ჟურნალისტი თამაზ ქობულაძე, ბათუმში ავტოსაგზაო შემთხვევის შედეგად გარდაიცვალა. ხიმშიაშვილის ქუჩაზე, სამსახურებრივი მოვალეობის შესრულებისას, სამარშრუტო ტაქსი დაეჯახა. შემთხვევა გუშინ მოხდა. 23 წლის თამაზ ქობულაძე „აჭარა ps”-ის, გაზეთ "აჭარისა" და „ტვ12““-ის ჟურნალისტი იყო. გადაცემა 2030 თამაზ ქობულაძის გარდაცვალების გამო მწუხარებას გამოთქვამს და მის ოჯახსა და ახლობლებს უსამძიმრებს. #2030 #GDS #GDSTV #NEWS #ახალიამბები -
#2030 #გიორგიმანჯავიძე
მარნეულში 29 დევნილ ოჯახს ბინები გადაეცა. ახალაშენებულ კორპუსში არსებული ბინების გასაღები მათ დევნილთა და განსახლების მინისტრმა, სოზარ სუბარმა და ქვემო ქართლის გუბერნატორმა პაატა ხიზანაშვილმა გადასცეს. მენაშენეების პროექტის ფარგლებში, სამინისტრომ მარნეულში, რუსთაველის ქუჩაზე ახალაშენებულ კორპუსში 50 ბინა შეისყიდა. ამ ეტაპზე შვიდი ერთ ოთახიანი, 17 ორ ოთახიანი და 5 სამ ოთახიანი ბინა, დევნილ ოჯახებზე, კენჭისყრით განაწილდა. დარჩენილი 21 ბინის მიღების მსურველი დევნილი ოჯახებისთვის კი განაცხადების შევსების დამატებითი ეტაპი გამოცხადდება.
ევროკავშირისა და საქართველოს მთავრობის წარმომადგენლებმა მართლმსაჯულების რეფორმის პრეზენტაცია გამართეს. რეფორმა რამდენიმე მიმართულებას მოიცავს და მისი მიზანი ქართული მართლმსაჯულების ხარისხის, დამოუკიდებლობისა და ეფექტიანობის ზრდაა. დღევანდელ პრეზენტაციაზე გენო ოსიყმაშვილი იმყოფებოდა, რომელიც გვიამბობს თუ რას გულისხმობს პროექტი “მართლმსაჯულების რეფორმა საქართველოში”.
პარლამენტმა სახელმწიფო საკონსტიტუციო კომისიის შექმნის შესახებ დადგენილება დაამტკიცა. პრეზიდენტის გადაწყვეტილებით, მისი არც ერთი წარმომადგენელი, მათ შორის უშიშროების საბჭოს მდივანი, საკონსტიტუციო კომისიის მუშაობაში არ ჩაერთვება. როგორ დაკომპლექტდება კომისია, ვინ იქნებიან წევრები და რას პასუხობს პარლამენტის თავმჯდომარე პრეზიდენტს, დეტალები ნახეთ ლიკა ალელიშვილის რეპორტაჟში
ვიზალიბერალიზაციის გზაზე მთავარი დაბრკოლება გადალახულია. ევროპარლამენტმა ხმათა უმრავლესობით ვიზალიბერალიზაციის შეჩერების მექანიზმის შეთანხმებული რეგულაცია დაამტკიცა. მას შემდეგ, რაც საკანონმდებლო ინიციატივა ევროკავშირის ოფიციალურ ჟურნალში გამოქვეყნდება, ცნობილი გახდება მისი ძალაში შესვლის თარიღიც. ბრიუსელის გადაწყვეტილებით, სწორედ შეჩერების მექანიზმთან ერთად უნდა ამოქმედდეს საქართველოს უვიზო რეჟიმი. კენჭისყრა ევროპარლამენტში და ევროპელი დეპუტატების შეფასებები, ნახეთ ქეთი ჩოხელის რეპორტაჟში.
რუსეთის ბრალდებები საქართველოს მისამართით. ჟენევის მოლაპარაკებების შესახებ რუსეთის საგარეო უწყების მიერ გავრცელებული განცხადების მიხედვით, ქართული დელეგაციის გამო ძალის გამოუყენებლობის შესახებ შეთანხმების მიღწევა ვერ მოხერხდა. თუმცა, ქართული მხარე ამტკიცებს, რომ ჟენევის დისკუსიისას რუსული მხარე დექსტრუქციულ პოზიციას აფიქსირებდა, დევნილთა საკითხის განხილვის დროს კი შეხვედრაც დატოვა. რაში ადანაშაულებს კრემლი თბილისს და რატომ არ მოსწონს ჟენევის დისკუსიის ფორმატში ქართული დელეგაციის პოზიცია გიორგი კობერიძე გიამბობთ.
