თურქეთში ოპოზიციური პროქურთული პარტიის დეპუტატების დაკავების შემდეგ ქურთებით დასახლებულ ქალაქებში უსაფრთხოების ზომები უკიდურესად გამკაცრებულია. ქვეყანაში დაბლოკილია სოციალური ქსელები. ევროკავშირი თურქეთში პოლიტიკოსების დაკავების გამო შეშფოთებას გამოთქვამს. პროქურთული “სახალხო დემოკრატიული პარტია” თურქეთის პარლამენტში სიდიდით მესამეა. ის 2015 წლის ნოემბერში ჩატარებული არჩევნების შედეგად პირველად მოხვდა საკანონმდებლო ორგანოში და 59 დეპუტატით არის წარმოდგენილი. თუმცა, დეპუტატებს უკვე რამდენიმე თვეა სასამართლო დევნისგან იმუნიტეტი აღარ იცავთ. ოპოზიციონერების დაკავება თურქეთში ნახეთ ქეთი ჩოხელის რეპორტაჟში.
2016-2017 სასწავლო წლის განმავლობაში, საქართველოს 32 სკოლაში ”მაიკროსოფტი” Wi-Fi ტექნოლოგიას უფასოდ დანერგავს. სკოლებში სწავლა-სწავლების ტექნოლოგიების ინტეგრაციის მხარდასაჭერად, საქართველოს განათლებისა და მეცნიერების სამინისტროსა და ”მაიკროსოფტს” შორის, ურთიერთგაგების მემორანდუმი გაფორმდა. მხარეებს შორის თანამშრომლობა მიზნად ისახავს საქართველოს სკოლებში Wi-Fi ინფრასტრუქტურის დანერგვაში დახმარებას. ამასთან, ”მაიკროსოფტი” მხარს დაუჭერს მასწავლებლებს და სკოლის ლიდერებს საგანმანათლებლო კონტენტით, სასწავლო მასალითა და ექსპერტიზით, რათა ხელი შეუწყოს სასწავლო პროცესში ინტერნეტით სარგებლობას და ინფორმაციული ტექნოლოგიების გამოყენებას.
სოფლის მეურნეობის მინისტრმა ლევან დავითაშვილმა შიდა ქართლის გუბერნატორის მოვალეობის შემსრულებელ იოსებ ოქრომელიძესთან ერთად გორის მუნიციპალიტეტის სოფელ კარალეთში თანამედროვე სტანდარტებით აღჭურვილი ხილისა და ბოსტნეულის გადამამუშავებელი საწარმო გახსნა. საწარმო სოფლის მეურნეობის სამინისტროს შეღავათიანი აგროკრედიტის პროექტის ფარგლებში შეიქმნა. საწარმოში მილიონ 200 ათასი ლარის ინვესტიცია განხორციელდა და 50-მდე ადგილობრივია დასაქმებული. წარმოებული პროდუქციის რეალიზაცია პირველ ეტაპზე ადგილობრივ ბაზარზე მოხდება. სოფლის მეურნეობის სამინისტროს მხარდაჭერით შიდა ქართლის რეგიონში 18 ახალი საწარმო გაიხსნა.
საპროტესტო აქციები ზვარესა და თბილისში, სამი დაკავებული, ჩინურ კომპანიაში მომუშავე ქართველი მუშების მოთხოვნები და კომპანიის წარმომადგენელთა განცხადება - ასეთია სოფელ ზვარეში განვითარებული მოვლენების მეორე დღე. ხაშური-მოლითის ლიანდაგის მშენებლობაზე დასაქმებულ ქართველ და ჩინეთის მოქალაქეებს შორის ფიზიკური დაპირსპირების შედეგად შვიდი ქართველია დაშავებული, ჩინეთის სამი მოქალაქე კი დაკავებული. ორდღიანი დუმილის შემდეგ ფაქტს განცხადებით გამოეხმაურა თავად ჩინური კომპანია, ჩინეთის რკინიგზის 23-ე ბიურო გამოძიების მიმდინარეობის პროცესში დაკავებული ჩინეთის მოქალაქეების გათავისუფლებას ითხოვს. პარალელურად საპროტესტო აქციებს მართავენ კომპანიაში დასაქმებული ქართველი მუშები, აქცია გაიმართა თბილისშიც. რა მოთხოვნები აქვთ აქციის მონაწილეებს, რას პასუხობენ მათ საქართველოს რკინიგზაში და როგორ ვითარდება მოვლენები სოფელ ზვარეში დეტალები ნახეთ რეპორტაჟში.
თბილისში, პაოლო იაშვილის 16 ნომერში ავარიული საცხოვრებელი კორპუსის ფასადი ჩამოიშალა, რის შედეგადაც ერთერთი მაცხოვრებლის აივანი და მიმდებარე ტერიტორიაზე ავტომობილი დაზიანდა. სოლოლაკში მდებარე სამ სართულიანი შენობა კულტურული მემკვიდრეობის ძეგლის სტატუსის მქონეა, შესაბამისად მისი დემონტაჟი ვერ ხერხდება. ჩამონგრევის ზუსტ მიზეზს საგამოძიებო სამსახური დაადგენს, თუმცა მოქალაქეები,რომელთა სახლებიც ანალოგიური სტატუსისაა, მრავალი წელია, შიშის ქვეშ ცხოვრობენ. ვინ არის პასუხისმგებელი მათ უსაფრთხოებაზე და როგორია ავარიულ სახლში მცხოვრეთა პოზიცია ნახეთ მარიამ სეთურიძის და გიორგი კიკვაძის რეპორტაჟში.
