პარლამენტის თავმჯდომარის კრიტიკა და პრეზიდენტის ადმინისტრაციის პასუხი - არც პრეზიდენტი და არც მისი წარმომადგენლები საკონსტიტუციო კომისიის მუშაობაში ჩართვას არ აპირებენ. გიორგი მარგველაშვილი მიიჩნევს, რომ კომისიის შექმნის წესის შესახებ პარლამენტის შეთავაზება კითხვებს აჩენს. უმრავლესობის დეპუტატები პრეზიდენტს იმ იურიდიულ ნორმაზე მიუთითებენ, რომელიც პარლამენტის მიერ საკონსტიტუციო კომისიის შექმნას ეხება. შესაბამისად პარლამენტის მიერ შექმნილ კომისიას სწორედ ამ ორგანოს თავმჯდომარემ უნდა უხელმძღვანელოს. ბოიკოტის გამოცხადების რა მიზეზები დაასახელა პრეზიდენტის ადმინისტრაციამ და რას პასუხობენ მას კანონმდებლები გიორგი კობერიძე ისაუბრებს პირდაპირ ეთერში.
მცხეთის რაიონის სოფელ წინამძღვრიანთ კარში ისტორიული პროფესიული სასწავლებლის რეაბილიტაცია დასრულდა. ქართველი საზოგადო მოღაწე ილია წინამძღვრიშვილის მიერ 1883 წელს დაარსებულ კოლეჯს ძველი იერსახე დაუბრუნდა. ახალ პროფესიულ სასწავლებელში ამჟამად 27 სტუდენტი სწავლობს, კოლეჯში სამი მიმართულება მეღვინეობა-მევენახეობა, მეფუტკრეობა და მეხილეობა ფუნქციონირებს. პროფსასწავლებელში სოფლის მეურნეობის განვითარების მიზნით სხვა მიმართულებების დამატებაც იგეგმება. პროფესიული კოლეჯი განათლების სამინისტრის წარმომადგენლებთან ერთად განათლებისა და მეცნიერების კომიტეტის თავმჯომარემ მარიამ ჯაშმა გახნა. პროექტის რეაბილიტაციისთვის სახელმწიფო ბიუჯეტიდან 2 მილიონი ლარი გამოიყო.
უსაფრთხოა თუ არა სკოლებში სასმელი წყალი? სახალხო დამცველი განცხადებას აქვეყნებს, რომლის მიხედვითაც რეგიონში მდებარე სკოლებში წყლის ხარისხი სტანდარტს არ შეესაბამება და შესაბამის უწყებებს რეკომენდაციით მიმართავს. რა დარღვევები აღმოჩნდა წყალში, რომელსაც ბავშვები სვამენ და რას პასუხობს განათლების სამინისტრო უჩა ნანუაშვილის უწყებას - თორნიკე ხურციძე გიამბობთ.
განახლებული ინფრასტრუქტურა, უსაფრთხოების გამკაცრებული ნორმები და ერთი აბონემენტი ყველა ზამთრის კურორტზე. ხვალ სათხილამურო სეზონი ოფიციალურად იხსნება, დღეს კი კურორტებზე ბოლო, დასკვნითი სამუშაოები მიმდინარეობს. რა ელოდებათ ზამთრის კურორტების მოყვარულებს და რამდენად მზად არის გუდაური და ბაკურიანი სტუმრების მისაღებად? ოფიციალურ გახსნამდე ერთი დღით ადრე მარიამ სეთურიძე, გიორგი კიკვაძე, მანუჩარ გოგოლაური და ევგენი ლომიძე წლიდან-წლამდე განხორციელებულ ცვლილებებს გაგაცნობთ.
საქართველოს მოქალაქეებისთვის ევროკავშირში უვიზო მიმოსვლის საკითხი დასკვნით ფაზაში გადადის. 8 დეკემბერს LIBE-ს კომიტეტმა შეჩერების მექანიზმის კომპრომისულ ვარიანტს კენჭი უყარა და ხმათა უმრავლესობითაც დაამტკიცა. ახლა ჯერი და საბოლოო სიტყვა ევროპარლამენტზეა. თუმცა მანამდე გენო ოსიყმაშვილისა და სერგი ბარამიძის სიუჟეტში ნახეთ, რას გულისხმობს შეჩერების კომპრომისული ვარიანტი და რა უნდა ვიცოდეთ უვიზო მიმოსვლით სარგებლობასთან დაკავშირებით.
