მედიაჰოლდინგი „კვირა“

#ახალიამბები

#ახალიამბები

#ახალიამბები

#ახალიამბებიმოსკოვთან ახლოს მდებარე ჟუკოვსკის აეროპორტში სამგზავრო თვითმფრინავი – А321 ავარიულად დაეშვა. თვითმფრინავი რეისს სიმფეროპოლის მიმართულებით ასრულებდა. ბორტზე 234 ადამიანი იმყოფებოდა, მათ შორის – ეკიპაჟის 7 წევრი. რუსული მედიის ინფორმაციით, ინციდენტის შედეგად 23 ადამიანი დაშავდა, მათ შორის 5 ბავშვია. დაშავებულთაგან ერთ-ერთი მამაკაცი მძიმე მდგომარეობაში იმყოფება. ყველა დაშავებული ჰოსპიტალიზებულია. რაც შეეხება მომხდარის მიზეზს – როგორც „როსავიაციაში“ განაცხადეს, აფრენის დროს თვითმფრინავის ძრავაში თოლიები მოხვდნენ, პილოტმა კი თვითმფრინავის დაშვება გადაწყვიტა. გამოძიება დაწყებულია.

#ახალიამბებიაშშ-ში, პენსილვანიის შტატის, ქალაქ ერის, ერთ-ერთ საბავშვო ბაღში გაჩენილი ხანძრის შედეგად, 5 ბავშვი დაიღუპა. СВС-ის ინფორმაციით, ხანძარი სამსართულიან შენობას გაუჩნდა. ტელეარხის ინფორმაციით, ორი ადამიანი დაშავდა. მომხდარის მიზეზი, ჯერჯერობით უცნობია, გამოძიება დაწყებულია.

#ახალიამბებიათენის მახლობლად, კუნძულ ელაფონისოსთან მეხანძრეები ტყის ხანძარს ებრძვიან. ადგილობრივმა ხელისუფლებამ რამდენიმე ათასი ტურისტის ევაკუაცია განახორციელა. Associated Press-ის ინფორმაციით, ხანძარს სულ მცირე 141 მეხანძრე აქრობს, გამთენიისას მათ 8 სპეციალიზირებული ვერტმფრენი შეუერთდა. სახელმწიფო სახანძრო სამსახურის ინფორმაციით, უქმეებზე საბერძნეთში ხანძრის 63 კერა დაფიქსირდა. თვითმხილველების ინფორმაციით, სულ მცირე, ერთი საცხოვრებელი სახლია დამწვარი. რამდენიმე დღის წინ, საბერძნეთის რამდენიმე რაიონში, ძლიერი ქარის და ჰაერის მაღალი ტემპერატურის გამო, ხანძრის საფრთხის უმაღლესი, მეხუთე დონე გამოცხადდა. მეტეოროლოგები, სამი დღის განმავლობაში, ანომალიურ სიცხეს პროგნოზირებდნენ, ამასთან, ქარის სიჩქარე წამში 17 მეტრი იქნებოდა, რაც ტყის ხანძრების გაჩენის ალბათობას მნიშვნელოვნად ზრდის. საფრთხის „მეხუთე“ დონე გამოცხადდა, ატიკაში, ცენტრალურ საბერძნეთში, პელოპონესის ნახევარკუნძულზე, კერძოდ, კორინფში, არგოლიდში, არკადიასა და აღმოსავლეთ ლაკონიაში. ადგილობრივი ხელისუფლება მოსახლეობას სიფრთხილისკენ მოუწოდებდა, ასევე, ურჩევდა მათ თავი აარიდონ ნებისმიერ ქმედებას, რომელსაც ხანძრის ან არაკონტროლირებადი ვითარების გამოწვევა შეუძლია. სახანძრო სამსახური და სამოქალაქო დაცვის ყველა ძალა საბრძოლო მდგომარეობაში მოიყვანეს. 2018 წლის ივლისში, ატიკას რეგიონში, ტყის ხანძრის გამო, ქალაქი მატი მთლიანად დაიწვა. ხანძარს 100-ზე მეტი ადამიანის სიცოცხლე ემსხვერპლა.