8 ოქტომბერს სოფელ ჯიხაშკარში უცხოელი დამკვირვებლისთვის ფიზიკური შეურაცხყოფის მიყენების ფაქტზე პოლიციამ კიდევ ერთი პირი დააკავა. ამის შესახებ შინაგან საქმეთა მინისტრის მოადგილემ, შალვა ხუციშვილმა განაცხადა. დაკავებული პირი უცხოელმა დამკვირვებელმა თავად ამოიცნო. ჯიხაშკარში საარჩევნო უბანზე მომხდართან დაკავშირებით თავდაპირველად ორი პირი დააკავეს, აქედან ერთი გირაოთი გაათავისუფლეს
70 წლის ქალის საზარელი მკვლელობა და დედის მკვლელობაში ბრალდებული 18 წლის შვილის დაკავება, ოთხ პირთან ერთად - შინაგან საქმეთა სამინისტრო განსაკუთრებული სისასტიკით ჩადენილ და რიტუალურ მკვლელობაზე საუბრობს. იყვნენ თუ არა დანაშაულში ეჭვმიტანილი პირები სექტის წევრები?! რა ვითარებაში მოხდა მკვლელობა რეზი ხუციშვილი გიამბობთ
ორგანიზაცია “სამართლიანი არჩევნების” ყოფილი თავმჯდომარე ნინო ლომჯარია სახელმწიფო აუდიტის სამსახურში გენერალური აუდიტორის პირველ მოადგილედ დაინიშნა. ახალი თანამშრომლელი ლაშა თორდიამ პირადად წარადგინა და აღნიშნა, რომ ნინო ლომჯარიას ცოდნა, გამოცდილება და რეპუტაცია აუდიტის სამსახურის მიზნებსა და ამოცანებთან თანხვედრაშია. ლომაჯარიამ განაცხადა, რომ მისი აზრით, აუდიტის სამსახური ყველაზე გამჭვირვალე და პროგრესირებადი საჯარო დაწესებულებაა და გენერალური აუდიტორის პირველ მოადგილეობას სწორედ ამ მიზეზით დათანხმდა .
ქართული დიპლომატიის დღესთან დაკავშირებით საკრებულოს შენობაში ოფიციალური მიღება გაიმართა. საგარეო საქმეთა მინისტრმა, მიხეილ ჯანელიძემ სტუმრებს ქვეყნის შიგნით და საზღვრებს გარეთ მყოფ ქართველ დიპლომატებს პროფესიული დღე მიულოცა. დიპლომატიურ სფეროში, როგორც საგარეო საქმეთა სამინისტროში, ისე საზღვარგარეთ საქართველოს მისიებში დაახლოებით 800 ადამიანი მუშაობს. ქართული დიპლომატიის დღე 3 ნოემბერს 2004 წლიდან აღინიშნება. თარიღი სულხან -საბა ორბელიანის დაბადების დღეს უკავშირდება. ანა ბროლაძე გვიერთდება პირდაპირ ეთერში ქართული დიპლომატიის 12 წლის იუბილეზე გაკეთებული განცხადებებით.
საქართველოს პრემიერ-მინისტრი სომხეთის პრეზიდენტს შეხვდა. გიორგი კვირიკაშვილმა და სერჟ სარგსიანმა საქართველო-სომხეთის საზღვარზე, ბაგრატაშენის ახალი სასაზღვრო-გამშვები პუნქტი დაათვალიერეს, რომელიც ოფიციალურად გაიხსნა. სასაზღვრო-გამშვებმა პუნქტმა, რუსთავი-სადახლოს ჩქაროსნულ ავტომაგისტრალთან ერთად, მთავრობის პროგნოზით, ორი ქვეყნის მიმართულებით მოძრავი ავტოსატრანსპორტო საშუალებები ერთმანეთს შეუფერხებლად უნდა დააკავშიროს. საქართველოს პრემიერ-მინისტრმა და სომხეთის პრეზიდენტმა ის ტერიტორიაც დაათვალიერეს, სადაც 2017 წელს ორ ქვეყანას შორის “მეგობრობის ხიდის” მშენებლობა დაიწყება, მშენებლობის დასრულება კი 2 წელიწადზე ნაკლებ დროშია დაგეგმილი.
ქართული ოცნების ლიდერები კაჭრეთში გასვლით შეხვედრას მართავენ, სადაც გუნდის სამომავლო გეგმებსა და ახალი მოწვევის პარლამენტის სამუშაო დღის წესრიგს ათანხმებენ. 2030 -ის ინფორმაციით, რამდენიმე წუთში გუნდის შეხვედრას საქართველოს პრემიერ- მინისტრი შეუერთდება. მანამდე კი ქართული ოცნების წევრებმა უკვე გააკეთეს განცხადებები საკადრო პოლიტიკასთან დაკავშირებით.
ნაციონალური მოძრაობის ოფისში პოლიტსაბჭოს სხდომა მიმდინარეობს. პარტიის წევრების განცხადებით, უნდა გააანალიზონ არჩევნების შედეგები და სამომავლო სტრატეგია დასახონ. პოლიტსაბჭო პარტიის ყრილობის ჩატარების საკითხსაც განიხილავს. პარტიის წევრები ამბობენ, რომ ახალი თავმჯდომარის არჩევის საკითხზე, რომლის ინიციატივაც გიგი უგულაავს ეკუთვნოდა, პოლიტსაბჭოზე არ იმსჯელებენ
უგულავა სააკაშვილის წინააღმდეგ და დაპირისპირება ნაციონალურ მოძრაობაში პარტიის თავმჯდომარის კანდიდატურასთან დაკავშირებით - ნაციონალურმა მოძრაობამ შესაძლოა ახალი თავმჯდომარე აირჩიოს და მიხეილ სააკაშვილი დავით ბაქრაძით შეცვალოს. პარტიის ახალი თავმჯდომარის არჩევის საკითხზე საუბარი აქტუალური პარტიის წევრების მხრიდან გახდა. გიგი უგულავა ციხიდან წერილში, სწორედ ამის აუცილებლობაზე წერს. ოდესიდან მიღებულ საჯარო პასუხში კი სააკაშვილი თემის გააქტუალურებას კონკრეტულ ლიდერებს უკავშირებს. რა გახდა ნაციონალურ მოძრაობაში პარტიის წევრებს შორის მორიგი ურთიერთკრიტიკის საფუძველი გიორგი კობერიძე გიამბობთ.
