მდგრადი განვითარების 17 მიზანი გაერთიანებული ერების ორგანიზაციამ 2015 წელს დაამტკიცა და მისი შესრულების ვალდებულება გაეროს წევრმა ყველა სახელმწიფომ აიღო. დღის წესრიგის მიზანია უზრუნველყოს მსოფლიოს ქვეყნების მდგრადი განვითარება 5 ძირითადი მიმართულებით: ადამიანები, პლანეტა, კეთილდღეობა, მშვიდობა და თანამშრომლობა. 2023 წელს გაეროს გენერალურმა მდივანმა მსოფლიოში მიზნების შესრულების პროგრესი შეაჯამა, სადაც აღინიშნა, რომ დასახული ამოცანების მხოლოდ 15 % არის შესრულებული. გაერთიანებული ერების ორგანიზაციის მიერ შარშან გამოქვეყნებულ ანგარიშში საქართველოს პროგრესიც არის წარმოდგენილი. 166 ქვეყანას შორის, ჩვენი ქვეყანა 42-ე ადგილზე არის მდგრადი განვითარების მიზნების შესრულებით. ამასთან, 2024 წელი, ჩვენთვის განსაკუთრებით მნიშვნელოვანია, რადგან ივლისის თვეში, საქართველოს მდგრადი განვითარების მიზნების შესულების პერიოდული ანგარიშის წარდგენა უწევს გაეროში. აღნიშნულ პროცესს „ნებაყოფლობითი ეროვნული მიმოხილვა“ ეწოდება და 4 წელიწადში ერთხელ იმართება. სახელმწიფოს პროგრესის შეფასებასთან ერთად, მნიშვნელოვანია შევაფასოთ კომპანიების წვლილი მიზნების შესრულებაში. სწორედ ამ მიზნით, 2023 წელს, გაეროს გლობალური შეთანხმების საქართველოს ქსელმა EY საქართველოსთან თანამშრომლობით კვლევა განახორციელა და შეაფასა ბიზნეს სექტორის აქტივობა 17 მიზნის მიმართულებით. რა შედეგები გამოავლინა კვლევამ, როგორ არის ჩართული ბიზნესი ჩვენი ქვეყნის სოციალურ, გარემოსდაცვით და ეკონომიკურ განვითარებაში? ინტერვიუერი: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი; სტუმარი: ნინო ესაკია - EY საქართველოს საჯარო და სახელმწიფო სექტორის პრაქტიკის ხელმძღვანელი; #ახალიამბები #BusinessMediaGeorgia
ევროპაში თანასწორობის, ეკონომიკური გაძლიერებისა და უსაფრთხოების გამყარების მიზნით დაფუძნებულ ორგანიზაციაში თავდაპირველად ექვსი ევროპული სახელმწიფო გაერთიანდა. მათი თანამშრომლობისა და ინტეგრაციის პოზიტიურმა შედეგებმა, დროთა განმავლობაში, სხვა ევროპულ ქვეყნებსაც სურვილი გაუჩინა თავადაც შეერთებოდნენ თანამეგობრობას. შედეგად, ევროკავშირში, მისი ისტორიის მანძილზე შვიდი გაფართოების ტალღის შედეგად, დღეს, 27 ევროპული სახელმწიფოა გაერთიანებული. ამ გაფართოებებს შორის გამორჩეული 2004 წელია, როდესაც გაერთიანებას ყველაზე მეტი - 10 წევრი შეემატა. რა გავლენა მოახდინა ამ ქვეყნების ეკონომიაზე ევროკავშირის წევრობამ და როგორია 20 წლიანი შედეგები რიცხვებში? #ახალიამბები #BusinessMediaGeorgia
ევრონიუსის წყაროზე დაყრდნობით თავი მოვუყარეთ გასული კვირის განმავლობაში მსოფლიო საფონდო ბირჟებზე არსებულ მდგომარეობას - სად იყო ვარდნა და ზრდა, რამ განაპირობა მკვეთრი ცვლილებები და რომელი სექტორები გამოირჩეოდნენ განსაკუთრებული აქტივობით? #ახალიამბები #BusinessMediaGeorgia
რას წერს საერთაშორისო მედია საქართველოსა და "რუსულ კანონზე"? თიკო ნატმელაძე - #BMG-ის რეპორტიორი; #ახალიამბები #BusinessMediaGeorgia
მსოფლიოს მასშტაბით ათობით ოფშორული ტერიტორიაა, რომელი ქვეყნები მიიჩნევა ოფშორული კომპანიებისთვის ყველაზე მიმზიდველად და რა შეღავათიანი პირობებით სარგებლობენ ოფშორული კომპანიების მფლობელები ასეთ ტერიტორიებზე? #ახალიამბები #BusinessMediaGeorgia
#საქმიანიდილა - 28 მაისი - პროლოგი #ახალიამბები #BusinessMediaGeorgia
პარლამენტმა “რუსულ კანონზე” პრეზიდენტის VETO-ს კენჭი უნდა უყაროს #ახალიამბები #BusinessMediaGeorgia