#ახალიამბებიმაშველები ახმეტის მუნიციპალიტეტის სოფელ ქუმელაურთაში დაშავებულ ტურისტს დაეხმარნენ. შინაგან საქმეთა სამინისტროს საგანგებო სიტუაციების მართვის სამსახურის ინფორმაციით,შეტყობინების მიღებისთანავე, საგანგებო სიტუაციების მართვის სამსახურის მეხანძრე-მაშველები ადგილზე გავიდნენ. ,,მაშველებმა დაშავებული ტურისტი მთიდან სასწრაფო სამედიცინო დახმარების ჯგუფთან დროულად ჩაიყვანეს. ექიმების განმარტებით, 30 წლის ირანის მოქალაქის ჯანმრთელობის მდგომარეობა იყო მძიმე და დაშავებულის სახმელეთო ტრანსპორტირება მის სიცოცხლეს საფრთხეს შეუქმნიდა. ტრავმების სიმძიმის, რთული რელიეფისა და დიდი მანძილის გამო, სამაშველო ოპერაციაში შინაგან საქმეთა სამინისტროს სასაზღვრო პოლიციის ვერტმფრენი ჩაერთო.

#ახალიამბები,,კვირას" არქივიდან

#ახალიამბებიგუშინ, აგვისტოს ომის დაწყების 11 წლისთავზე, სოციალური ქსელები მუხათგვერდში გადაღებულმა შემთხვევითმა კადრებმა მოიცვა. ვიდეოში, სადაც მამუკა მდინარაძე ჟურნალისტებთან კომენტარს აკეთებს, კადრში, უკან ქართველი სამხედრო მოსამსახურე ჩანს, რომელმაც ემოციები ვერ შეიკავა და მუხათგვერდის ძმათა სასაფლაოზე ატირდა. “კვირამ” ექსკლუზიურად გაარკვია, რომ: ჯარისკაცი, რომელმაც ემოციური ქმედებით საქვეყნო სიყვარული დაიმსახურა, კაპრალ-სპეციალისტი – გოგა კვირიკაშვილია. 32 წლის გოგა კვირიკაშვილი გორის რაიონის სოფელ ხელთუბნიდაა. დასაოჯახებელია და, ამჟამად, ვაზიანის მე-5 საარტილერიო ბრიგადაში მსახურობს. კაპრალ სპეციალისტს აგვისტოს ომში არ უბრძოლია, თუმცა, როგორც ამბობს, იგი ძალიან განიცდის იმ დღეების ტრაგიკულობასა და დაღუპულ მეომრების დანაკარგს.

#ახალიამბები

#ახალიამბებიარასამთავრობო ორგანიზაცია “მოირგე” საქართველოში შშმ პირებისთვის განკუთვნილი ეტლების წარმოებას იწყებს. საწარმოსთვის ზესტაფონში, ფეროშენადნობთა ქარხნის ტერიტორიაზე უკვე შერჩეული და შეთანხმებულია ფართი, რომელიც ორგანიზაციას “ჯორჯიან მანგანეზმა” უსასყიდლოდ გამოუყო.

#ახალიამბებისაქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ქვემო ქართლის რეგიონში, ყალბი საგადასახადო დოკუმენტების დამზადება-გასაღების ფაქტზე ერთ პირი დააკავეს. „გამოძიებით დადგინდა, რომ ბრალდებულმა, უკანონო მატერიალური სარგებლის მიღების მიზნით, დაამზადა და გაასაღა დამატებითი ღირებულების გადასახადის ყალბი ანგარიშფაქტურა და სასაქონლო ზედნადები, თითქოსდა, ერთ-ერთი კომპანიის სახელით განახორციელა 96 000 ლარის ღირებულების ინერტული მასალის მიწოდება“,- აცხადებენ საგამოძიებო სამსახურში. მათივე ცნობით, გამოძიება მიმდინარეობს საქართველოს სისხლის სამართლის კოდექსის 210-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 2-დან 4-წლამდე ვადით.

#ახალიამბებისპეციალური პენიტენციური სამსახური ტელეკომპანია “რუსთავი-2-ის” მიერ, დღეს შაბათის კურიერის ანონსში, გავრცელებულ ინფორმაციას ეხმაურება. მათი თქმით, ანონსში N8 დაწესებულებაში გარდაცვლილი პატიმრის შესახებ ცრუ ფაქტებია ასახული, თითქოსდა პატიმარი გლდანის ციხეში „აწამეს“, „თავი აქვს გადახსნილი“ და სხვა. ​განცხადებასთან ერთად პენიტენციური სამსახური ვიდეომასალასაც აქვეყნებს, რომელიც სარეანიმაციო ღონისძიებებსა და პატიმრის გადარჩენის მცდელობას ასახავს.