საქართველოსა და ევროპის საინვესტიციო ბანკს შორის გაფორმებული სამი ხელშეკრულება და 450 მილიონი ევრო, რომელსაც საქართველოს ევროპის საინვესტიციო ბანკი გამოუყოფს - ფინანსური დახმარების დოკუმენტს ხელი მთავრობის ადმინისტრაციაში მოეწერა, თანხა ინფრასტურქტურულ პროექტებს და სოფლის მეურნეობის განვითარებას მოხმარდება. პარალელურად ევროპის რეკონსტრუქციისა და განვითარების ბანკი საქართველოს მხარდაჭერას განაგრძობს. ამ ფონზე საქსტატი პირდაპირი უცხოური ინვესტიციების ახალ მაჩვენებელს აქვეყნებს - ნიკა მუკბანიანი ჩაგვერთვება დეტალებით
საკონსტიტუციო კომისია მუშაობას პარლამენტის თავმჯდომარის ხელმძღვანელობით წლის ბოლომდე დაიწყებს. კონსტიტუციის გადასინჯვის კანონპროექტს მომავალი წლის 30 აპრილამდე შეიმუშავებს - შესაბამისი განცხადება პარლამენტის თავმჯდომარემ გააკეთა. ირაკლი კობახიძე ამბობს, რომ კომისიის მუშაობის მთავარი მიზანი ქვეყნის კონსტიტუციის სამართლის ფუნდამენტურ პრინციპებთან მოყვანა იქნება. როგორი იქნება საკონსტიტუციო კომისია და როგორ აფასებენ გადაწყვეტილებას პრეზიდენტის ადმინსიტრაციასა და ოპოზიციურ სპექტრში თამარ წიკლაური ისაუბრებს პირდაპირ ეთერში..
პარლამენტის გაერთიანებული კომიტეტების სხდომაზე მთავრობის მიერ წარდგენილ მომავალი წლის ბიუჯეტის პროექტს მხარი დაუჭირეს. რამდენიმე საათიან განხილვას ხმაურის გარეშე არ ჩაუვლია. საპარლამენტო ოპოზიცია პროექტის მხარდაჭერას არ აპირებს და აცხადებს, რომ მომავალ წელს ეკონომიკური ვითარება გაუარესდება. განსხვავებულია მმართველი გუნდის პროგნოზი. ქართული ოცნების წევრები აცხადებენ, რომ ბიუჯეტის ხარჯვითი ნაწილი მნიშვნელოვნად იზრდება, რაც ქვეყნაში ეკონომიკურ მდგომარეობას გააუმჯობესებს. ფინანსთა მინისტრის მოადგილემ ის უწყებები ჩამოთვალა, სადაც ოპტიმიზაციის ფარგლებში შემცირებებია მოსალოდნელი. როდის უყრის კენჭს პარლამენტი ბიუჯეტის პროექტს პლენარულ სხდომაზე - მიშა ფეიქრიშვილი ჩაგვერთვება დეტალებით
საყოველთაო ჯანდაცვის პროექტი ახალ ეტაპზე გადადის. ხელმისაწვდომის შემდეგ მეორე ტალღა უკვე სამედიცინო მომსახურების ხარისხზე იქნება ორიენტირებული. განცხადებები პრემიერმა და ჯანდაცვის მინისტრმა მთავრობის დღევანდელ სხდომაზე გააკეთეს. რას გულისხმობს ახალი ტალღა და აქვს თუ არა ჯანდაცვის სამინისტროს განსაზღვრული იმ კლინიკების რაოდენობა, რომლებიც პაციენტებს მოემსახურებიან. ანა ბროლაძე გვიერთდება დეტალებით,
უამინდობა საქართველოში - დიდთოვლობაა ქვეყნის მაღალმთიან რეგიონებში. საავტომობილო გზებზე შეზღუდულია გადაადგილება ქვეყნის მასშტაბით 42 სკოლაში სასწავლო პროცესი დროებით შეწყდა. ინტესიურმა თოვამ პრობლემები შექმნა მაღალმთიან აჭარასა და უღელტეხილებზე. საავტომობილო გზების დეპარტამენტის ინფორმაციით, უწყება ყველა პრობლემურ ადგილას 24 საათიან რეჟიმში მუშაობს. გარემოს ეროვნული სააგენტოს მოკლევადიანი პროგნოზის სამმართველოში ამბობენ, რომ უამინდობა მთელი საქართველოს მასშტაბით გაგრძელდება. დეტალები ნახეთ რეპორტაჟში. #თოვლი
ლიტერატურა ქალაქის ქუჩებში - თბილისის გაჩერებებზე მგზავრებს ხმოვანი წიგნების საკუთარ ტელეფონებში ჩატვირთვა და მოსმენა შეეძლებათ. საბავშვო ნაწარმოებები და კლასიკური თუ თანამედროვე მწერლების შემოქმედება - გამომცელობა “საბას” ინიციატივით ქალაქის 70 გაჩერებაზე სპეციალური ბანერები დამონტაჟდა და მგზავრებს მათი ჩამოტვირთვა მარტივი აპლიკაციის მეშვეობით შეუძლიათ. როგორ გაჩნდა ლიტერატურის ქუჩებში გატანის იდეა და როგორ ხვდებიან წამოწყებას მოქალაქეები, ნათია ხართიშვილი გიამბობთ.