საქართველოში ინფორმაციული და საკომუნიკაციო ტექნოლოგიების (ICT) სექტორი 2022 წლიდან სწრაფად იზრდება, ძირითადად კი ის თავის მომსახურებას საზღვარგარეთ ყიდის. 2023 წელს ექსპორტმა დაახლოებით 892 მილიონი დოლარი შეადგინა- ინფორმაცია ამის შესახებ Galt & Traggart–მა გაავრცელა. IT სექტორის ბრუნვა 2023 წელს დაახლოებით 2,4 მილიარდ ლარამდე გაიზარდა, რაც უმეტესად სწორედ ექსპორტის სერვისებით იყო განპირობებული. ექსპორტის ყველაზე დიდი ნაწილი (26%) გავიდა აშშ-ში, შემდეგ მოდის დიდი ბრიტანეთი (15%) და მალტა (11%). ზრდის მიზეზი, როგორც არაერთხელ გვისაუბრია 2020 წელს საგადასახადო შეღავათებიც გახდა, მაგრამ განსაკუთრებული ზრდა 2022 წელს დაიწყო, როდესაც საერთაშორისო კომპანიებმა და IT ექსპერტებმა საქართველოში გადმოსვლა დაიწყეს. სხვა რამ, რაც ამ ზრდას უწყობს ხელს, არის ინტერნეტის დაბალი ხარჯები და ასევე სხვა პოპულარულ ადგილებთან შედარებით ცხოვრების დაბალი ხარჯები. სექტორი გასულ წელს დაახლოებით 30 200 ადამიანს ასაქმებდა, საშუალო ხელფასი ამ სფეროში დაახლოებით 6 940 ლარია, რაც 2021 წლიდან გაორმაგებული მაჩვენებელია. დღეისთვის დაახლოებით 24 117 კომპანიაა რეგისტრირებული, მათგან 72 დიდი ან საშუალო ზომისაა. სხვა კომპანიების უმეტესობა უცხოელი პირები არიან, რომლებიც მარტო მუშაობენ. რა ტენდენციებია 2024 წლის 5 თვის მონაცემებზე დაყრდნობით? სტუმარი: ირაკლი ქაშიბაძე - Future Lab-ის დამფუძნებელი; #ახალიამბები #BusinessMediaGeorgia
ისტორიაში პირველად, ჩინეთმა საქართველოს გავლით ავტოტრანსპორტით ტვირთის ევროპის მიმართულებით გადაზიდვა დაიწყო. ყაზახეთის ხელისუფლების ცნობით, სრულდება პირველი საცდელი ავტოგადაზიდვა ჩინეთი-ყაზახეთი-აზერბაიჯანი-საქართველოს მარშრუტით. ყაზახეთ-ჩინეთის საავტომობილო ტრანსპორტის კომისიის სხდომის ფარგლებში, პირველი სამი ჩინური სატვირთო მანქანა, რომელიც 80 ტონას იწონის, ჩინეთის ქალაქ ურუმჩიდან გაემგზავრა, გაიარა სატრანზიტო მარშრუტზე და მიმდინარე წლის 23 მაისს ავიდა ბორანზე ქალაქ აქტაუს კურიკის პორტში. სატვირთო ავტომობილები გააგრძელებენ მოძრაობას ჩინეთი-ყაზახეთი-აზერბაიჯანი-საქართველოს მარშრუტზე. ყაზახეთის მთავრობაში აცხადებენ, რომ დღეს ასობით მილიონი ტონა ტვირთი ჩინეთიდან დასავლეთის ქვეყნებს მიეწოდება საზღვაო გზით 52 დღეში, ტვირთის უფრო მცირე მოცულობა მიდის რკინიგზით – 22 დღემდე, ხოლო საავტომობილო ტრანსპორტს შეუძლია შეამციროს ეს დრო 12 დღემდე ტვირთის „კარდაკარ“ მიწოდებით შუალედური დატვირთვა/გადმოტვირთვის გარეშე. გარდა ამისამ ყაზახეთის მთავრობის ინფორმაციით, ყაზახეთის და ჩინეთის სატრანსპორტო დეპარტამენტებმა განიხილეს ნებართვების ფორმების დამატებითი გაცვლის საკითხები 2024 და 2025 წლებში. ნებართვის ფორმების რაოდენობა 2024 წლისთვის იყო 120 000 ერთეული. მომავალ წელს იგეგმება ამ პროცესის დიგიტალიზაცია და ელექტრონულ სანებართვო ფორმებზე გადასვლა. მხარეები შეთანხმდნენ, რომ სანებართვო ფორმები გაიცემა შეუზღუდავი რაოდენობით. რა ეფექტი ექნება ჩინური სატვირთოების მიერ ევროპაში ტვირთის საქართველოს გავლით გადაზიდვას? სტუმარი: პაატა ცაგარეიშვილი - “სატრანსპორტო დერეფნის კვლევის ცენტრის” დირექტორი; #ახალიამბები #BusinessMediaGeorgia
ამერიკის შეერთებული შტატების სახელმწიფო მდივნის, ენტონი ბლინკენის 23 მაისის განცხადებით ცნობილი გახდა, რომ აშშ-მა სავიზო სანქციების რეჟიმი დააწესა ხელისუფლებისა და მმართველი პარტიის წარმომადგენლების, ასევე მათი ოჯახის წევრებისთვის. სანქციები უკავშირდება ხელისუფლების მიერ საქართველოს ევროატლანტიკური გზიდან გადახვევას, დემოკრატიის ძირის გამოთხრას, რუსული კანონის მიღებას, მშვიდობიანი პროტესტის ძალადობრივ ჩახშობას და მოქალაქეთა დაშინების კამპანიას. სახელმწიფო დეპარტამენტის განმარტებით, მათი სია, ვისაც სავიზო შეზღუდვები დაუწესდა საჯარო არ იქნება. სახელმწიფო მდივნის, ენტონი ბლინკენის განცხადების თანახმად, საქართველოს ხელისუფლების მიერ ანტიევროპული და ანტიამერიკული საგარეო პოლიტიკური კურსის დაჭერიდან, ასევე აგენტების კანონის მიღებიდან გამომდინარე, აშშ გეგმავს ძირეულად გადახედოს და ხელახლა შეაფასოს საქართველოსთან ორმხრივი თანამშრომლობის მიმართულებით არსებული პოლიტიკა. რას ნიშნავს საქართველოსთან მიმართებაში აშშ-ის მიერ წარმოდგენილი სავიზო სანქციები, გამოაცხადებს თუ არა დასავლეთი დამატებით შეზღუდვებს ქვეყანაში მიმდინარე პროცესებზე პასუხისმგებელ პირებზე და რა გავლენა აქვს მიმდინარე მოვლენებს საინვესტიციო გარემოზე? სტუმარი: რომან გოცირიძე - დეპუტატი #ახალიამბები #BusinessMediaGeorgia