#ახალიამბებიჭიათურის მუნიციპალიტეტში, კაცხის სვეტის მიმდებარე ტერიტორიაზე წელს უკვე მეორედ, ბუნებრივ კლდეზე ცოცვაში ლერი მიქელაძის სახელობის ყოველწლიური ტურნირი გაიმართა. სპორტული ღონისძიების ინიციატორი მეკლდეურთა ეროვნული ფედერაცია, ხოლო სპონსორი კომპანია “ჯორჯიან მანგანეზი” იყო. ტურნირში ლენტეხის, ნიქოზის, თბილისის, ქუთაისისა და ჭიათურის მეკლდეურთა გუნდები მონაწილეობდნენ – სულ 31 სპორტსმენი.

#ახალიამბებიინტერნეტსივრცეში დეკანოზ ბასილ ახვლედიანის ქადაგების ვიდეო გავრცელდა, სადაც სასულიერო პირი მრევლს საკუთარ ოცნებას უზიარებს. მამა ბასილის თქმით, მას ერთი სული აქვს, აღდგეს კონსტიტუციური მონარქია და “მირონცხებულმა მეფემ საჯაროდ მოაჭრას თავი ღვთისმგმობებს”. სასულიერო პირის ამ განცხადებებს სოცქსელში დიდი გამოხმაურება მოჰყვა.

#ახალიამბებიტელეკომპანია “რუსთავი 2” “გამარჯვებული საქართველოს” ლიდერის, ირაკლი ოქრუაშვილის დაკავების კადრებს ავრცელებს. როგორც “კვირას” მისმა თანაგუნდელმა გუბაზ სანიკიძემ განუცხადა, ოქრუაშვილი დღეს, 20-21 ივნისის აქციებთან დაკავშირებით დააკავეს.

#ახალიამბები

#ახალიამბებიჰონგ-კონგის ცენტრში დემოკრატიის მხარდამჭერი აქცია გაიმართა, რომელიც პოლიციამ ცრემლსადენი გაზითა და რეზინის ტყვიებით დაარბია.   სოცქსელში გავრცელებულ  კადრებში კი  ჩანს თუ როგორ დაესხნენ თავს აქციიდან დაბრუნებულ უვნებლად გადარჩენილ მომიტინგეებს,   რკინიგზის სადგურში. ჯერჯერობით უცნობია, ვინ იყვნენ რკინიგზის სადგურზე განხორციელებული თავდასხმის მონაწილეები, რომლის შედეგადაც  შედეგად 45 ადამიანი დაშავდა. მათგან 1 ადამიანის მდგომარეობა კრიტიკულია.  

#ახალიამბებირუსეთმა, სირიის ჩრდილოეთ-დასავლეთით დეესკალაციის ზონაში მდებარე აგრარულ ბაზარზე საჰაერო იერიში მიიტანა, რომლის შედეგად, სულ მცირე, 17 მშვიდობიანი მოქალაქე დაიღუპა. ამის შესახებ ინფორმაციას Anadolu ავრცელებს.იდლიბის სამოქალაქო თავდაცვის დაჯგუფებები სამაშველო ოპერაციას ატარებენ, სავარაუდოდ, მსხვერპლის რაოდენობა გაიზრდება.ბოლო 24 საათის განმავლობაში დეესკალაციის ზონაში 34 ადამიანი დაიღუპა.სირიელი უფლებადამცველების მონაცემით, 26 აპრილიდან – 12 ივლისის პერიოდში, იდლიბში 606 მშვიდობიანი მოქალაქე დაიღუპა, მათ შორის 11 ქალი და 157 ბავშვია. 2018 წლის 17 სექტემბერს სოჭში თურქეთისა და რუსეთის პრეზიდენტებმა შეთანხმებას მიაღწიეს, რომლის მიხედვით სირიის იდლიბში დემილიტარიზებული ზონა შეიქმნა. სირიაში კონფლიქტი 2011 წლის მარტში დაიწყო, როდესაც მშვიდობიანი დემონსტრაციები საომარ მოქმედებებში გადაიზარდა. გაერო-ს ლტოლვილთა საკითხებში უზენაესი კომისრის სამმართველოს მონაცემით, კონფლიქტის დაწყებიდან სირიაში 6,6 მლნ ადამიანი დევნილი, ხოლო 5,6 მლნ ლტოლვილი გახდა.

