუდგენელია, რა ჯანდაბად უნდა მას ნაჯახი? ისიც უნდა ისროლოს? მაგრამ არა, ყველაზე არაადეკვატურ გადაწყვეტილებას იღებს და ხეს, რომელზეც კატა ზის, ჭრის.კაბელებზე ჩამოკიდებული ხიდან კატა მიწაზე ჩამოხტა, თუმცა მანამდე კაბელებს ორჯერ შეეხო და დენმა დაარტყა. საბედნიეროდ ცხოველი გადარჩა და გაიქცა.

0:59
როგორ დაშავდა ტომ კრუზი ფილმის გადაღების დროს
12 719 ნახვა აგვისტო 16, 2017

ჰოლივუდის ვარსკვლავი ტომ კრუზი ფილმის Mission Impossible მეექვსე ნაწილის გადაღების დროს დაშავდა.ინციდენტი ლონდონში მოხდა, როდესაც მსახიობი დამცავი თოკების გამოყენებით ერთი შენობის სახურავიდან მეორეზე გადახტომას ცდილობდა, თუმცა მან ნახტომი ვერ გათვალა და ფეხი კედელს მიარტყა.

1:51
ფანის სცენაზე აჭრის შემდეგ, დაცვამ ბრიტნი სპირსი სცენიდან წამებში გააქრო
7 754 ნახვა აგვისტო 14, 2017

ბრიტნი სპირსი ლას-ვეგასში კონცერტზე თავის ერთ-ერთ ჰიტს ასრულებდა, როდესაც სცენაზე კაცი აიჭრა.სავარაუდო თავდამსხმელმა მომღერლის დაცვის ერთი წევრი ჩამოიშორა და სპირსისკენ გაემართა.ვიდრე ბრიტნის ადგილიდან გაარიდებდნენ, სცენაზე აჭრილი პირი მოცეკვავეებმა შეაჩერეს. ვიდეოში ჩანს, რომ 35 წლის მომღერალი ნერვიულობს და კითხულობს რა ხდება, "თოფი აქვს?" ისმის ვიდეოში.მოგვიანებით პოლიციამ 37 წლის ჯეს ვები დააკავა. სამართალდამცავების თქმით, მას იარაღი არ ჰქონდა, თუმცა აგრესიულად იქცეოდა.

1:35
ახალშობილი დედას სახეზე ეხუტება და ხელის გაშვება არ სურს
9 127 ნახვა აგვისტო 11, 2017

დედა ყველა ჩვენგანის პირველი სიყვარულია. ამას ეს საყვარელი ვიდეოც მოწმობს, რომელიც ახალშობილის მამამ გადაიღო.ბრაზილიაში, საკეისრო კვეთის შედეგად დაბადებული ბავშვი დედასთან პირველივე შეხვედრისას, მას სახეზე ჩაებღაუჭა და მოშორებას არ აპირებდა.ვიდეოში ჩანს, რომ როდესაც ექიმი მის აყვანას აპირებს, პატარა პროტესტს აცხადებს და მხოლოდ მაშინ მშვიდდება, როცა დედასთან დარჩენის ნებას აძლევენ.ეს საოცარი მომენტი რამდენიმე წუთს გრძელდებოდა. 24 წლის ბრენდა კოელიომ თავის პატარა გოგოს აგატა დაარქვა.

