ნებისმიერი ქაღალდი - გაზეთი ან მუყაო, წებო და მავთული. სასურველი ფორმის ან ფიგურების მიღების შემდეგ ის ნაკეთობას სიცოცხლეს, განწყობასა და ხასიათს გუაშისა და აკრილის საღებავებით აძლევს. დღეს ჩვენ 49 წლის ხელოვანს მერაბ კოპალეიშვილს გაგაცნობთ.დღის განმავლობაში ის ბაზარში ტკბილეულობით ვაჭრობს. სახლში დაბრუნებული კი მთელი ღამე კი ნამუშევრებზე მუშაობს. ნახეთ ტკბილეულობით მოვაჭრე ხელოვანის ყოველდღიური ცხოვრება, რომელიც თავისი ოცნებებისთვის იბრძვის, გიორგი მანჯავიძის,ლაშა მამულაშვილისა და ლასა ნატროშვილის საავტორო რეპორტაჟში - არს ლონგა ვიტა ბრევის - სიცოცხლე ხანმოკლეა, ხელოვნება კი მარადიული.
ფრანსუა ოლანდმა საფრანგეთის პრეზიდენტის თანამდებობაზე მეორე ვადით კენჭისყრაზე უარი განაცხადა. ოლანდის თქმით, ის არსებულ რისკს აცნობიერებს. დაგეგმილ არჩევნებამდე ხუთი თვით ადრე ფრანსუა ოლანდის პოპულარობის რეიტინგი რეკორდულად დაბალია. როგორ აფასებენ საფრანგეთის მოქალაქეები და მეტოქეები მოქმედი პრეზიდენტის მმართველობას, ნახეთ ქეთი ჩოხელის რეპორტაჟში
ქართული თაფლისთვის ევროკავშირის ბაზარი გაიხსნა. სურსათის ეროვნული სააგენტოს მიერ დანერგილი ქართული თაფლის ხარისხის კონტროლის სისტემა და ამ მიმართულებით გადადგმული ნაბიჯები ევროკომისიამ მონიტორინგის შედეგად დადებითად შეაფასა. საქართველო იმ ქვეყნებს შორის მოხვდა, საიდანაც ევროპაში თაფლის იმპორტია შესაძლებელი. როგორ ხედავენ დარგის პერსპექტივას მეწარმეები და რა ნაბიჯები გადაიდგა ევროპის ბაზართან დასაახლოებლად, ნათია ხართიშვილი გიამბობთ
ინტერპარტიული ჯგუფის ფორმატში გაერთიანებული ოპოზიცია ფართოვდება და სტატუსს იცვლის. კვალიფიციური სუბიექტის სტატუსის მქონე 10 ოპოზიციური პარტია საკოორდინაციო საბჭოს ქმნის. თუმცა პარლამენტს მიღმა მყოფი ძალების მოთხოვნები უცვლელია. ისინი ხელისუფლებას ისევ თანამშრომლობისკენ მოუწოდებენ. თუმცა საპარალმეტნო არჩევნებთან დაკავშირებულ მოთხოვნას, რომ შეიცვალოს საარჩევნო სისტემა, უკვე თვითმმართველობის არჩევნებისთვის სისტემის ცვლილების მოთხოვნა და პრეზიდენტის არჩევის წესთან დაკავშირებული კონსულტაციებიცების აუცილებლობაც ემატება. ხელისუფლება ოპონენტებს საკონსტიტუციო კომისიაში ეპატიჟება. ანა ბროლაძე დეტალებით
სპორტულ-გამაჯანსაღებელი კომპლექსი და კემპინგ-პარკი მახინჯაურში, ალპური ბოტანიკური ბაღი მაღალმთიან აჭარაში, რვაფეხას რეკონსტრუქცია და ბულვარის კონსერვაცია. ესტაკადა ქალაქის შესასვლელში და ინვესტიციები ტურიზმის მიმართულებით - ეს იმ პროექტის ნაწილია, რომლებიც ზურაბ პატარაძის სამთავრობო პროგრამაშია თავმოყრილი. აჭარის მთავრობის თავმჯდომარეობის კანდიდატმა, ზურაბ პატარაძემ ახალი მოწვევის უმაღლესი საბჭოს წევრებთან მომდევნო 4 წლის სამოქმედო გეგმის მთავარ ასპექტებზე ისაუბრა. დეტალები ნახეთ რეპორტაჟში აჭარიდან.
დოლარში აღებული სესხების გალარება. ეროვნული ბანკისა და ფინანსთა სამინისტროს ოფიციალური ინფორმაციის მიხედვით გალარება, 2015 წლის 1 იანვრამდე აღებულ იპოთეკურ სესხებს შეეხება. ასეთი სესხი 33 ათასია. თითოეულ მოქალაქეს, რომელიც სესხს დოლარიდან ლარში გადაიტანს სახელმწიფო იმ დროისთვის არსებული ეროვნული ვალუტის კურსის გათვალისწინებით 20 პუნქტიან განსხვავებას დაუფინანსებს. ის რეფინანსირების განაკვეთზე იქნება მიბმული და კომერციული ბანკების მხრიდან ათიდან ათ-ნახევარ პროცენტში გაიცემა. მთავრობის წარმომადგენელთა თქმით, ეს ეკონომიკას და ლარიზაციის პროცესს დაეხმარება. ფინანსთა სამინისტრო მოსახლეობისთვის გალარებასთან დაკავშირებით საინფორმაციო კამპანიის დაწყებასაც გეგმავს. “საზოგადოება და ბანკებში” კი აცხადებენ, რომ ამ ნაბიჯს შესაძლოა ორი მხარე ჰქონდეს და მათი თქმით, ყველა დეტალი გასათვალისწინებელია.
