დავით უსუფაშვილის შემდეგ ვინ დატოვებს რესპუბლიკურ პარტიას - ეს არის შეკითხვა, რომელზე პასუხის გაცემაც, მეორე დღეა, რესპუბლიკური პარტიის წევრებს უწევთ. რა ხდება რესპუბლიკურ პარტიაში და რამ განაპირობა არჩევნებში დამარცხების შემდეგ პარტიების დაშლა?
საკონსტიტუციო უმრავლესობა საქართველოს პარლამენტში და უმრავლესობა აჭარის უმაღლეს საბჭოში - აჭარის უმაღლესი საბჭოს არჩევნების მეორე ტურის პირველადი შედეგების მიხედვით, აჭარაში "ქართული ოცნება" უმრავლესობას ფლობს. როგორ გადანაწილდა მანდატები აჭარის საკანონმდებლო ორგანოში და ვინ იქნება აჭარის მთავრობის თავმჯდომარე, ამ შეკითვებზე პასუხების გაცემას ჩვენი კორესპონდენტი სოფო ჟღენტი შეეცადა.
საერთაშორისო სადამკვირვებლო ორგანიზაციების დასკვნები არჩევნების მეორე ტურთან დაკავშირებით. სადამკვირვებლო დელეგაციის წევრების შეფასებით, ამომრჩეველმა შეძლო, მშვიდ ვითარებაში გამოეხატა საკუთარი პოზიცია და მეორე ტურისას პროცესის მიმდინარეობის გაუმჯობესება სახეზე იყო. თუმცა, დელეგაციების წევრები ქართულ მხარეს მიუთითებენ ხარვეზებსა და პრობლემებზე, რომელთა გამოსწორებაც აუცილებელია. როგორია საერთაშორისო სადამკვირვებლო ორგანიზაციების წინასწარი შეფასებები
ვითარება საარჩევნო უბნებზე და რეკომენდაციები მეცხრე მოწვევის პარლამენტს - არასამთავრობო ორგანიზაციებმა 2016 წლის საპარლამენტო არჩევნების მეორე ტურის მიმდინარეობა შეაჯამეს და იმ შესაძლო დარღვევებზე ისაუბრეს, რომელიც საარჩევნო უბნებზე, არჩევნების მიმდინარეობისას და ხმის დათვლისას მათმა დამკვირვებლებმა გამოავლინეს. მათი შეფასებით, არჩევნების პირველი ტურისგან განსხვავებით, მეორე ტურზე ძალადობრივ დაპირისპირების შემთხვევა თითქმის არ ყოფილა.
2016 წლის საპარლამენტო არჩევნები, შედეგები და ახალი მოწვევის პარლამენტი - პოლიტიკური პარტიების წარმომადგენლები და ექსპერტები პოლიტიკურ ოქტომბერს აჯამებენ. ოდესის გუბერნატორის გარდა, ყველა პოლიტიკური ძალა თანხმდება რომ არჩევნები შედგა. საზოგადოებას მიმართა პრეზიდენტმაც. რას გეგმავენ პარლამენტში შესული პარტიები, როგორ აფასებენ ჩატარებულ არჩევნებს და რა პროგნოზს აკეთებენ ექსპერტები
საკონსტიტუციო უმრავლესობა ნიშნავს კიდევ უფრო მეტ პასუხისმგებლობას ჩვენი ხალხის წინაშე - საქართველოს პრემიერ მინისტრი არჩევნების შემდეგ პირველ განცხადებას აკეთებს. მმართველ გუნდში უკვე დაიწყო კონსულტაციები მთავრობის ახალი შემადგენლობისა და პარლამენტის ფორმირებისთვის. წინასწარი ინფორმაციით, ცვლილებები იქნება მინისტრთა კაბინეტში. როგორია მმართველი გუნდისს სამომავლო გეგმა და საკადრო პოლიტიკა. მიშა ფეიქრიშვილი ცდილობდა გაერკვია, რას აპირებს ქართული ოცნება
ქართული ოცნება, საკანონმდებლო ორგანოში საკონსტიტუციო უმრავლესობით იქნება წარმოდგენილი. პირველადი მონაცმებით, 50 ოლქიდან 48 - “ქართულმა ოცნებამ მოიგო”. პარტიას პარლამენტში 115 დეპუტატი ეყოლება. მეცხრე მოწვევის პარლამენტი 19 ნოემბრამდე უნდა შეიკრიბოს.
მოგზაურობა აჭარულ სოფელში ქალაქიდან გაუსვლელად - შიდატურიზმის პოპულარიზაციის მიზნით, აჭარის ტურიზმის დეპარტამენტმა ქალაქის ცენტრში სანახაობა მოაწყო. ბათუმის ცენრში, ყველა ის პროდუქტი იყო წარმოდგენილი, რომლის დეგუსტაცია თუ ნახვა ნებისმიერ ტურისტს აჭარის მაღალმთიანეთში შეუძლია.
რიტუალების სასახლეში საქართველოში თურქეთის საელჩომ თურქეთის რესპუბლიკის დაარსების 93-ე წლის იუბილე აღნიშნა. საზეიმო მიღებაზე სტუმრებს თურქეთის ელჩმა უმასპინძლა. მან საქართველოსა და თურქეთის მეგობრულ ურთიერთობასა და პარტნიორობის მნიშვნელობას გაუსვა ხაზი და პრემიერ-მინისტრ გიორგი კვირიკაშვილს განსაკუთრებული მადლობა გადაუხადა მხარდაჭერისა და იმისთვის, რომ ის იყო პირველი ლიდერი, რომელიც თურქეთში მომხდარი სამხედრო გადატრიალების მცდელობის შემდეგ თურქეთში ოფიციალური ვიზიტით ჩავიდა.