საქართველოში ფერმერები სექტემბრისთვის კაკლისა და ნუშის მოსავლის აღებას დაიწყებენ, მანამდე კი სამზადისი მიმდინარეობს, რათა ისინი 2024 წლის მოსავალს უფრო მეტად მომზადებულები დახვდნენ. ინდუსტრია მზარდ ნიშნულზეა და წლევანდელი კაკლისა და ნუშის მოცულობაც ამის დასტური იქნება. ფერმერთა ხელშეწყობის პროცესში აქტიურად არის ჩართული ნუშის და კაკლის მწარმოებელთა ასოციაცია. მხარდაჭერის ნაწილია ღონისძიება, რომელსაც ასოციაციამ ფერმერებისთვის პარასკევს უმასპინძლა. ნუშის და კაკლის მწარმოებელთა ასოციაციამ ,,სასოფლო სამეურნეო ტექნოლოგიების და ტექნიკაზე ხელმისაწვდომობის’’ პროექტის ფარგლებში ნუშისა და კაკლის მოსავლის ამღები ტექნიკის და შხამ ქიმიკატების გამოფენა მოაწყო. გამოფენა მცხეთაში, სოფელ ნიჩბისის ნუშის ბაღში გაიმართა. როგორ ჩაიარა გამოფენამ და რა მნიშვნელობის არის ფერმერებისთვის ტექნიკაზე ხელმისაწვდომობა? #ახალიამბები #BusinessMediaGeorgia
#ავიაციისსიახლეები: ✈️ I კვარტალში საქართველოს აეროპორტებიდან 5 900 სამგზავრო რეისი შესრულდა; ✈️ ზაფხულში საქართველოსა და ევროპის ქვეყნებს შორის 2 500-მდე ავიარეისი შესრულდება; ✈️ ივნის-ოქტომბერში საქართველო-რუსეთს შორის 1 761 რეისი შესრულდება; ✈️ Somon Air-მა თბილისის აეროპორტში პირველი რეგულარულ რეისი შეასრულა; ✈️ Georgian Wings-ი ევროპის ჩემპიონატისთვის 14 ჩარტერულ ფრენას შეასრულებს ✈️ #Ryanair-ის წლიური მოგება 34%-ით გაიზარდა გასული კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ახალიამბები #BusinessMediaGeorgia
სკოლამდელი აღზრდის დაწესებულების თანამშრომლებს და დირექტორებს, თბილისის მერიამ ფულადი ჯილდო, 100 ლარი ჩაურიცხა. შესაბამისი განკარგულება გამოცემულია და მას ოპოზიციონერი პოლიტიკოსი ირაკლი აბესაძე ავრცელებს. როგორც მან Bm.ge-სთან განაცხადა, ეს ინფორმაცია თბილისის მერიიდან თავად გამოითხოვა. განკარგულება მიმდინარე წლის 25 აპრილით თარიღდება და ხელს დედაქალაქის მერი კახა კალაძე აწერს. ირაკლი აბესაძის მოსაზრებით, აღნიშნული თანხა ამომრჩევლის მოსყიდვის მიზნით გაიცა. გარდა ამისა, კვლევის მიხედვით, საქართველოში ყველა 10 დასაქმებულიდან 5 საბიუჯეტო სამსახურის თანამშრომელია. კვლევაში ხაზგასმულია, რომ მუნიციპალიტეტებმა, ბოლო 5 წლის განმავლობაში, მნიშვნელოვნად გაზარდეს საშტატო რიცხოვნობა ისე, რომ არ არის განმარტებული და დასაბუთებული დასაქმებულთა რაოდენობების ზრდის მიზეზი და აუცილებლობა. სტუმარი: ირაკლი აბესაძე - ააიპ "სამოქალაქო მონაწილეობის ცენტრი #ახალიამბები #BusinessMediaGeorgia
გლობალური სამუშაო ძალის თანამედროვე ტენდენციებით, მნიშვნელოვნად გადაიხედა ის მეთოდები, რომელთაც სამუშაო ადგილზე კადრის შესარჩევად იყენებენ და პროცესში აქტიურად ჩაერთო ხელოვნური ინტელექტი. შედეგად, შეიქმნა არაერთი სტარტაპი, რომელთა მიზანს HR-პროცესების ოპტიმიზება წარმოადგენს. ნახევარი წლის წინ ასეთი სტარტაპი საქართველოშიც შეიქმნა - Helio.AI რეკრუტინგის ინოვაციური სისტემაა, რომელიც კომპანიებს საუკეთესო კანდიდატების სწრაფად შერჩევაში ეხმარება. მიუხედავად მოკლე ისტორიისა, Helio.AI-ის სერვისებს უკვე 50-ზე მეტი კომპანია იყენებს და ასევე განსაკუთრებით გამოსარჩევია, Helio.AI მონაწილეობს საქართველოს ბანკის და ჯიტას პარტნიორობით შექმნილი რეგიონული სააქსელერაციო პროგრამაში 500 Global in Eurasia. სტუმარი: ნინი მოსიაშვილი - Helio.AI-ის თანადამფუძნებელი და საოპერაციო დირექტორი; #ახალიამბები #BusinessMediaGeorgia
Microsoft-ისა და LinkedIn-ის ახალი კვლევის მიხედვით, დასაქმებულების 75% AI-ს სამუშაო ადგილზე იყენებს. უფროსი თაობის 53% კი ხელოვნურ ინტელექტს და მის გამოყენებას სწავლობს. გამოკითხულთა თითქმის ნახევარმა აღიარა, რომ შეშფოთებულია, რადგან ხელოვნური ინტელექტი მათ სამუშაო ადგილებს საფრთხეს უქმნის. Microsoft Copilot-ის გენერალური მენეჯერი და Microsoft WorkLab-ის თანადამფუძნებელი კოლეტ სტალბაუმერი კი დაინტერესებულ პირებს სწავლისკენ მოუწოდებს. მისი თქმით, ხელოვნური ინტელექტი არა მათ ჩასანაცვლებლად, არამედ მათი სამუშაო დავალებების გასამარტივებლად უფრო გამოიყენება. მიღმა ამისა, AI-ის გლობალურად ხელმისაწვდომობის კვალდაკვალ, ექსპერტებმა რამდენიმე ისეთი პროფესია გამოყვეს, რომლებიც 2040 წლისთვის ყველაზე მოთხოვნადი იქნება. #ახალიამბები #BusinessMediaGeorgia