რუსული აგრესია, საქართველოს ოკუპირებული ტერიტორიები და ქვეყნის ნატოში ინტეგრაციის პერსპექტივა - ეს სტრატეგიული დისკუსიის მთავარი თემაა, რომელიც ეროვნულ უშიშროების საბჭოში განიხილეს. დღევანდელი რუსეთი გაცილებით აგრესიულია, ვიდრე საბჭოთა კავშირი - აცხადებს საქრთველოში სტუმრად მყოფი ლატვიის ექსპრეზიდენტი. პოლიტიკოსები, ექსპერტები და დიპლომატები რეგიონის მთავარ გამოწვევებზე მსჯელობენ და სამოქმედო გეგმაზე მუშაობენ. მიშა ფეიქრიშვილი ადევნებს თვალს მიმდინარე სტრატეგიულ დისკუსიას და პრეზიდენტის ადმინისტრაციიდან ჩაგვერთვება პირდაპირ ეთერში.
ახალი ჰიდროელექტროსადგურის მშენებლობაზე თურქულ კომპანიასთან მიღწეული შეთანხმება, ელექტროენერგიისა და გაზის ტარიფის შესაძლო ზრდა და მოლაპარაკება გაზპრომთან - ენერგეტიკის მინისტრმა დღეს ამ და სხვა საკითხებზე ისაუბრა. რას ითხოვს გაზპრომი ქართული მხარისგან და გადაიხედება თუ არა რუსულ ენერგოგიგანტთან გაფორმებული შეთანხმება - მარიამ სეთურიძე ჩაგვერთვება დეტალებით, მარიამ გისმენთ.
ეროვნული ვალუტის გაუფასურება და პრემიერის განცხადება. გიორგი კვირიკაშვილმა ლარის გაუფასურების მიზეზებზე საუბრისას რეგიონში არსებულ ვითარებაზე ისაუბრა და 2017 წლის ბიუჯეტსაც შეეხო. გიორგი კვირიკაშვილი ოპონენტების კრიტიკასაც გამოეხმაურა. როგორ აპირებს მთავრობა ლარის კურსის დასტაბილურებას – მთავრობის გზავნილებით თამარ წიკლაური განაგრძობს პირდაპირ ეთერში საუბარს.
აჯანყებულების კონტროლის ქვეშ დარჩენილ რამდენიმე რაიონში ორი ათასამდე მებრძოლი იმყოფება. მშვიდობიანი მოსახლეობის ევაკუაციისთვის გამოცხადებული სამშვიდობო რეჟიმი რამდენიმე საათში დაირღვა. ქალაქში მძიმე ტექნიკისა და ავიაციის გამოყენებით საბრძოლო მოქმედებები განახლდა. უფლებადამცველები მშვიდობიანი მოსახლეობის მასობრივ მკვლელობებზე საუბრობენ, ალეპოს ალყაშემორტყმულ რაიონებში დარჩენულები შველას ითხოვენ. უკანასკნელი ბრძოლა ალეპოსთვის - ნახეთ ქეთი ჩოხელის რეპორტაჟში
300-მდე არქეოლოგიური მასალა, რომელიც მცხეთასა და მის შემოგარენში დასახლების არსებობას ჯერ კიდევ ძველი ქვის ხანიდან ადასტურებს. მცხეთის მუზეუმში დაცული ექსპონატები დღეიდან თბილისის სიმონ ჯანაშიას სახელობის ეროვნულ მუზეუმში გამოიფინა. უნიკალური არტეფაქტების გამოფენა კულტურის მინისტრმა და კულტურული მემკვიდრეობის დაცვის ეროვნულის სააგენტოს ხელმძღვანელმა გახსნეს. რა ისტორიული მასალის ნახვას შეძლებს დამთვალიერებელი და როდემდე გაგრძელდება გამოფენა.ნათია ხართიშვილი გიამბობთ .