1:41
როგორ გადაიღეს GOT-ის იმ მეშვიდე სეზონის მეოთხე სერიის ბატალური სცენა
5 070 ნახვა აგვისტო 8, 2017

იმედი მაქვს უკვე ნახეთ სამეფო კარის თამაშების მეშვიდე სეზონის მეოთხე სერია.The Spoils of War შოუს ახალ სეზონში ერთ-ერთი გარდამტეხი სერია აღმოჩდა, რომელსაც მთელი მსოფლიოს მასშტაბით რამდენიმე ათეულმა მილიონმა ადამიანმა უყურა.Insider-მა ცოტა ხნის წინ გაავრცელა ვიდეო, რომელშიც ბატალური სცენის გადაღების ამსახველი კადრებია თავმოყრილი და ვხედავთ, რომ დაენერის ტარგარიენი სინამდვილეში რკინის კონსტრუქციაზე ზის და მწვანე ფონზე "დაფრინავს" (იმედია არც არავის გქონიათ იმის ილუზია, რომ დენი დრაკონზე ამხედრებული დაქრის)

2:53
Linkin Park-ის გარდაცვლილი სოლისტის პატივსაცემად კრის მარტინმა Crawling შეასრულა
3 821 ნახვა აგვისტო 3, 2017

ნიუ-ჯერსიში გამართულ კონცერტზე, Coldplay-ს სოლისტმა კრის მარტინმა, ლინკინ პარკის გარდაცვლილი ვოკალისტის, ჩესტერ ბენინგტონის, პატივსაცემად, 2000 წელს გამოსულ ჰიტს, Crawling-ს, ახალი სიცოცხლე შესძინა.მეტალის ჟანრის სიმღერა მარტინმა წმინდად ქოლდფლეის სტილში შეასრულა. მუსიკოსმა სიმღერა ყველა იმ ადამიანს მიუძღვნა, "ვისაც ვინმე ენატრება".პირველ აგვისტოს ქოლდფლეიმ მეთლაიფის სტადიონიდან მსოფლიო ტურნე დაიწყო.ამერიკული როკ ჯგუფის ლინკინ პარკის (Linkin Park) ვოკალისტი ჩესტერ ბენინგტონი 41 წლის ასაკში გარდაიცვალა. BBC-ის ინფორმაციით, მომღერალმა სიცოცხლე თვითმკვლელობით დაასრულა, მისი ცხედარი 20 ივლისს, საკუთარ სახლში იპოვეს.

0:32
მთვრალმა რუსმა ჯარისკაცმა НТВ-ს ჟურნალისტს პირდაპირ ეთერში სცემა
20 098 ნახვა აგვისტო 2, 2017

НТВ-ს ჟურნალისტი პირდაპირ ეთერში რუსეთის საჰაერო დესანტის შესახებ აღტყინებით საუბრობდა და ამბობდა, რომ არავინ ასე არ აღნიშნავს თავის დღესასწაულს, როგორც ეს დანაყოფი.ამ დროს კადრში მთვრალი რუსი ჯარისკაცი შემოვარდა და უკრაინის დაპყრობით დაიმუქრა, რაზეც ჟურნალისტმა მას შენიშვნა მისცა. მთვრალმა კაცმა მას სახეში დაარტყა და დაემუქრა, რომ თუ მასთან ასე საუბარს განაგრძობდა, კიდევ მეტს მიიღებდა.

0:37
როგორ ერთობიან სტალონე და შვარცენეგერი მსახიობის 70 წლის იუბილეზე
4 485 ნახვა აგვისტო 2, 2017

არნოლდ შვარცენეგერი 30 ივლისს 70 წლის გახდა. როგორც მოსალოდნელი იყო, მსახიობმა თარიღი დიდებულად აღნიშნა და წვეულებაზე დრო მეგობრებთან, სილვესტერ სტალონესთან და ტომ არნოლდთან ერთად დიდებულად გაატარა.ავსტრიაში დაბადებულ შვარცენეგერს საყოველთაო აღიარება ფილმ ტერმინატორმა მოუტანა. მანამდე ის ბოდიბილდერი იყო. მოგვიანებით ის პოლიტიკითაც დაინტერესდა და 2003 წელს კალიფორნიის შტატის გუბერნატორი გახდა.