ეროვნული ბანკის პრეზიდენტის პირველი განცხადება ლარის გუშინდელი გაუფასურების შემდეგ. ლარმა უკვე დღეს გაუფასურება შეწყვიტა და დოლართან მიმართებაში სამი პუნქტით გამყარდა. პარალელურად საქსტატმა ინფლაციის მაჩვენებელი გამოაქვეყნა, რომლის მიხედვითაც წინა წელთან შედარებით ფასების ზრდა უმნიშვნელოა. რას უკავშირებს კობა გვენეტაძე ლარის გაუფასურებას და რას ეფუძნება საქსტატი - ნიკა მუკბანიანი ისაუბრებს დეტალებით პირდაპირ ეთერში
ევროკავშირი შეჩერების მექანიზმის ამოქმედებაზე ინტენსიურ კონსულტაციების გადადის. 8 დეკემბერს ევროპარლამენტის მთავარ კომიტეტში საკითხის კენჭისყრა დაიგეგმა. უკვე არებობს შეთანხმება, რომ საქართველოსთვის ვიზალიბერალიზაციის მინიჭება შეჩერების მექანიზმის ამოქმედების პარალელურად შევა ძალაში. ბრიუსელში მყოფი საქართველოს პრემიერ მინისტრი იმედოვნებს, რომ პროცესი სწრაფად დასრულდება. ევროკავშირის უმაღლესი წარმომადგენელი, ფედერიკა მოგერინი აცხადებს, რომ პროცესის დასრულებამდე ბოლო ნაბიჯია დარჩენილი. ბელგიაში მყოფი საქართველოს პრემიერი დღეს ნატოს გენერალურ მდივანსაც შეხვდა. მიღებულია გადაწყვეტილება, რომ მომავალი წლის დასაწყისში საქართველოს ნატოს სამხედრო კომიტეტი ეწვევა და გაიმართება მსჯელობა, რა ფორმით ჩაერთვება საქართველო შავი ზღვის უსაფრთხოების პროცესში. მიშა ფეიქრიშვილი იმყოფება ბრიუსელში და უფრო დეტალურად გაგვაცნობს, რა განცხადებები გაკეთდა ევროპის პოლიტიკურ დედაქალაქში.
7 წლის საბას სასწრაფო მკურნალობა ესაჭიროება. მას ორი თვის წინ კუჭქვეშა ჯირკვალზე სიმსივნური წანაზარდი აღმოაჩნდა, მკურნალობისათვის საჭირო თანხა ოჯახს არ აქვს, შესაბამისად, პატარა საბას დასახმარებლად საბანკო ანგარიში გაიხსნა. დახმარების მსურველ ბილაინის და მაგთის აბონენტებს შეგიძლიათ მითითებულ ნომერზე დარეკოთ. ზარის ღირებულება 1 ლარია.
საქართველოს სოლიდარობის ფონდის წარმომადგენლებსა და ბრიტანელ პროფესორებს შორის სამუშაო შეხვედრა გაიმართა. შეხვედრის მიზანი ორ ქვეყანას შორის საქველმოქმედო ურთიერთობის გაჩენაა. სამდღიანი ვიზიტის ფარგლებში ბრიტანელი მედიკოსები ქართველ კოლეგებს შეხვდებიან, სხვადასხვა კლინიკებს ესტუმრებიან და ონკოლოგიური დაავადების მქონე პაციენტებს მოინახულებენ. საქართველოს სოლიდარობის ფონდში იმედს გამოთქვამენ, რომ მსგავსი შეხვედრების შედეგად ქართველი პაციენტები ბრიტანულ კლინიკებში მკურნალობას შეძლებენ.
თბილისის კინოფესტივალის ფარგლებში კინოთეატრ ამირანში ამ წუთებში ფილმის „ანას ცხოვრების“ პრემიერა მიმდინარეობს. ვალენსიას კინოფესტივალზე საუკეთესო ფილმის ნომინაციაში გამარჯვებული ფილმის ნახვა მაყურებელს საქართველოს კინოთეატრებში ორი კვირის განმავლობაში შეეძლება .მარიამ სეთურიძე ესწრება პრემიერას, რომელიც პირდაპირ ეთერში ჩაგვერთვება.
ტურიზმის ეროვნული ადმინისტრაციის ინფორმაციით, საქართველოს 2016 წლის 11 თვეში ექვს მილიონამდე ტურისტი ეწვია, რაც წინა წელთან შედარებით 8%-ით მეტია. მსოფლიოს სხვადასხვა ქვეყნიდან ჩამოსული მოგზაურების მიერ უცხოური საგადასახადო ბარათებით განხორციელებულმა ოპერაციებმა დაახლოებით მილიონ ნახევარი ლარი შეადგინა, უცხოელი ვიზიტორებისგან მიღებული მთლიანი შემოსავალი კი 868 მილიონ დოლარს შეადგენს, რაც 2015 წელთან შედარებით 101 მილიონით მეტია. ტურიზმის ეროვნული ადმინისტრაციის ხელმძღვანელის განცხადებით უცხოელი მოგზაურები საქართველოში ძირითადად აზერბაიჯანიდან, სომხეთიდან, თურქეთიდან, რუსეთიდან და უკრაინიდან შემოვიდნენ. გიორგი ჩოგოვაძე წლის ბოლოსთვის ტურიზმიდან მიღებული შემოსავლის 2 მილიარდ დოლარამდე ზრდას ელოდება.
პირველ დეკემბერს მსოფლიო შიდსთან ბრძოლის საერთაშორისო დღეს აღნიშნავს. ჯანმრთელობის მსოფლიო ორგანიზაციამ შიდსთან ბრძოლის საერთაშორისო დღედ პირველი დეკემბერი 1987 წელს გამოაცხადა და ამ დღეს ყოველწლიურად მსოფლიოს 160-ზე მეტი ქვეყანა სხვადასხვა აქტივობით უერთდება. გასულ წელთან შედარებით საქართველო ამ დღეს შემცირებული მაჩვენებლით ხვდება. ოფიციალური ინფომაციით, წელს აივ ინფიცირების 663 ახალი შემთხვევაა დაფიქსირებული, თუმცა ევროპაში ეს მონაცემები მზარდია. როგორია სტატისტიკა და რა ღონისძიებები ტარდება ქვეყანაში დაავადებასთან საბრძოლველად, ნათია ხართიშვილი გიამბობთ.