ყოფილი პატიმრების რეაბილიტაციისა და რესოციალიზაციის პროგრამის ამოქმედებიდან ოთხი წელი გავიდა. პროგრამით, რომელსაც “დანაშაულის პრევენციის ცენტრი” ახორციელებს, 1 733-მა ყოფილმა პატიმარმა უკვე ისარგებლა. როგორ ცხოვრობენ ბენეფიციარები სასჯელაღსრულების დაწესებულებების დატოვების შემდეგ და როგორია მათი რეალობად ქცეული იდეები ნახეთ მაკა ლაშხიასა და ჯაბა ჩიტიძის რეპორტაჟი
„სტარტაპ მეგობრული“ - ასეთია ინოვაციური ბიზნესის ხელშემწყობი პროგრამის „სტარტაპ საქართველოს“ ახალი მიმართულება. პროექტის პრეზენტაცია ტექნო პარკში გიორგი კვირიკაშვილმა გამართა. „სტარტაპ მეგობრული“ დამწყებ სტარტაპებს და ნებისმიერ დაინტერესებულ მოქალაქეს სახელმწიფო სტუქტურებთან და მსხვილ ბიზნესთან თანამშრომლობის და მათგან კონსულტაციების მიღების საშუალებას აძლევს. რა მიზანი აქვს „სტარტაპ მეგობრულს“ ნიკა მუკბანიანი, არჩილ ვაჟიკაშვილი დეტალებით
30 მილიონი ევრო საქართველოს საჯარო მმართველობის სფეროს განვითარების მხარდაჭერისთვის - საჯარო მმართველობის სფეროს განვითარების მხარდაჭერის პროგრამის შესახებ ერთობლივი განცხადებები პრემიერ-მინისტრმა გიორგი კვირიკაშვილმა და ევროკავშირის ელჩმა იანოშ ჰერმანმა გააკეთეს. ევროკავშირის ელჩის შეფასებით, საჯარო მმართველობა არის ქვეყნის დემოკრატიული განვითარების ხერხემალი, რომელზეც დამოკიდებულია საჯარო უწყებებისადმი ქვეყნის მოსახლეობის ნდობა. მმართველობის რეფორმა საქართველოს მთავრობის მიერ გამოცხადებული ოთხპუნქტიანი გეგმის ერთ-ერთი მიმართულებაა და ამავე დროს, არის ევროკავშირთან ასოცირების ხელშეკრულებით ნაკისრი ვალდებულება.
ლეიბორისტული პარტიის გორის ორგანიზაციის თავმჯდომარემ მალხაზ მამესწარაშვილმა პარტია დატოვა. მიზეზი შალვა ნათელაშვილის მიერ არჩევნების ბოიკოტთან დაკავშირებული განცხადება გახდა. როგორც თავად აცხადებს, მასთან ერთად პარტია 60-მდე წევრმა დატოვა.
ახალგაზრდა დრამერებმა „ქართული ოცნების“ ნაძალადევის რაიონის მე-18 ოლქის მაჟორიტარობის კანდიდატის მიხეილ ყაველაშვილის მხარდასაჭერად მსვლელობა მოაწყვეს. მათ მოსახლეობას 30-ი ოქტომბერს არჩევნების მეორე ტურზე მისვლისკენ მოუწოდეს
არჩევნების მეორე ტურში ქართული ოცნების ჭიათურის მაჟორტარობის კანდიდატის სულხან მახათაძის მხარდაჭერისკენ მოუწოდა მოსახლეობას ქართული ოცნების გენერალურმა მდივანმა. ჭიათურის კულტურის სახლში შეკრებილ ადგილობრივებს კახი კალაძე პროექტებზე ესაუბრა, რომელიც ბოლო წლების განმავლობაში რეგიონში განხორციელდა. ამასთან, კალაძის თქმით, ხელისუფლება მოსახლეობის სოციალური მდგომარეობის გაუმჯობესებისა და ქვეყნის ეკონომიკური მდგომარეობის სწრაფი განვითარებისთვის ყველაფერს გააკეთებს.