ამერიკის შეერთებული შტატები გადახედავს საქართველოსთან არსებულ ორმხრივ ურთიერთობებს - ამის შესახებ ნათქვამია ენტონი ბლინკენის განცხადებაში, რომელსაც სახელმწიფო დეპარტამენტი აქვეყნებს. ამავე განცხადების თანახმად, აშშ-მა დააწესა სანქციების რეჟიმი საქართველოში დემოკრატიის გაუარესებისა და რუსული კანონის მიღებასთან დაკავშირებით. განცხადების თანახმად, სანქციები განისაზღვრება აღნიშნულისთვის პასუხისმგებელი პირებისა და მათი ოჯახების წინააღმდეგ, თუმცა სანქცირებულ პირთა სია ჯერჯერობით გამოქვეყნებული არაა და როგორც უკვე ცნობილია მისი გასაჯაროება არც მოხდება. რას ნიშნავს შეერთებულ შტატებთან, საქართველოს ერთ-ერთ მთავარ პარტნიორ ქვეყანასთან, ურთიერთობის გადახედვა და რას უნდა ველოდოთ? სტუმარი: დავით სიხარულიძე - საქართველოს ყოფილი ელჩი აშშ-ში; #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს:
გორში კომერციული უძრავი ქონების დეველოპერულმა კომპანიამ ,,ემპი დეველოპმენტმა“ საქართველოს მასშტაბით რიგით მე-13 მოლი საზეიმოდ გახსნა. შიდა ქართლის რეგიონში მრავალფუნქციური ობიექტი, პირველი საერთაშორისო სტანდარტების სავაჭრო ცენტრია, რომელიც ბიზნესს უნიკალურ შანსს აძლევს აითვისოს რეგიონის შესაძლებლობები და უკვე გორშიც წარმოადგინოს თავისი ბრენდები. #ახალიამბები #BusinessMediaGeorgia
კომპანია "ბორუსან კატმა" კიდევ ერთი ფილიალი დასავლეთ საქართველოში, კერძოდ თერჯოლაში გახსნა. ღონისძიების ფარგლებში ბორუსან კატისა და კატერპილარის წარმომადგენლებმა მომხმარებლებს ახალი ტექნოლოგია და პროდუქცია გააცნეს და მათ შესახებ დეტალური ინფორმაცია მიაწოდეს. შეგახსენებთ, რომ ბორუსან კატი 1997 წლიდან საქართველოში „კატერპილარის“ ოფიციალური დილერია და მას შემდეგ მთელი ქვეყნის მასშტაბით, მომხმარებელს "ესიემისა" და ამერიკული ბრენდის კატერპილარის საგზაო-სამშენებლო ტექნიკას, ენერგო სისტემებსა და გაყიდვების შემდგომ მომსახურებას სთავაზობს. #ახალიამბები #BusinessMediaGeorgia
#საქმიანიდილა - 27 მაისი - პროლოგი #ახალიამბები #BusinessMediaGeorgia
საერთაშორისო მულტინაციონალური ფარმაცევტული კომპანია GM Pharma ევროკავშირის ბაზარზე შესასვლელად ემზადება. კომპანიას უწყვეტი განვითარების ამ უმნიშვნელოვანეს ეტაპზე პარტნიორობას წამყვანი ბრიტანული საკონსულტაციო სააგენტო Woodley BioReg უწევს. Woodley BioReg - გლობალური საკონსულტაციო კომპანიაა, რომელიც სპეციალიზირებულია ფარმაცევტული, ბიოტექნოლოგიური და სამედიცინო მოწყობილობების მარეგულირებელი საკითხების მიმართულებით. Woodley BioReg-ი GM Pharma-ს ევროკავშირის კარგი საწარმოო პრაქტიკის სერტიფიკატის მიღებისათვის მზადების პროცესში საკონსულტაციო მომსახურებას გაუწევს, ხოლო აღნიშნული აღიარება GM Pharma-ს ევროკავშირის ფარმაცევტულ ბაზარზე წვდომის საშუალებას მისცემს. სწორედ ამ მიზნით, Woodley BioReg -ის ოფიციალური წარმომადგენლები GM Pharma-ს ერთი კვირით სტუმრობენ. სპეციალისტების მიერ კომპანიაში ტრენინგები ინტენსიურად მიმდინარეობს, რითაც GM Pharmaსტრატეგიულ მიზანს ყოველდღიურად უახლოვდება.კერძოდ, ტრენინგი მოიცავს სესიებს, ვორქშოფებს, მაგალითებს და რეალურ, პრაქტიკულ დაკვირვებებს. შესაბამისი ინტერაქტიული მიდგომა უზრუნველყოფს ევროკავშირის მარეგულირებელი მოთხოვნების საფუძვლიან ცოდნას რაც, თავის მხრივ, ხელს შეუწყობს უმაღლეს საერთაშორისო სტანდარტებთან GM Pharma-სოპერაციების შესაბამისობას. ეს სტრატეგიული პარტნიორობა კიდევ ერთხელ ხაზს უსვამს GM Pharma-ს მისწრაფებას მუდმივ სრულყოფისა და ინოვაციებისადმი და კიდევ უფრო აძლიერებს კომპანიის, როგორც საქართველოს და კავკასიის რეგიონის ფარმაცევტულ ინდუსტრიის ლიდერის, იმიჯს. #ახალიამბები #BusinessMediaGeorgia