მასშტაბური კულტურული პროექტი “check in georgia “ მომავალ წელსაც გაგრძელდება - ამის შესახებ კულტურის მინისტრმა მიხეილ გიორგაძემ საერთაშორისო ფორუმის გახსნაზე ჟურნალისტებთან საუბრისას განაცხადა. ფორუმი შემოქმედებითი ინდუსტრიების განვითარებას ეთმობა, რაც მისი ინფორმაციით, ხელოვანებს იდეების ბიზნესად გარდაქმნაში დაეხმარება. სემინარებისა და პრეზენტაციებისგან შემდგარი ფორუმი ხვალ დასრულდება , check in georgia -ს პროგრამა კი კულტურის მინისტრის თქმით 2017 წლის დასაწყისში გახდება ცნობილი.
იტალიის პრემიერ-მინისტრმა მატეო რენციმ თანამდებობა ოფიციალურად დატოვა. ახალი მთავრობის ჩამოყალიბებამდე ის, პრეზიდენტის თხოვნით, პრემიერის მოვალეობის შემსრულებელი იქნება. მატეო რენცი იტალიის სენატის მიერ, 2017 წლის ბიუჯეტის დამტკიცების შემდეგ გადადგა. იტალიის პრემიერ-მინისტრმა გადადგომის შესახებ რეფერენდუმზე მის მიერ ინიცირებული რეფორმის ჩავარდნის შემდეგ განაცხადა. მატეო რენცის ინიციატივის მიხედვით, ცენტრალური მთავრობის გაძლიერების ხარჯზე, სენატის უფლებამოსილების შემცირება იგეგმებოდა. თუმცა მოსახლეობის უმრავლესობამ საპარლამენტო ცვლილებებს მხარი არ დაუჭირა.
კიევში, უმაღლესი რადას შენობასთან პროფკავშირების ფედერაციის წარმომადგენლები საპროტესტო აქციას მართავენ. დემონსტრანტების მთავარი მოთხოვნა მინიმალური ხელფასისა და პენსიის ზრდაა, ასევე კომუნალური გადასახადების მოქალაქეების შემოსავლებთან შესაბამისობაში მოყვანა. მოთხოვნების შეუსრულებლობის შემთხვევაშო, აქციის მონწილეები მასობრივი გაფიცვის გამოცხადებით იმუქრებიან. უკრაინის პარლამენტთან რამდენიმე ათასი დემონსტრანტია შეკრებილი. საზოგადოებრივ წესრიგს 2 500 სამართალდამცველი უზრუნველყოფს.
სახელმწიფო უწყებებში ოპტიმიზაცია იგეგმება. სხვადასხვა უწყების წარმომადგენლები აღნიშნავენ, რომ მათი მიზანი 10%-ის ფარგლებში, ადმინისტრაციული ხარჯის შემცირებაა. მერიაში მიმდინარე ოპტიმიზაციის პროცესის შესახებ საუბრისას ირაკლი ლექვინაძე აღნიშნავს, ხარჯი 2014 წლიდან ყოველწლიურად მცირდება. გარემოს დაცვის მინისტრის განცხადებით, ხარჯთან ერთად მოსალოდნელია კადრების შემცირებაც. კულტურისა და ძელგთა დაცვის მინისტრის მიხეილ გიორგაძის თქმით კი, შესაძლოა ოპტიმიზაციის პროცესში კადრების გადანაწილება სხვადასხვა მიმართულებით მოხდეს. კადრების გათავისუფლების გარეშე ხარჯის დაზოგვას შესაძლებლად მიიჩნევს ენერგეტიკის მინისტრი კახი კალაძე.
ენერგოკომპანიებს მომავალ წელს სექტორში გაზრდილი ინვესტიციების ჩადება მოუწევთ. ენერგეტიკის და წყალმომარაგების მარეგულირებელმა კომისიამ თელასისა და ენერგო პრო-ჯორჯიას საინვესტიციო განაცხადები განიხილა. 2017 წელს ორივე კომპანიის საინვესტიციო ბიუჯეტი იზრდება, რაც ელექტოსადგურების აღდგენა რეაბილიტაციასა და სხვადასხვა ინფრასტრუქტურულ პროექტებს მოხმარდება. აისახება თუ არა ენერგოკომპანიების გაზრდილი საინვესტიციო გეგმები სამომხმარებლო ტარიფზე ? ნიკა მუკბანიანი ჯაბა ჩიტიძე დეტალებით.