2:32
Great Big Story-ს სიუჟეტი ქართული ცეკვებისა და სუხიშვილების შესახებ
3 837 ნახვა აგვისტო 2, 2017

Georgian Dancers Push Their Physical Limits for Tradition. გლობალური მულტიმედია სააგენტო Great Big Story ქართულ ცეკვებსა და სუხიშვილებზე მოკლე, მაგრამ ინფორმატიულ და საინტერესო სიუჟეტს აქვეყნებს: "როდესაც სცენაზე ვცეკვავ, უბედნიერესი ვარ და სამყარო ჩემი მგონია. ამ დროს მჯერა, რომ ფრენაც შემიძლია", ამბობს სუხიშვილების ანსამბლის მოცეკვავე დავით ჭანიშვილი.ამ დროს მაყურებელი ჰაერში მსუბუქად მოლივლივე მოცეკვავეს ხედავს, რომელიც თითქოს სივრცეს გემით მიაპობს.დავით ჭანიშვილი სუხიშვილების ანსამბლის მოცეკვავეა. მისი თქმით, სხეულზე უამრავი ტრავმა აქვს მიღებული, თუმცა ახლა უკვე იდეალურ ფორმაშია:"ანსამბლის წევრები დილით ვვარჯიშობთ, შემდეგ ვცურავთ, ამის შემდეგ კი დავრბივართ. ჩვენ სპორტსმენებივით ვართ".ილიკო სუხიშვილისა და ნინო რამიშვილის სახელობის ქართული ნაციონალური ბალეტის სახელმწიფო აკადემიური დასი უკვე 70 წელზე მეტია არსებობს.მოცეკვავეებს ქართული ტრადიციული ცეკვის შესრულებისას წარმოუდგენელი მოძრაობების შესრულება უწევთ. ამ ხელოვნებისთვის ისინი განუწყვეტლივ შრომობენ და სცენაზე მთელი თავისი დიდებულებით წარმოაჩენენ განსაცვიფრებელ უნარებსა და ურთულეს ათლეტურ მოძრაობებს.სუხიშვილების ანსამბლი, ნინო სუხიშვილის ხელმძღვანელობით, 100-ზე მეტ ქართველ მოცეკვავეს აერთიანებს. ცოცხალი მუსიკის თანხლებით, ისინი მსოფლიოს აცნობენ ქართული ხალხური ცეკვის, კლასიკური ბალეტისა და თანამედროვე ცეკვების ნაზავს. წყარო: Great Big Stor მთავარი ფოტო: Christian Miles Stomsvik / CMS Photos

0:33
ქართველი ქვიშის რაგბისტები, რუს ქალთა ნაკრებს ''სიყვარულის არმიაზე'' ეცეკვნენ
10 507 ნახვა ივლისი 24, 2017

ვიდეოში, რომელიც რუსეთის რაგბის ფედერაციამ გაავრცელა, საქართველოს ქვიშის რაგბის კაცთა და რუსეთის ქალთა ნაკრებები ჩანან, რომლებიც პაატა თედიაშვილის ცნობილ ჰიტზე, სიყვარულის არმიაზე ცეკვავენ.რუსი გოგოები სიმღერის მელოდიით არიან აღფრთოვანებულები, ხოლო ქართველი ბიჭები ფრაზა "უნდა შემოვიდე ამაღამ შენში"-ს მოსმენისას განსაკუთრებულად იციანიან. პ.ს. ბაკაკი წკალში კიკინებს

1:05
გოლდენ რეტრივერმა ირმის ნუკრი დახრჩობას გადაარჩინა
10 249 ნახვა ივლისი 19, 2017

მარკ ფრილი თავის ძაღლებს ლონგ აილენდის სანაპიროზე ასეირნებდა, როცა მისი გოლდენ რეტრივერი სტორმი წყალში გადახტა და რაღაც ობიექტისკენ ცურვა დაიწყო. თავიდან მარკი ვერ ხედავდა რამ მიიპყრო ძაღლის ყურადღება, თუმცა მალევე შეამჩნია, რომ სტორმს წყლიდან ირმის ნუკრი გამოჰყავდა.ძაღლმა ცხოველი ნაპირზე გამოიყვანა, რის შემდეგაც, შეშინებულმა ნუკრმა გაქცევა სცადა, მაგრამ სტორმმა არ გაუშვა და აცახცახებულ პატარას სხეული შეუმოწმა.როგორც მარკ ფრილი ამბობს, ადგილზე ვეტერინარი მალევე მივიდა და დაადგინა, რომ ნუკრი ჯანმრთელი იყო და დაზიანებები არ აღენიშნებოდა.