მოსამართლეთა უვადოდ დანიშვნის პირველი შემთხვევა. საბჭოს წევრებმა იმ 12 მოსამართლის კანდიდატურა განიხილეს, რომლებსაც გამოსაცდელი 3 წლიანი ვადა ერთ თვეში ეწურებათ. მათ შორის იყვნენ გახმაურებული საქმის მოსამართლეებიც, თუმცა საბჭოს წევრებს მათთვის კონკრეტულ საკითხებზე არ უკითხავთ, რადგან როგორც ამბობენ, უფლებამოსილება არც მათ აქვთ კანონით და არც მოსამართლეები არიან ვალდებულნი ანგარიში წარადგინონ. კეთილსინდისიერება და კომპეტენტურობა ეს ის მთავარი კრიტერიუმები იყო, რომლითაც გადაწყვეტილების მიღებისას საბჭოს წევრებმა იხელმძღვანელეს. თუმცა, კონკრეტულად რა იყო შეფასების კრიტერიუმები ამ დოკუმენტის გამოთხოვას იუსტიციის საბჭოდან რამდენიმე არასამთავრობო აპირებს და ამ ეტაპზე კონკრეტული მოსამართლის შეფასებისგან თავს იკავებს. გიორგი კობერიძე დეტალებით
ე.წ. ნავთლუღის სპეცოპერაციის საქმეზე მორიგი სასამართლო პროცესი გაიმართა. სხდომაზე ბრალდების მხარემ წერილობითი მტკიცებულებები გამოიკვლია. პროკურორებმა სასამართლოს შემთხვევის ადგილის დათვალიერების ოქმები, სტუდია GNS-ის მიერ მოპოვებული ვიდეო მასალა, სატელეფონო ზარების ამონაწერი და ამავე საქმეზე შემხებლობაში მყოფი სხვა წერილობითი მტკიცებულებები განიხილა. პროკურორის განცხადებით, 8 ტომიან საქმეში, ყველა ის მტკიცებულებაა გამოკვლეული, რომლებიც საქმეზე ბრალდებულ გია დგებუაძისა და დავით ახალაიას ბრალეულობას ადასტურებს. დაცვის მხარის განმარტებით კი, სახელწიფო ბრალდებას არცერთი პირდაპირი მტკიცებულება არ გააჩნია, რომელიც ბრალდებულების დანაშაულზე მიუთითებს. ე.წ. ნავთლუღის სპეცოპერაციის დროს, 2006 წლის 12 იანვარს 3 პირის ლიკვიდაცია განხორციელდა. ბრალი კუდის ყოფილ მაღალჩიმოსნებს აქვთ წაყენებული. პროკურორის თქმით, სახელმწიფო ბრალდება მტკიცებულეებების გამოკვლევას სავარაუდოდ შემდეგ პროცესზე, 31 ოქტომბერს დაასრულებს. რა დროსაც 9 ტომიანი საქმიდან დარჩენილი 3 ტომის გამოკვლევა გაგრძელდება და სავარაუდოდ დაიკითხება ბრალდების მხარის ბოლო მოწმე ექსპერტ - ბალისტიკოსი, რის შემდეგაც სასამართლო დაცვის მხარის მტკიცებულებების გამოკვლევის ეტაპზე გადავა.
ოჯახის შეცვლილი პოზიცია და ახალი დეტალები 22 წლის დემურ სტურუას გარდაცვალების საქმეში - გარდაცვლილი დემურ სტურუას დედა ამბობს, რომ შესაძლოა, მისი შვილი თვითმკვლელობამდე არა ბრალდებულმა გოდერძი თევზაძემ, არამედ სხვამ მიიყვანა. ნანა ჯოჯუა ბოლო რამდენიმე თვის განმავლობაში ოჯახის მიმართ მუქარის თაობაზეც საუბრობს. მისი თქმით, არ არის გამორიცხული შვილის გარდაცვალების საქმეში ბრადლებული სწორედ მუქარის ავტორი იყოს, რომელიც მისი ვარაუდით დღემდე თავისუფალია. გარდაცვლილის დედის განცხადებას ეწინააღმდეგება ოჯახის ნათესავი. თუმცა, ნანა ჯოჯუა მისი განცხადების საფუძველზე, გამოძიებამ სამტრედიის პროკურატურაში უკვე დაიბარა. ახალ გარემოებებზე საუბრობს საქმეზე დაკავებული პოლიციელის ადვოკატიც. დეტალები ნახეთ რეპორტაჟში.
შემთხვევა “ჯეოჰოსპიტალის” გურჯაანის სამედიცინო ცენტრში. რა გახდა 26 ოქტომბერს, გურჯაანის სოფელ ჩალაუბანში მცხოვრები 59 წლის ქალბატონის გარდაცვალების მიზეზი და რა დაზიანებები აღენიშნებოდა. ოჯახის წევრები კლინიკის ექიმებს გულგრილობასა და უყურადღებობაში ადანაშაულებენ და მათ პასუხისგებაში მიცემას ითხოვენ. რა მოხდა გურჯაანში მდებარე ჯეოჰოსპიტალის კლინიკაში, რას აცხადებს ექიმი და რა გადაწყვეტილებას მიიღებს ჯანდაცვის სამინისტრო - მარიამ სეთურიძე და თეა ალავერდაშვილი გურჯანში მომხდარი ტრაგედიის დეტალებით.
შინაგან საქმეთა მინისტრი მეორე ტურამდე ორი დღით ადრე აცხადებს, რომ არჩევნები მშვიდ ვითარებაში ჩატარდება და ამომრჩეველს საშუალება ექნება საკუთარი არჩევანი თავისუფალ გარემოში დააფიქსიროს. იუსტიციის მინისტრი თეა წულუკიანი არჩევნებში მონაწილე ყველა სუბიექტს მეორე ტურის ცივილურად ჩატარებისკენ მოუწოდებს. არჩევნების მეორე ტური 50 საარჩევნო ოლქში 30 ოქტომბერს იმართება.