გირგვლიანის საქმის განხილვა თბილისის საქალაქო სასამართლოში და ოლეგ მელნიკოვის სკანდალური ჩვენება - ვინ დაუწერა პროკურატურისთვის თავდაპირველად მიცემული ჩვენება ოლეგ მელნიკოვს და რა გარიგება შედგა დათა ახალაიასა და სანდრო გირგვლიანის მკვლელობისთვის გასამართლებულ პირებს შორის! მოწმის ჩვენება და მხარეთა პოზიციები - ნახეთ გენო ოსიყმაშვილის რეპორტაჟში.
სწავლობთ ქართულად - ახალი ინიციატივა არაქართველი მოსწავლეებისთვის. კამპანიამ, რომლის მიზანიც უცხოელი მოსწავლეებისათვის ქართული ენის პოპულარიზაციაა, უკვე საქართველოს 6 სკოლა მოიცვა. პროექტის ფარგლებში თბილისის მასშტაბით დემირელის სახელობის კერძო კოლეჯი და სკოლა ლიცეუმი „სხივია“ ჩართული, სადაც ამ ეტაპისთვის ათობით უცხოელი მოსწავლე სწავლობს, რომლებიც უკვე ორი თვეა, სასკოლო საგნებს ქართულად სწავლობენ და ქართული ენის ოლიმპიადისთვისაც ემზადებიან. მარიამ სეთურიძე და გიორგი კიკვაძე გიჩვენებთ, როგორია არაქართველი ბავშვების ერთი დღე ქართულის გაკვეთილზ
სპორტისა და ახალგაზრდობის საქმეთა სამინისტრო შეზუდული შესაძლებლობის მქონე პირებისთვის ახალ პროექტს იწყებს. პროგრამა განაკუთრებული საჭიროების მქონე პირებისთვის მობილური აპლიკაციების შექმნას ითვალისწინებს. რა პროფესიას დაეუფლებიან შეზღუდული შესაძლებლობის მქონე პირები და როგორ შეიძლება გახდნენ ისინი მსოფლიო ბაზარზე მოთხოვნადი მაღალანაზღაურებადი კადრები ნახეთ მაკა ლაშხიას რეპორტაჟი
ორი წლის თავზე სადავო შენობის წარმომავლობის დამდგენმა კომისიამ პირველი ორ პუნქტიანი დადგენილება მიიღო. სოფელ მოხეში ისტორიული შენობის გამო რელიგიურ ნიადაგზე დაწყებული კონფლიქტი შესაძლოა უახლოეს მომავალში დასრულდეს. მიღებული დადგენილების საფუძველზე სახელმწიფო იღებს ვალდებულებას მუსლიმი მრევლისათვის გამოისყიდოს შენობა, სადაც ისინი ამ დრომდე ლოცულობენ ან მოხდეს სოფლის ტერიტორიაზე მიწის შეძენა, სადაც ხელისუფლება ახალ მაჩეთს ააშენებს. .რა განცხადებები გაკეთდა კომისიის სხდომის დასრულების შემდეგ და ეთანხმება თუ არა მუსლიმი მოსახლეობა ამ გადაწყვეტილებას. მანუჩარ გოგლაური გიაბობთ
კიდევ ერთი შემთხვევა - ბინის გადაცემის სანაცვლოდ დევნილებისთვის თაღლითური სქემით და მოტყუებით გამორთმეული რამდენიმე ათასი დოლარი. ანტიკორუფციულმა სააგენტომ ერთი პირი დააკავა, რომელმაც გამოძიების ცნობით, ერთერთ დევნილს 3 ათასი დოლარი გამოართვა, 6 ათასი დოლარის გადახდის შემთხვევაში კი დევნილ ოჯახს საცხოვრებელი ბინის გადაცემას პირდებოდა. გამოძიებას სახელმწიფო უსაფრთხოების სამსახური აწარმოებს და ბრალდებულს დაკავების შემთხვევაში 6-დან 9 წლამდე პატიმრობა ემუქრება. ანტიკორუფციული სააგენტოს მიერ გამოვლენილ დანაშაულზე განცხადება ლტოლვილთა სამინისტროშიც გაკეთდა და მათ დევნილებს, საეჭვო გარიგებებში მონაწილეობისგან თავშეკავებისკენ მოუწოდეს.
ე.წ. კაბელების საქმეზე სააპელაციო სასამართლოში სხდომა 17 ნოემბერს გაგრძელდება. დღეს პროცესზე დაცვის მხარემ შესავალი სიტყვის დასკვნითი ნაწილი წაიკითხა. დღესვე სასამართლო პროცესზე შესავალი სიტყვის ნაწილი წაიკითხა ბრალდების მხარემაც. სახელმწიფო ბრალდება მსჯავრდებულებისთვის სასჯელის მომატებას ითხოვს. დაცვის მხარე კი აცხადებს, რომ საქმე პოლიტიკურია და მსჯავრდებულებიც პოლიტიკური მოტივით არიან დაკავებულები. ადვოკატებს იმედი აქვთ, რომ სააპელაციო სასამართლო მათი დაცვის ქვეშ მყოფებს გაამართლებს.