1:14
ზებრა ნიანგს გამოექცა, მაგრამ ნაპირზე ამოსვლისას თავს ლომები დაესხნენ
6 791 ნახვა ივლისი 14, 2017

Zebra manages to cross the river safely only to be killed by lions! ველურ ბუნებაში ყოველი დღე გადარჩენისთვის ბრძოლით იწყება და მთავრდება. თუ ცხოველი ერთ დღეს გადარჩა, ეს არ ნიშნავს, რომ თავი ცოტა ხნით მაინც შეიძლება იგრძნოს მშვიდად.ცუდი და არამშვიდი დღე გაუთენდა ზებრას, რომელიც კენიის მასაი მარას ნაციონალურ პარკში დაბოდიალობდა და მდინარის გადაკვეთა მოინდომა.როგორც ხედავთ, ზებრამ შეძლო და პირველ საფრთხეს თავი აარიდა, ნიანგს გამოექცა და ალბათ ეგონა, რომ სამშვიდობოზე გავიდა, მაგრამ ნაპირზე გასულს უეცრად ლომების პრაიდი დაესხა თავს და იღბლიანი ზებრის ეპოპეა დასრულდა. შემთხვევა SafariLive-ის ობიექტივმა დააფიქსირა. SafariLive Yotube არხია, რომელზეც აფრიკის ნაკრძალების ლაივ-სტრიმინგს შეგიძლიათ უყუროთ. #გაიგემეტი #OnGE

0:36
ახალშობილი კენგურუს პირველი კუნტრუში
5 802 ნახვა ივლისი 13, 2017

კენგურუ ყველაზე თუ არა, ერთ-ერთი ყველაზე საყვარელი და პოპულარული ცხოველია. მათი მონაწილეობით ვიდეოების ნახვა ყოველთვის სასაცილო და სახალისოა. განსაკუთრებით საყვარლები კი პატარა კენგურუები ანუ ჯოუიები არიან. პატარა კენგურუების უამრავი ფოტო გექნებათ ნანახი, მაგრამ ახალფეხადგმული ჯოუის პირველი კუნტრუშის კადრებით განებივრებული არ იქნებით.პატარა ჯერ თავისთვის დახტის, შემდეგ კი დედის - გარშემო, ბოლოს კი დაღლილი ჩანთაში ხტება და იქიდან აკვირდება სამყაროს.

0:31
პრინცესა დაიანას შესახებ გადაღებული დოკუმენტური ფილმის პირველი ტრეილერი
3 540 ნახვა ივლისი 12, 2017

როგორც უკვე იცით, სულ ცოტა ხნის წინ, HBO-მ დააანონსა, რომ პრინცესა დაიანას გარდაცვალებიდან ოცი წლის თავზე მის შესახებ დოკუმენტურ ფილმს, დაიანა, დედაჩვენი: მისი ცხოვრება და მემკვიდრეობა გამოუშვებს. დოკუმენტურ ფილმში ვიხილავთ ინტერვიუებს ლედი დის შვილებთან, კემბრიჯის ჰერცოგ უილიამთან და პრინც ჰარისთან, რომლებიც საუბრობენ თუ რა გავლენა ჰქონდა დაიანას მათ ცხოვრებაზე. ახლახან არხმა დოკუმენტური ფილმის პირველი ტრეილერი გამოაქვეყნა: HBO-ს განცხადებით, ამავე ფილმში ვიხილავთ თითქმის ყველა იმ ადამიანს, რომლებსაც ახლო ურთიერთობა ჰქონდა პრინცესასთან და პირველად ალაპარაკდებიან მისი გარდაცვალების მიზეზებზე. პრინცესა დაიანა 1997 წლის 31 აგვისტოს, 36 წლის ასაკში, პარიზში მომხდარ ავტოკატასტროფის დროს დაიღუპა