მიხეილ მაჭავარიანი პოლიტიკიდან მიდის, მიხეილ სააკაშვილი კი ხელისუფლებაში დაბრუნებისთვის ყველა სახელისუფლებო ბერკეტის გამოყენებას გეგმავს. ნაციონალურ მოძრაობაში არ ადასტურებენ ინფორმაციას, რომ მაჭავარიანის წასვლა შიდა დაპირისპირებას უკავშირდება. თავად 4 მოწვევის პარლამენტის წევრი კი ამბობს, რომ დისერტაციის დასაცავად ემზადება. „ჩვენ უნდა გამოვიყენოთ პარლამენტი, სახელმწიფო დაწესებულებები, უნდა გამოვიყენოთ ის, რაც დარჩა თავისუფალ ქართულ მედიაში“ - აცხადებს მიხეილ სააკაშვილი საგანგებოდ, არჩევნების მეორე ტურის წინ გავრცელებულ ვიდეო მიმართვაში. რა ხდება ნაციონალურ მოძრაობაში, სად და რატომ წავიდა მიხეილ მაჭავარიანი და როგორ აპირებს ხელისუფლებაში დაბრუნებას მიხეილ სააკაშვილი
სატელეფონო ზარები და მოკლე ტექსტური შეტყობინებები მოქალაქეებს, ნიკოლოზ რურუასგან - რატომ აქვს ნაციონალური მოძრაობას წვდომა მოქალაქეთა პერსონალურ მონაცემებთან? პერსონალურ მონაცემთა დაცვის ინსპექტორმა საკითხის შესწავლა დაიწყო. რას აცხადებს თამარ ქალდანი და დაინტერესდება თუ არა ფაქტით აუდიტის სამსახური რეზი ხუციშვილი გიამბობთ.
სირიის ხუთწლიანი კონფლიქტის ყველაზე სისხლიანი თავდასხმა სკოლაზე. ასე შეაფასა იუნისფემა იდლიბის პროვინციაში სკოლაზე მიტანილი საჰაერო იერიში. სასწავლო დაწესებულების დაბომბვას ორგანიზაციის მონაცემებით, 22 ბავშვი ემსხვერპლა. ტრაგედია იდლიბის პროვინციაში, ნახეთ ქეთი ჩოხელის რეპორტაჟი.
ნატო შავი ზღვის რეგიონის უსაფრთხოებაზე ზრუნვას იწყებს - 6 წევრი ქვეყანა უკვე შეთანხმდა, რომ რეგიონში საკუთარ ძალებს განათავსებს. ამასთან, ნატო-ს გენერალური მდივნის განცხადებით, ნატო-ს 16 წევრი თანახმაა, აღმოსავლეთ ევროპაში ალიანსის ბატალიონების ფორმირებაში ჩაერთოს. იენს სტოლტენბერგმა საქართველოს შესახებაც ისაუბრა და აღნიშნა, რომ ნატო საქართველოსთან პარტნიორობის გაძლიერებას განაგრძობს. ჩაერთვება თუ არა საქართველო შავი ზღვის რეგიონის უსაფრთხოებაში და როგორ აფასებენ დიპლომატები, ექსპერტები და პოლიტიკოსები ნატო-ს მიერ მიღებულ გადაწყვეტილებას და როგორ აისახება პროცესი საქართველოზე -
ევროპარლამენტი მოუწოდებს ევროკავშირის საბჭოს, საქართველოს მოქალაქეებისთვის სავიზო რეჟიმის გაუქმებასთან დაკავშირებული მოლაპარაკებები გადავადების გარეშე დაიწყოს. ამის შესახებ ნათქვამია წერილში, რომელიც ევროპარლამენტის LIBE-ს კომიტეტის წევრებმა ევროკავშირის თავმჯდომარე ქვეყანას, სლოვაკეთს გაუგზავნეს. კომიტეტის წევრები მოუწოდებენ ევროკავშირის საბჭოს, ვიზალიბერალიზაციის საკითხზე სამმხრივი მოლაპარაკებები რაც შეიძლება მალე, ნოემბრის დასაწყისში დაიწყონ. დეპუტატები აღნიშნავენ, რომ საქართველოს ვიზალიბერალიზაციის საკითხზე მოლაპარაკებების დაწყების გადავადების რეალური მიზეზი არ არსებობს, რადგან ევროკომისიამ დაადასტურა, რომ ქვეყანამ ყველა მოთხოვნა შეასრულა. რას ნიშნავს მიმართვა და რა გზა დარჩა საქართველოს ევროპასთან უვიზო მიმოსვლამდე. მიშა ფეიქრიშვილი გაგვაცნობს დეტალებს.
საქართველოს პრეზიდენტმა 168 მსჯავრდებული შეიწყალა. მათგან 4 ქალია. გიორგი მარგველაშვილმა შეიწყალა, როგორც მძიმე, ისე ნახევრად მძიმე საქმისთვის მსჯავრდებულები. შეწყალებულებიდან 54-ს კი შეფარდებული სასჯელი სხვადასხვა ფორმით შეუმცირდათ. შეწყალების კომისიამ 15-დან 18 ოქტომბრის ჩათვლით სულ 1 095 პირის საქმე განიხილა.
ახალი ტურისტული ინფრასტრუქტურა შუამთაში - საქართველოს რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა პირველ მოადგილესთან ილია დარჩიაშვილთან ერთად თელავის მუნიციპალიტეტში ტურისტული ინფრასტრუქტურის სარეაბილიტაციო სამუშაოები დაათვალიერა. პროექტს, მუნიციპალური განვითარების ფონდი მსოფლიო ბანკის დაფინანსებით ახორციელებს და მისი მიზანი ტურისტული განვითარებისთვის ხელსაყრელი პირობების შექმნაა. 60-მდე დასაქმებულიდან უმეტესობა ადგილობრივია. პროექტი 2015 წელს დაიწყო და მიმდინარე წლის დეკემბერში დასრულდება.