მანქანების შეძენასა და საწვავის აქციზზე გადასახადების გაზრდა გააპროტესტეს ქუთაისში, პარლამენტის შენობასთან შეკრებილებმა. მძღოლების განცხადებით, აქციზის საფასურის ზრდა საწვავის გაძვირებას გამოიწვევს, განბაჟების ახალი ტარიფები კი ავტომობილების იმპორტს შეამცირებს. აქციის მონაწილეების განცხადებით, დღევანდელი აქცია გამაფრთხილებელ ხასიათს ატარებდა. იმ შემთხვევაში თუ ხელისუფლება მათ მოთხოვნებს არ დააკამყოფილებს, აქციები პერმანენტულ ხასიათს მიიღებს. ქუთაისში შეკრებილ აქციის მონაწილეებს მანქანების კოლონა ბათუმიდანაც შეუერთდა. მძღოლების მოთხოვნებს პარლამენტში გამოეხმაურნენ და განაცხადეს, რომ უახლოეს მომავალში საკითხზე მსჯელობისთვის აქციის მონაწილეებთან შეხვედრა დაიგეგმება.
საქართველოს პარლამენტმა 2017 წლის ბიუჯეტის პროექტი 102 მომხრე, 10 წინააღმდეგით დაამტკიცა. ქვეყნის მთავარი ფინანსური დოკუმენტი დეპუტატებს კიდევ ერთხელ ფინანსთა მინისტრმა გააცნო. წარმოდგენილი ბიუჯეტი ორიენტირებულია შეუქცევად წინსვლასა და განვითარებაზე - ასე აფასებს დიმიტრი ქუმსიშვილი ბიუჯეტს. ფინანსთა მინისტრის განცხადებით, 2017 წლის ბიუჯეტი მნიშვნელოვანია არამხოლოდ მოკლევადიან პერიოდში, არამედ ის არის საფუძელი ქვეყნის განვითარებისთვის. 2017 წლის ბიუჯეტს მხარს არ უჭერს ოპოზიცია, არც ნაციონალური მოძრაობა და არც პატიოტთა ალიანსი. ბიუჯეტის პროექტის განხილვისას მათი მთავარი შენიშვნები და განცხადებები ლარის კურსს შეეხებოდა. ოპოზიციის განცხადებით, 2017 წლის ბიუჯეტი არ არის მიმართული მოსახლეობის სოციალური მდგომარეობის გაუმჯობესებისკენ, რასაც არ ეთანხმება უმრავლესობა. ქართული ოცნების დეპუტატები აცხადებენ, რომ ბიუჯეტი პასუხობს ყველა იმ გამოწვევას, რომლის წინაშეც ქვეყანა დგას.
რელიგიური ორგანიზაციების პასუხი არასამთავრობო სექტორის ნაწილს. რამდენიმე რელიგიური კონფესია შეიკრიბა და განაცხადეს, რომ ბოლო პერიოდში მიზანმიმართულად მიმდინარეობს იმაზე საუბარი, თითქოს რელიგიათა სახელმწიფო სააგენტო მათზე ზეწოლას ახორციელებს. საუბარია “ადამიანის უფლებათა და მონიტორინგის ცენტრისა” და “ქართველ მუსლიმთა კავშირის” მიერ გაკეთებულ განცხადებებზე. რაზე დაყრდნობით საუბრობს “ქართველ მუსლიმთა კავშირის” თავმჯდომარე და ი-ემ-სის წარმომადგენელი ხელისუფლების მხრიდან რელიგიურ ორგანიზაციებზე ზეწოლის ფაქტებზე და როგორია რელიგიური კონფესიების ლიდერების პოზიცია, ნახეთ გენო ოსიყმაშვილისა და სერგი ბარამიძის რეპორტაჟში
მოკლული პაატა ქარდავას ოჯახი ბრალდებულ რომან შამათავასთვის უვადო პატიმრობას ითხოვს. თავდაცვის სამინისტროს ყოფილი თანამშრომელის პაატა ქარდავას და მეტყევე რეინჯერის დავით ცინდელიანის მკვლელობის საქმის განხილვა პროკურორის დასკვნითი სიტყვით გაგრძელდა და პროცესი უკვე დასკვნით ეტაპზე გადავიდა. ბრალდების მხარემ ყურადღება იმ მოწმეების ჩვენებებსა და სატელეფონო ჩანაწერებზე გაამახვილა, რომელიც პროკურორის განმარტებით კუდის ყოფილი მაღალჩინოსნის რომან შამათავას ბრალეულობას ამტკიცებს. ბრალდების ინფორმაციით, ცინდელიანს და ქარდავას ჯაშუშობის აღიარებას აიძულებდნენ, ისინი კატერით ზღვაში გაიყვანეს და შამათავამ მათ მიმართ გასროლა განახორციელა, შემდეგ კი ზღვაში ჩაძირეს. დაცვის მხარე ამ ეტაპზე კომენტარს არ აკეთებს, სხდომებს არ ესწრება ბრალდებული.