რამდენიმე საათის განმავლობაში მიმდინარეობდა შინაგან საქმეთა სამინისტროს კრიმინალური პოლიციის დეპარტამენტში რუსთავი 2 -ის დირექტორის ნიკა გვარამიას გამოკითხვა.გვარამია უწყებაში კომპიუტერულ სისტემაში უნებართვოდ შეღწევაზე, პირადი საუბრების უკანონოდ მოპოვებასა და გავრცელებაზე აღძრულ საქმეზე იყო დაბარელი. საუბარია რამდენიმე თვის წინ გავრცელებულ ფარულ ჩანაწერზე, სადაც ნიკა გვარამია და საქალაქო სასამართლოს ყოფილი თავმჯდომარე მამუკა ახვლედიანი ფიგურირებენ, მაშინ გვარამია ამბობდა, რომ საუბარი თავად ჩაიწერა და არც ის დაუმალავს, რომ საჭირო ინფორმაციის მიღების სანაცვლოდ ახვლედიანს ფინანსური შეთავაზებაც გაუკეთა. თუმცა, დღეს ამ ინფორმაციას უარყოფს და აცხადებს, რომ მას ახვლედიანისთვის თანხა არ შეუთავაზებია. რუსთავი 2 ის დირექტორი არც იმას გამორიცხავს, რომ მისი და ახვლედიანის ფარული ჩანაწერი მისივე თანამშრომლის მეშვეობით ატვირთულიყო.
ხარაგაულის მუნიციპალიტეტის სოფელ ზვარეში გვიან ღამით რკინიგზის ლიანდაგის მშენებლობაზე დასაქმებულ ქართველ მუშებსა და ჩინური კომპანიის წარმომადგენლებს შორის დაპირიპირება მოხდა. ინციდენტის შედეგად რამდენიმე მუშა დაშავდა, რომლებიც, ზესტაფონისა და ხაშურის საავადმყოფოში გადაიყვანეს. მათ ჯანმრთელობის მდგომარეობას საფრთხე არ ემუქრება. ადგილობრივების თქმით, ჩინური კომპანიის წარმომადგენლებმა დაპირისპირებისას მუშების წინააღმდეგ არმატურები და ნაჯახები გამოიყენეს. დღესვე სოფელ ზვარეში ადგილობრივმა მოსახლეობამ და ჩინური კომპანიის ქართველმა თანამშროლებმა აქცია გამართეს და მომხდარი გააპროტესტეს. ისინი საქმის დროულად გამოძიებასა და დამნაშავეების დასჯას ითხოვენ. რა გახდა სოფელ ზვარეში დაპირისპირების მიზეზი და როგორია დაშავებული მუშების ჯანმრთლობის მდგომარეობა ნახეთ ჩვენს რეპორტაჟში.
არჩევნებამდე ხუთი დღით ადრე აშშ-ის პრეზიდენტობის კანდიდატების რეიტინგებს შორის სხვაობა მინიმალურია, ურთიერთბრალდებები კი მწვავე ხდება. ჰილარი კლინტონის აქტიურ მხარდამჭერ კამპანიას ეწევა მოქმედი პრეზიდენტი ბარაკ ობამა. დონალდ ტრამპს კი მხარდაჭერა ულტრამემარჯვენე რადიკალური დაჯგუფების “კუ-კლუს კლანის” ყოფილმა ლიდერმა გამოუცხადა. პარალელურად, დემოკრატიული პარტიის წევრებმა კამპანიაზე გავლენის მოხდენის მცდელობაში გამოძიების ფედერალური ბიუროს ხელმძღვანელი დაადანაშაულეს, რომელმაც ჰილარი კლინტონის წინააღმდეგ ივლისში დახურული საქმის გამოძიების განახლების შესახებ განაცხადა. კამპანიის დასკვნითი ეტაპი, ნახეთ ქეთი ჩოხელის რეპორტაჟში.
სამთავრობო ცვლილებების მოლოდინში... ვინ იქნება მინისტრთა კაბინეტის მომავალ შემადგენლობაში. პრემერთან კონსულტაციები გრძელდება. იმსჯელეს თუ არა მთავრობის დღევანდელ სხდომაზე საკადრო გადაადგილებებზე და რას აცხადებს ფინანსთა მინისტრი ლარის გაუფასურებაზე, ანა ბროლაძე გვიერთდება პირდაპირ ეთერში მთავრობის სხდომის ფარგლებში გაკეთებული განცხადებებითა და გამოხმაურებებით.
დუმამ რუსეთსა და აფხაზეთს შორის ჯარების გაერთიანებული დაჯგუფების შექმნის შესახებ შეთანხმების რატიფიცირება მოახდინა. ჯარების გაერთიანების შექმნას ითვალისწინებს მოსკოვსა და სოხუმს შორის ორი წლის წინ გაფორმებული ე.წ. შეთანხმება სტარეგიული პარტნიორობისა და მოკავშირეობის შესახებ. რუსული მხარის განცხადებით შეთანხმების რეალიზაცია სრულად პასუხობს რუსეთის ფედერაციის ინტერესებს, ხელს უწყობს ორი სახელმწიფოს უსაფრთხოების გაძლიერებას. საქართველოს საგარეო საქმეთა სამინისტროში გადაწყვეტილებას რუსეტი მხრიდან საერთაშორისო სამართლის ყველა ფუნდამენტური პრინციპის დარვევად აფასებენ . მიხელი ჯანელიძის განცხადებით თქმით საკითხი ყველა საერთაშორისო ფორმატში განიხილება .
განათლების მინისტრი საზოგადოებას 2017 წლიდან სიახლეებით მდიდარ წელს პირდება. ალექსანდრე ჯეჯელავამ, დღევანდელი მთავრობის სხდომის დასრულების შემდეგ განაცხადა, რომ საქართველოს მომავალი წლის ბიუჯეტში განათლება კვლავ პრიორიტეტულ მიმართულებად რჩება და სხვადასხვა სახის რეფორმები გატარდება. მათ შორის სკოლის, პროფესიული სასწავლებლებისა და უნივერსიტეტების მიმართულებით. ამასთან შემსუბუქდება მოსწავლეების ჩანთები და მასწავლებლების საშუალო ხელფასი გაიზრდება. რეფორმებისა და სტანდარტების შემუშავებაში კი სამინისტროს ამერიკელი და ევროპელი პარტნიორები დაეხმარებიან. უფრო კონკრეტულად რას სახის სიახლეებზეა საუბარი და რას გულისხმობს რეფორმები გენო ოსიყმასვილი მოგვიყვება
წმინდა ბერის გაბრიელ სალოსის ხსენების დღესთან დაკავშირებით ნავთლუღში, წმინდანის სახელობის მშენებარე ტაძრამდე მსვლელობა მოეწყო. ჩატარდა პარაკლისი. წელს პატრიარქის ლოცვაკურთხევით წმინდა ბერი გაბრიელის სახელობის ტაძრის მშენებლობა იწყება.