2:28
კიტ ჰარინგტონმა Game of Thrones-ის პერსონაჟების და ჰარი პოტერის როლი მოირგო
1 659 ნახვა ივლისი 11, 2017

სამეფო კარის თამაშების გამოსვლამდე რამდენიმე დღე დარჩა, ერთგული მაყურებელი ვეღარ ითმენს, ისე უნდა, გაიგოს, რა ხდება ჯორჯ მარტინის მიერ შექმნილ სამყაროში, სადაც დედოფლების ბრძოლა იწყება. სულ მალე 16 ივლისი მოვა და მეშვიდე სეზონის პრემიერაც შედგება, ჩვენ უკვე ვიცით პირველი სამი სეზონის სახელი, რაც კიდევ უფრო დიდ ინტრიგას იწვევს. სერიალის პრემიერამდე რამდენიმე დღით ადრე ჯიმი კიმელმა თავის შოუში ჯონ სნოუს როლის შემსრულებელი კიტ ჰარინგტონი მიიწვია და გვაჩვენა, როგორი შეიძლებოდა ყოფილიყო სერსეი ლანისტერი, არია სტარკი ან უაით უოკერი მისი შესრულებით. როგორც ვიდეოდან ჩანს, კიტს სერიალში მონაწილეობის იმდენად დიდი სურვილი ჰქონდა, რომ თითქმის ყველა პერსონაჟის როლი მოირგო, თუმცა, როგორც მოსალოდნელი, იყო ის ყველა ზემოთ ჩამოთვლილ როლზე დაიწუნეს. ბოლოს კი ვხედავთ, რომ კიტი ჰარი პოტერის როლსაც ირგებს და ცდილობს ეს პერსონაჟი სერიალში "შეტენოს", თუმცა მას ამჯერადაც იწუნებენ.

3:09
როგორი იყო ჰიროსიმა ატომური ბომბის ჩამოგდებამდე
7 034 ნახვა ივლისი 11, 2017

ეს ვიდეო 1935 წელს ჰისორიმას ერთ-ერთმა მკვიდრმა გადაიღო. ქალაქში ატომური ბომბის ჩამოგდებამდე 10 წლით ადრე. როგორც ხედავთ, ქალაქში სიცოცხლე ჩქეფს, ვხედავთ ტრამვაის, ნავებით მოსეირნე ადამიანებსა და მეთევზეებს, სხვადასხვა პროფესიის წარმომადგენლებს, რომლებიც თავიანთი საქმით არიან დაკავებულნი ან სადღაც მიეჩქარებათ. ეს ერთადერთი ვიდეო კადრებია, რომელიც 1945 წლამდელ ჰიროსიმას ასახავს. ვიდეო ჰიროსიმას მშვიდობის მემორიალის მუზეუმს ეკუთვნის. შეგახსენებთ, რომ 1945 წლის აგვისტოში აშშ-მ, ჰიროსიმასა და ნაგასაკიში ატომური ბომბები ჩამოაგდო. ამ აფეთქებებიდან 6 დღის შემდეგ იაპონიამ კაპიტულაცია გამოაცხადა

0:60
iPhone-ის ახალი რეკლამა, რომელიც დედამიწაზე ზრუნვისკენ მოგვიწოდებს
2 861 ნახვა ივნისი 8, 2017