პაატა ბურჭულაძე პოლიტიკური სცენიდან ისევ საოპერო სფეროს უბრუნდება. 8 თვიანი მოღვაწეობის შემდეგ, მსოფლიო ბანი მის მიერვე შექმნილ პარტიას ტოვებს. პირველი პარტიული ყრილობისგან განსხვავებით დღევანდელმა ყრილობამ, სადაც პაატა ბურჭულაძის გადაწყვეტილება გახდა ცნობილი, მედიასაშუალებებისა და სატელევიზიო კამერების გარეშე ჩაიარა. მოკრძალებული ყრილობისა და პოლიტიკიდან უკომენტაროდ წასული პაატა ბურჭულაძის გადაწყვეტილების შესახებ, ანა ბროლაძე, ჯაბა ჩიტიძე დეტალებით.
ნაციონალური მოძრაობის წევრი გივი თარგამაძე თბილისის პროკურატურაში მისი აფეთქების საქმის დეტალებს დაზარალებულის სტატუსით გაეცნო, თარგამაძე პროკურატარაში 3 საათზე მეტხანს იმყოფებდა და როგორც გამოსვლის შემდეგ განაცხადა, საქმის მასალების ნახევარს შემდეგ ვიზიტზე გაეცნობა. თარგამაძე საქმის გადაკვალიფიცირებას და მისთვის ტერორისტული აქტის სტატუსი მინიჭებას მოითხოვს. თარგამაძის საქმეს პარლამენტის თავმჯდომარე გამოეხმაურა. თარგამაძის ავტომობილი 4 ოქტომბერს კოლმეურნეობის მოედანზე ააფეთქეს, საქმეზე უკვე დაკავებულია ერთი პირი ბორის ჩაგუნავა, მეორე კი ვინც გამოძიების ვერსიით, ასაფეთქებელი თარგამაძის მანქანაზე დაამონტაჟა, დავით ხეჩუაშვილი მიმალვაშია და მასზე ძებნაა გამოცხადებული
100 000 - ით შემცირებული დაფინანსება და 20-მდე უხელფასოდ დარჩენილი პარტიის წევრი. ნაციონალურმა მოძრაობამ ხელფასის გარეშე კობა ხაბაზი და პარტის იურისტი გიორგი ონიანი დატოვა. გადაწყვეტილებამ შიდა პარტიული დაპირისპირების ახალი ტალღა გამოწვია. ჩიორა თაქთაქიშვილი პარტიულ შემიცირებას სოციალური ქსელით გამოეხმაურა და მომხდარში გიგა ბოკერია დაადანაშაულა. რა განცხადებებს აკეთებენ უხელფასოდ დარჩენილი პარტიის წევრები და მიიღო თუ არა გადაწყვეტილება გიგა ბოკერიას გუნდმა პარტიის წევრების განსხვავებული პოზიციის გამო? ნიკა მუკბანიანი გიამბობთ
ევროპარლამენტმა და ევროკავშირის საბჭომ მიაღწიეს შეთანხმებას, რომლის მიხედვითაც, საქართველოს მოქალაქეებს შენგენის ზონაში უვიზოდ მოგზაურობის უფლება ექნებათ - ევროპარლამენტის ოფიციალურ ვებგვერდზე საქართველოს შესახებ განცხადება გამოქვეყნდა. ევროპარლამენტის მომხსენებლი ვიზალიბერალიზაციის საკითხზე მარია გაბრიელი აცხადებს, რომ საქართველოს მოქალაქეებისთვის სავიზო რეჟიმის გაუქმება ფინალურ ფაზაზე გადავიდა. ევროპარლამენტის მიერ გავრცელებულ განცხადებას საქართველოს პრემიერ-მინისტრი, საგარეო საქმეთა სამინისტრო და დეპუტატები გამოეხმაურნენ. გიორგი კვირიკაშვილს დიპლომატიური მისიის ხელმძღვანელებმა უკვე მიულოცეს სავიზო რეჟიმის გაუქმების ფინალურ ფაზაზე გადასვლა. ლიკა ალელიშვილი გიამბობთ