ქართული დამწერლობა კაცობრიობის არამატერიალური მემკვიდრეობის ნუსხაშია. „ქართული ანბანის სამი სახეობის ცოცხალ კულტურას“ - ასომთავრულ, მხედრულ და ნუსხურ დამწერლობას იუნეკომ მსოფლიო მემკვიდრეობის სტატუსი მიანიჭა. ქართული დამწერლობა უკვე მესამეა, რომელიც იუნესკომ მსოფლიოს არამატერიალური მემკვიდრეობის ნუსხაში შეიყვანა - 2008 წელს ძეგლის სტატუსი ჯერ „ქართულმა პოლიფონიურმა სიმღერამ“ , 2013 წელს კი „ქვევრში ღვინის დაყენების უძველესმა ტრადიციულმა მეთოდმა” მიიღო. როგორ აფასებენ ენათმეცნიერები იუნესკოს კიდევ ერთ აღიარებას და როგორია ქართული ანბანის ისტორია ნახეთ მაკა ლაშხიას რეპორტაჟში
ადიგენის რაიონის სოფელ მოხეში მუსლიმი თემისთვის სადავო მეჩეთის გადაცემის საკითხი ღიად რჩება. სპეციალურმა კომისიამ სამსაათიანი მსჯელობის მიუხედავდ გადაწყვეტილება ვერც დღეს მიიღო, კომისია ადგილობრივ მუსლიმებს სოფლის ცენტრში ახალი მეჩეთის ასაშენებლად ადგილს სთავაზობს. რა პასუხი აქვს მუსლიმ მრევლს კომისიის გადაწყვეტილებაზე და როგორია მართლმადიდებელი მოსახელობის პოზიცია? მანუჩარ გოგოლაური და ევგენი ლომიძე დეტალებით.
თბილისის საქალაქო სასამართლოში ტელეკომპანია “იბერიას” დახურვისა და სამაუწყებლო ლიცენზიის დათმობის საქმეზე პროცესი ბრალდების მხარის მტკიცებულებათა გამოკვლევით განახლდა. სასამართლომ ბრალდების მოწმე ქეთევან ფანქველაშვილი დაკითხა, რომელიც ტელეკომპანია იბერიას 25% -იანი წლის მფლობელი იყო და ერთერთია მათ შორის, რომელიც ტელეკომანიის წილების გადაფორმების პროცესში მონაწილეობდა. ფანქველაშვილმა გაიხსენა 2004 წლის დეკემბრეში, როგორ დაუკავშირდა მას, მისი თქმით, “ომეგა” ჯგუფის ხელმძღვანელობის ნდობით აღჭურვილი პირი ლევან აღდგომელაშვილი და უთხრა, რომ ომეგა ჯგუფში შემავალი სხვა კომპანიების მუშაობის გაგრძელების სანაცვლოდ ტელეკომპანია იბერიას წილი უნდა დაეთმო.
სანდრო გირგვლიანის საქმეზე ექსპრეზიდენტ მიხეილ სააკაშვილის წინააღმდეგ ჩვენება ყოფილმა პრემიერ მინისტრმა ზურაბ ნოღაიდელმა მისცა. ნოღაიდელის დაკითხვა გირგვლიანის საქმის იმ ეპიზოდთან დაკავშირებით მიმდინარეობდა, რომელზეც სააკაშვილს ბრალი უფლებამოსილების ბოროტად გამოყენებისთვის აქვს წარდგენილი. გიორგი კობერიძე ესწრებოდა სასამართლო პროცესს, რომელიც დაკითხვის დეტალებით საქალაქო სასამართლოს მიმდებარე ტერიტორიიდან ჩაგვერთვება. გიორგი რა ჩვენება მისცა სააკაშვილის წინააღმდეგ ზურაბ ნოღაიდელმა?
საქართველოს 2017 წლის ბიუჯეტი 11 მილიარდ 457 მილიონ ლარს შეადგენს. მომავალი წლის მთავარი ფინანსური დოკუმენტი პარლამენტში ბიუროს დღევანდელ სხდომაზე დარეგისტრირდა. ბიუჯეტზე მსჯელობას საკანონმდებლო ორგანოში სავარაუდოდ მომავალი კვირიდან საპარლამენტო კომიტეტებში დაიწყებენ. წინა წელთან შედარებით ბიუჯეტის ხარჯვითი ნაწილი დაახლოებით მილიარდ ორას სამოცდაათი მილიონი ლარით არის გაზრდილი. იზრდება ცალკეული უწყებების დაფინანსებაც, მათ შორის არის ინფრაქტრუქტურის, ჯანდაცვის, განათლებისა და ეკონომიკის სამინისტროები. ცნობილია, რომ მთავრობას 4 პროცენტიანი ეკონომიკური ზრდა აქვს დაგეგმილი. პარლამენტი მომავალი წლის ბიუჯეტს სავარუდოდ მომდევნო პლენარულ სესიაზე დაამტკიცებს.
დღის განმავლობაში ლარის მკვეთრი მერყეობის ფონზე ეროვნულმა ბანკმა ოფიციალური გაცვლითი კურსი დაადგინა და ის 2,58-ია. დღის განმავლობაში ერთი დოლარი 2 ლარი და 70 თეთრიც ღირდა. რა გახდა ლარის ასეთი გაუფასურების მიზეზი - ეროვნული ბანკი ოფიციალურ განცხადებაში აჟიოტაჟზე საუბრობს და ლარის გამყარების მოლოდინი აქვს. ეროვნული ვალუტის კურსი მსჯელობის საგანი იყო ყველგან - ექსპერტების, პოლიტიკოსებისა და ეროვნული ბანკის პოზიციით პირდაპირ ეთერში თამარ წიკლაური ჩაგვერთვება - თამარ გისმენთ.