აპოლონ ქუთათელაძის სახელობის თბილისის სამხატვრო აკადემიას რეაბილიტაცია უტარდება. პროექტის მიხედვით, 166 წლიანი ისტორიის მქონე შენობა ძველი იერსახითა და თანამედროვე ინფრასტრუქტურით უნდა აღდეს. რა ეტაპზეა სარეაბილიტაციო სამუშაოები და როგორი იქნება განახლებული სამხატვრო აკადემია ნახეთ მაკა ლაშხიას რეპორტაჟი.
მაღალმთიან აჭარაში ნაადრევად მოთოვა. გოდერძის უღელტეხილზე, სადაც ამ დროისთვის გაწმენდითი სამუშაოები მიმდინარეობს, მოძრაობა კი შეწყვეტილია, თოვლის საფარმა 60 სანტიმეტრს მიაღწია. უხვმა ნალექმა ხულოში, ქედასა და შუახევის მუნიციპიტეტებში მოსახლეობას პრობლემები შეუქმნა, დაისეტყვა მანდარინი. სოფო ჟღენტი დეტალებით აჭარიდან.
საკონსტიტუციო სასამართლოს თავმჯდომარემ, ზაზა თავაძემ კოლეგიები დააკომპლექტა და მოადგილეებად საკონსტიტუციო სასამართლოს ლალი ფაფიაშვილი და თეიმურაზ ტუღუში წარუდგინა, სასამართლოს მდივნის პოსტზე კი მერაბ ტურავა დაასახელა. პლენუმმა ხმათა უმრავლესობით კანდიდატურები დაამტკიცა. შესაბამისად, ხვალიდან, საკონსტიტუციო სასამართლო მზადაა, საქმიანობა განაახლოს. როდის დაიწყება ე.წ. გამხაურებული საქმეების განხილვა, დღეს მოსამართლეებს ამ შეკითხვებზე პასუხი არ ჰქონდათ. მოსამართლეები მხოლოდ იმას აცხადებენ, რომ გახმაურებული საქმეების წარმოებაში ხელახლა ჩაშვება, მხოლოდ სამი ახალი მოსამართლის პრეროგატივაა
როგორ დაკომპექტდება მეცხრე მოწვევის პარლამენტი, ვინ რა პოზიიას დაიკავებს და შეინარჩუნებენ თუ არა მოქმედი მინისტრები თანამდებობას - ეს ბოლო დღეების, ყველაზე აქტუალური შეკითხვებია. მინისტრები კონკრეტულ საკადრო ცვლილებებთან დაკავშირებით არ საუბრობენ და ამბობენ, რომ ეს პრემიერის პრეროგატივაა. თუმცა, მაგალითად იუსტიციის მინისტრი ამბობს, რომ მის სამინისტროში ცვილებები არ იგეგმება. ფინანსთა მინისტრ ნოდარ ხადურს კი როგორც თავად ამბობს, კარგი მოლოდინი აქვს.
თბილისში 2019 წელს ხუთ ვარსკვლავიანი სასტუმრო „ჰილტონ თბილისი“ გაიხსნება. ის სოფლის მეურნეობის სამინისტროს ყოფილ შენობაში განთავსდება. 200-ნომრიან სასტუმროში 20 მილიონი დოლარის ინვესტიცია განხორციელდება. კონტრაქტს კორპორაცია „ჰილტონსა“ და კომპანია „გრანატს“ შორის დღეს მოეწერა ხელი. ხელმოწერის ცერემონიალს პირველი ვიცე-პრემიერი დიმიტრი ქუმსიშვილი დაესწრო. 2015 წელს კომპანია „გრანატსა“ და საქართველოს მთავრობას შორის გაფორმებული ხელშეკრულებით, კომპანიამ, თბილისში, კოსტავას ქუჩაზე მდებარე სოფლის მეურნეობის სამინისტროს ყოფილ შენობაში საერთაშორისო ბრენდის 5 ვარსკვლავიანი სასტუმროს გახსნის ვალდებულება აიღო.