მედიკამენტების ფასი, ხარისხი და გაცემის წესი. ბაზრის მსხვილი მოთამაშეები და კონკურენციის დონე. „საერთაშორისო გამჭვირვალობა - საქართველო’’ ფარმაცევტული ბაზრის შესახებ კვლევას აქვეყნებს, სადაც დარგში არსებული ძირითადი ტენდენცია, პრობლემები და მათ დასაძლევად საჭირო რეკომენდაციებია მოცემული. რამდენად მოწმდება საქართველოში მედიკამენტის ხარისხი და შემცირებულია თუ არა ურეცეპტოდ გაცემული წამლების რაოდენობა, ბაზრის ბოლო 4 წლის ტენდენციებს მარიამ სეთურიძე და გიორგი კიკვაძე გაგაცნობთ.
სახელმწიფო საყოველთაო ჯანდაცვის პროგრამის განახლებაზე მუშაობს - რეფორმა ცვლილებებს რამდენიმე მიმართულებით გულისხმობს. ერთ-ერთი ცვლილება შესაძლოა, კერძო დაზღვევის მფლობელებს შეეხოთ. პარლამენტის ჯანდაცვის კომიტეტის თავმჯდომარე კერძო და სახელმწიფო დაზღვევის გამიჯვნას აანონსებს, თუმცა გავრცელებული ინფორმაციით, სახელმწიფოს მთავარ პრინციპად საყოველთაოს შენარჩუნება რჩება. რა მოდელზე მუშაობს სახელმწიფო და როგორია კერძო სექტორის პოზიცია, თამარ წიკლაური გიამბობთ.
ფოტოგრაფების საქმეზე მოსამართლემ პროკურატურის შუამდგომლობა სრულად დააკმაყოფილა. კონტდაზვერვის ყოფილ მაღალჩინოსანს დავით დევნოზაშვილს აღმკვეთ ღონისძიებად პატიმრობა შეეფარდა. მთავარი პროკურატურა დევნოზაშვილსა და ამავე საქმეში ბრალდებულ გლდანის მე-8 დაწესებულების ყოფილ უფროსს ალექსანდრე მუხაძეს ძალადობით უფლებამოსილების გადამეტებას ედავება. დღესვე “ფოტოგრაფების საქმეზე” წინასასამართლო სხდომაც ჩაინიშნა. გენო ოსიყმაშვილი, ვახტანგ ლეკიაშვილი დეტალებით.
37 მომხრე, 9 წინააღმდეგი - ლიბე-ს კომიტეტმა ე.წ. შეჩერების მექანიზმს მხარი დაუჭირა. საქართველოსთვის ვიზალიბერალიზაციის მინიჭების პროცესი დასკვნით ეტაპზეა. ევროპარლამენტის წევრების მიერ, შეჩერების მექანიზმის კენჭისყრის პროცესი, სავარაუდოდ მომავალი კვირის პლენარულ სესიაზე შედგება. მომდევნო კვირასვეა დაგეგმილი ტრიალოგი საქართველოსთვის ვიზალიბერალიზაციის მინიჭებასთან დაკავშირებით. ბრიუსელში ვარაუდობენ, რომ ამისთვის მხოლოდ ერთი შეხვედრა იქნება საჭირო. "ბედნიერი ვარ, რომ ევროკავშირი დანაპირებს ასრულებს.”, - ასე გამოეხმაურა საქართველოს პრემიერმინისტრი გიორგი კვირიკაშვილი "ტვიტერზე" ლიბე-ს კომიტეტის დღევანდელ გადაწყვეტილებას. პოლიტიკური გადაწყეტილებიდან დარჩენილ პროცედურებამდე, მიშა ფეიქრიშვილი ჩაგვერთვება დეტალებით
საყოველთაო ჯანდაცვის პროგრამის დაფინანასებით, საქართველოში, ონკოლოგიური დაავადებების მკურნალობა უახლესი თაობის რადიო ქირურგიული სისტემით შესაძლებელი ხდება, რაც სამიზნე უბნის მაღალი სიზუსტით დასხივებისა და გამოჯანმრთელების დიდ შესაძლებლობას იძლევა. თანამედროვე აპარატურით აღჭურვილი, აკადემიკოს ფრიდონ თოდუას კლინიკა საქართველოს პრემიერ-მინისტრმა ჯანდაცვის მინისტრ დავით სერგეენკოსთან ერთად დაათვალიერა. რა მომსახურებას მიიღებენ სიმსივნით დაავადებული მოქალაქეები ქვეყნიდან გაუსვლელად და რა თანხით დააფინანსებს პაციენტების მკურნალობას სახელმწიფო - მარიამ სეთურიძე და გიორგი კიკვაძე გიამბობთ.