პრეზიდენტის ინტერვიუ სააგენტო “როიტერთან”. გიორგი მარგველაშვილმა გამოცემასთან ქვეყნის საგარეო პოლიტიკის ძირითად მიმართულებებსა და გამოწვევებზე ისაუბრა. მარგველაშვილმა, ამერიკის ახალ პრეზიდენთან სამომავლო ურთიერთობებზეც ისაუბრა. მისი თქმით, საქართველოს აქვს მოლოდინი, რომ კომუნიკაცია პრეზიდენტ დონალდ ტრამპთან, ასევე კონგრესში რესპუბლიკელ და დემოკრატ პარტნიორებთან შენარჩუნდება, რადგან საქმე ბოლო 25 წლის განმავლობაში გამოკვეთილ საერთო ინეტერესსა და მიზნებს ეხება. პრეზიდენტის განცადებით, საქართველო სტრატეგიულ პარტნიორთან დღის წესრიგის გააქტიურებითაც დაინტერესებულია. გიორგი მარგველაშვილმა როიტერთან ინტერვიუში რუსეთთან დაკავშირებითაც ისაუბარა. მარგველაშვილის თქმით, რუსეთთან ურთიერთობების გაუმჯობესება მხოლოდ იმ შემთხვევაშია შესაძლებელი, თუ ის საქართველოს სუვერენიტეტსა და ტერიტორიულ მთლიანობას სცემს პატივს.
საქართველოს საპარლამენტო არჩევნები იყო საქართველოს დემოკრატიის ნამდვილი წარმატება - განცხადება ევროკავშირის საბჭოს პრეზიდენტ, დონალდ ტუსკს ეკუთვნის. საქართველოს პრემიერ-მინისტრი მთელი დღის განმავლობაში ბრიუსელში ორმხრივ შეხვედრებს მართავს. მოლაპარაკებების მთავარი თემა ვიზალიბერალიზაციის პროცესის დროული დასრულება და ასოცირების ხელშეკრულებით გათვალისწინებული ვალდებულებების ბოლომდე შესრულებაა. ევროკავშირში შეჩერების მექანიზმზე მსჯელობა მომავალ კვირას გაგრძელდება. მოლაპარაკებების მორიგი რაუნდი 7 დეკემბერს არის ჩანიშნული. დღეს გამართული შეხვედრების შემდეგ, ცნობილი გახდა, რომ საქართველოსა და ევროკავშირს შორის სავაჭრო თანამშრომლობის სამწლიანი გეგმა გაიწერება. დეტალებს ბრიუსელიდან მიშა ფეიქრიშვილი გაგვაცნობს.
რაზილიური კლუბის “შაპეკოენსეს ფეხბურთელებს კოლუმბიის ქალაქ მადელინში სამხრეთ ამერიკის თასის ფინალური ეტაპის მატჩში უნდა ეთამაშათ. თუმცა, კოლუმბიის მთებში მომხდარმა ავიაკატასტროფამ კლუბის გულშემატკივრების საზეიმო განწყობა გლოვით შეცვალა. ბრაზილიაში შაპეკოენსეს მხოლოდ 9 ფეხბურთელი დარჩა. ავიაკატასტროფაში გადარჩენილი კიდევ სამი სპორტსმენი კი კოლუმბიის საავადყოფოში სიცოცხლისთვის იბრძვის. ქეთი ჩოხელი დეტალებით
საგამოფენო ცენტრ,,ექსპო ჯორჯიაში’’ სოფლის მეურნეობის მინისტრმა ლევან დავითაშვილმა მე-16 საერთაშორისო გამოფენა გახსნა. გამოფენა ქვეყანაში აგრომიმართულების ერთადერთ მასშტაბურ ღონისძიებას წარმოადგენს, სადაც წარმოდგენილია უახლესი ტექნოლოგიები და მიმდინარე ტენდეციები. კონკრეტულად რას ნახავს ექსპო ჯორჯიაში მისული დამთვალიერებელი ნახეთ თეო ბარბაქაძის რეპორტაჟში
საქართველოს თურქეთიდან 7 უმსხვილესი ტუროპერატორის წარმომადგენლები ესტუმრნენ. სამდღიანი ინფოტურის ფარგლებში ტუროპერატორები თბილისის ისტორიულ უბნებს გაეცნობიან და ეწვევიან კახეთს, სადაც ღვინის მარნებსა და სასტუმროებს დაათვალიერებენ. ტურიზმის ეროვნული ადმინისტრაციის ხელმძღვენელის თქმით, ვიზიტის მიზანს ტურისტული ბაზრების აღმოჩენასთან ერთად, არსებული ტრადიციული ბაზრებიდან ტურისტების ზრდა წარმოადგენს.
ხელვაჩაურში 50 ეკომიგრანტს ბინა გადაეცა. ორი 5 სართულიანი კორპუსის ასაშენებლად ხელვაჩაურის მუნიციპალიტეტმა 2 მილიონ 200 ათასი ლარი დახარჯა. კორპუსების მშენებლობა 2014 წელს დაიწყო და 2016 წელს დასრულდა. 2016 წლის აპრილშივე დაიწყო ეკომიგრანტი ოჯახების განცხადებების მიღება. სულ ხელვაჩაურის მუნიციპალიტეტში 85 განაცხადი შევიდა, აქედან 50 ოჯახს ბინები დღეს გადასცეს. ცერემონიას აჭარის მთავრობის თავმჯდომარეობის მოვალეობის შემსრულებელი ზურაბ პატარაძე, დევნილთა და განსახლების მინისტრი სოზარ სუბარი და სხვა ოფიციალური პირები ესწრებოდნენ.