საფინანსო კომპანია საქართველო და დაზარალებული მეანაბრეები - კომპანიის ოფისთან დილიდან ხმაური იყო. მეანაბრეები კომპანიის ხელმძღვანელებთან შეხვედრას და საკუთარი ანაბრების დაბრუნებას ითხოვდნენ, თუმცა, მცდელობა უშედეგო აღმოჩნდა. კომპანიის წარმომადგენლები დღეს საკუთარ კლიენტებს არ შეხვედრიან. ფინანსთა სამინისტროს საგამოძიებო სამსახურმა კი საფინანსო კომპანია „საქართველოს“ მიერ დაზარალებული მეანაბრეების საქმეზე გამოძიება დაიწყო. ძიება მითვისებისა და გაფლანგვის მიმართულებით მიმდინარეობს. დანაშაული სამიდან ხუთ წლამდე თავისულების აღკვეთას ითვალისწინებს. რა ელით დაზარალებულ მოქალაქეებს - რა სქემით მუშაობენ მსგავსი საფინანსო კომპანიები და რას ურჩევენ ექსპერტები მოქალაქეებს? ნიკა მუკბანიანი, ზურა პატარიძე დეტალებით
საქართველოს მთავარმა პროკურატუამ ჩამორთმეული ქონება კიდევ ორ ადამიანს დაუბრუნა, ერთს მიწის ნაკვეთი, მეორეს კი 6 ავტომობილი. მიწის ნაკვეთის მფლობელი გია ოქრუაშვილი ამბობს, რომ მას საკუთარ მფლობელობაში არსებული მიწის ნაკვეთი პროკურატურამ საკუთარი მეგობრის საპატიმროდან გათავისუფლების სანაცვლოდ დაათმობინა. რაც შეეხება ავტომობილების მფლობელს გიორგი ღონღაძეს, ის პროკურატურამ 2011 წლის ნოემბერში ყალბი საგადასახადო დოკუმენტის დამზადებისთვის დაკავა. ციხიდან გამოსვლისა და საპროცესო შეთანხმების სანაცვლოდ პროკურატურამ 240 000 ლარად უკანონოდ შეაძენინა „ჰიუნდაი“-ს მარკის 6 ავტომანქანა, რომლებიც შემდგომ უსასყიდლოდ, ჩუქების გზით გადაეცა სახელმწიფოს. პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის მიერ ამ დროისთვის უკვე გახსნილია ქონების იძულებით ჩამორთმევის 47 ფაქტი, დაზარალებულად ცნობილია 84 მოქალაქე, დაუბრუდნათ და დაბრუნების პროცესშია 18 მილიონ ლარამდე ღირებულების მოძრავი და უძრავი ქონება, მესაკუთრეებს მფლობელობაში დაუბრუნდათ 71 ავტომობილიც.
12 წლის შემდგე სულხან მოლაშვილის ოჯახს ყოფილი ხელისუფლების მიერ იძულებით ჩამორთმეული ქონება დაუბრუნდა. იგულისხმება წავკისში მდებარე აგარაკი, რომელიც ზურაბ ადეიშვილის პროკურატურამ მოლაშვილის ოჯახს აყიდინა. 2004 წელს საქართველოს მაშინდელმა პრეზიდენტნა მიხეილ სააკაშვილმა კონტროლის პალატის ყოფილ თავმჯდომარეს აგარაკი კამერების წინ ჩამოართვა. სამართლიანობის აღდგენა 12 წლის შემდეგ დეტალები რეზი ხუციშვილის რეპორტაჟში.
თბილისის საქალაქო სასამართლოში ელბერტ კობერიძის წამების საქმეზე მორიგი პროცესი გაიმართა. სხდომაზე ბრალდების მოწმე სამხედრო პოლიციის ყოფილი თანამშრომელი თორნიკე გუნავა დაიკითხა. მოწმის თქმით, ის თავად შეესწრო თუ როგორ უსწორდებოდნენ ფიზიკურად პირადად დათა ახალაია, გიორგი კალანდაძე, მეგის ქარდავა და რომან შამათავა ელბერტ კობერიძეს და მისგან აღიარებით ჩვენებას ითხოვდნენ. შეგახსენებთ, საქმეზე სისხლის სამართლის პასუხისგებაში არიან მიცემულები დავით ახალაია, გენერალური შტაბის უფროსის ყოფილი მოადგილე გიორგი კალანდაძე, სამხედრო პოლიციის დეპარტამენტის ყოფილი უფროსი მეგის ქარდავა და აფხაზეთის ავტონომიური რესპუბლიკის მთავარი სამმართველოს ყოფილი უფროსი რომან შამათავა.
ყოფილი ძალოვნების ჩვენებები 7 ნოემბრის აქციის დარბევისა და ტელეიმედში შეჭრაზე. სასამართლო პროცესზე კონსტიტუციური და სპეციალური ოპერატიული დეპარტამენტების, ასევე ფინანსთა სამინისტროს საგამოძიებო სამსახურის სპეცრაზმების ყოფილი ხელმძღვანელები დაიკითხნენ. მოწმეებმა ისაუბრეს, რა დავალებები მიიღეს აქციის დაშლასა და ტელეიმედში შეჭრასთან დაკავშირებით. ჩვენებების მიხედვით, მათ ჰქონდათ დავალება, დაეზიანებინათ ტელეიმედის ტექნიკა, ძალისმიერი მეთოდებით შენობიდან გამოეყვანათ თანამშრომლები და გაეთიაშათ სატელევიზიო ეთერი. 2007 წლის 7 ნოემბრის საქმის სასამართლო პროცესი და ძალოვანი უწყებების ყოფილი ჩინოსნების ხმაურიანი ჩვენებები გიორგი კობერიძის რეპორტაჟში .
დავით უსუფაშვილის შეხვედრა ქართული ოცნების დეპუტატებთან დახურულ კარს მიღმა. პარლამენტის თავმჯდომარე თანამდებობიდან წასვლამდე უმრავლესობის წევრებთან პირველი პლენარული სხდომის დეტალებს გადის. გარდა ამისა, მომავალ პოლიტიკურ აქტივობასა და სავარაუდო პარტნიორებს აანონსებს. რესპუბლიკური პარტიიდან წასული უსუფაშვილი თანამშრომლობას გეგმავს ყველასთან, მათ შორის ქართულ ოცნებასთანაც. „ვნახოთ, როგორი იქნება დავით უსუფაშვილი გაზაფხულზე“ - 2030-თან საუბრისას, ასეთ განცხადებას აკეთებს, გია ვოლსკი და ამბობს, რომ ჯერჯერობით უსუფაშვილის სავარაუდო პარტიასთან თანამშრომლობაზე საუბარი ნაადრევია. უპარტიო დავით უსუფაშვილის პოლიტიკური გეგმებზე მიშა ფეიქრიშვილი ისაუბრებს.