საპარლამენტო უმრავლესობა მთავრობის ეკონომიკური გუნდის წარმომადგენლებთან შეხვედრას მართავს. განხილვის მთავარი თემა მომავალი წლის ბიუჯეტის პროექტია, რომლის საერთო მოცულობაც 11-მილიარდ 500-მილიონ ლარამდეა. მთავრობა ქვეყანაში 4-პროცენტიან ეკონომუკურ ზრდას ვარაუდობს. პარლამენტი მთავარი ფინანსური დოკუმენტის პროექტის კენჭისყრას მომავალ სასესიო კვირას გეგმავს. რა განცხადებები გაკეთდა შეხვედრაზე მიშა ფეიქრიშვილი ჩაგვერთვება დეტალებით. მიშა მოგესალმები და გისმენთ
მოკითხვა მეგის ქარდავასგან და გაფრთხილება - ნაციონალური მოძრაობის წევრი სოციალური ქსელით მიღებული მუქარის შემცველ წერილს ასაჯაროებს. ლელა ქებურია ამბობს, რომ ნიკა ლოგუა, რომელიც მას მეგის ქარდავას დეიდაშვილად გაეცნო, ჭკვიანად მოქცევისკენ მოუწოდებს და ემუქრება. ქებურიას თქმით, მსგავსი ქმედება პირველი არ არის. რა კავშირი აქვს წერილის ავტორს მეგის ქარდავასთან და რას მოითხოვს ადრესატისგან?! უკავშირდება თუ არა ეს გზავნილი “ნაციონალურ მოძრაობაში” ორ გუნდს შორის არსებულ დაპირისპირებას და მიმართავს თუ არა ლელა ქებურია საგამოძიებო უწყებას?! - თამარ წიკლაური გიამბობთ.
საახალწლო სამზადისი დედაქალაქში. თბილისის ქუჩები ირთვება, მომღერლები და კომპოზიტორები კი გალა კონცერტისათვის ემზადებიან. საახალწლოდ ტრადიციულთან ერთად ქალაქში ახალი ლოკაციები გაჩნდება და წელს პირველად დაგეგმილი ღონისძიებების გამო ქალაქის ქუჩები არ გადაიკეტება. რა სიახლით ხვდება ახალ, 2017 წელს თბილისი ნახეთ მარიამ სეთურიძის რეპორტაჟში.
ბათუმში, სამოქალაქო განათლების ოლიმპიადის პირველი ეტაპის გამარჯვებულები გამოვლიდნენ. მერვე სკოლაში შეკრებილ მოსწავლეებს სიგელები და ჯილდოები ოლიმპიადის ორგანიზატორებმა, ორგანიზაცია “მოქალაქესა“ და „შეფასებებისა და ეროვნული ცენტრის“ წარმომადგენლებმა გადასცეს. ოლიმპიადაში, წელს მოსწავლეთა რეკორდული რაოდენობა - 28 000 მონაწილეობს. აქედან, მეორე ეტაპზე 2 165 მოსწავლე გადავიდა. ოლიმპიადა სამი ეტაპისგან შედგება, შემდეგ ტურში უკვე 20 საუკეთესო მოსწავლე გამოვლინდება, რომლებიც ერთი თვით, ენის კურსებზე დასავლეთ ევროპის რომელიმე ქვეყანაში გაემგზავრებიან. ოლიმპიადის ყველა მონაწილისთვის კი ხელმისაწვდომია სამოქალაქო განათლების შესახებ აუდიო ლექციები და ასევე 5 ტომეული "რა არის თავისუფლება", სადაც თავმოყრილია პუბლიცისტური წერილები და სხვადასხა მასალები მოსწავლეებისთვის საინტერესო საკითებზე.
განათლების ხარისხის განვითარების ეროვნულმა ცენტრმა ევროსაბჭოს მხარდაჭერით განათლების ხარისხის უზრუნველყოფის საკითხების შესახებ ორდღიანი კონფერენცია გახსნა. კონფერენციაზე სხვა საკითხებთან ერთად საგანმანათლებლო დაწესებულებების ავტორიზაციის განახლებული სტანდარტების დანერგვაზე და იმ პროცედურებზე იმსჯელეს, რამაც საგანმანათლებლო სისტემის ევროპულ სტანდარტებთან დაახლოვებას უნდა შეიწყოს ხელი. განათლების მინისტრის თქმით, ავტორიზაციის განახლებული სტანდარტები უმაღლესი განათლების ხარისხისა და ინფრასტრუქტურის განვითარებასა და კვალიფიკაციის ამაღლებას უზრუნველყოფს.
“ქართული, როგორც მეორე ენა”- ასე ჰქვია პროგრამას, რომელიც ეთნიკური უმცირესობებით დასახლებულ რეგიონებში საჯარო სკოლის მოსწავლეებსა და მასწავლებლებს სახელმწიფო ენის შესწავლაში ეხმარება. კახეთის, სამცხე-ჯავახეთისა და ქვემო ქართლის არაქართულენოვან სკოლებში, უკვე მეორე წელია მოსწავლეებთან ერთად მასწავლებლების პროფესიული განვითარებისთვის სპეციალური სწავლება იმართება, რომელიც სახელმწიფო ენის დაუფლებას გულისხმობს. გენო ოსიყმაშვილი და ვახო ლეკიაშვილი დეტალებით.