გამამტყუნებელი განაჩენი პატიმართა დამცირებისა და არაადამიანური მოპყრობის საქმეზე - ზუგდიდის რაიონულმა სასამართლომ სასჯელაღსრულების დეპარტამენტის ნომერ მეოთხე დაწესებულების სამართლებრივი რეჟიმის განყოფილების ყოფილი ინსპექტორი კობა ანთია და ამავე დაწესებულების სამართლებრივი რეჟიმის განყოფილების ყოფილი მთავარი ინსპექტორი ონისე ლაგვილავა დამამცირებელ და არაადამიანურ მოპყრობაში დამნაშავედ სცნო. პროკურატურის ინფორმაციით, 2009-2012 წლებში, სასჯელაღსრულების დეპარტამენტის ზუგდიდის N4 დაწესებულებაში მუშაობისას, ანთიასა და ლაგვილავას მიერ პატიმართა დამცირება, არაადამიანური, ღირსებისა და პატივის შემლახავი მოპყრობა სისტემატური იყო.
თბილისის საქალაქო სასამართლოში დავით ცინდელიანისა და პაატა ქარდავას მკვლელობის საქმეზე მორიგი სასამართლო სხდომა გაიმართა. დღევანდელ პროცესზე დაცვის მხარის ერთ-ერთი მთავარი მოწმე ეკა ყოლბაია დაიკითხა სწორედ ყოლბაიაა ის ადამიანი, ვისაც დავით ცინდელიანი ტელეფონზე ბოლოს ესაუბრა. მოწმემ სასამართლოზე დაკითხვის დროს განაცხადა, რომ ცინდელიანს მობილურით 2008 წლის 16 აგვისტოს ესაუბრა. რა დროსაც ცინდელიანმა უთხრა, რომ ის აფხაზეთის ტერიტორიაზე იმყოფებოდა და გააფრთხილა, რუსეთის ჯარი ზუგდიდში შესვლას აპირებდა და ოჯახთან ერთად ქალაქი დაეტოვებინა. ყოლბაიას ჩვენების საპასუხოდ საქმის პროკურორმა სასამართლოს 2008 წლის 16 აგვისტოს ცინდელიანის სატელეფონო ნომერზე შემავალი ზარების ჩანაწერი წარუდგინა, რომლითაც ირკვევა, რომ ცინდელიანსა და ყოლბაიას შორია მხოლოდ 5 წამიანი საუბარი შედგა. პროკურორი ეკა ყოლბაიას ცრუ მოწმეს უწოდებს. ამ საქმეზე აფხაზეთის კუდის ყოფილ უფროსს რომან შამათავას აქვს წარდგენილი ბრალი. მას პროკურატურა სატყეო რეინჯერის დავით ცინდელიანისა და სამხედრო მზვერავის პაატა ქარდავას განზრახ მკვლელობაში ადანაშაულებს.
პირები, რომლებსაც მცხეთამთიანეთის ყოფილმა გუბერნატორმა მერაბიშვილის ხელმძღვანელობით ჩატარებული თათბირის შესახებ უამბო, სასამართლო პროცესზე მოწმეების სტატუსით დაიკითხნენ. ყოფილი გუბერნატორის ვასილ მაღლაფერიძის ყოფილმა მოადგილემ შადიმან შამანიძემ და ჟურნალისტმა ია ანთაძემ განაცხადეს, რომ მათ მაღლაფერიძემ იმ დავალებების შესახებ უამბო, რომელიც მერაბიშვილმა 4 ნოემბრის თათბირზე გასცა. ბრალდებულების ადვოკატები მოწმეების ჩვენებებს არ ენდობიან. სასამართლოზე 7 ნოემბერს აქციაზე ნაცემი მოქალაქეებიც დაკითხეს, რომელთაც მრავლობითი დაზიანებები აღენიშნებოდათ. გიორგი კობერიძე გიამბობთ დეტალებს
გუბაზ სანიკიძე “დემოკრატიული მოძრაობა- ერთიანი საქართველოსთვის” წევრი გახდა. “ეროვნული ფორუმის” ერთერთი ყოფილი ლიდერის განცხადებით, ნინო ბურჯანაძეს კარგი ურთიერთობა აქვს რუსეთთან, რაც ტერიტორიული მთლიანობის აღდგენასთან დაკავშირებით დიალოგის შესაძლებლობას იძლევა . სანიკიძე “ეროვნული ფორუმში” 10 წლის განამვლობაში იყო. მან პარტია 11 ნოემბერს დატოვა.
ნაციონალურ მოძრაობაში დაპირისპირება გრძელდება. ბოკერიას თანამოაზრეები სააკაშვილის გუნდის წინააღმდეგ - ცოტა ხნის წინ დასრულდა ერთიანი ნაციონალური მორაობის ცენტრალურ ოფისში პარტიის პოლიტსაბჭოს სხდომა, სადაც ორ ძირითად საკითზე იმსჯელეს. რა ფორმით უნდა გაიმართოს პარტიის ყრილობა, მეორე საკითხია - უნდა აირჩიონ თუ არა პარტიის ახალი თავმჯდომარე. ორივე საკითხზე პარტიის პოლისაბჭოში აზრთა სხვადახვაობაა, ნაწილი ფიქრობს რომ ყრილობა, 2 000-მდე დელეგატის მონაწილეობით უნდა გაიმართოს. მათივე შეფასებით, ნაციონალურმა მოძრაობამ ახალი თავმჯდომარე უნდა აირჩიოს. მათგან რადიკალურად განსხვავებული პოზიცია აქვს მეორე ნაწილს, რომელთაც სააკაშვილის პარტიის თავმჯდომარედ დატოვება და ფართომასშტაბიანი ყრილობის ჩატარება სურთ. ნაციონალური მოძრაობის პოლიტსაბჭოს გადაწყვეტილების დეტალებით თამარ წიკლაური ჩაგვერთვება, თამარ გისმენთ.