ამერიკის შეერთებული შტატების ახალი ადმინისტრაციის საკვანძო თანამდებობაზე კანდიდატის ვინაობა ცნობილია. დონალდ ტამპის პრეზიდენტობისას სახელმწიფო მდივნის თანამდებობას ნავთობკორპორაციის “ექსონ მობილის” ხელმძღვანელი რექს ტილერსონი დაიკავებს. ტილერსონი, რომელიც ცნობილია როგორც “პუტინის მეგობარი, “ფორბსის” 2015 წლის მსოფლიოს ყველაზე გავლენიანი ადამიანები რეიტინგში 25-ე ადგილს იკავებდა. ქეთი ჩოხელი დეტალებით
კომპანია, რომელიც საქართველოს ცე ჰეპატიტის სამკურნალო მედიკამენტებით უზრუნველყოს, საქართველოში დოკუმენტურ ფილმს იღებს. ამერიკული კომპანია გილაედის წარმომადგენელი თბილისში ჟურნალისტებთან ერთად იმყოფება და ცე ჰეპატიტი პროგრამის მიმდინარეობასთან დაკავშირებით შევხედრებს მართავს. პროექტის მიზანი საქართველოს მაგალითზე ფილმის გადაღება და ქართული გამოცდილების სხვა ქვეყნებისთვის გაზიარებაა. რამდენი ადამიანი სარგებლობს ცე ჰეპატიტის ელიმინაციის პროგრამით და რას ყვებიან უკვე განკურნებული პაცინეტები? ნიკა მუკბანიანი, გოჩა მერაბიშვილი დეტალებით
კომპანია ცენტრპოინტ აჭარას ყოფილი ხელმძღვანელის ირაკლი მინდელის აღიარებითი ჩვენება. აღკვეთის ღონისძიების სახით პატიმრობიდან გათავისუფლების შემდეგ ბრალდებულმა განაცხადა, რომ მან პასუხისმგებლობის ის ნაწილი აღიარა, რომელიც მას ეხებოდა, თუმცა, თანხის მიღებას და გაფლანგვას არ აღიარებს. საქმის პროკურორი დავით გუმბერიძე კი ამბობს, რომ მინდელმა სრულად აღიარა ბრალი და მაია და გურამ რჩეულიშვილების წინააღმდეგ მამხილებელი ჩვენებაც მისცა. რაც შეეხება საქმეზე ბრალდებულ მაია რჩეულიშვილს, რომლის ჯანმრთელობის მდგომარეობის გაუარესებაზე, მისი ადვოკატისა და მეუღლის მხრიდან განცხადება გაკეთდა, სასჯელაღსრულების სამინისტროს ცნობით, ის გადაყვანილა კერძო კლინიკაში და მისი ჯანმრთელობის მდგომარეობა სტაბილურია.
ე.წ. ნავთლუღის სპეცოპერაციის საქმეზე მოსამართლე განაჩენს მომავალ კვირას გამოაცხადებს. საქმეზე განზრახ მკვლელობის და უფლებამოსილების გადამეტების მუხლებით ბრალდებული არიან კუდის ყოფილი მაღალჩინოსნები, დათა ახალაია და გია დგებუაძე, იგივე მასტერა. პროცესი დღეს მხარეების დასკვნითი სიტყვით გაგრძელდა. პროკურორმა ისაუბრა საქმეში არსებულ მტკიცებულებებსა და მოწმეთა ჩვენებებზე, რომლებიც, ბრალდების მხარის მტკიცებით, ადასტურებს, რომ დგებუაძემ და ახალაიამ სპეცოპერაციისას საკონტროლო გასროლები განახორციელიეს. პროკურატურის მტკიცებითვე, ლიკვიდირებულ ახალგაზრდებს იარაღი არ ჰქონიათ. ბრალდებულ ახალაიას ადვოკატმა კი განაცხადა, რომ პროკურატურას ცრუ მოწმეები ჰყავს და მათ მიერ წარდგენილ მტკიცებულებებს უნდობლობას უცხადებს. სასამართლოს მომდევნო სხდომაზე დასკვნით სიტყვას იტყვიან ბრალდებული გია დგებუაძე და მისი ადვოკატი, მოსამართლემ შესაძლოა ამავე სხდომაზე გამოაცხადოს გადაწყვეტილება.