Earth — Shot on iPhone - iPhone-ის ახალი სარეკლამო რგოლი მომხმარებლების მიერ გადაღებული ვიდეოებით არის აწყობილი, ხოლო ვოისოვერად ამერიკელი ასტრონომის, კარლ სეიგანის ტექსტი და ხმა გასდევს, რომელიც გვეუბნება, რომ დედამიწა ერთადერთი ადგილია სამყაროში, რომელზეც ვიცით, რომ სიცოცხლე არსებობს და სიცოცხლისთვის საჭირო პირობებია, რომ კაცობრიობას არ შეუძლია სხვა პლანეტაზე გადასახლება და ამიტომ მას უნდა გავუფრთხილდეთ. გარდა იმისა, რომ ვიდეო iPhone-ის კამერის შესაძლებლობებს აჩვენებს, სავარაუდოდ, პრეზიდენტი ტრამპის მიერ პარიზის შეთანხმების დატოვების გადაწყვეტილების საპასუხო პოლიტიკური განცხადებაცაა.

17:15
ამერიკელი ვლოგერი, ჭამის ხმებით განტვირთვასა და დაძინებაში გვეხმარება
2 885 ნახვა ივნისი 8, 2017

პირველ რიგში გაფრთხილებთ, რომ თუ სხვისი ჭამის ყურება ან ღეჭვის ხმა გაღიზიანებთ ნუ გააგრძელებთ კითხვას, რადგან ეს სტატია თქვენთვის არ არის.ვისაც გაინტერესებთ, გეტყვით რომ ამერიკელი ვლოგერი, რომელსაც ზედმეტსახელად SassEsnacks ჰქვია, ძალიან უყვარს ჭამა. თავისი ვიდეოებით კი რომლებშიც ის კამერის წინ სხვადასხვა კერძებს მიირთმევს და ჭამის ხმებს მგრძნობიარე მიკროფონით იწერს, ძალიან პოპულარული გახდა. გარდა ჭამისა, მას მოგზაურობა და განსხვავებული კულტურის მქონდე ქვეყნების გაცნობა უყვარს, მიღებულ შთაბეჭდილებებსა და გამოცდილებასაც, ასევე თავის ვიდეოებში გვიზიარებს, რაც ყურების პროცესს კიდევ უფრო საინტერესოს ხდის.

1:44
Kitty Hawk-მა მფრინავი მოტოციკლის მუშა პროტოტიპი გამოსცადა
3 109 ნახვა მაისი 31, 2017

Kitty Hawk ამერიკული სტარტაპია, რომელიც კერძო მოხმარების საფრენი აპარატების შექმნაზე მუშაობს.ახლახანს კომპანიამ პირველი მუშა პროტოტიპი სრულ მასშტაბებზე გატესტა. პირველი ტესტის დროს აპარატი კაბელით იყო დაბმული, რომ ძალიან მაღლა არ წასულიყო ან მოულოდნელი სისწრაფე არ განევითარებინა და ტესტ-პილოტის სიცოცხლე საფრთხეში არ ჩაეგდო.ახალი ტესტის ფარგლებში პილოტსა და ტრანსპორტს სრული თავისუფლება მისცეს და შედეგიც სახეზეა.

1:11
მარკ ცუკერბერგისა და მისი მამის რეაქცია, როცა გაიგეს, რომ ის ჰარვარდში მიიღეს
8 584 ნახვა მაისი 19, 2017