მთავრობის ეკონომიკურ ინიციატივებზე განცხადებები პარლამენტის სხდომაზე გაკეთდა. “ნაციონალური მოძრაობის” წევრებმა ტრიბუნა მთავრობის გეგმების გასაკრიტიკებლად გამოიყენეს. ლარის სტაბილურობის მიმართულებით, ე.წ ლარიზაციის გეგმა და 2015 წლამდე დოლარში არსებულილ სესხების ლარში გადაყვანის ინიციატივა, ნავთობისა და სიგარეტის აქციზზე ფასის ზრდა, ონლაინ-კრედიტების გაუქმება - რომან გორიცირიძის განცხადებით, მისთვის შოკისმომგვრელი აღმოჩნდა. მმართველა გუნდმა, ოპოზიცია დემაგოგიურ განცხადებებში დაადანაშაულა.
ონლაინ არასაბანკო საკრედიტო ასოციაციაციის განცხადება და ონლაინ სესხების ბაზარი რეგულაციების მოლოდინში. ასოციაცია საქართველოს მთავრობას ეროვნულ ბანკთან შუამდგომლობის თხოვნით მიმართავს. კომპანიების წარმომადგენელთა ვარაუდით, ისინი მიკროსაფინანსო ორგანიზაციებად ტრანსფორმირდებიან. როგორ გაკონტროლდება ონლაინ სესხების გამცემი ორგანიზაციების საქმიანობა. ეროვნული ბანკის, კომპანიებისა და მთავრობის პოზიციას მარიამ სეთურიძე გაგაცნობთ.
საქართველოს ევროპული ინტეგრაციის საკითხები, 2017-2020 წლების ასოცირების დღის წესრიგი და ევროკავშირთან ვიზალიბერალიზაციის პროცესი – თემების განსახილველად საქართველოს პრემიერ–მინისტრი სამუშაო ვიზიტით ბრიუსელს ეწვია. გიორგი კვირიკაშვილმა პირველი შეხვედრა ევროპარლამენტის პრეზიდენტ მარტინ შულცთან გამართა. დეტალები ნახეთ რეპორტაჟში.
სახელმწიფო უსაფრთხოების სამსახურმა ყალბი ატესტატებისა და დიპლომების დამზადება-გასაღების ფაქტზე 4 პირი დააკავეს. გამოიძიების ინფორმაციით, დავით გურამიშვილის საერთაშორისო სასწავლო უნივერსიტეტი "იბერიას" დირექტორმა და ერთ-ერთმა მოქალაქემ, გასაღების მიზნით, სახელმწიფო უმაღლესი სასწავლებლების, მათ შორის ივანე ჯავახიშვილის სახელობის თბილისის სახელმწიფო უნივერსიტეტის და სხვა უმაღლესი სასწავლებლების სხვადასხვა ფაკულტეტის ყალბი დიპლომები დაამზადეს და გარდაბნის მუნიციპალიტეტის გამგებლის წარმომადგენელსა და მის თანამზარხველზე გაასაღეს. ამ პირებმა კი ყალბი დიპლომებიდან ორი ეგზემპლარის სანაცვლოდ მოქალაქეს მოსთხოვეს და გამოართვეს 3 500 დოლარი, რა დროსაც ისინი დააკავეს. თბილისის საქალაქო სასამართლოში ოთხივე დაკავებულის აღკვეთი ღონისძიების შეფარდებასთან დაკავშირებით სასამართლო პროცესი გაიმართა. ყალბი დოკუმენტების დამზადება-გასაღების ფაქტზე მოსამართლემ ბრალდების მხარის შუამდგომლობა დააკმაყოფილა და დაკავებულებს აღკვეთის ღონისძიების სახით გირაო შეუფარდა. ყალბი ატესტატებისა და დიპლომების დამზადების თემაზე კომენტარი განათლების მინისტრმაც გააკეთა.
სოლიდური სიმსივნით დაავადებული ბავშვების რეაბილიტაციისათვის, ბერი ანდრეას სახელობის სარეაბილიტაციო-სასტუმრო სახლის მშენებლობა იწყება. პროექტის პრეზენტაციას პრემიერ-მინისტრი დაესწრო. ახალი სარეაბლიტაციო სახლი დიღომში, 6 500 კვადრატულ მეტრზე, სოლიდარობის ფონდისა და ბერი ანდრიას ფონდის ერთობლივი დაფინანსებით აშენდება. მშენებლობა 2017 წლის აპრილში დაიწყება და 2018 წლის ოქტომბერს დასრულდება. სარეაბლიტაციო სახლი 24 სააათის განმავლოაბში 20 ბავშვსა და 20 მშობელზე იქნება გათვლილი. დღის განმავლობაში კი სარეაბილიტაციო ცენტრს 50 ბავშვის მომსახურება შეეძლება. შეგახსენებთ, ამ დრომდე სოლიდური სიმსივნით დაავადებულ 339 ბავშვსა და ახალგაზრდას მკურნალობა-დიაგნოსტიკა სოლიდარობის ფონდმა დაუფინანსა.
ევროკავშირის ევროპული საგარეო ქმედების სამსახური სპეციალურ ანგარიშს აქვეყნებს, სადაც ყურადღებას ამახვილებს საქართველოს მიერ წარმატებულად განხორციელებულ ასოცირების ხელშეკრულების დღის წესრიგზე. ანგარიშის მიხედვით, საქართველოს მოქალაქეები დროთა განმავლობაში ისარგებლებენ ევროკავშირთან ღრმა და ყოვლისმომცველი სავაჭრო შეთანხმებით. ანგარიშში ასევე აღნიშნულია, რომ საქართველომ წარმატებით განახორციელა ვიზალიბერალიზაციის სამოქმედო გეგმის მოთხოვნები, რაც ევროკომისიამ თავის წინადადებაში დაადასტურა. დოკუმენტში ასევე ნათქვამია, რომ 2016 წლის საპარლამენტო არჩევნები ჩატარდა კარგად ორგანიზებულ და კონკურენტულ გარემოში, სადაც დაცული იყო ძირითადი თავისუფლებები.