#ახალიამბები“აუცილებელია, მოიძებნოს დამატებითი გარანტიები ჟურნალისტებითვის, განსაკუთრებით, ვგულისხმობ „კურიერსა“ და იმ ჟურნალისტებს, რომლებიც ძალიან მწვავე პროდუქტს ქმნიან”, – ამის შესახებ მედიაექსპერტმა ლაშა ტუღუშმა მედიაჰოლდინგ „კვირას“ პრესკლუბში გამართულ პრესკონფერენციაზე ტელეკომპანია „რუსთავი 2-ის“ ირგვლივ განვითარებულ პროცესებზე საუბრისას განაცხადა. მისი თქმით, სამწუხაროა, რომ „რუსთავი 2-ის“ 100%-იანი წილის მფლობელმა ქიბარ ხალვაშმა უარი თქვა საზოგადოებრივი საბჭოს შექმნაზე, რომელიც მას ტელევიზიის ჟურნალისტებმა შესთავაზეს. როგორც ლაშა ტუღუში აცხადებს, საბჭოს შექმნა ვითარებას დაასტაბილურებდა.

#ახალიამბებიგვიან ღამით სოფელ ახალ ნიჩბისში ძლიერი ქარი და წვიმა დაფიქსირდა. დაზარალებულ, სოციალურად დაუცველ მაკარაშვილების შვიდსულიანი ოჯახს, სადაც 4 არასრულწლოვანი ბავშვი იზრდება, მცხეთის მუნიციპალიტეტის მერია დაეხმარება. მუნიციპალიტეტის მერი, გიორგი კაპანაძე და მერის პირველი მოადგილე, გივი გიუტაშვილი შესაბამისი სამსახურების წარმომადგენლებთან ერთად სტიქიის შედეგებს ადგილზე გაეცნენ. მუნიციპალიტეტის ხელმძღვანელი პირები ოჯახს დახმარებას დაპირდნენ. როგორც ქეთევან სარალაშვილმა აღნიშნა, სახლი წინა სტიქიის შემდეგ მერიის დახმარებით გადახურეს და ახლაც მუნიციპალიტეტის მერიამ აღუთქვა დახმარება. ,,სახლი რამდენიმე თვის წინ გადავხურეთ. წინა სტიქიის დროს გადახდილი სახლისთვის თუნუქის სახურავი მერიამ გადმოგვცა, დილითაც ამოსულები იყვნენ და დახმარებას შეგვპირდნენ. მადლობის მეტი რა გვეთქმის“, – განაცხადა ოჯახის წევრმა ქეთევან სარალაშვილმა.

#ახალიამბებითურქეთში აფხაზებით დასახლებული სოფლებში: ესმა-ჰანიმ, დელავერი, უსუ, ასევე კობაში, წყალდიდობაა. გადაუღებელი წვიმების შედეგად განსაკუთრებით მძიმე მდგომარეობაა სოფლებში ესმა-ჰანიმსა და დელავერში. როგორც თურქეთში ოკუპირებული აფხაზეთის ე.წ. სრულუფლებიანმა წარმომადგენელმა, ვადიმ ხარაზიამ განაცხადა, 3-დღიანი გადაუღებელი წვიმების შედეგად მდინარე მალანი ადიდდა. მისი თქმით, სოფლები გარესამყაროს არის მოწყვეტილი, წაღებულია გზები, გაწყვეტილია კავშირი. თუმცა, მისი თქმით, მოსახლეობაში მსხვერპლი არ არის, მიმდინარეობს ვერტმფრენებით ხალხის ევაკუაცია.

