910 373
ნახვა
105
ვიდეო
არხის შესახებ

3 თებერვლიდან, ყოველ სამშაბათს 22:00 საათზე, ტელეკომპანია „იმედი“ წარმოგიდგენთ მუსიკალურ–გასართობ შოუს „ორი ვარსკვლავი.“ “ორი ვარსკვლავი" ბრიტანული პროექტის "Stars on Stage" ანალოგია, რომელიც მრავალ ქვეყანაში ერთ–ერთი მაღალრეიტინგული მუსიკალური შოუა.

პროექტი მოიცავს 12 ეპიზოდს. შოუში მონაწილეობას იღებს 12 წყვილი; აქედან ერთი პროფესიონალი მომღერალია, მეწყვილეები კი სხვადასვა სფეროში მოღვაწე საზოგადოებისთვის კარგად ნაცნობი სახეები, რომლებიც მოყვარული მომღერლის როლში წარსდგებიან მაყურებლის წინაშე.

მომღერლები მთელი კვირის განმავლობაში ეხმარებიან თავიანთ მეწყვილეებს შერჩეული სიმღერის შესწავლასა და დამუშავებაში, ყოველ ორშაბათს კი მაყურებელი მათ მიერ ცოცხლად შესრულებულ დუეტებს იხილავს.

მუსიკალურ ნომრებს და კონკურსანტების არტისტიზმს შეაფასებს კომპეტენტური ჟიური. მნიშვნელოვანი როლი ექნება მაყურებლის ჩართულობას, რომელიც სმს გზავნილების საშუალებით მხარს დაუჭერს ფავორიტ წყვილს. ჟიურის ქულების და სმს შედეგების შეჯამების შემდეგ გამოვლინდება აუთსაიდერი წყვილი, რომელიც იმ კონკრეტულ დღეს დატოვებს პროექტს. ისევე როგორც "ცეკვავენ ვარსკვლავებში", მაყურებლისთვის თვალსაჩინო გახდება, როგორ გაიზრდება კონკურსის თითოეული მონაწილე ეპიზოდიდან ეპიზოდამდე.

სმს–შეტყობინებების მიღების პრინციპი შემდეგია: ერთი მობილური ნომრიდან იგზავნება მხოლოდ ერთი სმს შეტყობინება დღეში.
საკონცერტო ნომრების შესრულებაში კონკურსანტი წყვილებისთვის ყოველ სამშაბათს ბენდი დაუკრავს.
მუსიკალური თემები თითოეული ეპიზოდისათვის განსხვავებულია: დისკო, პოპი, როკი, რეტრო, ფოლკლორი, სოული, ჯაზი და სხვ.
პროექტის გამარჯვებული დაჯილდოვდება ძვირადღირებული პრიზებით.

"ორი ვარსკვლავის" წამყვანები არიან ძირითად სცენაზე დუტა სხირტლაძე ხოლო "ფანების" ოთახში მაკა ზამბახიძე. მონაწილე წყვილების შესრულებას შეაფასებს ჟიური : ლიზა ბაგრატიონი, დათო გომართელი და თეონა კონტრიძე. ყოველ ეპიზოდს ეყოლება სხვადასხვა დამატებითი ჟიური, რომელიც შეირჩევა გამომდინარე ტურის თემატიკიდან და საზოგადოებისთვის საყვარელი და ცნობილი ადამიანებისაგან.

არხის ვიდეოების ძებნა
მოცემული ფილტრით ვიდეოები ვერ მოიძებნა