ფინანსთა მინისტრი საბანკო სექტორის ხელმძღვანელებს შეხვდა, სადაც საუბარი საქართველოს ეკონომიკის მდგომარეობასა და მთავრობის ინიციატივებზე იყო. მთავრობა 2017 წლიდან ლარიზაციის პროგრამას იწყებს, რომლის მიხედვითაც, ასი ათასამდე სესხი ლარში გაიცემა. ამასთან, ერთჯერადი სოციალური აქტის სახით 2015 წლამდე დოლარში აღებული იპოთეკური სესხების გალარება მოხდება. ბანკირებამდე ფინანსთა მინისტრი ნავთობიმპორტიორებს შეხვდა.
იტალია რეფერენდუმის შემდეგ და ახალი პოლიტიკური რეალობა ევროპაში. პოლიტოლოგები ევროპაში მემარჯვენეების გაძლიერებაზე საუბრობენ. რეფერენდუმზე პრემიერ-მინისტრის მატეორ რენცის ინიციატივის ჩავარდნის შემდეგ, იტალიაში გამარჯვებას ევრო სკეპტიკოსები აღნიშნავენ. ქეთი ჩოხელი დეტალებით
ევროკავშირის ელჩი საქართველოში, იანოშ ჰერმანი ევროინტეგრაციის საკითხებში ახალ სახელმწფო მინისტრს, ვიქტორ დოლიძეს შეხვედა. შეხვედრის დასრულების შემდეგ, დიპლომატის თქმით, ის დიდი ხანია იცნობს ვიქტორ დოლიძეს, თუმცა ახალ რანგში მისთვის მნიშვნელოვანი იყო ახალი მინისტრისგან მოესმინა ხელისუფლების ხედვა და ის, რომ მთავრობა ევროკავშირთან აქტიურად თანამშრომლობას განაგრძობს. ვიქტორ დოლიძის თქმით, მათ იმ მიმართულებებზეც ისაუბრეს, რომელსაც ევროკავშირი საქართველოში აფინანსებს.
აშშ-ის მხარდაჭერა საქართველოს - თბილისში ამერიკის თავდაცვის მდივნის მეორე მოადგილის ვიზიტის შედეგი. მაიკლ კარპენტერი პრემიერს, პრეზიდენტსა და თავდაცვის მინისტრს შეხვდა. ამერიკასა და საქართველოს შორის უსაფრთხოების სფეროში თანამშრომლობის სამ წლიანი ჩარჩო დოკუმენტი გაფორმდა, რომელსაც ხელი მაიკლ კარპენტერმა და ლევან იზორიამ მოაწერეს. დეტალებსა და შეფასებებს ლიკა ალელიშვილი გაგვაცნობს.
ფოტორეპორტიორების - 5 წლის შემდეგ გახსნილი საქმე და ხელახალი გამოძიების დეტალები! რა გარემოებები გამოიკვეთა უწყების მიერ ჩატარებული გამოძიების შედეგად?! იყო თუ არა ფოტოგრაფების დაკავება მიხეილ სააკაშვილისა და ვანო მერაბიშვილის პირადი ანგარიშსწორება?! როგორ მოიპოვეს სამართალდამცველებმა აღიარებითი ჩვენებები და რას ედავება გამოძიება კონტრდაზვერვის თბილისის სამმართველოს უფროსის ყოფილ მოადგილეს?! გამოძიების დეტალები, მხარეთა პოზიციები და პოლიტიკური შეფასებები ნახეთ რეზი ხუციშვილის რეპორტაჟში.