#ახალიამბებიიუსტიციის მინისტრის, თეა წულუკიანის თქმით, სტრასბურგის სასამართლომ დაუშვებლად ცნო სრულად “რუსთავი2- ის” ყველა სასარჩელო მოთხოვნა. როგორც მან დღეს გამართულ ბრიფინგზე განაცხადა, ერთხმად დადგინდა, რომ არ დარღვეულა ძმები ყარამანაშვილებისა და “ტვსაქართველოს” სამართლიანი სასამართლოს უფლებაც. “ერთხმად დაადგინა, რომ აღარ არსებობს 2017 წელის მარტში გამოყენებული შეჩერების ღონისძიების მიზანშეწონილობა და ის არის მოხსნილი. დაუშვებლად ცნო სრულად “რუსთავი2- ის” ყველა სასარჩელო მოთხოვნა. დაუშვებლად ცნო, როგორც დაუსაბუთებელი ძმები ყარამანაშვილების და “ტვსაქართველოს” საჩივარი საკუთრების უფლებასთან დაკავშირებით. ერთხმად დაადგინა, რომ არ დარღვეულა ძმები ყარამანაშვილებისა და “ტვსაქართველოს” სამსართლიანი სასამართლოს უფლება, რაც უკავშირდება მოსამართლე ნინო გვენეტაძეს. ერთხმად დაუშვებლად ცნო სამივე მომჩივანის ძმები ყარამანაშილებისა და “ტვსაქართველოს”​ სამართლიანი სასამართლოს არაერთი პრეტენზია”, – განაცხადა თეა წულუკიანმა. შეგახსენებთ, რომ საქართველოს იუსტიციის სამინისტროს, როგორც საქართველოს მთავრობის წარმომადგენელს ადამიანის უფლებათა ევროპულ სასამართლოში, 28 ივნისს ოფიციალურად ეცნობა, რომ სტრასბურგის სასამართლოს გადაწყვეტილებები საქართველოს წინააღმდეგ მიმართულ სამ სხვადასხვა საქმეზე მიმდინარე წლის 18 ივლისს, სტრასბურგის დროით 10:00 საათზე გამოქვეყნდებოდა.

#ახალიამბებიშინაგან საქმეთა სამინისტრომ 20-21 ივნისის ღამეს ჯგუფურ ძალადობაში მონაწილეობისთვის, მოსამართლის განჩინების საფუძველზე, კიდევ 3 პირი დააკავა. როგორც უწყებაში დღეს გამართულ ბრიფინგზე გახდა ცნობილი, გამოძიებით დადგინდა, რომ 20-21 ივნისს პარლამენტის მიმდებარე ტერიტორიაზე განვითარებული მოვლენებისას აღნიშნული პირები მონაწილეობდნენ ჯგუფურ ძალადობაში, სხვადასხვა საგნის გამოყენებით ახორციელებდნენ პოლიციელებზე თავდასხმას, უწევდნენ მათ წინააღმდეგობას და ორგანიზებულად, შტურმით ცდილობდნენ პარლამენტის შენობაში შეჭრას. შსს შესაბამის ვიდეოკადრებსაც ავრცელებს.

#ახალიამბებისაქართველო იქნება ერთ-ერთი ქვეყანა, სადაც 2021 წელს კალათბურთში ევროპის ჩემპიონატის ჯგუფური ეტაპი გაიმართება. მასპინძელი ქვეყანის გამოსავლენ კონკურსზე საქართველო დღეს საქართველოს პრეზიდენტმა სალომე ზურაბიშვილმა წარადგინა. აღნიშნული გადაწყეტილება დღეს მიუნხენში FIBA EUROPE -ის ბორდმა მიიღო. საქართველოს პრეზიდენტი ბორდის წინაშე მოხსენებით გამოვიდა და საქართველოს შესახებ ვიდეორგოლი წარადგინა. მოხსენებაში სალომე ზურაბიშვილმა ხაზი გაუსვა ქვეყნის მზაობას FIBA EUROPE -2021 მასპინლობის შესახებ. ასევე, სიტყვით გამოვიდნენ საქართველოს კალათბურთის ფედერაციის ვიცე-პრეზიდენტი ვლადიმერ ბოისა და საქართველოს ეროვნული ნაკრების კაპიტნი თორნიკე შენგელია.

სასამართლოში წასვლამდე, ნიკა მელია საკუთარ შვილსა და ოჯახს დაემშვიდობა.