როგორც იცით, მარკ ცუკერბერგისა და ფეისბუქის ისტორია ჰარვარდიდან დაიწყო. მარკი ამ ტოპ უნივერსიტეტში ჩაირიცხა, იქ შეხვდა ძმებ ვინკელვოსებს და იმ მეგობრებს, რომლებთან ერთადაც Facebook დააარსა. მარკის ჰარვარდში ჩარიცხვა, შეიძლება ითქვას, კაცობრიობის ისტორიაში ერთ-ერთი უმნიშვნელოვანესი მოვლენაა. კაცმა არ იცის, როგორ წარიმართებოდა სოციალური ქსელების განვითარება, რომ არა მარკისა და ტყუპების შეხვედრა. ვინკელვოსები თავიანთ პროექტს გააკეთებდნენ, გაუშვებდნენ, შეიძლება წარმატებულიც ყოფილიყო, მაგრამ არა ისეთი, როგორიც მარკის და მისი მეგობრების შექმნილი. თავად ცუკერბერგი ალბათ ჰარვარდს დაამთავრებდა და შეიძლება რამე ახალი და მნიშვნელოვანი გამოეგონებინა და რევოლუცია სხვა კუთხით მოეხდინა. დიდ და წარმატებული სოციალურ ქსელს ვინმე სხვა გააკეთებდა, ან შეიძლება ვერ გაეკეთებინა და ახლა პატარ-პატარა და ბევრი სოციალური ქსელები გვქონოდა. ან შეიძლება Classmates.com-ის (ან "ოდნოების") ან MySpace-ის ევოლუცია გვეხილა. მოკლედ, რომ არა მარკის ჰარვარდში ჩარიცხვა, ახლა აბსოლუტურად სხვა რეალობა გვექნებოდა. ჰოდა, მოდით ვნახოთ ის მომენტი, როცა მარკმა და მამამისმა ჰარვარდის წერილი მიიღეს და გაიგეს, რომ "ბიჭი მოეწყო!"

0:14
მოწყურებულ უდაბნოს გველს ადამიანმა წყალი დაალევინა
11 794 ნახვა მაისი 19, 2017

თუ ოფიდიოფობია ანუ გველების პანიკური შიში გაქვთ, ამ საცოდავი გველის დანახვისას, ალბათ, რამდენიმე კილომეტრის იქით გაიქცეოდით. მაგრამ სახეზე თუ შეხედავდით, აუცილებლად მიხვდებოდით, რომ ამ არსებას ძალიან უჭირს და თქვენი დახმარება სჭირდება.მისდა საბედნიეროდ, ამ ადამიანს ოფიდიოფობია არ აქვს, ან შეიძლება ჰქონდა კიდეც, მაგრამ ბუნებასთან ამ საოცარმა შეხვედრამ მთლიანად მოუხსნა შიშები. ვიდეოში ჩანს, თუ როგორი მოწყურებულია გველი და ბოლოს როცა წყალი მთავრდება, დალევა კიდევ უნდა. ეს პირველი შემთხვევა არაა, როცა გველი ადამიანს წყალს სთხოვს.

0:30
სკოლის მოსწავლეებმა მელას ბუნაგთან კამერა დაამონტაჟეს და პატარა მელაკუდები დააფიქსირეს
8 495 ნახვა მაისი 18, 2017

ნიუ-ჯერსიში მდებარე ერთ-ერთი სკოლის მოსწავლეებმა ტყეში, მელას ბუნაგთან კამერა დააყენეს, რადგან მისი და ლეკვების ყოველდღიურობის გადაღება უნდოდათ. ბავშვების დამონტაჟებულმა კამერამ უსაყვარლესი კადრები დააფიქსირა

2:34
მამა დავით ქვლივიძე: ❝ცისარტყელას დროშა არის შეურაცხყოფილი❞
8 793 ნახვა მაისი 18, 2017