სარფის საბაჟოზე მიმოსვლა შეფერხებულია. შეზღუდვის მიზეზი თურქული მხარეა. შემოსავლების სამსახურის ინფორმაციით, პრობლემა თურქეთის სისტემური ხარვეზის გამო წარმოიშვა და ამ დრომდე ორივე მიმართულებით მოქალაქეების მიმოსვლა შეზღუდულია. თურქული მხარე ტექნიკური ხარვეზის აღმოსაფხვრელად მუშაობს, თუმცა, კონკრეტული დრო, როდის აღდგება სრულად საბაჟოზე მიმოსვლა, ამ დროისთვის უცნობია. შემოსავლების სამსახურის ინფორმაციით, თურქეთს შეფერხება ქვეყნის ტერიტორიაზე არსებულ ყველა სასაზღვრო პუნქტთან აქვს.
ამბროლაურის შემდეგ ომალო - მინისტრთა კაბინეტის წევრებმა მთავრობის სხდომაზე ახმეტის მუნიციპალიტეტის სოფელ ომალოში აეროდრომის მშენებლობის შესახებ იმსჯელეს. პრემიერ-მინისტრის განცხადებით, ომალოში ახალი აეროპორტის მშენებლობა მთავრობის ოთხპუნქტიანი გეგმის ნაწილია. თუმცა, ამ სიახლის გარდა, პრემიერ-მინისტრმა კიდევ ერთ საკითხზე ისაუბრა, ამჯერად საუბრია ევროკავშირის მიერ საქართველოსთვის გამოყოფილ ოცდაათი მილიონი ევროს ოდენობის გრანტზე. პრემიერ-მინისტრის ინფორმაციით, თანხა ქვეყანაში მმართველობის რეფორმის განხორციელებისთვის დაიხარჯება. მთავრობის სხდომის გზავნილებზე პირდაპირ ეთერში თამარ წიკლაური ისაუბრებს.
30 ოქტომბერს გაირკვევა მოიპოვებს თუ არა „ქართული ოცნება“ საკონსტიტუციო უმრავლესობას და რომელი პარტია რამდენ ადგილს დიკავებს საქართველოს პარლამენტში. მეორე ტურამდე რამდენიმე დღით ადრე პარტიებს ერთმანეთისგან გასხვავებული მოლოდინი აქვთ. როგორ პროგნოზს აკეთებენ ქართულ ოცნებასა და ნაციონალურ მოძრაობაში და ვისი მხარდაჭერისკენ მოუწოდებენ საკუთარ ამომრჩეველს სხვა პარტიები? ნიკა მუკბანიანი ისაუბრებს დეტალებით პირდაპირ ეთერში
სარჩელი ცესკოს წინააღმდეგ - თბილისის საქალაქო სასამართლომ “პატრიოტთა ალიანსი-გაერთიანებული ოპოზიციის” სარჩელი არ დააკმაყოფილა. საარჩევნო ბლოკი ცენტრალური საარჩევნო კომისიის შემაჯამებელი ოქმის იმ ნაწილის ბათილად ცნობას ითხოვდა, რომლის მიხედვითაც, საპარლამენტო მანდატები გადანაწილდა. პატრიოტთა ალიანსს პარლამენტში 6 წარმომადგენელი ეყოლება, თუმცა, პარტიას ცესკოს გადანაწილების მიმართ შენიშვნები აქვს და ამბობს, რომ ე.წ ჩვიდმეტი გადაუნაწილებელი მანდატიდან, მას უფრო მეტი მანდატი ერგება და 6-ის ნაცვლად პარლამენტში 10 წარმომადგენელი უნდა ჰყავდეს. პატრიოტთა ალიანსში ამბობენ, რომ სამოქალაქო კოდექსი, რომლის მიხედვითაც მანდატები ნაწილდება, კონსტიტუციასთან შეუსაბამოა. საქალაქო სასამართლოს გადაწყვეტილებას პარტია სააპელაციოში გაასაჩივრებს.
აფხაზური ენის დღე და პრემიერის მილოცვა - რამდენიმე წელია, აფხაზებთან ერთად 27 ოქტომბერს ქართველებიც აღნიშნავენ. რა საფრთხის წინაშე დგას აფხაზური ენა და როგორ სწავლობენ აფხაზურს ქართველი ბავშვები - მაკა ლაშხია გიამბობთ.
მედიაპორტალ “ოლმედია ჯის” მოხალისე ჟურნალისტთა რაოდენობა 4 ათასამდე გაიზარდა. მედიაპორტალი, სადაც მხოლოდ რამდენიმე თვის წინ მომხდარი ამბებია განთავსებული, არჩევნებზე დაკვირვებისთვის მედიის წარმომადგენლის აკრედიტაციას ყველა დაინტერესებულ პირს სთავაზობს. ამ შეთავაზებით არჩევნების პირველ ტურში ძირითადად ნაციონალური მოძრაობის მხარდამჭერებმა ისარგებლეს. ის, რომ მხოლოდ ერთი და საზოგადოებისთვის ნაკლებადცნობილი მედიაპორტალი, აკრედიტაციას ათასობით მოქალაქეს სთავაზობს -- არჩევნებზე დამკვირვებელ ორგანიზაციებს ეჭვებს და შეკითხვებს უჩენს - კითხვები აქვთ პოლიტიკოსების ნაწილსაც, რომლებიც ნაციონალური მოძრაობის დაინტერესებაზე საუბრობენ, რათა ამომრჩევლზე ზეწოლა და უბნებზე არეულობა მოახდინონ - გიორგი კობერიძე დეტალებით .