ევროპულ უნივერსიტეტებთან მიახლოებული უნივერსიტეტი, მეცნიერების დაბრუნება სასწავლო პროცესში, ძირითადი აქცენტები სტუდენტურ ცხოვრებაზე და ინფრასტრუქტურული პრობლემების მოგვარება- ეს თსუ-ს რექტორის მიერ წარმოდგენილი უნივერსიტეტის განვითარების სტრატეგიის ნაწილია. გიორგი შარვაშიძემ თბილისის სახელმწიფო უნივერსიტეტში 2017-2021 წწ სტრატეგიული გენვითარების გეგმის პროექტთან ერთად მისი მოადგილეც წარადგინა. დღეიდან რექტორის მოადილის პოსტს პროფესორი მიხეილ ჩხენკელი იკავებს, რომელიც უნივერსიტეტის სტრატეგიული განვითარების გეგმის შემოუშვების პროცესში ჩაერთვება
ქართულ საავიაცო ბაზარზე ახალი დაბალბიუჯეტიანი ავიაკომპანია შემოვიდა. რუსულმა ავიაკომპანიამ დღეს პირველი რეისი როსტოვი-თბილისი-როსტოვის მიმართულებით შეასრულა. კომპანია ფრენებს კვირაში სამჯერ, სამშაბათს, ხუთშაბათს და შაბათს განახორიციელებს და მგზავრებს ბოინგის ტიპის ავიახომალდით მოემსახურება. POBEDA AIRLINES-ის ქართულ საავაციაო ბაზარზე შემოსვლასთან დაკავშირებით თბილისის საერთაშორისო აეროპორტში საზეიმო მიღება გაიმართა, მიღებას ტურიზმის ეროვნული ადმიინისტრაციის, სამოქალაქო ავიაციის, აეროპორტების გაერთიანების, "საქაერონავიგაციის" და "ტავ ჯორჯიას" ხელმძღვსნელები დაესწრნენ. რუსული ავიაკომპანია POBEDA AIRLINES "აეროფლოტის" "სიბირისა" და "ურალის ავიახაზების" შემდეგ მეოთხე რუსული ავიაკომპანიაა, რომელიც ქართულ ბაზარზე ოპერირებს.
დღეიდან, საქართველოს მთელ ტერიტორიაზე, მიმოქცევაშია 100 ლარის ნომინალის განახლებული ბანკნოტები. ის ძალაში ძველი ემისიის ბანკნოტებთან ერთად იქნება. ეროვნულ ბანკში განმარტავენ, რომ 100 ლარის ნომინალის განახლებულ ბანკნოტზე შენარჩუნებულია ლარის ბანკნოტების თავდაპირველი თემატიკა, ამავდროულად ბანკნოტზე წარმოდგენილი ისტორიები გამრავალფეროვნებულია ცალკეული ახალი ელემენტებით. 100 ლარის ნომინალის ბანკნოტები 20 და 50 ლარის ნომინალის ბანკნოტებთან ერთად განახლდა. 20 და 50 ლარის ნომინალის განახლებული ბანკნოტები მიმოქცევაში 2016 წლის 1 თებერვლიდანაა, მოგვიანებით კი ეროვნული ბანკი 5 და 10 ლარის ნომინალის ბანკნოტებს განახლებას გეგმავს.
გრიპი და გაციება - ამინდის გაუარესებასთან ერთად საზოგადოებაში მწვავე რესპირატორულმა დაავადებებმა იმატა და დღითიდღე იზრდება მიმართვიანობა კლინიკებშიც. ვირუსის სეზონის დადგომასა და დაავადებების გავრცელებასთან ერთად დაავადებებათა კონტროლის ეროვნული ცენტრი მოსახლეობას გრიპის საწინააღმდეგო ვაქცინაციის ჩატარებისკენ მოუწოდებს. როგორ ხვდება დედაქალაქი ვირუსების სეზონს, ვინ განეკუთვნებიან მაღალი რისკის მქონე პაციენტებს და რატომ არის სასურველი ვაქცინაცია, ნათია ხართიშვილი გიამბობთ
ახლა კი რამდენად საგანგაშო მდგომარეობაა საქართველოში ჰაერის დაბინძურების კუთხით.ონკოლოგები ჰაერს, რომელსაც ვსუნთქვათ, კიბოს ერთ-ერთ მთავარ გამომწვევ მიზეზად მიიჩნევენ. გაეროს ბავშვთა დაცვის ფონდში კი იმ რეკომენდაციებს გასცემენ, რისი საშუალებითაც დაბინძურებულ ჰაერთან საბრძოლველად სახელმწიფომ ერთიანი მექანიზმი უნდა შექმნას. რას სტრატეგია აქვს გარემოს დაცვის სამინისტროს პრობლემის მოსაგვარებლად და როგორია ატმოსფერული ჰაერის დაბინძურების ინდიკატორული გაზომვების პირველი ეტაპის შედეგები? მარიამ სეთურიძე და გიორგი კიკვაძე დეტალებით.
ჰაერის დაბინძურებით გამოწვეული დაავადებების გამო მსოფლიოში ყოველწლიურად ხუთ წლამდე ასაკის 600 ათასი ბავშვი იღუპება. გაერო-ს ბავშვთა დაცვის ფონდში აღნიშნავენ, რომ ჰაერის დაბინძურების გამო ყოველწლიურად უფრო მეტი ბავშვი იღუპება, ვიდრე შიდსისგან და მალარიისგან ერთად. იუნისეფის საგანგაშო სტატისტიკა - ნახეთ ქეთი ჩოხელის რეპორტაჟში.