გამჭვირვალობა საქართველომ მთავრობის ადმინისტრაციის უფროსის მოადგილის – ილია შამუგიას დეკლარაციაში დარღვევები აღმოაჩინა და ანტიკორუფციულ ბიუროს და მთავრობის ადმინისტრაციას მოუწოდა დარღვევები გაასწოროს და კანონის შესაბამისად იმოქმედოს. სტუმარი: სანდრო ქევხიშვილი, "საერთაშორისო გამჭვირვალობა - საქართველოს", ანტიკორუფციული პროგრამის მენეჯერი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
სანქციები ქართულ ოცნებას და ოჯახის წევრებს სტუმარი: გიგა ბედინეიშვილი - ფინანსისტი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ინვესტიციებს გაურკვევლობა არ უყვართ - “ინვესტიციის დროა” - მარიამ ქოიავასთან ერთად
BMG & Jeep Georgia წარმოგიდგენთ #BMGDRIVE-ს: „250 გადამზადების კურსი, $13 მლნ რესურსი - „დამსაქმებლები პროფესიული განათლებისთვის“" „მესტიაში სათავგადასავლო ტურიზმის სკოლა იქმნება“; „მომზადებულ და გადამზადებულ ადამიანებს შორის დასაქმების მაჩვენებელი 70% აჭარბებს“; #BMGDrive-ის მგზავრი: ნელი რევაზიშვილი - USAID-ის პროგრამა „დამსაქმებლები პროფესიული განათლებისთვის“ რეგიონებში პროფესიული განათლების ხელმისაწვდომობის კომპონენტის ხელმძღვანელი; ავტორები: ბექა ბაციკაძე, გიორგი ორჯონიკიძე; #ახალიამბები #BusinessMediaGeorgia
თიბისი სარესტორნო ბიზნესში ანგარიშის გადახდის პროცესს ამარტივებს. QR-ით ანგარიშის გადახდა, კარგად აპრობირებული მეთოდია უცხოეთში, საქართველოში კი თიბისი არის პირველი, ვინც ჰორეკა სექტორში ჩართულ ბიზნესს ამ სერვისით სარგებლობას სთავაზობს. როგორ მუშაობს ინოვაცია? სტუმარი: მაკო გოგია - "თიბისის" გადახდების განვითარების ლიგის ლიდერი; #ახალიამბები #BusinessMediaGeorgia
გაუქმებული და გადავადებული ჯავშნები - რა ხდება სასტუმრო ინდუსტრიაში? #ახალიამბები #BusinessMediaGeorgia
25 მაისი ფარისებრი ჯირკვლის მსოფლიო დღეა; ფარისებრი ჯირკვლის დაავადებები ენდოკრინულ დაავადებებს შორის მეორე ადგილზეა გავრცელების მიხედვით, შაქრიანი დიაბეტის შემდეგ. ფარისებრი ჯირკვლის სხვადასხვა დაავადება საზოგადოებაში ჩიყვის სახელით არის ცნობილი. ფარისებრი ჯირკვლის მსოფლიო დღის აღნიშვნის მიზანი კი დაავადებების შესახებ ცნობიერების ამაღლება. საქართველოსთვის ფარისებრი ჯირკვლის დაავადებები ისტორიულად ითვლებოდა სამხარეო პათოლოგიად. დღეს ვისაუბრებთ როგორია ფარისებრი ჯირკვლის დაავადებების გავრცელება საქართველოში, რა სიმპტომებით ვლინდება და რას გვთავაზობს კლინიკა ენმედიცი ამ მიმართულებით და რა შეთავაზება აქვს კონკრეტულად ამ დღესთან დაკავშირებით? სტუმარი: თამარ კუპრეიშვილი - "ენმედიცის" ენდოკრინოლოგი, მედიცინის დოქტორი; #ახალიამბები #BusinessMediaGeorgia
კომპანია "კერხერმა" ექსპო ჯორჯიაში სამშენებლო სექტორს უმასპინძლა. „კერხერის“ ორგანიზებით სამშენებლო სექტორთან შეხვედრა პირველად შედგა გამოფენაზე "კერხერის" გუნდმა სტუმრებს 50-მდე ტექნიკა წარუდგინა, რომელიც სამშენებლო კომპანიებს მუშაობის პროცესს გაუმარტივებს. სპეციალურად მოწყობილ სივრცეებში "კერხერის" წარმომადგენლებმა დაინტერესებულ პირებს ტექნიკის პრაქტიკაში გამოცდის შესაძლებლობაც მისცეს. "კერხერი" მეორე წელია სხვადასხვა ტიპის ბიზნესისთვის, მათ შორის მეღვინეობებისთვის, ჰორეკა სექტორისთვის შეხვედრებს აორგანიზებს. შემდეგი ასეთი ღონისძიება უკვე ბათუმის სამშენებლო და სტუმართ-მასპინძლობის სექტორისთვის არის დაგეგმილი. #ახალიამბები #BusinessMediaGeorgia
"ტრანსპორტერ ბაიკერს კლუბი" კომპანია "ტრანსპორტერის" ინიციატივით შეიქმნა, რომელიც საყვარელი საქმის სპორტად, ცხოვრების ჯანსაღ და უსაფრთხო წესად ქცევას ისახავს მიზნად. კლუბის ჩამოყალიბების დღიდანვე გეგმები გაწერილია და საქართველოში 2024 წელს 5 მასშტაბური ღონისძიება გაიმართება. პირველი და მასშტაბური შეჯიბრი 2 ივნისს არის დაგეგმილი და მონაწილეობისთვის რეგისტრაცია დაწყებულია. ვისაც სურს, მოტო სპორტში თავი გამოცადოს, რეგისტრაციის დრო 1 ივნისამდეა. #ახალიამბები #BusinessMediaGeorgia