ახალი მოთამაშე ქართულ სადაზღვეო ბაზარზე. თიბისი ბანკმა სადაზღვევო კომპანია „კოპენ ბურის“ 100%-იანი წილის შესყიდვის ხელშეკრულებას ხელი უკვე მოაწერა. მომდევნო რამდენიმე თვის განმავლობაში „კობენ ბურის“ განახლება განხორციელდება და უკვე ახალი წლიდან „თიბისი ბანკის“ მომხმარებლებს ახალი სახელით მოქმედი სადაზღვევო კომპანიის პროდუქტებით შეეძლებათ სარგებლობა. რას შესთავაზებს მომხმარებელს ახალი სადაზღვეო კომპანია და როგორ გამოეხმაურნენ თიბისის სადაზღვევო ბაზარზე დაბრუნებას კონკურენტი სადაზღვეო კომპანიები და ექსპერტები მარიამ სეთურიძე და გიორგი კიკვაძე.
გარდაბნის თბოელექტროსდგური 2-ის მშენებლობის პროცესს ჩაეყარა საფუძველი. 159 მილიონ დოლარად ღირებული თბოელექტროსადგური ექსპლუატაციაში 2020 წლისთვის უნდა შევიდეს და მისი დადგმული სიმძლავრე 230 მეგავატი იქნება. მშენებლობას ტენდერში გამარჯვებული ჩინური კომპანია განახორციელებს. საჭირო თანხის ძირითადი ნაწილის მოძიება ჩინური ბანკებიდან მოხდა, თანხის ნაწილს კი შიდა სახსრები წარმოადგენს. თბოელექტროსადგურის ექსპლუატაციაში შესვლის მომენტიდან ის საქართველოს სახელმწიფოს საკუთრება იქნება და მას საქართველოს გაზისა და ნავთობის კორპორაცია განკარგავს. ჩინური ბანკების მიერ გამოყოფილ თანხას კი თბოელექტროსადგური საკუთარი შემოსავლით გაისტუმრებს.
მსოფლიო ბანკის ანგარიში და საქართველოს 7 საფეხურით გაუმჯობესებული მაჩვენებლები. საქართველომ ბიზნესის კეთების 2017 წლის რეიტინგში 23-დან მეთექვსმეტე ადგილას გადმოინაცვლა. ანგარიშის მიხედვით, რეფორმებით, რეგიონში საქართველო ლიდერია და ათ რეფორმატორ ქვეყანას შორის სახელდება. როგორ აფასებენ მსოფლიო ბანკის ანგარიშში საქართველოს მიერ დაკავებულ პოზიციას პოლიტიკურ სპექტრსა და ბიზნესსექტორში დეტალები თამარ წიკლაურის რეპორტაჟში.
ლარის ბოლო დღეების გაუფასურების მიუხედავად, ეროვნული ბანკის პრეზიდენტი მიიჩნევს, რომ უახლოეს მომავალში ეროვნული ვალუტის კურსის მნიშვნელოვანი ცვლილება მოსალოდნელი არ არის. კობა გვენეტაძის უწყებამ მონეტარული პოლიტიკის განაკვეთი უცვლელად დატოვა და დღეს მის გამკაცრებაზე უარი თქვა. რა პროგნოზს აკეთებს ეროვნული ბანკის პრეზიდენტი და როგორია პოლტიკოსების და ექსპერტების შეფასება? ნიკა მუკბანიანი ისაუბრებს დეტალებზე პირდაპირ ეთერში. ნიკა გისმენთ.
კიდევ ერთი ყოფილი პატიმარი, რომელიც სააპელაციო სასამართლომ გაამართლა. ბეჟან ბეჟუაშვილის საქმეს სააპელაციომ პროკურატურის დადგენილების საფუძველზე გადახედა და 2010 წელს გამოტანილი გამამტყუნებელი განაჩენი გამამართლებლით შეცვალა. სამართალწარმოების პროცესში ჩადენილი დანაშაულის გამოძიების დეპარტამენტმა, გამოძიების პროცესში ახალი გარემოებების აღმოჩენის შემდეგ დადგენილებით სასამართლოს მიმართა. ბეჟან ბეჟუაშვილი და კომპანია 21-ე საუკუნის ორი ხელმძღვანელი ყოფილმა პროკურატურამ თაღლითობის ბრალდებით დააპატიმრა, თუმცა, როგორც ყოფილი მსჯავრდებულები ყვებიან პროკურატურის ინტერესი მათი ქონების ნაწილის ხელში ჩაგდება იყო. დეტალებით გიორგი კობერიძე.
კრწანისის სასწავლო ცენტრში რამდენიმე დღის წინ ბაზაზე გარდაცვლილი გიგა შენგელიას მამამ შემთხვევის ადგილი დაათვალიერა. რომან შენგელიასთან ერთად თავდაცვის სამინისტროს მაღალჩინოსნებიც იმყოფებოდნენ. დღესვე გარდაცვლილის მამამ განაცხადა, რომ მან გამოძიებისგან, ყველა შეკითხვაზე პასუხი მიიღო. რომან შენგელიამ დღეს სამხედრო პოლიციის გამომძიებელთა კითხვებსაც უპასუხა. რეზი ხუციშვილი დეტალებით.