რა ფორმატს სთავაზობს გიორგი მარგველაშვილი საზოგადოებას საკონსტიტუციო ცვლილებების განხილვასთან დაკავშირებით - პრეზიდენტის ადმინისტრაციაში განმარტეს, რომ შესაბამისი საკონსტიტუციო პროექტის მომზადების შემდეგ საყოველთაო-სახალხო განხილვებში მოქალაქეთა მაქსიმალურ ჩართულობას უზრუნველყოფენ. რას პასუხობს პრეზიდენტის ინიციატივას პარლამენტი, რა პოზიცია აქვთ უმრავლესობის წევრებს და როგორია კონსტიტუციონალისტების პოზიცია, საჭიროა თუ არა პრეზიდენტის მიერ ორგანიზებული საერთო-საყოველთაო განხილვა მაშინ, როდესაც პარლამენტში შექმნილი სახელმწიფო-საკონსტიტუციო კომისია სახალხო განხილვებს ისედაც ითვალისწინებს. ანა ბროლაძე გვიერთდება პირდაპირ ეთერში
პატრიოტთა ალიანსისა და ნაციონალური მოძრაობის შემდეგ ფინანსთა მინისტრს საპარლამენტო უმრავლესობის შეკითხვებზე მოუხდა პასუხის გაცემა. უმრავლესობა 2017 წლის ბიუჯეტს მხარს უჭერს, ხოლო თუ რა კითხვები ჰქონდათ ვიცეპრემიერთან და რა პასუხი მიიღეს ლარის გაუფასურების თემაზე - ირაკლი აკობია ჩაგვერთვება საკანონმდებლო ორგანოდან პირდაპირ ეთერში
ლარის გაუფასურება, მოქალაქეების ეკონომიკური მდგომარეობა - ეს ის საკითხებია, რომელზეც პასუხის გაცემა ფინანსთა მინისტრს მთელი დღის განმავლობაში უხდებოდა. საპარლამენტო ოპოზიციასთან რამდენიმე საათიანი შეხვედრებისას დიმიტრი ქუმსიშვილმა თქვა, რომ ყველაზე დიდი გამოწვევა ეკონომიკის დოლარზე დამოკიდებულებაა და მისი შემცირებისთვის ხელისუფლება ყველაფერს გააკეთებს. უფრო კონკრეტულად რა შეკითხვები ჰქონდა ოპოზიციას ფინანსთა მინისტრთან თამარ წიკლაური გიამბობთ
დავით სერგეენკო გრიპის სეზონურ ვირუსთან დაკავშირებით თბილისის საოჯახო კლინიკების ხელმძღვანელებს შეხვდა. დღეიდან 112 და კლინიკები ახალი პროტოკოლით იხელმძღვანელებენ. თემის დეტალებით გენო ოსიყმაშვილი ჩაგვერთვება პირდაპირ ეთერში
გრიპის ვირუსით დაავადებულთა რიცხვი იზრდება, საპასუხოდ კი ჯანდაცვის სამინისტრო კომპლექსურ ღონისძიებებს იწყებს. ვირუსის გავრცელებისა და ეპიდემიოლოგიური ვითარების გამო მინისტრმა, ვირუსის პრევენციისთვის, საგანგებო ბრიფინგზე მოსახლეობას რეკომენდაციებით მიმართა. სასწავლო დაწესებულებებში ვირუსის მქონე ბავშვების რაოდენობას საგანგაშოდ არ მიიჩნევენ და განმარტავენ, რომ სეზონური ვირუსისას დასწრების ანალოგიური მაჩვენებელია. რა ვირუსი ცირკულირებს საქართველოში და მოსალოდნელია თუ არა გარკვეულ სასწავლო დაწესებულებებში პროცესის შეწყვეტა...მარიამ სეთურიძე და ლიკა ალელიშვილი გიამბობთ.
ნარიყალას ციხე ხარაჩოებშია. თბილისის “დედა ციხის” კონსერვაცია-რეაბილიტაციის სამუშაოები დაიწყო. პროექტი რამდენიმე ეტაპიანია. პირველ რიგში კი ციხე-სიმაგრის აღმოსავლეთ კედლის გამაგრებითი სამუშაოები მიმდინარეობს. პროექტის მიხედვით, ნარიყალას სრული რეაბილიტაცია რამდენიმე წელს მოიცავს და კონსერვაციასთან ერთად გარკვეული წერტილების აღდგენა-რესტავრაციასაც გულისხმობს. მოეწყობა სადრენაჟო სისტემა და ტურისტებისთვის ინფრასტრუქტურაც. კიდევ რას ითვალისწინებს ნარაიყალას ციხის რეაბილიტაცია - ნახეთ გენო ოსიყმაშვილისა და არჩილ ვაჟიკაშვილის რეპორტაჟში.