"გრინვეი აკადემიამ", რომელმაც "გრინვეისა" და USAID-ის თანამშრომლობის ფარგლებში სტარტი რამდენიმე თვის წინ აიღო, შუალედური შედეგები უკვე შეაჯამა. საპილოტე ტრენინგების პირველი კურსიც დაასრულა და რამდენიმე ათეულ გადამზადებულ ინსპექტორს სერტიფიკატებიც გადაეცა. #ახალიამბები #BusinessMediaGeorgia
კავკასიის უნივერსიტეტი NISPAcee-ის 2024 წლის რიგით 32-ე, ყოველწლიურ კონფერენციას მასპინძლობს. ღონისძიების სახელწოდებაა "საჯარო ადმინისტრირება პოსტ-კონფლიქტურ რეკონსტრუქციაში", რომელიც ცენტრალური და დასავლეთ ევროპის ქვეყნებიდან საქართველოში ჩამოსულ ასეულობით პროფესორსა და მეცნიერს აერთიანებს და მისი მთავარი მიზანი სახელმწიფოს შენების საუკეთესო პრაქტიკების გაზიარება და თანამედროვე მიდგომების დანერგვაა. #ახალიამბები #BusinessMediaGeorgia
სომხეთის პრემიერი ეკლესიის ფინანსურ გამჭვირვალობას ითხოვს; სომხეთში არაგეგმიური საგადასახადო შემოწმებები დაიწყება; #ახალიამბები #BusinessMediaGeorgia
აშშ-მ ხელისუფლებასა და მათი ოჯახების წევრებს სანქციები დაუწესა; ბლინკენის განცხადება სანქციების დაწესებაზე და საქართველოსთან პოლიტიკის გადახედვაზე; #ახალიამბები #BusinessMediaGeorgia
რესტორანი „ჩვენი“ საქართველოს ფარგლებს გარეთ გადის. მისი დამფუძნებელი, შეფ მზარეული გურამ ბაღდოშვილი ქვეყნის გარეთ პირველი ფილიალის გახსნას პორტუგალიის დედაქალაქში გეგმავს. BM.GE-სთან საუბრისას გურამ ბაღდოშვილი ამბობს, რომ „ჩვენი ლისაბონი“-ს გახსნა მიმდინარე წლის სექტემბერ-ოქტომბრისთვის სურთ და ამისთვის ქალაქის გულში შესაფერისი ფართი უკვე ნაყიდი აქვთ. რესტორნის გახსნის საინვესტიციო ღირებულება 300 000 ევროა. ამასთან სულ ცოტა ხნის წინ თბილისში, კოსტავას ქუჩაზე გასტრობარი „დაირა“ გაიხსნა. სტუმარმასპინძლობის ახალი ობიექტი 200-მდე მწარმოებლის ღვინის საცავს და სარესტორნო სივრცეს აერთიანებს. სტუმარი: გურამ ბაღდოშვილი - შეფ-მზარეული; #ახალიამბები #BusinessMediaGeorgia
მსოფლიო ბედნიერების ანგარიში გამოქვეყნდა, რომელიც იმ ქვეყნების რეიტინგს წარმოადგენს, სადაც ხანდაზმულ და ახალგაზრდა მოსახლეობას შორის ბედნიერების ინდექსი ყველაზე განსხვავებულია. ანუ, იმ ქვეყნებს, სადაც ხანდაზმულები უფრო ბედნიერები არიან, ვიდრე ახალგაზრდები. ეს რეიტინგი სხვადასხვა კრიტერიუმების მიხედვით დგინდება და ყველა ქვეყნის შემთხვევაში ინდივიდუალურია, ძირითად შემთხვევაში ეკონომიკურ ფაქტორებსა და საცხოვრებელი გარემოს კეთილდღეობას ეყრდნობა. #ახალიამბები #BusinessMediaGeorgia
ჩინეთი საქართველოში ჩინური მანქანების ბაზრობის გახსნას გეგმავს. როგორც ჩინეთის რესპუბლიკის ელჩმა საქართველოში ჭოუ ციენმა რამდენიმე დღის წინ განაცხადა, ჩინური მანქანების ბაზრობა, სავარაუდოდ, ქუთაისში უკვე მიმდინარე წლიდან გაიხსნება. საქართველოს ავტო იმპორტიორთა ასოციაციაში კი აცხადებენ, რომ ქვეყანა ჰაბის ფუნქციას კარგავ, ერთ-ერთი მიზეზი კი შესაძლოა ჩინური ავტომობილების ბაზრობაც გახდეს. მათი თქმით, უცხოელ იმპორტიორებს ავტომობილები ქვეყნიდან დაყოვნების გარეშე გაჰყავთ, ქვეყანა ტრანსფერის ფუნქციას კარგავს, სადაც იმპორტირებული ავტომობილების მომსახურება და შემდეგ რეექსპორტი ხდებოდა. სექტორი მთავრობასთან შეხვედრას და საკითხის საკანონმდებლო დონეზე დარეგულირებას მოითხოვს. სტუმარი: ალექსი ნონიაძე - "ავტოიმპორტიორთა ასოციაციის" ხელმძღვანელი; #ახალიამბები #BusinessMediaGeorgia
საქართველოს ეროვნული ბანკის მონეტარული პოლიტიკის კომიტეტმა განაკვეთი 0.25 პპ-ით, 8.0%-მდე შეამცირა. ეროვნული ბანკის მიერ გამოქვეყნებულ პრესრელიზში ნათქვამია, რომ რეფინანსირების განაკვეთის შემცირების საფუძველი შექმნა ინფლაციის შემცირებულმა მაჩვენებელმა, რომელიც სამიზნე 3%-იან დონეზე დაბალია. თუმცა, ამასთან სები აღნიშნავს, რომ უკანასკნელ პერიოდში გაზრდილია გაურკვევლობა როგორც საგარეო ფაქტორების, ასევე შიდა ფაქტორებთან მიმართებით, აღნიშნულიდან გამომდინარე კი ეროვნული ბანკი რეფინანსირების განაკვეთის შემცირებას მხოლოდ ფრთხილი ნაბიჯებით გააგრძელებს. რამდენად გონივრულია არსებული შიდა და გეოპოლიტიკური ვითარებიდან მომდინარე განაკვეთის შემცირება? სტუმარი: რამაზ გერლიანი - „ეკონომიკური ტრანსფორმაციის ცენტრის“ დამფუძნებელი; #ახალიამბები #BusinessMediaGeorgia