მართლმადიდებელ მშობელთა კავშირის წევრი, მამა დავით ქვლივიძე ოჯახის სიმტკიცის დასაცავ აქციაზე იმყოფება და აცხადებს, რომ ის ადამიანები, რომლებიც ჰომოფობიის წინააღმდეგ აქციას მართავენ, მის რელიგიას შეურაცხყოფენ. ქვლივიძემ დისკრიმინაციული გამონათქვამებით ისაუბრა აღნიშნულის შესახებ: "აი ისინი, დროშებს რომ აფრიალებენ, ცისარტყელას დროშებს, მარტო ეს ცისარტყელას დროშა არის შეურაცხყოფილი, ღმერთმა გარყვნილი, სოდუმური ცოდვის გამო დაუშვა წარღვნა და შერიგების ნიშნად ცაზე ცისარტყელა გააჩინა. ცისარტყელა ეს არის ღმერთის შერიგება ცოდვა-მონანულ კაცობრიობასთან, ამათმა აიღეს ეს და თავის დროშად გაიხადეს, დაგვცინიან, რელიგიური შეურაცხყოფაა, არამარტო ქრისტიანების, ყველასი". ქვლივიძეს სამართალდამცავებმა არ მისცეს იმ აქციასთან მიახლოების საშუალება, სადაც აქტივისტები ძალადობის წინააღმდეგ მართავდნენ აქციას. 17 მაისს მთელ მსოფლიოში ჰომოფობიასთან ბრძოლის საერთაშორისო დღეს აღნიშნავენ, თუმცა მას შემდეგ, რაც 2013 წლის 17 მაისს თბილისში ჰომოფობიის წინააღმდეგ გამართული აქცია სასულიერო პირებმა და მათმა მხარდამჭერებმა დისკრიმინაციული მოტივებით დაარბიეს, ილია მეორის ინიციატივით, 17 მაისი საქართველოში ოჯახის სიმტკიცის დღედ გამოცხადდა. სწორედ ამიტომ, ამ დღეს სასულიერო პირები მართავენ მსვლელობას ხატებით მრევლთან ერთად. 2017 წლის 17 მაისის აქცია ძალადობის წინააღმდეგ, თბილისში მხოლოდ ერთ საათს გაგრძელდა, რა დროსაც უსაფრთხოების ზომები მაქსიმალურად იყო გამკაცრებული. აქტივისტების მოსაზრებით, აქციის ამ პირობებში ჩატარებაც კი ლგბტ პირთა არასახარბიელო მდგომარეობის ილუსტრირებაა. On.ge ვრცელ რეპორტაჟს ორივე აქციიდან მოგვიანებით შემოგთავაზებთ.

1:07
მოფარფატე კამერა, რომელიც დამოუკიდებლად ფრინავს და ხალხს დასდევს
10 458 ნახვა მაისი 14, 2016

#მომავალი #ტექნოლოგია #tech გაიგე მეტი: http://go.on.ge/sc

2:11
როგორ იქმნებოდა "ნაბიჭვრების ბრძოლა"
4 880 ნახვა ივნისი 30, 2016

Game of Thrones-ის შემდეგ სეზონამდე ერთი წელი დარჩა! :( მაგრამ, სანამ დაიწუწუნებთ, ამდენი ხანი რას უნდებიანო, ნახეთ, რამხელა შრომა სჭირდება თითო სერიას! გაიგე მეტი: https://on.ge შემოგვიერთდით: https://fb.com/mag.on.ge

2:58
25 წელი და 25 მოვლენა, რომელმაც დღევანდელი საქართველო ჩამოაყალიბა
3 406 ნახვა მაისი 27, 2016

გაიგე მეტი: www.on.ge #26მაისი #ესდღეჩვენია

1:02
კვირიკაშვილი ლესტერ სიტის ჩემპიონობაზე
3 234 ნახვა მაისი 14, 2016

პრემიერი გიორგი #კვირიკაშვილი ბრიტანელებს მათ ენაზე ესაუბრა და საქართველოს მომავალი #ლესტერსიტის გაჩემპიონებას შეადარა.

არხის შესახებ

On.ge ახალი მედია-საშუალებაა, რომელიც აერთიანებს ახალი ამბების პორტალს, ჟურნალს, კარგი ამბების სააგენტოს და On.ge ბრენდის ქვეშ არსებულ სხვა სერვისებს.

არხის ვიდეოების ძებნა
მოცემული ფილტრით ვიდეოები ვერ მოიძებნა