საქართველოს პრეზიდენტმა, გიორგი მარგველაშვილმა აჭარის მთავრობის თავმჯდომარის კანდიდატურად ზურაბ პატარაძე დაასახელა. გადაწყვეტილებამდე მარგველაშვილმა კონსულტაციები აჭარის უმაღლეს საბჭოში შემავალ სუბიექტებთან გამართა. პრეზიდენტის თქმით, ზურაბ პატარაძის კანდიდატურა შესათანხმებლად საქართველოს მთავრობის შემდეგ, აჭარის უმაღლეს საბჭოს გადაეგზავნება.
ფინანსთა სამინისტროს საგამოძიებო სამსახურმა ბათუმის ინფექციური საავადმყოფოს დირექტორი დააკავა. საგამოძიებო უწყება დაკავებულს თანხის მითვისება-გაფლანგვას ედავება. გამოძიება სისხლის სამართლის კოდექსის 182-ე მუხლით მიმდინარეობს. სოფო ჟღენტი დეტალებით ბათუმიდან. -საავადმყოფოს დირექტორის დაკავება - სიუ სოფო - მაკა-
76 დაღუპული და 5 დაშავებული - ეს კოლუმბიაში მომხდარი ავიაკატასტროფის შედეგია. თვითმფრინავის ბორტზე, რომელიც რეისს, ბრაზილიიდან კოლუმბიის ქალაქ მადელინის მიმართულებით ასრულებდა, ბრაზილიის საფეხბურთო კლუბის წევრებიც იმყოფებოდნენ. ავიაკატასტროფის სავარაუდო მიზეზებს შორის მეტეოროლოგიურ პირობებს, საწვავის უკმარისობას და ტექნიკურ გაუმართაობას განიხილებენ. ქეთი ჩოხელი დეტალებით.
ე.წ. ნავთლუღის სპეცოპერაციაზე ბრალდებულების დათა ახალაიას და გია დგებუაძის იგივე მასტერას საქმის განხილვა დასკვნით ეტაპზე გადადის. ერთერთი ბრალდებულის მხარემ მტკიცებულებების გამოკვლევა დგებუაძის დაკითხვით დაასრულა. ბრალდებულის ჩვენების მიხედვით, ის ნავთლუღის ავტოსადგურზე სროლისას არ შესულა და სროლის დაწყების დროს, მიმდებარე ტერიტორიაზე ხეს ამოფარებული, მიწაზე იწვა. ბრალდებულის თქმით, მითითებებს კუდის ყოფილი ხელმძღვანელის დათა ახალაიასგან იღებდა, დავალება კი, რამდენიმე პირის კონტროლს ითვალისწინებდა, რომლებიც მათი ინფორმაციით რუსთავის ერთერთ ციხეში გადატრიალებას გეგმავდნენ. დგებუაძე ამბობს, რომ სროლის დროს ის ავტოსადგურის ტერიტორიაზე არ შესულა. შეკითხვაზე, ნახა თუ არა დგებუაძემ შესვლისას სპორტული ჩანთა, სადაც მაშინდელი ოფიციალური ვერსიით ახალგაზრდების იარაღები იყო, დგებუაძემ განაცხადა, რომ მსგავსს ვერ იხსენებს. ბრალდებულის ჩვენებაზე პროკურატურა აცხადებს, რომ ის რაც დგებუაძემ მოყვა საქმეში არსებულ მტკიცებულებებს და მოწმეთა ჩვენებებს ეწინააღმდეგება.
ნიკა ლომინაძის მკვლელობის საქმე, სასამართლოში უკვე მესამედ დაბრუნდა. "ე-ი-ეს თელასის" ფინანსური მენეჯერი მკვლელობის საქმის გადასინჯვა ამჯერად თავად სახელმწიფო ბრალდებამ მოითხოვა. პროკურატურა 14 წლის წინ ჩადენილ დანაშაულში აღმოჩენილ ახალ გარემოებებზე საუბრობს. დღევანდელ სასამართლო სხდომაზე მთავრმა პროკურატურამ 80 გვერდიანი შუამდგომლობა წარადგინა. სხდომას საქმეში მსჯავრდებულები გია გვიჩიანი და ნიკა ჩემიაც ესწრებოდნენ. გენო ოსიყმაშვილი ისაუბრებს სხდომის მთავარი დეტალებით პირდაპირ ეთერში
მთავრობისა და ეროვნული ბანკის გზავნილებს შეფასებები უკვე მოჰყვა. მარიამ სეთურიძე ჩაგვერთვება დეტალებით პირდაპირ ეთერში, მარიამ გისმენთ.
განახლებული მთავრობის პირველი სხდომა და მთავარი გზავნილები - ონლაინ სესხების აკრძალვა, დოლარში გაცემული სეხსების ლარში გადატანა, ჯანდაცვისა და განათლების გაზრდილი ბიუჯეტი და ეკონომიკის ზრდაზე გამიზნული ნაბიჯები - პრემიერმა მთავრობის სხდომაზე ხელისუფლების გეგმებზე ისაუბრა. როგორ გეგმავს მთავრობა დოლარში გაცემული სესხების ლარში გადატანას და რატომ იზრდება აქციზი თამბაქოსა და ნავთობპროდუქტებზე - თამარ წიკლაური ისაუბრებს პირდაპირ ეთერში
თბილისში რიგით მეჩვიდმეტე საერთაშორისო კინოფესტივალი დაიწყო. კინომოყვარულები დღეიდან 3 დეკემბრის ჩათვლით მსოფლიოს სხვადასხვა ფესტივალის პრიზიორ ფილმებთან ერთად, თანამედროვე ქართულ კინოსურათებსაც იხილავენ. ფესტივალის ფარგლებში გაიმართება კონკურსები და ლექციები. ნათია ხართიშვილი ესწრება კინოთეატრ ამირანში კინოფესტივალის გახსნას. ნათია რომელმა ფილმმა გასხნა წლევანდელი ფესტივალი და როგორია შეფასებები.