ევროკავშირის ქვეყნები დივერსიფიცირებული ეკონომიკით გამოირჩევიან. დივერსიფიცირებულია ის პროდუქტებიც რომელთა ექსპორტსაც ევროკავშირი მსოფლიოს მასშტაბით ახორციელებს. მაგალითად გერმანიის ეკონომიკის ერთ-ერთი მსხვილი შემოსავალი ავტომობილების საერთაშორისო ბაზრებზე რეალიზაციაა, მაშინ, როცა ნიდერლანდები ნავთობის ექსპორტზეა დამოკიდებული. ჯამში ყოველწლიურად ევროკავშირი 6 ტრილიონ დოლარზე მეტი ღირებულები პროდუქტის ექსპორტს ახორციელებს. რომელი ქვეყნები ლიდერობენ ექსპორტის მიმართულებით? #ახალიამბები #BusinessMediaGeorgia
„რუსული კანონის“ გამო, ევროკავშირის რამდენიმე ქვეყანა საქართველოს წინააღმდეგ სანქციების დაწესებას, მათ შორის უვიზო მიმოსვლის შეჩერებას ითხოვს. ამის შესახებ სტატია Financial Times-მა გამოაქვეყნა. გამოცემის წყაროს ინფორმაციით, ესტონეთი, ნიდერლანდები, ჩეხეთი და შვედეთი იმ ქვეყნებს შორის არიან, რომლებიც მომავალ კვირას, ევროკავშირის საგარეო საქმეთა მინისტრების შეხვედრაზე შემაკავებელი ზომების განხილვის ინიციატორები იქნებიან. Financial Times-ს ორმა ადამიანმა უთხრა, რომ ზომები მოიცავს საქართველოს მოქალაქეებისთვის ევროკავშირში უვიზო მიმოსვლის გაუქმებას, მიზანმიმართულ სანქციებს და ევროკავშირის სახსრების გაყინვას. საკითხთან დაკავშირებული ოფიციალური პირების ინფორმაციით, ევროპული დედაქალაქები განიხილავენ „საქართველოს მთავრობაზე ზეწოლის განსხვავებულ ზომებს“. სტატიაში აღნიშნულია, რომ კანონის მიღებას წინ უძღოდა არაერთი გაფრთხილება ბრიუსელიდან, რომ კანონის ამოქმედება მნიშვნელოვანი უკუსვლა იქნება ევროკავშირში გაწევრიანების გზაზე. პროცესს ახლავს საქართველოს მოქალაქეების პროტესტი. ამასთან, აშშ-ს კონგრესის წევრებმა მოუწოდეს ბაიდენის ადმინისტრაციას სანქციების მომზადებისკენ. „ევროკავშირი, სავარაუდოდ, ვაშინგტონზე ნელა იმოქმედებს, რადგან ზოგიერთი ქვეყანა შიშობს, რომ უვიზო მიმოსვლის შეჩერებამ შეიძლება უკუშედეგი მოიტანოს, ვინაიდან ბოლო კვირების განმავლობაში, ათიათასობით ქართველი ევროკავშირის დროშებით გამოვიდა ქუჩებში კანონის გასაპროტესტებლად“, - წერს Financial Times-ი. სტუმარი: კორნელი კაკაჩია - „საქართველოს პოლიტიკის ინსტიტუტის“ დირექტორი; #ახალიამბები #BusinessMediaGeorgia
საქართველოში ელექტროენერგიის მოხმარება აპრილში წლიურად 4,1%-ით შემცირდა და 995 გვტ.სთ შეადგინა. მოხმარება საცალო სექტორში 2,4%-ით, ხოლო მსხვილი მომხმარებლების შემთხვევაში 4%-ით გაიზარდა. რაც შეეხება აფხაზეთის მოხმარებას, წლიურად 26.7%-ით არის შემცირებული. ელექტროენერგიის წლიური მოხმარების 4%-იანი შემცირება, აფხაზეთის ავტონომიური რესპუბლიკის მიერ ელექტროენერგიის მოხმარების მკვეთრი კლებითაა განპირობებული“, - ასე განმარტავენ „თიბისი კაპიტალში“ ელექტროენერგიის მოხმარების შემცირების ფაქტორებს. სტუმარი: ლევან მებონია - შპს „ენგურჰესის“ დირექტორთა საბჭოს თავმჯდომარე #ახალიამბები #BusinessMediaGeorgia
თბილისში, საბურთალოზე, ახალი კლინიკა - ჟორდანიას სამედიცინო ცენტრი გაიხსნა. მულტიპროფილური სამედიცინო დაწესებულება, 100 საწოლითაა წარმოდგენილი, რაც ნიშნავს, რომ ჯანდაცვის სექტორისთვის მნიშვნელოვანი ახალი სტრატეგიული ობიექტი იქნება, კლინიკის ადგილმდებარეობა კი, მის გეოგრაფიულ ხელმისაწვდომობას უზრუნველყოფს. ი.ჟორდანიას სახელობის სამედიცინო ცენტრი „ვივო მედიქალ ჯგუფის“ ახალი წარმატებული პროექტია, რომლის დაგეგმარება და აღჭურვა ავტორიტეტული საერთაშორისო ორგანიზაციის მიერ განხორციელდა. აქვე მცირედ ისტორიასაც შევახსენებ ჩვენს მაყურებლებს, ჟორდანიას ბრენდს ჯანმრთელობის სფეროში განვითარების 66-წლიანი ისტორია აქვს - წარმატებული კლინიკის ისტორია იოსებ ჟორდანიას სახელს უკავშირდება. მასზე საუბარი გასული საუკუნის 60-იან წლებში დაიწყო როგორც ადამიანზე, რომელიც უამრავ ადამიანს უანგაროდ ეხმარებოდა და დღემდე გრძელდება, როგორც მოწინავე კლინიკის ფუძემდებელზე. ჟორდანიას კლინიკა საქართველოში ერთ-ერთი პირველი სპეციალიზებული