ყოფილი პატიმრის ალექსანრე ახალკაცის დაკითხვა ქალაქის მთავარ პროკურატურაში ხუთი საათის განმავლობაში მიმდინარეობდა. ახალკაცმა, როგორც თავად ამბობს, საგამოძიებო უწყებას იმ კონკრეტული ადამიანების სახელი და გვარები გადასცა, რომლებიც ყოფილი ხელისუფლებისას ჩადენილი დანაშაულების შესახებ ინფორმაციას ფლობენ და მზად არიან გამოძიებასთან ითანამშრონლონ. ახალკაცმა გამოძების ინტერსებიდან გამომდინარე დეტალებზე არ ისაუბრა. ყოფილი პატიმარი წინა ხელისუფლებისას ჩადენილ სისტემურ დანაშაულზე საუბრობს და ყოფილ მაღალჩინოსებს ადანაშაულებს. ახალკაცი ამ საკითხთან დაკავშირებით საგამოძებო უწყებაში გამოკითხვაზე რამდენჯერმე დაიბარეს.
სისხლიანი თავდასხმა პოლიციის აკადემიაზე პაკისტანის ქალაქ კვეტაში - 60-მდე დაღუპული და 120 ჰოსპიტალიზებული. “ისლამური სახელმწიფოს მებრძოლები სასწავლებლის შენობას დაესხნენ და მძევლად კადეტები აიყვანეს. უსაფრთხოების ძალების მიერ შენობის შტურმი ხუთი საათის განმავლობაში გრძელდებოდა. პაკისტანში მომხდარი ტრაგედიის დეტალები ნახეთ ქეთი ჩოხელის რეპორტაჟში
კრწანისში, სამხედრო ბაზაზე მომხდარი შემთხვევის შესწავლა სახალხო დამცველმა დაიწყო. უჩა ნანუაშვლის განცხადებით, სახალხო დამცველის აპარატის წარმომადგენლები ადგილზე უკვე იმყოფებოდნენ და მოწმეებს გაესაუბრნენ, მათ შორის იმ გუშაგსაც, რომელმაც გასროლა განახორციელა. სახალხო დამცველი ამბობს, რომ ამ ეტაპზე შეკითხვები არ უჩნდება. თავად გარდაცვლილის ოჯახის წევრები კი ოფიციალურ ინფორმაციას არ ენდობიან. ისინი საქმეში დამოუკიდებელი ექსპერტების ჩართვას მოითხოვენ. ექსპერტების ჩართვის წინააღმდეგი არ არის თავდაცვის სამინისტრო, რომელმაც მომხდართან დაკავშირებით დღეს კიდევ ერთი განცხადება გაავრცელა, რომლის მიხედვითაც, ამ დროისთვის საქმეზე გადაუდებელი საგამოძიებო მოქმედებები ტარდება. ამასთან, თავდაცვის სამინისტრო აქტიურად თანამშრომლობს აშშ-ის საელჩოს უსაფრთხოების სამსახურთანაც.
იგეგმება თუ არა სამინისტროების შემცირება და ოპტიმიზაცია? - მედიით გავრცელებულ ინფორმაციას განათლების მინისტრი არ გამორიცხავს და გარკვეულ ოპტიმიზაციაზე საუბრობს. თუმცა, ალექსანდრე ჯეჯელავაც და მთავრობის სხვა წევრებიც აცხადებენ, რომ ამ ეტაპზე გადაწყვეტილება მიღებული არ არის. მმართველი პარტია რადიკალურ ცვლილებებს არ ელოდება. თუმცა, ოპტიმიზაციას არ გამორიცხავენ, რაც მმართველი გუნდის დეპუტატების ნაწილის განცხადებით, არჩევნების შემდეგ ბუნებრივი პროცესია. საპარლამენტო და არასაპარლამენტო ოპოზიცია კი საბიუჯეტო თანხის დაზოგვის მიზნით სამინისტროების შემცირებას ითხოვს. გიორგი კობერიძე დეტალებით.
დასაქმებულთა, სამუშაო ადგილას დაღუპვის ფაქტების გახშირებასთან დაკავშირებით არასამთავრობო ორგანიზაციები და პროფკავშირების გაერთიანება განცხადებას ავრცელებენ. განცხადების ხელმომწერი ორგანიზაციები მიიჩნევენ, რომ შრომის ინსპექტირების არსებული მექანიზმი სუსტია და მას არ შეუძლია მისი მთავარი ფუნქციის – პრევენციული პოლიტიკისა და დარღვევებზე ეფექტიანი რეაგირების უზრუნველყოფა. რამდენად ხშირად ირღევა დამსაქმებლის მიერ დასაქმებულის უფლებები და როგორია ჯანდაცვის სამინისტროს მიერ შემუშავებული კანონპროექტი.. მარიამ სეთურიძე და გიორგი კიკვაძე დეტალებით
მომავალი სასწავლო წლიდან განათლების სამინისტრო ახალი რეგულაციების შემუშავებას იწყებს. სკოლის მოსწავლეების სახელმძღვანელოების მოცულობა და ჩანთების დასაშვები წონა 3 კილოგრამი იქნება. განათლების სამინისტროში განმარტავენ, რომ თავდაპირველად სიახლე დაწყებითი კლასის სასწავლო წიგნებზე გავრცელდება და ახალი სტანდარტების გრიფირებული სახელმძღვანელოები 2017-2018 სასწავლო წლიდან იქნება მიღებული. რატომ გახდა საჭირო რეგულაციის ამოქმედება, რამდენად სახიფათოა დაშვებულზე მეტი სიმძიმის ჩანთის ტარება მოზარდებისთვის და რა მდგომარეობაა ამჟამად სკოლებში, ნათია ხართიშვილი გიამბობთ
რუხში საავადმყოფოს მშენებლობა აქტიურ ფაზაშია. 220 ადგილიანი მრავალპროფილური საუნივერსიტეტო კლინიკა 2017 წლიდან უნდა ამოქმედდეს. მიმდინარე სამუშაოები კი ინფრასტრუქტურის მინისტრმა ნოდარ ჯავახიშვილმა დაათვალიერა. ამ დროისთვის, უკვე დასრულებულია ყველა ბლოკის მშენებლობა და მოწყობილია ვერტმფრენის დასაშვები მოედნის საფარი; ამასთან კლინიკის ტერიტორიაზე სტუდენტებისთვის მოეწყობა აუდიტორიები და ბიბლიოთეკა. რეზიდენტებისა და კლინიკაში სამკურნალოდ ჩამოყვანილი პაციენტების ოჯახის წევრებისთვის 92-ადგილიანი საერთო საცხოვრებელი იფუნქციონირებს. მიმდინარე მშენებლობაზე 154 ადამიანი დასაქმდა, რომელთა უმრავლესობა ადგილობრივი მაცხოვრებელია. კლინიკის ამოქმედების შემდეგ კი, რუხის და მიმდებარე სოფლების მცხოვრებლებს, სამედიცინო დახმარების მისაღებად, ზუგდიდში ჩასვლა აღარ მოუწევთ. გარდა ამისა, საავადმყოფო აფხაზეთიდან ჩამოსულ პაციენტებსაც მოემსახურება. პროექტის განსახორციელებლად სახელმწიფო ბიუჯეტიდან 41 მილიონ 264 ათასი ლარი გამოიყო.