ქართული ღვინის ისტორიაში პირველად, ჩინეთის ბაზარზე კომპანია "ბადაგონის“ 5 მილიონი ბოთლი ღვინის რეალიზაცია განხორციელდება, - შესაბამისი მემორანდუმი, კომპანიასა და ჩინურ კორპორაციას შორის სოფელ ხოდაშენში, "ბადაგონის" ღვინის ქარხანაში გაფორმდა. ცერემონიას საქართველოს პრემიერ-მინისტრი სოფლის მეურნეობის მინისტრთან ერთად დაესწრო. პრემიერის თქმით, მეღვინეობის ხელშეწყობა მთავრობის პრიორიტეტია. გიორგი კვირიკაშვილის განცხადებითვე, 2012 წლიდან დაიწყო რთველის ხელშეწყობის სახელმწიფო პროგრამა, სუბსიდირებისა და აგროსესხების მიმართულებით.
ლარის გაუფასურების ფონზე როგორ გეგმავს ხელისუფლება იმ მოსახლეობის დახმარებას ვისაც კრედიტი დოლარში აქვთ - თემაზე განცხადება ვიცეპრემიერმა და ენერგეტიკის მინისტრმა გააკეთა. კახა კალაძის თქმით, არსებობს გეგმა, რომ დოლარში არსებული კრედიტები მოსახლეობას ეროვნულ ვალუტაში გადაატანინონ და ამით ის ზარალი შეამცირონ, რასაც კურსის ცვალებადობა მოქალაქეებს აყენებს. ვიცეპრემიერის თქმით, მთავრობის ეკონომიკური გუნდი პროექტის დეტალებს უახლოეს მომავალში წარადგენს.
პარლამენტის მიერ ნდობის გამოცხადების შემდეგ, მინისტრთა პირველი სამუშაო დღე - ეკონომიკის ახალი მინისტრი გიორგი გახარია თანამშრომლებს ეკონომიკის ყოფილმა მინისტრმა წარუდგინა. გიორგი გახარიამ შეხვედრისას აღნიშნა, რომ მისთვის დიდი პასუხისმგებლობაა გახდეს იმ სამინისტროს ხელმძღვანელი, რომელსაც თავის დროზე პრემიერი გიორგი კვირიკაშვილი ხელმძღვანელობდა. თავად დიმიტრი ქუმსიშვილი ფინანსთა სამინსიტროს ხელმძღვანელ პირებს ფინანსთა ყოფილმა მინისტრმა ნოდარ ხადურმა წარუდგინა. მუშაობას შეუდგა რეგიონული განვითარებისა და ინფრასტურქუტრის ახალი მინისტრი ზურაბ ალავიძეც. ალავიძემ მოადგილეები თანამდებობიდან გაათავისუფლა. უკვე ცნობილია ერთერთი ახალი მოადგილის გვარი - ის ირაკლი მატკავაა . ენერგეტიკის მინისტრმა კი უწყება მეორე ვადით ჩაიბარა.
აჭარის უმაღლესი საბჭოს პირველი სხდომით, ახლადარჩეული დეპუტატები საქმიანობას შეუდგნენ. აჭარის საკანონმდებლო ორგანოს დეპუტატებმა ახალი თავმჯდომარე აირჩიეს და 6-ვე კომიტეტი ჩამოაყალიბეს. უახლოეს 10 დღეში, აჭარის დეპუტაცია აჭარის მთავრობასაც დააკომპლექტებს და 2017 წლის ბიუჯეტზე იმსჯელებს. ვის განიხილავენ აჭარის მთავრობის თავმჯდომარედ და რა ცვლილებები იგეგემება კაბინეტში. პირველი დღე აჭარის 2016 წლის მოწვევის უმაღლესი საბჭოდან, დეტალები ნახეთ რეპორტაჟში აჭარიდან.
კიევის რაიონულ სასამართლოში ვიდეოკავშირის საშუალებით უკრაინის ყოფილი პრეზიდენტი ვიქტორ იანუკოვიჩი დაკითხეს, რომელიც ამჟამად დონის როსტოვში იმყოფება. უკრაინის ყოფილი პრეზიდენტი 2014 წლის თებერვალში მაიდანზე აქტივისტების დახვრეტის საქმესთან დაკავშირებით დაიკითხა. პროცესზე ბრალდებულია სპეცდანიშნულების რაზმის “ბერკუტის” ხუთი ყოფილი თანამშრომელი. დაკითხვაზე ვიქტორ იანუკოვიჩმა მაიდანზე მომიტინგეებისთვის ცეცხლი გახსნის განკარგულების გაცემა და კრემლისგან მითითებების მიღება უარყო. ამავე დროს, მან განაცხადა, რომ 2013 წლის ბოლოს კიევში დაწყებული საპროტესტო გამოსვლები მშვიდობიანი ხასიათის არ ყოფილა. კიევის სასამართლოში მიმდინარე დაკითხვის დროს, უკრაინის გენერალურმა პროკურორმა იური ლუცენკომ ვიქტორ იანუკოვიჩი სახელმწიფო ღალატსა და რუსეთის აგრესიის ხელშეწყობაში ეჭვმიტანილად ოფიციალურად გამოაცხადა.
კიდევ ერთი აქცია თბილისის სახელმწიფო უნივერსიტეტის მეექვსე კორპუსთან, სოციალურ და პოლიტიკურ მეცნიერებათა ფაკულტეტის სტუდენტები აუდიტორია 115-ის მიერ შენობის პიკეტირებას და ჩაშლილ სასაწავლო პროცესს აპროტესტებდნენ. პარლამენტის განათლების კომიტეტის თავმჯომარე კი აუდიტორია 115 ის წევრებსა და თვითმართველობის წარმომადგენლნლებთან შეხვედრას მართავდა, აღგდგება თუ არა სასაწავლო პროცესი უნივერსიტეტის მეექვსე კორპუსში ნახეთ მაკა ლაშხიას რეპორტაჟში