15 დეკემბრიდან 9 იანვრამდე პირადობის მოწმობა უფასოდ, ბიომეტრული პასპორტი კი 50%-იანი ფასდაკლებით გაიცემა - განცხადება იუსტიციის მინისტრმა თეა წულუკიანმა გააკეთა და მოსახლეობას საახალწლო აქციის ფარგლებში დოკუმენტების მოწესრიგებისკენ მოუწოდა. იუსტიციის სამინისტროს ინფორმაციით, აქციის განმავლობაში იუსტიციის სახლები გაძლიერებულ რეჟიმში იმუშავებენ. მომსახურების მიღება მოქალაქეებს თბილისის, ქუთაისისა და ბათუმის იუსტიციის სახლებში ყოველდღე შაბათ-კვირის ჩათვლით შეეძლებათ.
სტიქია იმერეთში. რამდენიმე დღიანმა წვიმამ პრობლემა შეუქმნა იმერეთის რამდენიმე მუნიციპალიტეტს. დაიტბორა საცხოვრებელი სახლები - მოსახლეობა დამხარებას ითხოვს. რა მდგომარეობაა იმერეთში და რას გეგმავს ადგილობრივი ხელისუფლება ნახეთ რეპორტაჟში.
თანამედროვე ტექნოლოგიებით აღჭურვილი ქვესადგურის, „მარნეული 500“-ის მშენებლობა დასრულებულია, ოფიციალურ ცერემონიას პრემიერმინისტრსა და ენერგეტიკის მინისტრთან ერთად საქართველოში თურქეთის ელჩი და აზიის განვითარების ბანკის წარმომადგენელიც დაესწრო. ახალი ქვესადგური “რეგიონალური ელექტროგადაცემის გაუმჯობესების პროექტის” ფარგლებში აშენდა. ამავე პროექტის ფარგლებში უკვე დასრულდა 220 კილოვატიანი ქვესადგური ხორგა, რეაბილიტაცია ჩაუტარდა ქვესადგურ ქსანსა და მენჯს. პროექტი აზიის განვითარების ბანკის ფინანსური მხარდაჭერით განხორციელდა და მისმა ღირებულებამ 50 მილიონი დოლარი შეადგინა. პრემიერმინისტრის შეფასებით, ქვესადგურ "მარნეული 500" საქართველოს ენერგოდამოუკიდებლობისკენ გადადგმული კიდევ ერთი ნაბიჯია.
თბილისის მომავალი წლის ბიუჯეტი 801 მილიონ 302 ათასი ლარი იქნება, მერიამ საკრებულოს ფინანსური დოკუმენტის ჩასწორებული ვარიანტი გადაუგზავნა. ბიუჯეტის ახალი პროექტით, ადმინისტრაციული ხარჯი 22 მილიონი ლარით მცირდება. საკრებულოს კომისიებში დოკუმენტის განხილვა ხვალიდან დაიწყება, რის შემდეგაც ბიუჯეტს კენჭს უყრიან. რა შენიშვნები აქვს ოპოზიციას და რას პასუხობს საკრებულოს უმრავლესობა უმცირესობის ბრალდებებს? ნიკა მუკბანიანი, გოჩა მერაბიშვილი დეტალებით.
პურპროდუქტებზე რეგულაციების კონტროლი მკაცრდება, სურსათის ეროვნული სააგენტო პროდუქციის ეტიკეტირების წესის დაცვაზე სახელმწიფო კონტროლის გამკაცრებას იწყებს. რას ითვალისწინებს არსებული რეგულაცია და რა მონაცემები უნდა იყოს მითითებული ეტიკეტზე, როგორ აფასებენ კონტროლის გამკაცრებას მწარმოებელი კომპანიები და როგორია საზოგადოების პოზიცია ნახეთ მაკა ლაშხიას რეპორტაჟი
მიუძღვის თუ არა რუსეთს როლი აშშ-ის საპრეზიდენტო არჩევნებში დონალდ ტრამპის გამარჯვებაში? ეს ამერიკის შეერთებულ შტატებში ერთ-ერთი მთავარი შეკითხვაა. ცენტრალური სადაზვერვო სამსახურის მიერ გამოქვეყნებული ანგარიშის შემდეგ, ამერიკელი სენატორების ჯგუფმა წინასაარჩევნო კამპანიისას განხორციელებული კიბერთავდასხმების გამოძიება მოითხოვა. დონალდ ტრამპისთვის კი ინფორმაცია, თითქოს კრემლი გამარჯვებაში დაეხმარა, სასაცილოა. თემის დეტალები ქეთი ჩოხელის რეპორტაჟში.