სოციალური ქსელები ახალმა გამოწვევამ მოიცვა. ადამიანები მსოფლიოს მასშტაბით პრეზერვატივებს ცხვირიდან ისუნთქავენ, პირიდან იღებენ და გამოწვევას სხვებსაც უზიარებენ – ამის შესახებ ladbible წერს. როგორც სტატიაშია აღნიშნული, მედიკოსები უკვე შეშფოთებულები არიან ახალი გამოწვევით და მას “იდიოტურს” უწოდებენ. ისინი აფრთხილებენ ადამიანებს, რომ მსგავსი ქმედებები სერიოზული საფრთხის შემცველია. “გარდა იმისა, საზიზღრობაა. შესაძლოა, სერიოზული პრობლემა შეგექმნათ. მსგავსმა ქმედებამ შესაძლოა, გამოიწვიოს სასუნთქი გზების გადაკეტვა და დახრჩობა”, – აღნიშნა ერთ-ერთმა ექიმმა, სტეფან ენრიკეზმა.

რუსთავში, რესტორან “მარაბდას” მიმდებარე ტერიტორიაზე ავტოსაგზაო შემთხვევა მოხდა. ერთმანეთს მიკროავტობუსი და მსუბუქი ავტომობილი შეეჯახა. როგორც „კვირას“ შსს-დან აცნობეს ავარიას მსხვერპლი არ მოჰყოლია, თუმცა შემთხვევის შედეგად, დაშავდა 10 ადამიანი, რომლებიც სამედიცინო დაწესებულებებში გადაიყვანეს. შს სამინისტრომ გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

როგორ ურტყავს პოლიციელი დაკავებულ მამკაცს

პლასტიკური ქირურგი, კონსტანტინე სულამანიძე მზადაა, გუშინდელი აქციის დროს დაშავებულ მოქალაქეებს, რომლებსაც პლასტიკური ქირურგის დახმარება ესაჭიროებათ, დახმარება უსასყიდულოდ აღმოუჩინოს. „გუშინდელი აქციის შემდეგ თუ ვინმეს სჭირდება ჩემი დახმარება, პლასტიკური ნაკერების დროულად დადება ან ნებისმიერი სხვა რამ, რაც მე შემიძლია, ჩემი კლინიკა მზად არის, მიიღოს ასეთი პაციენტები, რა თქმა უნდა, რიგის გარეშე და უსასყიდლოდ!“, - წერს ექიმი სოციალურ ქსელში. გუშინ  რუსთაველის გამზირზე, პარლამენტის შენობის წინ მიმდინარე აქციის დარბევის დროს  100-მდე ადამიანი დაშავდა.

“ახლა ვბრუნდები თბილისში, სადაც ადგილზე გავეცნობი სიტუაციასა და ინფორმაციას დაზარალებულების მდგომარეობის შესახებ”, – ამის შესახებ საქართველოს პრეზიდენტმა, სალომე ზურაბიშვილმა განაცხადა. “ამ დილით მივიღეთ გადაწყვეტილება, რომ ბელორუსიაში ჩემი ვიზიტი შეწყვეტილიყო. თუმცა ამ დილითვე პრეზიდენტ ლუკაშენკომ თვითონ გადაწყვიტა, რომ მაინც შემხვედროდა და წამოსვლამდე მოკლე საუბარი გვქონდა. ახლა ვბრუნდები თბილისში, სადაც ადგილზე გავეცნობი სიტუაციასა და ინფორმაციას დაზარალებულების მდგომარეობის შესახებ. ეს არის, პირველ ყოვლისა, ყველაზე მნიშვნელოვანი“, – განაცხადა სალომე ზურაბიშვილმა. შეგახსენებთ, რომ სალომე ზურაბიშვილი ბელორუსიაში 20 ივნისს გაემგზავრა. საქართველოს პრეზიდენტი მინსკში მეორე ევროპული თამაშების გახსნის საზეიმო ცერემონიალს უნდა დასწრებოდა და ქართველ სპორტსმენებისთვის ეგულშემატკივრა. დაგეგმილი იყო პრეზიდენტის სტუმრობა ევროპული თამაშების ქალაქში, სადაც თამაშების მონაწილე, საქართველოს 61 სპორტსმენი ევროპული თამაშების პერიოდში იცხოვრებს.