სამეგრელოში განხორციელებული ინფრასტრუქტურული პროექტები და უწყვეტი წყალმომარაგება რეგიონის ქალაქებს - რა სამუშაოები ჩატარდა ფოთისა და ანაკლიის 24-საათიანი წყალმომარაგების უზრუნველსაყოფად და როდისთვის გახდება ის ხელმისაწვდომი ზუგდიდის მოსახლეობისთვის ჟურნალისტებმა, გაერთიანებული წყალმომარაგების მიერ ორგანიზებული მედიატურის ფარგლებში ჩატარებული სამუშაოები მოინახულეს - რეზი ხუციშვილი დეტალებით
ბრძოლა ქალთა წინააღმდეგ ძალადობის მიმართ - არასამათავრობო ორგანიზაციებსა და ხელისუფლების წარმომადგენლებმა სტამბოლის კონვენციის რატიფიცირების საკითხზე იმსჯელეს. არასამთავრობო სექტორი მიიჩნევს, რომ შესაბამისი საკანონმდებლო ცვლილების მიღება ჭიანურდება და ხელისუფლებას რატიფიცირების დაჩქარება მოსთხოვეს. .ქალთა მიმართ ძალადობის და ოჯახში ძალადობის პრევენციისა და აღკვეთის ერთერთ მექანიზმად არასამთავრობო სექტორმა სწორედ სტამბოლოს კონვენცია მიიჩნიეს და ევროსაბჭოს კონვენციის რატიფიცირების აუცილებლობაზე ისაუბრეს
ქუთაისში, დასავლეთ საქართველოს საოლქო პროკურატურასთან, საკეისრო კვეთის დროს გარდაცვლილი, 23 წლის ლანა მიქაბერიძის ოჯახმა საპროტესტო აქცია გამართა. მიქაბერიძის ოჯახი წევრები ექიმების დასჯას და საქმის დროულ გამოძიებას ითხოვენ. მათი თქმით ექსპერტიზის პასუხი ისევ უცნობია. შემთხვევა ქუთაისში, კლინიკა "ბომონდში" დაახლოებით ერთი თვის წინ მოხდა, 23 წლის ახალგაზრდა საკეისრო კვეთის შედეგად გარდაიცვალა. გარდაცვლილის დედის თქმით, გოგონა საკეისრო კვეთის შემდეგ 3 საათის განმავლობაში უყურადღებოდ იყო, რის შედეგადაც შიდა სისხლდენა განუვითარდა და მომდევნო 4 საათიანი ოპერაცია ვეღარ გადაიტანა. სამედიცინო პერსონალი გამოძიების დასრულებამდე კომენტარს არ აკეთებს
კიდევ ერთი შეხვედრა განათლების საპარლამენტო კომიტეტში - კომიტეტის თავმჯდომარე სამუშაო ფორმატში სტუდენტური თვითმმართველობის წარმომადგენლებსა და აუდიტორია 115-ის წევრებს შეხვდა. პასუხი შეწყვეტს თუ არა აუდიტორია 115 უნივერსიტეტის მეექვსე კორპუსის პიკეტირებას, შეხვედრის შემდეგაც უცნობი დარჩა. აუდიტორია 115-ის ერთერთი მოთხოვნა თვითმმართველობის რეფორმირებაა. მარიამ ჯაში სტუდენტების მოთხოვნების ნაწილს ეთანხმება და არ გამორიცხავს, რომ უმაღლესი განათლების შესახებ კანონში ცვლილებები შევიდეს. თუმცა, ეს ამ სესიის ფარგლებში ვერ მოესწრება. დღესვე თვითმმართველობისა და აუდიტორია 115 ის წარმომადგენლებს განათლების კომიტეტის თავმჯდომარემ 5 პუნქტიანი კითხვარი გადასცა, რომლის გაცნობის შედეგადაც მხარეთა პოზიცია უნდა გამოიკვეთოს. მომდევნო შეხვედრა სავარაუდოდ 2 კვირაში შედგება.
საქართველოში დიდი ბრიტანეთის პარლამენტის საქართველოს საკითხებზე მომუშავე საპარლამენტო ჯგუფის ვიზიტი დაიწყო. ვიზიტის ფარგლებში შეხვედრა უკვე საქართველოს პარლამენტის თავმჯდომარესა და პარლამენტარებთან. შეხვედრებზე სტრატეგიული პარტნიორობის გაღრმავებაზე ისაუბრეს. პარლამენტის თავმჯდომარის თქმით, ქართული მხარის სურვილია დიდ ბრიტანეთთან სტრატეგიული პარტნიორობა კიდევ უფრო გაძლიერდეს. ცოტა ხნის წინ საქართველოს ბრიტანეთის სახელმწიფო მინისტრი სტუმრობდა. აშშ-სა და თურქეთის შემდეგ ბრიტანეთი კიდევ ერთი სტრატეგიული პარტნიორი გახდა
იტალიაში ხუთი დეკემბერი საბანკო კრიზისის, პოლიტიკური გაურკვევლობისა და მემარჯვენე ძალების გააქტიურების ფონზე დაიწყო. რეფერენდუმზე საკუთარი ინიციატივის დამარცხების შემდეგ იტალიის პრემიერმა გადადგომის შესახებ განაცხადა. მოსახლეობის მიერ საკონსტიტუციო ცვლილებებისთვის ნათქვამ უარს პოლიტოლოგები მატეო რენცის მთავრობისთვის უნდობლობის გამოცხადებად აფასებენ. რატომ თქვა უარი მოსახლეობამ საპარლამენტო რეფორმაზე და ვინ ჩაიბარებს იტალიის მმართველობას, ნახეთ ქეთი ჩოხელის რეპორტაჟში.