დავით ცინდელიანისა და პაატა ქარდავას მკვლელობის საქმეზე მორიგი სასამართლო სხდომა გაიმართა. სასამართლო პროცესზე დაცვის მხარის ბოლო მოწმე დაიკითხა. დღესვე ბრალდებულ რომან შამათავას დაკითხვაც იგეგმებოდა, თუმცა, შამათავა პროცესზე არ გამოცხადდა და სასამართლოს ოფიციალური განცხადებით მიმართა, რომლის მიხედვითაც მის მიმართ წაყენებული ბრალი უსაფუძვლოა, რადგან წერილის მიხედვით, დავით ცინდელიანისა და პაატა ქარდავას მკვლელობის დროს, ერთ შემთხვევაში გალში იმყოფებოდა, მეორე შემთხვევაში თბილისში, ბიძის დაკრძალვაზე. შემდეგი სასამართლო სხდომა საქმესთან დაკავშირებით 14 დეკემბერს გაიმართება, სადაც პროკურატურა დასკვნით სიტყვას წარმოთქვამს. აფხაზეთის ავტონომიური რესპუბლიკის კუდის ყოფილ უფროსს რომან შამათავას პროკურატურა ხაიშის სატყეო მეურნეობის რეინჯერის დავით ცინდელიანისა და სამხედრო კონტრდაზვერვის თანამშრომლის პაატა ქარდავასთვის უკანონოდ თავისუფლების აღკვეთასა და დამამძიმებელ გარემოებაში მათ განზრახ მკვლელობას ედავება.
საქალაქო სასამართლოში 7 ნოემბრის საქმეზე სასამართლო განხილვა გრძელდება. პროცესზე აქციის დარბევისას დაშავებულები დაკითხეს. სასამართლოს ჩვენება მისცა სახალხო დამცველის აპარატის იმჟამინდელმა თანამშრომელმაც, რომელმაც ვასილ მაღლაფერიძის წერილზე ისაუბრა. წერილი ოთხ ნოემბერს შინაგან საქმეთა იმდროინდელი მინისტრის ვანო მერაბიშვილის მიერ ჩატარებულ თათბირს ეხება, სადაც საუბარი აქციის დაშლის საკითხზე იყო. მოწმის განცხადებით, მცხეთა-მთიანეთის მაშინდელი გუბერნატორის წერილი ითარგმნა და საერთაშორსიო ორგანიზაციებს გადაეგზავნათ. მომდევნო პროცესი იანვარში გაიმართება. საქმეზე ბრალი სააკაშვილს, მერაბიშვილს, ადეიშვილს, კეზერაშვილსა და უგულავას აქვთ წარდგენილი.
ნდობის ჯგუფის დაკომპლექტებას პარლამენტი სავარაუდოდ, მომავალ კვირაში მოახერხებს. თავდაცვის კომიტეტის თავმჯდომარე წევრობის კანდიდატთა წარდგენას დროულად მოითხოვს, რათა ჯგუფმა მუშაობის დაწყება წლის ბოლომდე შეძლოს. ნდობის ჯგუფი აღმასრულებელი ხელისუფლების ორგანოების სპეციალური პროგრამებისა და საიდუმლო საქმიანობის საბიუჯეტო კონტროლის მიზნით იქმნება. საკითხის სენსიტიურობისგან გამომდინარე, პოლიტკური სპექტრი და მესამე სექტორი თანხმდება, რომ ჯგუფში საზოგადოების მაღალი ნდობის მქონე პიროვნებები უნდა შევიდნენ და შერჩევის პროცესმაც კითხვის ნიშნები არ უნდა დატოვოს. ვის ექნება წვდომა საიდუმლო ინფორმაციაზე, ვინ შეიძლება გახდეს პარლამენტის ნდობის ჯგუფის წევრი - მიშა ფეიქრიშვილი ისაუბრებს