2016 წლის საპარლამენტო არჩევნების შედეგების შეჯამება და არჩევნების გაყალბების მათემატიკური ფორმულა, რომლის ამოხსანსაც პატრიოტთა ალიანსი პარლამენტს მიღმა დარჩენილ პოლიტიკურ პარტიებთან ერთად გეგმავს. პატრიოტთა ალიანსი ქართულ ოცნებასა და ნაციონალურ მოძრაობას 2016 წლის საპარლამენტო არჩევნებზე შეთანხმებულ მოქმედებაში ადანაშაულებს. პარალელურად არჩევნების გაყალბებაზეც საუბრობენ. ამიტომ პატრიოტთა ალიანსი გამოძიების დაწყებას აანონსებს, რომლის შედეგადაც, როგორც პარტიაში ამბობენ, უნდა დადგინდეს რა მეთოდით გაყალბდა არჩევნები. როგორია პოლიტიკური პარტიების პოზიცია პატრიოტთა ალიანსის ინიციატივაზე და რას პასუხობენ ბრალდებების ადრესატები ნახეთ თამარ წიკლაურის რეპორტაჟში.
თავისუფალი დემოკრატების ყოფილი წევრები ხელისუფლებასთან თანამშრომლობისთვის მზად არიან, თუმცა, ამბობენ, რომ შეთავაზება არ აქვთ. დავით ონოფრიშვილი, ზურაბ ჯაფარიძე, გია ცაგარეიშვილი - დემოკრატების სამეულმა 4-წლიანი მუშაობა ჟურნალისტებთან შეაჯამა და საზოგადოებას მეორე ტურში ხელისუფლების კანდიდატების მხარდაჭერისკენ მოუწოდებდა. თანამდებობისთვის ბრძოლა და საბჭოთა მენტალიტეტი - ასეთია ყოფილი თანაგუნდელების შეფასებები. თავისუფალი დემოკრატების წევრები პარტიიდან წასულ თანაგუნდელებს აკრიტიკებენ. რამდენად რეალურია, რომ ალასანიას გუნდის ყოფილი წევრები აღმასრულებელ ხელისუფლებაში ვიხილოთ, რა კონსულტაციებს მართავენ ოცნების გუნდის წევრებთან და როგორია მათი გეგმები.
გერმანიაში ჩატარებული სპეცოპერაციის სამიზნე ჩეჩნების ჯგუფი იყო. პოლიციამ ჩხრეკა ერთდროულად ხუთ რეგიონში, 12 ბინასა და მიგრაციულ ცენტრში ჩაატარა. სპეცოპერაციის შედეგად დაკავებულია ერთი ადამიანი. გამოძიება ჩეჩნეთის მკვიდრის, რუსეთის 28 წლის მოქალაქის წინააღმდეგ 2015 წლიდან მიმდინარეობს. სამართალდამცველები ვარაუდობენ, რომ ის “ისლამურ სახელმწიფოსთან” არის დაკავშირებული. ამასთან, გერმანული მედია წერს, რომ 10 მამაკაცი და სამი ქალი ტერორისტების ფინანსურ მხარდაჭერაში არიან ეჭვმიტანილები. ყველა მათგანი ჩეჩნეთის მკვიდრია.
მორიგი ცვლილება თბილისის “დინამოში” - საფეხბურთო კლუბს უკრიანელი სპეციალისტი ვიაჩესლავ გროზნი გაწვრთნის. ახალი მწვრთნელი ჟურნალისტებს თბილისის "დინამოს" მფლობელის რომან ფიფიას მრჩეველმა წარუდგინა. კონტრაქტი 3-წლიანია, 1+2 სისტემით. გროზნი ბოლოს უჟგოროდის "ჰოვერლას" წვრთნიდა. კარიერის განმავლობაში უმუშავია მოსკოვის "სპარტაკში", "დნიპროში", კიევის "არსენალში", "ტერეკში". უკრაინელ სპეციალისტამდე დინამოში იარებეკი მუშაობდა თუმცა არადამაკმყოფილებელი შედეგის გამო სპეციალისტი თბილისურმა კლუბმა დაითხოვა