აჭარის მთავრობის თავმჯდომარე 4 წლის ვადით ზურაბ პატარაძე გახდა. პრეზიდენტის მიერ წარდგენილ ერთადერთ კანდიდატურას მხარი 14-მა დეპუტატმა დაუჭირა. პატარაძე დეპუტატებს და აჭარის მოსახლეობას ბათუმის გენერალური გეგმის შემუშავებას, კურორტ გოდერძის საერთაშორისო ტურისტულ ობიექტად გადაქცევას და გონიოს პოლიგონის ტერიტორიტორიაზე უპრეცენდენტოდ დიდი ოდენობით ინვეტიციების განხორციელებას დაპირდა. პატარაძის 4 წლიანი სამოქმედო გეგმის პრიორიტეტად კი მაღალმთიანი აჭარა და მისი გაზიფიცირება დასახელდა. პატარაძის სამოქმედო გეგმა და გამოწვევები, როგორ ხედავს ოცნების ქალაქის პრობლემის გადაჭრას აჭარის პირველი პირი, დეტალები რეპორტაჟში აჭარიდან.
ღვინისა და ალკოჰოლური სასამელების ექსპორტი 40% -ით გაიზარა. 11 თვის მონაცემებს ღვინის ეროვნული სააგენტო აქვეყნებს. რომელ ქვეყნებშია ქართული ღვინო ყველაზე მოთხოვნადი, რა რაოდენობის ღვინო და ალკოჰოლური სასმელი გავიდა მსოფლიო ბაზრებზე და რა შემოსავლები მიიღო ქვეყანამ, ღვინის მწარმოებელთა შეფასებები და პროგნოზი ნახეთ მაკა ლაშხიას რეპორტაჟში.
12 პროცენტით გაზრდილი ბიზნესსექტორის ბრუნვა - ეს საქსტატის ოფიციალური ინფორმაციაა. მათ მიერ გამოქვეყნებული მონაცემების მიხედვით, ბიზნესსექტორის ყველა კომპონენტში, მათ შორის დასაქმებაში ზრდის მაჩვენებლებია. რის საფუძველზე საუბრობს საქსტატი ეკონომიკის ზრდაზე და როგორი გამოხმაურება მოჰყვა ამ მონაცემებს პოლიტიკოსებისა და ექსპერტების მხრიდან - გენო ოსიყმაშვილი ისაუბრებს პირდაპირ ეთერში
2017 წლის ბიუჯეტის პროექტის განხილვას საკანონმდებლო ორგანოში მიმდინარე კვირიდან დაიწყებენ, თუმცა, ცნობილია, ბიუჯეტის ძირითადი პარამეტრები, რომლის მიხედვითაც, მომავალ წელს მთავრობა 4%-იან ეკონომიკურ ზრდას ელის. 2017 წლის ბიუჯეტის პროექტში გათვალისწინებულია მთავრობის მიერ დაანონსებული გეგმაც, რაც რამდენიმე პროდუქტზე აქციზის ზრდას გულისხმობს. პროექტის მიხედვით, აქციზის ზრდის შედეგად რამდენიმე მილიონით უნდა მოხდეს ბიუჯეტის ზრდა. ასევე იზრდება რამდენიმე სამინისტროს დაფინანსება და როგორც ხელისუფლების წარმომადგენლები აცხადებენ ქვეყნის მთავრ ფინანსურ დოკუმენტში მცირდება ადმინისტრაციული ხარჯი. მთავრობის მიერ წარმოდგენილ პროექტს მხარს არ დაუჭერს ოპოზიცია. უფრო დეტალურად როგორია ქვეყნის მთავარი ფინანსური დოკუმენტის პარამეტრები და რატომ არ დაუჭერს მხარს ბიუჯეტის დამტკიცებას ოპოზიცია თამარ წიკლაური ისაუბრებს პირდაპირ ეთერში
სხვადასხვა პარტიის დაჯარიმებული შემომწირველები და სისხლის სამართლის დანაშაულის სავარაუდო შემთხვევები, რასაც პროკურატურა იძიებს - სახელმწიფო აუდიტის სამსახური საარჩევენო პერიოდში პოლიტიკური პარტიების ფინანსური მონიტორინგის შუალედურ ანგარიშს აქვეყნებს. ლაშა თორდიას უწყების ინფორმაციით, უკანონო შემოწირულობებისთვის დაჯარიმებულია პაატა ბურჭულაძის პარტიიის შვიდი და პატრიოტთა ალიანსი ერთი შემომწირველი. ამომრჩეველთა მოსყიდვის რამდენიმე ფაქტს კი პროკურატურა იძიებს. რა რაოდენობის შემოწირულობები მიიღეს პარტიებმა, რომელ პარტიას ჰყავს ყველაზე მეტი უკანონო შემომწირველი და რას აცხადებენ თავად პოლიტიკური სუბიექტები? ნიკა მუკბანიანი ჩაგვერთვება დეტალებით