გინეკოლოგიური კლინიკაა, რომელიც დღემდე არ კარგავს მოწინავე პოზიციას ამ მიმართულებით. დღეს ის ქალისა და მამაკაცის რეპროდუქციული მედიცინისა და გინეკოლოგიის მიმართულებით სპეციალიზებული სამედიცინო ცენტრია, რომლის ისტორიაც 1958 წლიდან იწყება. კლინიკის არსებობის განმავლობაში სისტემატურად ინერგებოდა დიაგნოსტიკისა და მკურნალობის თანამედროვე მეთოდები, 2016 წლიდან კი, ი. ჟორდანიას სახელობის ინსტიტუტის VIVO Medical Group- ში გაერთიანების შემდეგ, კლინიკა სრულად განახლდა და ახალი შემადგენლობით დაიწყო ფუნქციონირება. სტუმარი: გიორგი ყიფიანი - "ვივო მედიქალ ჯგუფის" ხელმძღვანელი #ახალიამბები #BusinessMediaGeorgia
მოქალაქე, მოხალისე - ნანა დიხამინჯია ნანა დიხამინჯია - ტექნოლოგიური ინჟინერი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
ბიოდიზელის წარმოება საქართველოში და EU-ში ექსპორტი - #საუბრები ბიზნესსა და ევროკავშირზე ინტერვიუერი: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი; სტუმრები: მურმან პატარაია - "ბიოდიზელ ჯორჯიას" მმართველი პარტნიორი; კახა ქარჩხაძე - "ბიოდიზელ ჯორჯიას" სამეცნიერო კონსულტანტი, ილიაუნის პროფესორი; #ახალიამბები #BusinessMediaGeorgia
ნებისმიერ კრიზისს, როგორც წესი მომხმარებელთა ქცევის ცვლილება მოჰყვება, ადამიანები არააუცილებელი ხარჯების შემცირებას იწყებენ, რაც თავის მხრივ კომპანიების შემოსავლების შემცირებას განაპირობებს და ბიზნესს ხარჯების ოპტიმიზაციისკენ უბიძგებს. რუსული კანონის მიღებით ქვეყანაში შექმნილი პოლიტიკური კრიზისი სამომხმარებლო ბაზარზე ნეგატიურად უკვე აისახა და მეტიც, სტატუს კვოს შენარჩუნების შემთხვევაში, ბიზნესი კიდევ უფრო უარესი სცენარისთვის ემზადება. რა გავლენას მოახდენს კრიზისის დროს, მომხმარებელთა შეცვლილი ქცევა ქართულ ბიზნესსა და ეკონომიკაზე? #ახალიამბები #BusinessMediaGeorgia
საერთაშორისო ვაჭრობის ევოლუციით, გლობალიზაციის შედეგებით და ტექნოლოგიების პროგრესით, გლობალური ვაჭრობა ბოლო 20 წლის განმავლობაში დაახლოებით 300%-ით გაიზარდა. გასულ წელს კი, გლობალური ექსპორტის ღირებულებამ 25 ტრილიონ დოლარს მიაღწია. მსოფლიოს უმსხვილესი ეკონომიკის მქონე ქვეყნებისთვის, რომელია დღეს მთავარი საექსპორტო საქონელი? #ახალიამბები #BusinessMediaGeorgia
#საქმიანიდილა - 23 მაისი - პროლოგი #ახალიამბები #BusinessMediaGeorgia
უცხოური გავლენების გამჭვირვალობის შესახებ“ მესამე მოსმენით კანონის მიღების გამო ბოლო კვირების განმავლობაში მიმდინარე მოვლენები არაერთ სექტორს და ბიზნესს შეეხო. სხვადასხვა სექტორის წარმომადგენლები BMG-ისთან მოლოდინებს და პროგნოზებს აკეთებენ. სასტუმრო ბიზნესსაც არასახარბიელო ვითარება აქვს, ჯავშნები უქმდება. ვიზიტორები მცირდება და ამას იწვევს პროცესები, რომელსაც ყოველდღიურად, ვისმენთ, ვხედავთ და შესაძლოა, ვყნოსავდეთ კიდეც. როგორია დინამიკა ევროპულ ჯავშნებზე? სტუმარი: ქეთი ამირბარი - კომპანია "ამირბარის" დამფუძნებელი, ბიზნეს-კონსულტანტი; #ახალიამბები #BusinessMediaGeorgia
შრომის ბაზარზე ვაკანსიების რაოდენობა იზრდება. PMCG კვლევითი ცენტრის დასაქმების თრექერის მიხედვით, 2023 წლის სექტემბრიდან 2024 წლის თებერვლამდე jobs.ge-ზე 41 526 ვაკანსია გამოქვეყნდა, რაც 3.4%-ით გაზრდილი მაჩვენებელია 2022- 2023 წლების ანალოგიურ პერიოდთან შედარებით. ვაკანსიების ზრდა ფიქსირდება ისეთ სფეროებში როგორებიცაა: ადმინისტრაცია, მენეჯმენტი, ფინანსები და სტატისტიკა. გაყიდვების, შესყიდვების კატეგორიაში კი 5.7%-იანი კლება შეინიშნება. ვაკანსიების ზრდასთან ერთად, შემცირდა იმ ადამიანების რაოდენობაც, რომლებიც 0-დან 600 ლარამდე თვიურ ხელფასს იღებდნენ. თუმცა, ამ დადებითი ტენდენციების მიუხედავად, PMC-ის კვლევის თანახმად, პოსტ-პანდემიურ პერიოდში შრომის ბაზრის ეფექტიანობა პანდემიამდელს ჩამორჩება და ქვეყანაში უმუშევრობის დონე კვლავ მაღალი რჩება. პარალელურად, ბიზნესი კადრების მწვავე დეფიციტზე საუბრობს. რა ტენდენციები იკვეთება და როგორი მოლოდინებია შრომის ბაზარზე? #ახალიამბები #BusinessMediaGeorgia