წარედგინა თუ არა თავდაცვის სამინისტროს ლოჯისტიკის დეპარტამენტს 2008 წლის იანვარში დოკუმენტაცია, რომლითაც სამინისტრო წვრთნების მატერიალურ ტექნიკურ უზრუნველყოფას მოითხოვდა -- ეს ის მთავარი საკითხია, რომელიც საბიუჯეტო თანხის გაფლანგვის საქმეზე გამართულ პროცესზე თავდაცვის სამინისტროს ყოფილ თანამშრომელს დაუსვეს. სამინისტროს ლოჯისტიკის უზრუნველყოფის დეპარტამენტის ყოფილი ხელმძღვანელი ნიკოლოზ ძებნიაური მოწმის სტატუსით დაიკითხა საქმეზე, რომელზეც თავდაცვის ყოფილ მინისტრ დავით კეზერაშვილს და შესყიდვების დეპარტამენტის ყოფილ უფროსს ალექსანდრე ნინუას ბრალი აქვთ წარდგენილი. მოწმე ძებნიაურმა განაცხადა, რომ მის დეპარტამენტში ხელშეკრულება შევიდა, თუმცა, არ ახსოვს დოკუმენტი რომელიც მოითხოვდა ამ ხელშეკრულებით გათვალისწინებულ წვრთნების მატერიალურ ტექნიკურ უზრუნველყოფას. სხდომის დასრულების შემდეგ ბრალდებულ ნინუას და კეზერაშვილის ადვოკატებს განცხადება არ გაუკეთებიათ. საუბარია 5 მილიონი ევროს ოდენობის თანხის გაფლანგვაზე, რაც პროკურატურის ცნობით კეზერაშვილის მინისტრობის პერიოდში გადახდილი იქნა ფიქტიურად, თითქოსდა წვრთნების ჩასატარებლად. ეს თანხა კი მის სახელთან დაკავშირებულ კომპანიებში ჩაირიცხა.
“რესპუბლიკურ პარტიას” ლიდერები ტოვებენ. დღეს თინა ხიდაშელის, ვახტანგ ხმალაძისა და ნოდარ ებანოიძის გადაწყვეტილებაც გახდა ცნობილი. პარტიიდან წასული წევრები კონკრეტულ მიზეზებზე არ საუბრობენ და სატელევიზიო კომენტარს ერიდებიან. კამერებთან მხოლოდ პაატა ზაქარეიშვილი გამოჩნდა, რომელმაც თქვა, რომ დღევანდელი დღით რესპუბლიკელების თემაზე საჯაროდ კომენტარები დაასრულა. შესაძლებელია თუ არა, დავით უსუფაშვილი გიორგი მარგველაშვილის გვერდით ვიხილოთ, იმ შემთხვევაში თუ პრეზიდენტობის შემდეგ ის აქტიურ პოლიტიკაში ყოფნას გადაწყვეტს - ანა ბროლაძე გვიერთდება პირდაპირ ეთერში, ანა ვინ რჩება პარტიაში და რას ამბობენ უკვე ყოფილი რესპუბლიკელები,
შევა თუ არა პარლამენტში ნაციონალური მოძრაობის სიის მეორე ნომერი სანდრა რულოვსი - საკითხი ღიად რჩება და რულოვსის გადაწყვეტილება არც მისი თანაპარტიელებისთვისაა ცნობილი. რულოვსის პარლამენტში შესვლის საკითხი ერთერთი იყო, რომელიც ნაციონალური მოძრაობის ოფისში გამართულ შეხვედრაზე განიხილეს. პარტიის ოფისში იმყოფებოდა რულოვსიც. რაც შეეხება ნაციონალური მოძრაობის სხვა წევრების შეფასებებს, ამბობენ, რომ პარლამენტში შესვლაზე პარტიას უკვე მიღებული აქვს გადაწყვეტილება, რულოვსი კი მათი თქმით, თავად გადაწყვეტს, რა პოზიციას დაიკავებს.
ვინ ვის შეცვლის მინისტრთა კაბინეტში და როგორ გადანაწილდება საპარლამენტო თანამდებობები. „ქართული ოცნების“ ცენტრალურ ოფისში, პრემიერსა და მმართველი გუნდის წევრებს შორის კონსულტაციები რამდენიმე საათის განმავლობაში მიმდინარეობდა. მთავარი თემა საკადრო გადაადგილებები იყო. მიშა ფეიქრიშვილი იმყოფება ქართული ოცნების ოფისში და პირდაპირ ეთერში გაგვაცნობს თუ რა განცხადებები გაკეთდა გამართული კონსულტაციების შესახებ.
საქართველში ჩატარებული არჩევნები ადასტურებს, რომ ქვეყანა რეგიონში დემოკრატიული რეფორმების ლიდერია. ასეთია საქართველოში ჩატარებულ საპარლამენტო არჩევნებთან დაკავშირებით ამერიკის შეერთებული შტატების პრეზიდენტის ადმინისტრაციის პოზიცია. ოფიციალური ვაშინგტონი საქართველოს მხარდაჭერას უცხადებს და ახალ მთავრობასა და პარლამენტთან თანამშრომლობისთვის მზადყოფნას გამოთქვამს. როგორ აფასებენ პოლიტიკური პარტიები და ექსპერტები თეთრი სახლის განცხადებას?
14 წლის ასაკში დაწყებული ბიზნესი და 18 წლის ასაკში შექმნილი საკუთარი კომპანია. 2030 ახალგაზრდა მეწარმეს ჯემალ ხატიაშვილს გაგაცნობთ, რომელმაც ღვინო პირველად 14 წლის ასაკში დააყენა. ახლა მშობლებისგან ყველის ბიზნესი გადაიბარა და საკუთარ დაყენებულ საფერავში ქართული - ფრანგული ტექნოლოგიით ყველს აძველებს. ნახეთ ნინუცა კახნიაურის, დავით თევზაძის და ზაქარია ჭიკაძს საავტორტორო რეპორტაჯი ტიბაანიდან.
ბოლო 20 წლის განმავლობაში პირველად, მოლდოვაში ჩატარებულ საპრეზიდენტო არჩევნების პირველ ტურზე გამარჯვებული ვერ გამოვლინდა. კანდიდატებიდან 50%-ზე მეტი ხმის მოპოვება ვერავინ შეძლო. 13 ნოემბერს მოსახლეობას არჩევანის გაკეთება პრორუს კანდიდატსა და ევროკავშირთან ინტეგრაციის მომხრეს შორის მოუწევს. დეტალებით ქეთი ჩოხელი.